Emil Kadırov, arxiv şəkli

Azərbaycanlı Mokvada qazanc yolunu tapıb

12
(Yenilənib 20:05 30.07.2020)
Emil Qədirov "Romansiada-2012" gənc rus romans ifaçılarının XVI Moskva Beynəlxalq Müsabiqəsinin seçmə mərhələsinin, Klavdiya Şuljenko (Xarkov) adına Beynəlxalq Müsabiqənin laureatıdır.

BAKI, 30 iyul — Sputnik, Kəmalə Əliyeva. Koronavirus pandemiyası ucbatından konsertlərin olmaması əslən azərbaycanlı olan rusiyalı müğənni Emil Qədirovu Moskvanın mərkəzində musiqi məktəbi açmağa məcbur edib. Bu barədə Sputnik Azərbaycan-a müğənninin özü məlumat verib.

Müğənninin məktəbi “Patriarşiye prudı” adlanan ərazidədir. Qədirovun sözlərinə görə, insanlar evdə oturmaqdan yorulublar və yeni nəsə istəyirlər. Məktəbdə estrada və akademik vokal, gitara, bayan, skripka və violonçel ifaçılığı öyrədiləcək. Müğənninin özündən əlavə, məktəbdə onun tanınmış həmkarları da dərs deyəcəklər.

Bir neçə aydan sonra Qədirov həmçinin “Musiqi evi”ni açmağa hazırlaşır. Orada caz gecələri, sərgilər və digər mədəni tədbirlər keçiriləcək.

Emil Qədirov "Romansiada-2012" gənc rus romans ifaçılarının XVI Moskva Beynəlxalq Müsabiqəsinin seçmə mərhələsinin, Klavdiya Şuljenko (Xarkov) adına Beynəlxalq Müsabiqənin laureatıdır.

O, həmçinin klassik gitara ifaçıları və gitara ansambllarının səkkizinci Belqorod beynəlxalq müsabiqəsinin birinci dərəcəsinin, "Zakarpatye Edelveysi" və "Qara dəniz" Qran-prilərinin qalibidir. O, Rusiyanın 1-ci kanalında yayımlanan "Səs" vokal müsabiqəsində iştirak edib.

12
Mixail Borisov

Azərbaycanlı tələbələrdən ibarət kursun rəhbəri, tanınmış rejissor vəfat edib

8
(Yenilənib 14:20 20.09.2020)
Boris Şukin adına Teatr İnstitutunda azərbaycanlı tələbələrdən ibarət kursun rəhbəri, tanınmış rejissor Mixail Borisov vəfat edib.

BAKI, 20 sentyabr - Sputnik. Yevgeni Vaxtanqov adına Rusiya Dövlət Akademik Teatrı yanında Boris Şukin adına Teatr İnstitutunda rejissorluq kafedrasının müdiri, institutdakı azərbaycanlı tələbələrdən ibarət kursun və studiyanın rəhbəri, rejissor, teleaparıcı və aktyor Mixail Borisov 71 yaşında vəfat edib.

AZƏRTAC xəbər verir ki, vəziyyəti qəflətən teatr səhnəsində pisləşən M.Borisov xəstəxanaya çatdırılsa da, onun həyatını xilas etmək mümkün olmayıb. Teatr xadiminə ağciyərlərin iltihabı diaqnozu qoyulub.

Mixail Borisov Yevgeni Vaxtanqov adına Rusiya Dövlət Akademik Teatrı yanında Boris Şukin adına Teatr İnstitutunda kafedra müdiri, institutda azərbaycanlı gənclərdən ibarət kursun rəhbəri idi. 2016-cı ildə Azərbaycan Mədəniyyət Nazirliyi ilə Boris Şukin adına Teatr İnstitutu arasında bağlanmış müqaviləyə əsasən 11 azərbaycanlı gənc Moskvada təhsil almağa başlamışdır. M.Borisov Azərbaycana gələrək istedadlı gənclərin seçilməsində şəxsən iştirak etmişdi. Rejissor AZƏRTAC-a müsahibəsində Azərbaycandan daha çox istedadlı gəncin Moskvada təhsil almasına çalışdığını, ölkəmizlə mədəni əlaqələirin genişlənməsinin əhəmiyyətini vurğulamışdı.

