Kriistina Zamir, arxiv şəkli

Azərbaycanlı qız Rusiya kinematoqrafını fəth edir: ətrafı da kişilərlə doludur - FOTO

103
(Yenilənib 01:29 31.08.2020)
Model və aktrisa Kristina Zamir çəkiliş meydançalarında xeyli rusiyalı ulduzla tanış olub. Onun çəkildiyi filmlərin yaxınlarda premyerası olacaq

Kəmalə Əliyeva, Sputnik Azərbaycan

Təzəlikcə koronavirus pandemiyası səbəbindən Dubaydan Moskvaya köçməsinə rəğmən, azərbaycanlı model və aktrisa Kristina Zamir qısa müddət ərzində Rusiya kinematoqrafında məşhurlaşıb. Oynadığı rollar epizodik olsa da, çəkildiyi layihələr reytinqlidir. Bütün bunlar haqda Kristina Sputnik Azərbaycan-a danışıb.

© Photo : Courtesy of Kristina Zamir
Azərbaycanlı model Kristina Zamir

- Kristina, Rusiya kinematoqrafına necə düşdünüz? Sizi kimsə tövsiyə elədi?

- Mən Rusiya kinematoqrafına Azərbaycan və ərəb kino aləminə düşdüyüm qaydada gəlmişəm. Məni hər zaman ancaq bir adam irəli çəkir, tövsiyə edir – o da özüməm. Bütün nailiyyətlərim yalnız öz zəhmətimdir.

- Hansı filmlərdə çəkilməyə macal tapmısınız?

- Ay yarım ərzində kifayət qədər çox oldu. “Caydaqlar”, “Fitnes”, “Cadu” seriallarında, “Bir dəfə Rusiyada” yumoristik verilişində, “Pulları qaytarın”, “Atalıq testi” verilişlərində, “Prinsipsizlər” filmində çəkilmişəm. Bundan başqa, “Rossiya 1” telekanalında yeni komediya şousunda iştirak etmişəm, orada “Leninqrad” qrupunun solisti Sergey Şnurovun bek-vokalisti rolunu oynamışam. Çox havalı və maraqlı idi. Tezliklə iştirak etdiyim bir çox film və verilişin premyerası olacaq.

© Photo : Courtesy of Kristina Zamir
Azərbaycanlı model Kristina Zamir

Bundan başqa, Moskva teatrında səhnələşdiriləcək “Bədbəxtlər” əsərində əsas rolun sınaqlarına qatıldım. Rolu almağı çox istəyirdim, təəssüf ki, olmadı. Hətta sınağa qatılmaq da asan iş deyildi, ona görə heç olmasa buna nail olduğuma görə sevinirəm.

Prestij bir tədbirin aparıcısı da olmuşam – tanınmış rusiyalı şoumen Roman Oqnevlə birlikdə “Uğur -2020” mükafatının təqdimetmə mərasiminin aparıcılığını etdik. Biz “İlin ən yaxşı” rəssamı nominasiyasında Nikos Safronova, “İlin ən yaxşı artisti” nominasiyasında Anatoli Rudnenkoya və digər uğurlu insanlara mükafatlarını təqdim etdik. 

- Azərbaycan və Rusiya filmlərinin çəkiliş meydançalarında fərq çox böyükdürmü?

- Rusiyada çəkiliş meydançalarında işləməkdən həzz alıram. Bir çox maraqlı insanlarla tanış oldum. Fərq həddən artıq çoxdur, çünki səviyyə başqadır. Heç kimin xətrinə dəymək istəmirəm, amma mən Bakıda seriala çəkilmişəm, ona görə əminliklə deyə bilərəm ki, Azərbaycan və Rusiya filmlərinin çəkiliş prosesi bir-birindən xeyli fərqlənir. Ancaq bu bütün çəkilişlərə aid deyil. Hər şey rejissorun, operatorun işindən asılıdır.

© Photo : Courtesy of Kristina Zamir
Azərbaycanlı model Kristina Zamir

- Tanınmış rusiyalı aktyor və aktrisalarla işləmək çətindir? Sizə yuxarıdan aşağı baxmırlar?

- Qətiyyən çətin deyil, çox maraqlıdır. Bütün ulduzlar göylə getmir, əsasən gənc aktyorlar elədirlər, amma onlar arasında da istisnalar var.

