Fərqanə Həsənova, arxiv şəkli

Məşhur müğənninin keçmiş arvadı ərinin ona verdiyi işgəncələrdən danışıb

51
(Yenilənib 14:58 25.08.2020)
Sənətçi ilə gərgin münasibətlər və ərinin qohumlarının təzyiqi Fərqanənin özünə inamını tamamilə məhv edib.

BAKI, 25 avqust — Sputnik. Rusiyada yaşayıb fəaliyyət göstərən azərbaycanlı müğənni Bəxtiyar Əliyev (Bahh Tee) son günlər Rusiya mətbuatında ən çox müzakirə olunanlar sırasındadır.

Sputnik Azərbaycan Rusiya mətbuatına istinadən xəbər verir ki, bu yaxınlarda 2-ci dəfə ailə həyatı quran məşhurun keçmiş həyat yoldaşı Fərqanə Həsənova keçmiş əri tərəfindən təzyiqlərə məruz qaldığını söyləyib:

"Bütün bunlar ilk dəfə bal ayında başladı, çox qorxmuşdum, nə edəcəyimi bilmirdim, heç kimə bu barədə demədim. Əlbəttə, mən mələk deyiləm, amma şiddət dəhşətlidir və heç nə buna əsas vermir. Bəxtiyarın ciddi psixoloji problemləri var. Əsəbləşəndə təkcə qışqırmaqla dayanmırdı. Saçımdan tutub məni döşəmədə sürükləyirdi, qollarımı büküb, qulağıma bağırırdı".

Onun sözlərinə görə, üç ildən artıq yaşadıqları müddətdə Fərqanənin sevgi ilə xatırladığı çox məqamlar var. Ancaq sonradan göstərilən şiddət, təhqir və təhdid dalğası bu xatirələri yerli-dibli silib.

Üç illik evliliyində Həsənova keçirdiyi sarsıntılarla əlaqədar çox arıqlayıb, tez-tez xəstələnib və daim həkimlərə müraciət edib. Əri onu kompleksə salaraq, ondan başqa heç kimə lazım olmadığı barədə fikirlər təlqin edib.

Sənətçi ilə gərgin münasibətlər və ərinin qohumlarının təzyiqi Fərqanənin özünə inamını tamamilə məhv edib.

"Axırda mən kəkələməyə və özümdən utanmağa başladım. İntihar etməyi düşünürdüm. Buna görə Novosibirskdə psixoloqa getdim", - deyə Fərqanə olanları xatırlayıb.

Altı ay psixoloqa getdikdən sonra gənc qadın normal vəziyyətə qayıda bilib.

Fərqanə hesab edir ki, keçmiş ərinin psixoloji vəziyyətinin səbəblərindən biri onun valideynləri olub. Onlar daim cütlüyün həyatına müdaxilə edib, qaynanası isə oğlunu həyat yoldaşına qısqanıb.

B.Əliyevlə yaşamaq mümkünsüz olduqda, Fərqanə dözməyib, əşyalarını toplayaraq Novosibirskə - valideynlərinin yanına gedib. Fərqanə keçmiş ərinin sənədlər üzərində oynayaraq onu boşandıqdan sonra heç nəsiz qoyduğunu bildirir. Halbuki evlilik müddətində onlar Rusiya paytaxtında ev və maşın alıbmışlar. Məşhur öz mənzilini anası və bacısına hədiyyə edib.

"Moskvada qalan əşyalarımı mənə zibil paketlərində yollandı. Ancaq o, bununla da kifayətlənmədi. Məni təhdid etdi, rəfiqəmə deyib ki, onun başı 300 min rubla (6800 AZN) dəyər".

Fərqanə keçmiş ərinin onun haqqında hər yerdə pis sözlər danışdığını deyib.

"Doğrudan da pul insanı dəyişirmiş, ancaq insan qəlbi dəyişməz olaraq qalır", - deyə gənc qadın təəssüf hissi ilə sözlərini yekunlaşdırıb.

Qeyd edək ki, müğənninin ilk xanımı Fərqanə Həsənova ilə boşanmasından bir ildən də az vaxt keçib. Müğənni Bəxtiyar Əliyev (Bahh Tee) bu yaxınlarda ikinci dəfə ailə həyatı qurub.

51
Əlaqədar
“O səs Türkiyə”nin qalibi Aygün Kazımovanın qızı ilə oxudu - VİDEO
Çingiz Mustafayevin zirvədən yuvarlanması...
Sərdar Ortac azərbaycanlı müğənninin önündə diz çökdü
"Qadına şiddət göstərən biri ilə eyni filmdə, serialda oynamaram"
Dünyaca məşhur müğənni ad gününü fərqli qeyd etdi – tort əvəzinə...
Teatr səhnəsi, arxiv şəkli

Şuşa Teatrı haqqında film çəkilib

4
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

4
Xaç, arxiv şəkli

"Xristian irsimizi tanıyaq" - Müqəddəs Məryəm ana katolik kilsəsi - VİDEO

16
(Yenilənib 11:43 22.01.2021)
Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb.