8
Bitlz qrupuna Rusiyada qoyulmuş abidə, arxiv şəkli

Əfsanəvi qrup haqqında film kitab hazırlanır

198
Əfsanəvi "The Beatles" rok musiqi qrupuna həsr olunmuş son 20 ilin ilk kitabı nəşrə hazırlanır, həmçinin sənədli film çəkilir.

BAKI, 20 sentyabr — Sputnik. Əfsanəvi "The Beatles" rok musiqi qrupuna həsr olunmuş son 20 ilin ilk kitabı nəşrə hazırlanır.

Sputnik Azərbaycan xarici mediaya istinadən xəbər verir ki, kitabın adı "Let it be" albomundakı son mahnının - "Get back"ın ("Geri dön") adı seçilib. Kitaba giriş sözünün müəllifi britaniyalı yazıçı Hənif Küreyşidir.

Həmçinin 2021-ci ilin avqust ayında məşhur dördlükdən bəhs edən, "Üzüklərin hökmdarı"nı da ərsəyə gətirmiş rejissor Piter Ceksonun çəkdiyi sənədli film ekranlara çıxacaq.

Həm kitaba, həm də filmə ilk dəfə açıqlanan arxiv materialları daxil ediləcək.

Qeyd edək ki, "The Beatles" bir çox satış rekordlarını qıraraq 50-dən artıq mahnısı ilə dünyanın müxtəlif ölkələrinin musiqi çatlarına liderlik etmiş qruplardandır. Amerika Səsyazmalar Sənayesi Assosiasiyasının məlumatına görə, Beatles ABŞ-da bütün dövrlərin səsyazmaları ən çox satılmış qrupudur. 1985-ci ilə qədər dünyada qrupun 1 milyarddan artıq diski satılıb. 2004-cü ildə tanınmış "Rolling Stone" jurnalının apardığı sorğular əsasında tərtib edilən "Bütün dövrlərin 100 ən yaxşı sənətçisi" siyahısında Beatles-i I yerə layiq görülüb.

198
Teqlər:
Rolling Stone, The Beatles qrupu, "The Beatles"
Əlaqədar
The Beatles-ın ilk müqavilə sənədi satışa çıxarılır
Nüvə başlığı, arxiv şəkli

Trampın elçisi: "Nüvə silahlarını Avropadan çıxarmayacağıq!"

0
(Yenilənib 21:32 20.09.2020)
Marşal Billinqsli: "Avropadan silahları çıxarmayacağıq, ancaq Rusiyanın bizimlə danışmaq istədiyi hər şeyi müzakirə etməyə hazırıq".

BAKI, 20 sentyabr — Sputnik. "ABŞ Rusiya ilə təklif olunan hər hansı bir mövzunu müzakirə etməyə hazırdır, lakin nüvə silahlarını Avropadan çıxarmayacaq".

Sputnik Azərbaycan RİA Novosti-yə istinadla xəbər verir ki, bunu ABŞ prezidentinin xüsusi elçisi Marşal Billinqsli "Kommersant" qəzetinə verdiyi müsahibəsində bildirib.

Jurnalist ABŞ-ın nüvə silahlarını Avropadan çıxarmağa hazır olub-olmadığını soruşduqda Billinqsli qəti cavab verib:

"Xeyr, biz bunu etməyəcəyik. Ancaq Rusiyanın bizimlə danışmaq istədiyi hər şeyi müzakirə etməyə hazırıq. Hələ ki, biz Rusiya tərəfindən RƏM sistemi ilə bağlı heç bir konkret təklif görməmişik".

"Əlbəttə, biz öz tərəfimizdən nüvə döyüş başlıqlarının raket əleyhinə sistemlərə quraşdırılmasını o qədər də uğurlu ideya saymırıq. Başqa sözlə desək, Rusiyanın bu sahədə etdiklərinə dair bizim də fikrimiz var. Biz RƏM mövzusunu müzakirə etməyə hazırıq, amma RƏM-lə bağlı heç bir məhdudiyyəti tətbiq etməyi nəzərdə tutmuruq", -  Billinqsli əlavə edib.

0
Teqlər:
RƏM, nüvə, Avropa, ABŞ
Əlaqədar
"Rusiyaya siqnal". ABŞ gizli sualtı qayığını Norveç sahillərinə niyə göndərib?
“Qərargah da göndərirlər”: ABŞ ordusu Avropanın şərqində nəyə hazırlaşır?
ABŞ-ın supersilahı öz vətəndaşlarına qarşı tətbiq edilib: nəticəsi...
ABŞ Rusiyaya bütün nüvə gücünü göstərəcək