Sofi Törner, arxiv şəkli

Dünyaca məşhur serialın qəhrəmanından gözlənilməz addım

227
(Yenilənib 22:20 26.08.2020)
Britaniyalı ulduz serial rekvizitinin fotosunu özünün "Instagram" hesabının "hekayə" bölümündə paylaşıb

Şahpəri Abbasova, Sputnik Azərbaycan

BAKI, 26 avqust — Sputnik. 10 ilə yaxındır ki, davam edən "Taxt oyunları" serialında "Sansa Stark" rolu ilə tanınan britaniyalı aktrisa Sofi Törner çəkilişlər zamanı istifadə edilən taxtını evinə aparıb.

Sputnik Azərbaycan xəbər verir ki, britaniyalı ulduz rekvizitin fotosunu özünün "Instagram" hesabının "hekayə" bölümündə paylaşıb. "Evinə xoş gəldin" deyə o, şəkli şərh edib.

Sofi Törnerin həyat yoldaşı, "Jonas Brothers" qrupunun üzvü Co Conas da analoji fotonu öz "hekayə"sində paylaşaraq, "bax, belə xəbərlər" şərhini yazıb.

Qeyd edək ki, ABŞ fentezi-dram teleserialı olan "Taxt oyunları"nın birinci mövsümünün premyerası 17 aprel 2011-ci ildə HBO telekanalında baş tutub. Serialın birinci mövsümü 10 seriyadan, hər seriyası isə təxminən 55 dəqiqədən ibarət olub. Birinci mövsüm Corc Martin tərəfindən yazılmış "Buz və alovun nəğməsi" seriyasından ilk roman olan "Taxt oyunları" əsəri əsasında çəkilib. Devid Benioff və D.B. Vays tərəfindən roman televiziyaya uyğunlaşdırılıb. HBO telekanalı, 2008-ci ilin noyabrında pilot seriyanı sifariş etsə də, çəkilişlərə yalnız növbəti il başlanılıb. Lakin pilot seriya qeyri-qənaətbəxş hesab olunmuş və HBO serialda bəzi rolları yenidən işlədikdən sonra serialı təkrar çəkmək qərarına gəliblər. 2010-cu ilin martında HBO ilk mövsümün çəkilməsini sifariş edib. 2010-cu ilin iyul ayında serialın çəkilişlərinə ilk növbədə Şimali İrlandiyanın Belfast şəhərində başlanıb, bundan əlavə olaraq çəkilişlər Maltada davam etdirilib.

Serialın hekayəsi uydurma dünyada, ilk növbədə Vesteros adlanan qitədə, daha sonra isə Esteros adlanan digər qitədə bir hekayənin meydana gəlməsi ilə baş verir. Serialın ilk mövsümündə zadəgan Eddard Starkın ailəsi, kralının və uzunmüddətli dostunun baş məsləhətçisi olmaq istəyən Robert Barateon diqqət mərkəzindədir. Ned, kralın əvvəlki baş məsləhətçisi Con Arrini kimin öldürüldüyünü tapmağa çalışmalı və onun ailəsini onların rəqibi Lannisterlərdən qorumalıdır. O, Lannisterlər barədə qaranlıq sirlər, onun sələfinin ölümə məruz qaldığının üstünü açır. Eyni zamanda Essosdan sürgün edilmiş keçmiş kralın oğlu Vizeris Taqaryan hələ də hesab edir ki, onun taxt-taca layiqli iddiası var.

227
Əlaqədar
"Qadına şiddət göstərən biri ilə eyni filmdə, serialda oynamaram"
“Çocuklar duymasın”ın Haluku: “Azərbaycan üçün könüllü əsgərliyə gedərdim
Telekanallarımızın mətbəxindən boylanan piratlar: əcnəbi gəlincə faş oldular
"Netflix"in ulduzu intihar etdi
"Apple" və Di Kaprio: Hollivudda birgə filmlər çəkiləcək
Hüseyn Həsənov, arxiv şəkli

Bloger Hüseyn Həsənov yeni şousunu gizli saxlayır - deyirlər, qız axtaracaq

219
(Yenilənib 00:26 26.09.2020)
Məşhur şounun tamaşaçıları əmindirlər ki, verilişin növbəti “Subay”ı populyar bloger Hüseyn Həsənov olacaq.