BAKI, 22 yanvar — Sputnik. Müqəddəs Məryəm ana katolik kilsəsi Bakıda 1912-ci ildə neft maqnatları – Rılskilər ailəsi tərəfindən ("Müqəddəs Bakirə Məryəmin Məsum Hamiləliyi" kostyolu - polyak katolik kilsəsi, memarı İ.K.Ploşko) inşa edilib. Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb. 7 mart 2008-ci ildə Azərbaycan Respublikasının Prezidenti İlham Əliyev, Birinci xanım, Heydər Əliyev Fondunun prezidenti Mehriban xanım Əliyeva və Vatikanın dövlət katibi kardinal Tarçizio Bertone kilsənin rəsmi açılış mərasimində iştirak ediblər.

Sputnik Azərbaycan Mədəniyyət Nazirliyinə istinadən "Xristian irsimizi tanıyaq" layihəsi çərçivəsində Müqəddəs Məryəm ana katolik kilsəsi haqqında qısa videoçarxı təqdim edir.

16
Здание Национальной Академии Наук Азербайджана в Баку

AMEA İnstitut direktoruna nöqsanları aradan qaldırmaq üçün şans verib

0
Rəyasət Heyətinin iclasında AMEA-nın Radiasiya Problemləri İnstitutunda keçirilmiş yoxlamanın nəticələri açıqlanıb.

BAKI, 22 yanvar - Sputnik. Yanvarın 22-də Azərbaycan Milli Elmlər Akademiyası Rəyasət Heyətinin iclası keçirilib.

AMEA-dan Sputnik Azərbaycan-a verilən məlumata görə, iclasın gündəliyinə çıxarılan ilk məsələ - AMEA-nın Radiasiya Problemləri İnstitutunda keçirilmiş yoxlamanın nəticələri ilə bağlı çıxış edən AMEA-nın Rəyasət Heyəti aparatının Hüquq və kadrlar idarəsinin rəisi, hüquq üzrə fəlsəfə doktoru Rasim Ağasiyev bildirib ki, Komissiya tərəfindən adıçəkilən institutda 2018-2020-ci illər üzrə kadr, kargüzarlıq, maliyyə, əmək və icra intizamı, habelə elmi cihaz və avadanlıqların mövcud vəziyyətinin öyrənilməsi məqsədilə 2021-ci ilin 7-12 yanvar tarixlərində yoxlama aparılıb.

O, yoxlama zamanı bir sıra nöqsan və çatışmazlıqların aşkarlandığını söyləyib.

Diqqətə çatdırıb ki, Komissiya tərəfindən tərtib edilmiş yoxlama arayışı ətrafında müəssisənin rəhbərliyi və aidiyyəti şöbə müdirləri ilə müzakirələr aparılıb. 

Qeyd edilənləri nəzərə alaraq, Radiasiya Problemləri İnstitutunun direktoru, AMEA-nın müxbir üzvü Oqtay Səmədov və ümumi işlər üzrə direktor müavini Hökmən Mahmudov işlərində yol verdikləri ciddi nöqsanlara görə vəzifələrindən azad ediliblər. 

O.Səmədovun Radiasiya Problemləri İnstitutunda rəhbərlik etdiyi laboratoriyada elmi fəaliyyətini davam etdirməsi qərara alınıb. Həmçinin, müəssisənin bir sıra əməkdaşları barəsində əmək intizamı tədbirləri görülüb. İnstitutun direktoru vəzifəsinin icrası isə müvəqqəti olaraq akademik Adil Qəribova həvalə edilib.

Tədbirdə müzakirə edilən növbəti məsələ AMEA-nın Biofizika İnstitutunda keçirilmiş yoxlamanın nəticələri haqqında olub. Yoxlamanın nəticələrini təqdim edən hüquq üzrə fəlsəfə doktoru Rasim Ağasiyev diqqətə çatdırıb ki, Biofizika İnstitutunda 2018-2020-ci illər üzrə kadr, kargüzarlıq, maliyyə, əmək və icra intizamı, habelə elmi cihaz və avadanlıqların mövcud vəziyyətinin öyrənilməsi məqsədilə 2021-ci ilin 15 və 18 yanvar tarixlərində yoxlama aparılıb.  Yoxlama zamanı müəssisənin kadr və kargüzarlıq fəaliyyətində kiçik nöqsanlar aşkarlanıb. 

2016-cı ildə yaradılan bu institutun fəaliyyətində heç bir maliyyə pozuntusunun olmadığını deyən Rasim Ağasiyev sənədlərin qanunvericiliyin tələblərinə uyğun, düzgün tərtib edilməsi üçün müəssisə əməkdaşlarına qısa müddətli seminar təşkil olunduğunu bildirib.  

Rəyasət Heyəti tərəfindən müəssisənin direktoru, AMEA-nın müxbir üzvü Oktay Qasımova qeyd olunan nöqsanların aradan qaldırılması tapşırılıb.

Rəyasət Heyətinin müzakirəsinə çıxarılan növbəti məsələlər akademiyanın Nizamnaməsinə əlavə və dəyişikliklərin edilməsi, dövlət büdcəsindən AMEA-ya ayrılan maliyyə vəsaitindən effektiv və səmərəli istifadə olunması və düzgün maliyyələşdirmə mexanizmlərinin tətbiqi özündə əks etdirən AMEA-nın 2021-ci il üçün dövlət büdcəsi ilə əlaqədar olub.

0