Şahzadənin xanımı aktrisalığa qayıdır
(Yenilənib 23:16 16.08.2020)
İlk filmin qonorarını cütlük Santa-Barbarada təxminən 9.5 milyona ipoteka ilə götürdüyü malikanəyə sərf edə bilərBAKI, 16 avqust — Sputnik. Sasseks hersoginyası, Şahzadə Harrinin xanımı Meqan Markl yenidən filmə çəkiləcək.
Sputnik Azərbaycan bildirir ki, bu barədə The Daily Mirror yazır.
Qeyd olunur ki, ilk filminə görə Meqan 50 milyon dollar qonorar ala bilər. Bu pulu cütlük Santa-Barbarada təxminən 9.5 milyona ipoteka ilə götürdüyü malikanəyə sərf edə bilər.
Nəşrin yazdığına görə, Santa-Barbaradakı evi şahzadə məhz Hollivuda yaxın olduğu üçün alıb. Bildirilir ki, bir çox rejissor Meqanla işləməyə can atır.
Qeyd edək ki, bu ilin əvvəlində Şahzadə Harri və xanımı Meqan Markl kraliyyət ailəsindən ayrılaraq müstəqil həyat sürməyə qərar veriblər. Kraliça II Elizabet qərardan kədərlənsə də onlara ciddi əngəl yaratmayıb.
Bundan bir qədər sonra sosial şəbəkədə Şahzadə Harrinin "Disney" şirkətinin rəhbəri Bob Aygerlə söhbəti yayılıb. "Daily Mail"in yazdığına görə, Şahzadə Harri xanımı Meqan Marklın cizgi filmlərini səsləndirə biləcəyini deyərək, Aygerdən onu işlə təmin etməsini istəyib.
Əslində hadisə 2019-cu ilin iyulunda baş verib. "Kral Şir" cizgi filminin premyerası zamanı qırmızı xalıda B.Aygerə yaxınlaşan hersoq ona M.Marklın filmlərin səsləndirilməsində iştirak etdiyini bildirib. Ayger isə bu barədə məlumatının olmadığını deyib, amma əməkdaşlığa şad olacaqlarını dilə gətirib.
Bu gün ad gününü qeyd edən sənətkar xəstəxanalıq olub
(Yenilənib 16:57 18.01.2021)
Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.
BAKI, 18 yanvar — Sputnik. Azərbaycanın tanınmış kinorejissoru, Xalq artisti Eldar Quliyev infarkt keçirib.
Sputnik Azərbaycan xəbər verir ki, sənətkar Respublika Müalicəvi Diaqnostika Mərkəzinin kardiologiya şöbəsinə yerləşdirilib. Bildirilib ki, hazırda vəziyyəti çox ağırdır, heç kimi tanımır. Müalicəsi davam etdirilir.
Qeyd edək ki, Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.
Xatırladaq ki, bu gün Eldar Quliyevin 80 yaşı tamam olur.
Dünyaca məşhur muzey saxtakarlıqda ittiham olunur
(Yenilənib 00:26 17.01.2021)
Kolleksiyaçı Rujnikov Ermitaj muzeyindəki bir çox eksponatın orijinal olmadığını bildirib. Üstəlik, onun fikrincə, ötən ilin noyabrından davam edən sərgidə də məşhur əsərlərin kobud, saxta versiyaları nümayiş olunur.BAKI, 17 yanvar — Sputnik. Dünyanın ən məşhur və böyük muzeyi olan Ermitaj muzeyi "Faberge - İmperator Məhkəməsinin zərgərləri" sərgisində saxtakarlığa yol verməkdə günahlandırılır.
Sputnik Azərbaycan xarici mediaya istinadən xəbər verir ki, muzeyin direktoru Mixail Piotrovskiyə ünvanlanan saxtakarlıqla bağlı iddialar kolleksiyaçı Andrey Rujnikovun açıq məktubunda bildirilib. O qeyd edib ki, Ermitaj, Pavlovsk və Peterhof kolleksiyalarına aid olan həqiqi eksponatlarla yanaşı nümayiş etdirilən əsgərin siqaret yandırdığı heykəlcik Savitskinin Fersman Muzeyindəki heykəlinin kobud bənzəridir.
Bundan başqa, kolleksiyaçı muzeydəki bir çox eksponatın orijinal olmadığını bildirib. Onun sözlərinə görə, sadalanan əsərlər XX əsrə yox, XXI əsrə aiddir. O, eyni zamanda, ekspozisiyada iştirak edən saxtakarların siyahısını xeyli uzada biləcəyini qeyd edib.
İddialar əsasında hazırda Ermitajda araşdırmalara başlanılıb. Sərgi ötən il noyabrın 25-də başlayıb və bu il martın 14-dək davam edəcək.
Teqlər:
Koronavirusla mübarizənin yeni mərhələsi: Bakıda vaksinasiya necə başladı
(Yenilənib 17:02 18.01.2021)
Paytaxtın tibb müəssisələri koronavirusa qarşı hamıdan əvvəl peyvənd olunan şəxsləri qəbul etdi. Bunun necə baş verdiyini videoda izləyin. Azərbaycanda vaksinasiya Çinin “CoronaVac” preparatından istifadə olunmaqla aparılır. Bu gün həmin preparat səhiyyə işçiləri və dövlət qurumlarında çalışanlar üzərində sınaqdan keçirildi. Daha sonra yaşı 65-dən yuxarı olan vətəndaşlar və hüquq-mühafizə orqanlarının pandemiyaya qarşı tədbirlərə cəlb olunmuş əməkdaşları peyvənd olunacaqlar.
Azərbaycanın tibb müəssisələrində peyvənd zonası yaradıldı - Reportaj >>
Qeyd edək ki, könüllü şəkildə peyvənd olunmaq istəyən vətəndaşlar bunun üçün elektron sistem vasitəsilə yaşayış yerlərinə ən yaxın tibb məntəqəsini və vaxtı seçməlidir. Lakin bundan əvvəl sahə həkiminin qəbulunda olmaq vacibdir.