- Daha çox necə rollar təklif edirlər?

- “Femme fatale” – kişiləri başdan çıxarıb onları başqa qadınların əlindən alan qadın rolları. Eləcə də yüngül əxlaqlı qız rolları. Düzünü desəm, rejissorların məndə niyə məhz seksual qılaf gördüyünü anlamıram, çünki mən tək o cür deyiləm axı.

Azərbaycanlı model Kristina Zamir

- Hansı obrazda çəkilmək istərdiniz ki?

- “Mister və missis Smit” filminin qəhrəmanı çox xoşuma gəlir. Missis Smitin obrazı – gözəlçə və killerin qarışığı – mənə daha yaxındır.

- Qonorarlarınız yaxşıdır?

- Əgər Dubayda çəkilişlərə qatılsaydım, ay yarıma özümə yeni maşın ala bilərdim. Son dörd ildə aldığım maaş dollarla ifadə edəndə bunlarınkından dörd-beş dəfə çox olduğundan bu qonorara öyrəşə bilmirəm. Başqa səviyyəyə köklənmək çox çətindir. Amma bu, müvəqqətidir. Bilirəm ki, öhdəsindən gələcəm.

Azərbaycanlı model Kristina Zamir

- Açıq-saçıq obrazlar oynamağı təklif ediblər?

- Təklif etmədilər, bir dəfə soruşdular, mən də dedim, “yox”.

- Çox gözəl qızsınız, ona görə əminəm ki, çəkiliş meydançalarında aktyorlar sizə dəfələrlə eşq elan ediblər...

- Tanınmış aktyorların çəkiliş meydançasında mənimlə salamlaşmağını, söhbəti birinci başlamaqlarını və kompliment söyləmələrini daha çox xoşlayıram. Gizlətmirəm – bu çox xoşagələn və valehedicidir. Onlardan hansının mənə nə dediyini danışmaq istəmirəm, çünki sonra bütün KİV yazacaq ki, onlar arvadlarına mənimlə xəyanət edirlər, ona görə yaxşı olar ki, susum.

Azərbaycanlı model Kristina Zamir

- Məşhur rusiyalı bir artistlə ailə qurmaq istərdinizmi?

- Bu yaxınlaradək istəyirdim. Amma sonra anladım ki, bir ailədə iki yaradıcı insan çoxdur. Hesab edirəm ki, ailə üzvlərindən biri daha “torpağa yaxın” olmalıdır. Çünki bütün yaradıcı insanlar sözün yaxşı mənasında dəlidirlər.

- Rusiyada qalıb yaradıcılığınızı davam etdirmək fikrindəsiniz?

- Yaranmış vəziyyətdən dolayı Moskvanı sevməyə başlamışam. Bir gün anladım ki, bura mənim xoşuma gəlir. Artıq meqapolisə öyrəşmişəm, bir çox insanla tanış olmuşam. Aktrisa karyeramı davam etdirmək fikrim var, ümid edirəm ki, Rusiyanın hansısa reytinqli filmində baş qəhrəmanın rolunu oynayacam.

Азербайджанская модель Кристина Замир
Azərbaycanlı model Kristina Zamir

- Necə bilirsiz, Rusiya kinematoqrafının ulduzu ola biləcəksiz? 

- Əminəm ki, olacam. Mənim işlərim alınacaq, heç iki ay keçməyib, artıq bir neçə layihədə, filmdə rol almışam. Bütün Rusiya məni tanıyacaq. Çox ciddi köklənmişəm.

103
Əlaqədar
Sirrin üstü açıldı – Azərbaycan gözəli türk iş adamı ilə şəkillərini yaydı
“Miss Azərbaycan” model biznesindən əl çəkib məşhurluq üçün Türkiyəni seçdi
“Miss Azərbaycan”la tanış olmağın çox asan yolu varmış – zərfin içində...
Tanınmış azərbaycanlı model kişiləri təhqir edib
Hələ ki açıq-saçıq səhnələr təklif etməyiblər: azərbaycanlı qız Moskvanı necə fəth edəcək?
Rəssam, arxiv şəkli

"Yenə o bağ olaydı" səyyar sərgisi davam edir

15
"YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb. Sərgi ziyarətçilər üçün noyabrın 27-dək açıq qalacaq

BAKI, 30 oktyabr — Sputnik. "YARAT" Müasir İncəsənət Məkanının Xaçmaz rayonunda incəsənət həvəskarları üçün təşkil etdiyi "Yenə o bağ olaydı" adlı səyyar sərgisinin vaxtı uzadılıb.