BAKI, 26 sentyabr — Sputnik, Kəmalə Əliyeva. Rusiyanın məşhur Azərbaycan əsilli blogeri Hüseyn Həsənov “Subay” ("Холостяк") realiti-şousunun növbəti qəhrəmanı ola biləcəyinə eyham vurub.

Sputnik Azərbaycan bildirir ki, sosial şəbəkədəki heasabında bloger televiziya şousunda iştirak edəcəyi barədə videoçarx paylaşıb. O, proqramın adını çəkməsə də “Subay” şousunun diqqətli izləyiciləri bu çarxın məhz həmin verilişin reklamını xatırlatdığını deyiblər.   

Qeyd edək ki, sentyabrın əvvəlində ТНТ telekanalı “Subay” şousunun səkkizinci mövsümü üçün kastinq elan etmişdi.

Посмотреть эту публикацию в Instagram

🤫🌹 лайкну всех, кто НЕ угадает, что за шоу 👇🏾

Публикация от ГУСЕЙН ГАСАНОВ (@gusein.gasanov)

“Subay” – romantik realiti-şoudur. 25 iştirakçı qızla yaxından tanış olmaq üçün əsas qəhrəman onlara görüş təyin edir. Layihənin qaydalarına görə, hər epizoddan sonra qızların sayı azalır – Qızılgül mərasimində Subay məhz tanışlığı davam etdirmək istədiyi qızlara gül verir. Finalda bir neçə qız qalır, əvvəlcə Subay onların valideynləri ilə, onlar isə Subayın valideynləri ilə görüşürlər. Son epizodda Subay yalnız bir qızı seçərək fikrinin ciddi olduğunu bildirmək üçün üzük hədiyyə edə bilər.

Hüseyn Həsənov Sankt-Peterburqda doğulub, böyüyüb. Onun 25 yaşı var. O, öz çarxlarında əsasən ağrılı mövzulara toxunur və onlara bir qədər yumor əlavə edir. Onun qısa videoçarxlarının qəhrəmanları əsasən rusiyalı və xarici modellər olur. O, həmçinin rusiyalı müğənnilərin kliplərində çəkilir, film və seriallara çəkilməkdən də imtina etmir. Aktyorluq fəaliyyəti ilə yanaşı, Həsənov geyimlərin dizaynı ilə də məşğul olur və onun hətta öz şəxsi kostyum kolleksiyası mövcuddur. Hazırda sosial şəbəkələrdə onun 14.4 milyon izləyicisi var.

219
Teqlər:
Instagram, televiziya, Холостяк realiti-şousu, Rusiya, Hüseyn Həsənov, bloger
Əlaqədar
Məşhur rusiyalı bloger azərbaycanlı vəkili niyə məhkəməyə verib?
Vətənimin seyrinə çağırıram elləri - Onun sayəsində dünya ölkəmizin gözəlliklərini tanıyır
Azərbaycanlı bloger rus müğənni Yeqor Kridlə sevgili olmasına aydınlıq gətirib
Bir dəfə görmək daha yaxşıdır: qırğız bloger Azərbaycanı ziyarət etmək istəyir
Hüseyn Həsənov yeni avtomobilinə külli miqdarda pul xərcləyib
Hoteldə qadın

Azərbaycan efirində erotik filmlərə yaşıl işıq

185
(Yenilənib 18:20 25.09.2020)
"Dünya TV" kanalı "Uşaqların zərərli informasiyadan qorunması haqqında" Azərbaycan Respublikasının Qanununun 9.2.1-ci maddəsinə uyğun şəkildə yayımlandığından qanun pozuntusu hesab edilmir

BAKI, 25 sentyabr — Sputnik. Milli Televiziya və Radio Şurası (MTRŞ) "Dünya" televiziyasının efirində yayımlanan erotik səhnələrə münasibət bildirib.

Sputnik Azərbaycan Report-a istinadla xəbər verir ki, qurumun bununla bağlı mövqeyi vətəndaş tərəfindən ünvanlanan sualın cavabında öz əksini tapıb.

Belə ki, tamaşaçılardan biri sentyabrın 16-da axşam saatlarında "Dünya" televiziyasında yayımlanan "Diribaş" filmində açıq seks səhnələrinin efirə verildiyini bildirib. O, bu cür səhnələrin efirdə yayımlanmasına qanunla icazə verilib-verilmədiyini soruşub.

MTRŞ-dan cavab olaraq bildirilib ki, efirdə yayımlanan erotik səhnə qanun pozuntusu sayılmır.

"Dünya TV" kanalının efirində 16.09.2020-ci il tarixdə saat 23.00-da başlanan "Diribaş" bədii filmində erotik səhnələr (23.55-də) yer alıb. Lakin bu hal "Uşaqların zərərli informasiyadan qorunması haqqında" Azərbaycan Respublikasının Qanununun 9.2.1-ci maddəsinə ("16+" yaş kateqoriyasına aid informasiya məhsulları - erotik məzmunlu informasiyanın yayımı yerli vaxtla saat 7-dən saat 21-dək məhdudlaşdırılır) uyğun şəkildə yayımlandığından qanun pozuntusu hesab edilmir".

185
Əlaqədar
Serial mövsümü başlayır - telekanallar nəyi göstərəcək?
İllər əvvəl medianın gündəmindən düşməyən qalmaqalla bağlı ilginc fakt ortaya çıxıb
Qalmaqallı azərbaycanlı model türk trillerinin qəhrəmanı olacaq
Filtrlənən internet: hər dövlətin öz marağı həmişə öndə olacaq
MTRŞ erotika ilə bağlı qərarı ləğv etdi
Maska taxmış oğlan, arxiv şəkli

Cizgi filmi qəhrəmanları uşaqları koronavirusdan qorumaq əvəzinə...

0
"Maska ağızda tərləyir. Əgər parçada kimyəvi boyadan istifadə edilibsə, bu əlbəttə ki, uşağın tənəffüs yolları üçün ziyandır. Parçanın üzərində əks olunan şəkillərin hansı boyadan çəkildiyinə diqqət etmək lazımdır"

Zülfiyyə Quluyeva, Sputnik Azərbaycan

BAKI, 26 sentyabr — Sputnik. Koronavirusdan qorunmaq üçün artıq uşaqlar da maska taxır. Ən çox diqqət çəkən məqam isə uşaqların tibbi maska deyil, üzərində müxtəlif cizgi filmlərinin qəhrəmanlarının əksi olan naxışlı, şəkilli parça maskalardan istifadə etməsidir. Bir sıra tibb mütəxəssisləri bu maskaların koronavirusa qarşı qoruyucu təsirə malik olmadığını, əksinə zərərlərinin olduğunu bəyan edir. Həkimlərin fikrincə, kiçik yaşlı uşaqlara taxılan, üzərində müxtəlif rəsmlər çap olunmuş maskalar təhlükə yaradır.

Türkiyənin qulaq, burun və boğaz xəstəlikləri uzmanı, dosent Muhammed Fatih Evcimik bununla bağlı valideynlərə xəbərdarlıq edib. Yerli mediaya açıqlama verən mütəxəssisin sözlərinə görə, boyanmış, üzərinə naxışlar, fotolar çap edilən, yapışdırılan maskalar müəyyən standartlara uyğun olmadığı halda sağlamlıq üçün ciddi problemlər yarada bilər. O, tövsiyyəsində bildirir ki, bu cür maskalardan mümkün qədər istifadə etməməlidirlər: "Bu maskalar yuyula bildiyi üçün virusdan qorumaq əvəzinə bir çox xəstəliklərə yol açır. Beləliklə, ailələr uşaqları virusdan qorumağa çalışarkən daha böyük xəstəliklərə səbəb ola bilərlər. Maskalar tənəffüslə birbaşa təmasda olduğuna görə diqqətli olmaq lazımdır. Son zamanlarda xüsusilə kiçik yaşlı uşaqlarda rəngli, parça maskaları görürük. Cizgi filmi personajları uşaqların daha çox diqqətini cəlb etdiyi üçün bu maskalara üstünlük verirlər. Ancaq təəssüf ki, bu boyalı maskalar allergik uşaqlar üçün xüsusilə problemlidir, çünki birbaşa onunla nəfəs alırlar. Bu maskalar uşaqlarda nəfəs darlığına səbəb ola bilər. Xüsusilə allergiyası olan uşaqlarda burun qaşınır, asqırma olursa, bu kimi problemlər maska istifadəsi zamanı ortaya çıxırsa, maskalardakı kimyəvi maddələrin allergiyanı alovlandırdığını düşünmək olar. Digər bir problem, istifadə olunan boya standartlara uyğun olmadığı təqdirdə maska üzərindəki boya hissəcikləri tənəffüs yollarından keçib digər problemlərə səbəb olur. İstifadə edilən material və boyanın tərkibi kimyəvi deyilsə, problem olmur. Ancaq ümumiyyətlə, ailələr onlardan dəfələrlə istifadə edirlər. Bu da həmin boya hissəciklərinin tənəffüs yollarına daxil olmasına səbəb olur. Boyanın kanserogen təsiri varsa, daha ciddi problemlərə səbəb ola bilər. Ailələr bu maskalardan mümkün qədər istifadə etməməlidirlər. Bu cür parça maskalarından mümkün qədər çəkinərək tibbi, cərrahi maskalardan istifadə etmək lazımdir".