Sputnik Azərbaycan xəbər verir ki, sərgi ziyarətçilər üçün noyabrın 27-dək açıq qalacaq. Sərginin ekspozisiyasında rəssamlar Ağababa Bağırov, Etibar İsmayılov, Günay Əliyeva, Musa Bəyzadə, Nəzrin Məmmədova, Vüsalə Ağarazıyeva, Leyli Qafarova kimi gənc sənətçilərin və tanınmış italiyalı rəssam Mikelancelo Pistolettonun əsərləri təqdim olunur. Bununla yanaşı, sərgi Ruslan Abbasov, Günel Axundlu, Rəna Bəşirova, Timo Herbst, Orxan Hüseynov, Mersedes Şturm-Li və Fərid Rəsulovun əsərlərini özündə ehtiva edən videoskrininq proqramı ilə müşayiət olunur. Həmçinin "YARAT" "Nargis Magazine" ilə birgə əməkdaşlıq çərçivəsində "Recycle Project" (2019) layihəsinə daxil olan "Pablik art" proqramını təqdim edir. Burada Rəşad Ələkbərovun "Reuse, Reduce, Recycle" installyasiyası nümayiş olunur.

15
Əlaqədar
Tələsin: Yeniyetmələr arasında rəsm müsabiqəsi start götürdü
Rəssam Gəncə terrorunun qurbanlarının fotolarından illüstrasiya hazırlayıb
Ailəsində yaşanan problemlər onu rəssam edib, amma bu işdən pul qazanmaq istəmir
Oksana Rəsulova, arxiv şəkli

Azərbaycanlı aktrisa hind ingilis dillərində dünya ictimaiyyətinə müraciət edib

92
(Yenilənib 19:20 30.10.2020)
Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb

BAKI, 30 oktyabr — Sputnik. Tanınmış azərbaycanlı aktrisa və rəqqasə Oksana Rəsulova özünün "Instagram" səhifəsində hind dilində müraciət edib. Oksana Rəsulova dünya ictimaiyyətinə hind dilində müraciət edərək Ermənistanın uzunmüddətli təcavüzünü pisləməyə çağırıb. Rəsulova qeyd edib ki, Ermənistan Azərbaycanın mülki əhalisini raket atəşinə məruz qoyur.

"27 sentyabrdan başlayaraq Ermənistanın silahlı qüvvələri beynəlxalq hüququn norma və prinsiplərini, 1949-cu il Cenevrə Konvensiyasını, BMT Təhlükəsizlik Şurasının qətnamə və qətnamələrini, habelə elan olunmuş humanitar atəşkəs tələblərini kobud şəkildə pozaraq, Azərbaycanın mülki əhalisini qəsdən hədəf alıb. Münaqişə zonasından uzaq şəhər və bölgələrə raket və artilleriya zərbələri endirirlər" deyən Rəsulova dünyanı insan faciəsinə biganə qalmamağa çağırdı. Hind rəqslərinin mahir ifaçısı, aktrisa hind dilindən başqa, ingilis dilində də müraciət edib.

 

92
Teqlər:
Oksana Rəsulova, müraciət, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Sahibə Qafarova Pakistan Milli Assambleyasının sədrinə məktub ünvanlayıb
"Manga" qrupunun solisti azərbaycanlı müğənni ilə duet oxudu
Moskvada Müslüm Maqomayevin abidəsi təhqir edildi
"Eurovision" ulduzlarından Gəncə terroru barədə klip
Kanadalı senator Azərbaycan xalqından üzr istəməlidir
Fövqəladə hallar naziri, general-polkovnik Kəmaləddin Heydərov Gəncə şəhərində qəza baş vermiş əraziyə gəlib

Ermənistanın mülki əhalimizə qarşı terror aktları barədə hər kəs məlumatlandırılıb - FHN

0
Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

BAKI, 31 oktyabr - Sputnik. Azərbaycan Respublikasının Fövqəladə Hallar naziri, general-polkovnik Kəmaləddin Heydərov Ermənistan silahlı qüvvələrinin Azərbaycanın dinc əhalisinə qarşı törətdiyi terror xarakterli təxribatları barədə tərəfdaş ölkələrin uyğun qurumları və beynəlxalq təşkilatları məlumatlandırıb.