Həkim, evdən bayıra çıxanda və ya qapalı yerlərdə mümkün qədər tibbi, cərrahi maskalar taxmağı, onları da 3 saatdan artıq olmadan istifadə etməyi tövsiyə edib.

Sputnik Azərbaycan son günlər ictimai nəqliyyatda tez-tez rastlaşdığımız, uşaqların istifadə etdiyi rəsmli, rəngli parça maskaların oların orqanizmi üçün təhlükəsini araşdırıb.

Həkim-dermatoloqu Sevinc Kərimova da Sputnik Azərbaycan-a açıqlamasında bildirib ki, uşaqların əksəriyyəti virus daşıyıcıdır. Bu baxımdan uşaqların maska istifadə etmələri yaxşı haldır: "Amma nəzərə almaq lazımdır ki, uşaqların istifadə etdiyi şəkilli, boyalı tibbi maskalar sintetik parçadan hazırlanır. Bu zaman həmin maskada dermatitlər ola bilər: " Haqqında danışdığımız maskalar bəzən kontakt dermatitə səbəb olar . Mənə yay boyu dermatitlə bağlı bir uşaq müraciət edib. Bununla belə həmin parçalar məsamələri çox sıx olduğu üçün qoruma baxımından məqsədəuyğundur. Belə parçaların məsaməsi daha sıx olduğu üçün ətrafdan virus keçirmir".

S. Kərimova deyir ki, bu cür maskaların uşaqların tənəffüsünə zərəri yoxdur: "Bu maskalar sintetik liflər olduğu üçün daha çox tərlədir. Atopik dermatiti olan uşaqlarda ola bilər ki, dermatit inkişaf etsin. Amma bu yüksək faiz deyil. Əksinə, tibbi maskaların ölçüsü böyük olduğu üçün uşağın tənəffüs orqanlarına hava kütləsi keçə bilər. Amma parça maskalar ağız burun nayihəsini tam örtür. Mən belə düşünürəm ki, bu maskaların uşaqların sağlamlığına elə bir təhlükəsi yoxdur".

Səhiyyə Nazirliyinin baş infeksionisti Cəlal İsayev isə Sputnik Azərbaycan-a açıqlamasında bildirib ki, uşaqların rəngli, üzəri boyalı, şəkilli parça maskalardan istifadəsi zamanı ehtiyatlı olmaq lazımdır: "Ən yaxşısı üç qatlı tibbi maskalardır. İndi bəzən uşaqlara üzərində hansısa cizgi filminin qəhrəmanı olan maska taxırlar. Bu onları maskadan istifadəyə həvəsləndirmək üçündür. Amma bu zaman maskanın hazırlandığı parçanın keyfiyyətinə də diqqət yetirmək lazımdır. Maska ağızda tərləyir. Əgər parçada kimyəvi boyadan istifadə edilibsə, bu əlbəttə ki, uşağın tənəffüs yolları üçün ziyandır. Parçanın üzərində əks olunan şəkillərin hansı boyadan çəkildiyinə diqqət etmək lazımdır. Maska məsələsində hər kəs dəbi yox, sağlamlığı düşünməlidir. Bəzən böyüklər də geyindikləri paltarın rəngində maska taxır. Bu zaman parçanın keyfiyyəti, parçanın rənglənməsində istifadə edilən boyanın tərkibinə diqqət yetirmək lazımdır. Mən məsləhət görərdim ki, həm böyüklər, həmçinin də kiçiklər üç qatı olan tibbi maskaya üstünlük versinlər. Bu maskalar sağlamlıq üçün daha təhlükəsizdir".

0