Bu barədə Sputnik Azərbaycan-a Fövqəladə Hallar Nazirliyindən məlumat verilib.

Məlumatda qeyd olunur ki, 30-a yaxın ölkənin fövqəladə hallarla mübarizə üzrə məsul dövlət qurumları və 20-yə yaxın nüfuzlu beynəlxalq təşkilata, o cümlədən Birləşmiş Millətlər Təşkilatının uyğun qurumları (UN OCHA, UN DRR), Beynəlxalq Mülki Müdafiə Təşkilatı, NATO EADRCC (Avro Atlantik Fəlakətə Cavabın Əlaqələndirilməsi Mərkəzi), Avropa İttifaqının Avropa Mülki Müdafiəsi və Humanitar Yardım Əməliyyatları Baş İdarəsi, Avropa Şurasının Avropa və Aralıq Dənizi üzrə Böyük Risklər Sazişi, Atom Enerjisi üzrə Beynəlxalq Agentlik, GUAM, Qara Dəniz İqtisadi Əməkdaşlıq Təşkilatı, İqtisadi Əməkdaşlıq Təşkilatı və digər aidiyyəti beynəlxalq strukturlara ünvanlanmış məktublarda Ermənistan-Azərbaycan, Dağlıq Qarabağ münaqişəsi barədə həqiqətlər diqqətə çatdırılıb.

Məktublarda Ermənistan silahlı qüvvələri tərəfindən tarixi Azərbaycan torpaqlarının 20 faizinin 30 ilə yaxın işğal altında saxlanılması, işğal olunmuş bölgədən bir milyondan çox soydaşımızın qaçqın və məcburi köçkün vəziyyətinə düşməsi, BMT Təhlükəsizlik Şurasının torpaqlarımızın işğaldan dərhal və qeyd-şərtsiz azad edilməsi tələbi barədə 4 qətnaməsinin hələ də kağız üzərində qalması qeyd olunub.

Ermənistanın terrorçu xislətli hərbi-siyasi rəhbərliyinin qərarı ilə Ermənistan silahlı qüvvələrinin bu ilin 27 sentyabr tarixində Azərbaycanın mülki əhalisini və hərbi obyektləri hədəf alaraq hərbi təxribata əl atması və buna cavab olaraq Azərbaycan Silahlı Qüvvələri tərəfindən əks-həmlə əməliyyatına başlanılması, bu əməliyyatın yalnız Azərbaycan Respublikasının beynəlxalq birlik tərəfindən birmənalı tanınmış torpaqlarında aparılması diqqətə çatdırılıb.

Bildirilib ki, Ermənistan dövlətinin ənənəvi terrorçu davranışlarına uyğun olaraq, Ermənistan silahlı qüvvələri beynəlxalq humanitar hüququn norma və prinsiplərini kobud şəkildə pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya qurğularından və raketlərdən atəşə tutaraq mülki obyektlərdə dağıntı və yanğınlar törədir, çoxsaylı sakinlərin həlak olmasına səbəb olur. Bu çərçivədə, xüsusilə razılaşdırılmış humanitar atəşkəs rejiminin tələblərini kobudcasına pozaraq döyüş bölgəsindən kənarda yerləşən Azərbaycanın Gəncə, Bərdə, Ağcabədi və digər şəhər və kəndlərinin mütəmadi olaraq ağır artilleriya və raket atəşlərinə məruz qalması, nəticədə çoxsaylı mülki şəxslərin ölümü və ciddi dağıntıların baş verməsi qəti şəkildə pislənilir, bu terrorçu addımlara dərhal son verilməsi üçün dünya birliyinin Ermənistanın hərbi-siyasi rəhbərliyinə ciddi təzyiqlər göstərməsinin vacibliyi vurğulanır.

Qeyd edək ki, məktublara Ermənistan dövlətinin terrorçu xislətini sübut edən foto və videomateriallar, habelə ingilis dilində broşür əlavə olunub.

0