Roza Zərgərli, arxiv şəkli

Mən köynəkdə doğulmuşam: Roza Zərgərli COVID-19-u necə keçirdiyini bilməyib

4937
(Yenilənib 20:57 22.07.2020)
Müğənni Roza Zərgərli əməliyyatdan sonra həkimin yazdığı antibiotiklər və vitaminlər sayəsində koronavirusdan necə xilas olunmasından danışıb.

Kəmalə Əliyeva, Sputnik, Azərbaycan

BAKI, 22 iyul — Sputnik. Tanınmış azərbaycanlı müğənni Roza Zərgərli koronavirusa yoluxduğundan qətiyyən şübhələnməyib. Bir aydan sonra sosial şəbəkələrdə qızğın müzakirələrə səbəb olduğundan, bu barədə pərəstişkarlarına danışmaq qərarına gəlib. Zərgərlinin Sputnik Azərbaycan-a müsahibəsində etiraf etdiyi kimi, hazırda o, özünü çox yaxşı hiss edir və ən başlıcası, xəstəliyi gözəgörünməz şəkildə keçib.

- Roza, nə üçün siz koronavirus xəstəliyinə tutulduğunuzu bu vaxta qədər gizlətmisiniz?

- Mən heç kimdən heç nə gizlətməmişəm. Sözün düzü, mən hətta koronavirus xəstəliyinə tutulduğumu bilmirdim. Bu barədə məlumat verən kimi, hər kəs çaxnaşmaya düşdü. Demək istəyirəm ki, koronavirus xəstəliyinə düçar olmuş insanlarda bədəndə antikorlar peyda olur və onlardan çəkinmək lazım deyil. Müxtəlif saytlar mənim xəstəliyim haqqında yazdılar. Xəbərin altındakı şərhləri oxuduğum zaman dəhşətə gəldim. Bir çoxları hesab edirlər ki, əslində məndə heç bir xəstəlik yox idi və mən özümü belə reklam etmək qərarına gəlmişəm. Ümumiyyətlə necə belə şeyləri düşünmək olar?

- Bəs necə başa düşdünüz ki, xəstələnmisiniz?

- Mart ayında məni əməliyyat etdilər, ona görə də iki ay yataq rejiminə riayət etməli oldum. Yataqdan praktiki olaraq qalxmadım. Biz qərara gəldik ki, bağa köçək və orada qalaq. Mən cəmi iki dəfə yerli telekanalların efirində çıxış etmişəm, koronavirusa yoluxmamış insanlarla ünsiyyətdə olmuşam. Bəlkə küçədə və ya marketdə yoluxmuşam.

Əvvəl boğazım ağrımağa başladı, iyi və dadı hiss etmədim. Məndəki simptomlar adi qripin simptomlarından fərqlənirdi. Ona görə də başa düşdüm ki, nəsə məndə başqa şeydir. Özümü yoxlatmaq qərarına gəldim. Pambıqlı çöplə boğazımdan yaxma nümunəsi götürdülər. Cavab neqativ çıxdı, amma mən yenə də sakitləşmədim, ağ ciyərlərimi yoxlatmaq və qan testi vermək qərarına gəldim. Nəticədə qanımda antitel tapıldı. Bu o demək idi ki, mən çoxdan koronavirus xəstəsi olmuşam.

Посмотреть эту публикацию в Instagram

Публикация от Roza Zərgərli (@rozazergerli)

- Bəs sizdən savayı doğmalarınızdan kimsə yoluxub?

- Mənimlə birlikdə evdə on nəfər yaşayır. Onların hər biri testlərdən keçdi və Allaha şükür ki, hamısında nəticələr neqativ oldu. Heç kimin məndən yoluxmamasına şok oldum. Mənə elə gəlir ki, bir xəstənin immuniteti yaxşı olsa, bədəni bu xəstəliklə mübarizə apara və onu adi qrip kimi keçirə bilər.

- Sağalmağı necə bacardınız?

- Əməliyyatdan sonra həkimlər mənə bir dəstə antibiotik və vitamin təyin etdilər. Mən onların hamısını qəbul elədim. Həm də bir neçə aydır bioloji əlavələr və minerallarla dolu olan bitki yağlarından istifadə edirəm. Hesab edirəm ki, bütün bunlar xəstəliyi yaxşı keçirməyə və tez bir zamanda bərpa olunmağa kömək edib. Bir çox tanışlar hətta mənə deyirlər ki, sən köynəkdə doğulmusan. Amma hətta pis olsaydım belə, xəstəxanada müalicə olunmaq istəməzdim.

Посмотреть эту публикацию в Instagram

Публикация от Roza Zərgərli (@rozazergerli)

- Onda həkim sizə hər hansı müalicə yazmışdı?

- Yox. Yalnız infeksiyalara qarşı həblər yazdı.

- Həkimlər nə deyir, sizin yenidən yoluxma ehtimalınız var?

- Hələlik həkimlərin dediyinə görə, Azərbaycanda elə bir hal olmayıb ki, sağalmış şəxs yenidən koronavirusa yoluxsun. Orqanizmimdə bizi qorumaq üçün lazım olan antitellər ortaya çıxıb. Xəstəliyin tam olaraq araşdırılmaması səbəbindən həkimlər 100% zəmanəti vermirlər, buna görə özümüzü qorumalıyıq.

- Siz insanlara necə qorunmağı məsləhət görürsünüz?

- Ən əsası, heç nədən imtina etməyin, dietaya oturmayın. Bədənin güclənməsini təmin etmək üçün çoxlu meyvə və ət yeyin. Bəxtim gətirib ki, məndə xəstəlik özünü hiss elətdirmədən keçib və indi vəziyyətim yaxşıdır. Hətta iyi, dadı hiss edirəm. Amma bəzən koronavirus ölümə səbəb ola bilər, buna görə də hər kəs özünün qorumalıdır. Bir çox insanlar inanmırlar, amma xəstəlik həqiqətən mövcuddur və çox təhlükəlidir.

4937
Mixail Borisov

Azərbaycanlı tələbələrdən ibarət kursun rəhbəri, tanınmış rejissor vəfat edib

8
(Yenilənib 14:20 20.09.2020)
Boris Şukin adına Teatr İnstitutunda azərbaycanlı tələbələrdən ibarət kursun rəhbəri, tanınmış rejissor Mixail Borisov vəfat edib.

BAKI, 20 sentyabr - Sputnik. Yevgeni Vaxtanqov adına Rusiya Dövlət Akademik Teatrı yanında Boris Şukin adına Teatr İnstitutunda rejissorluq kafedrasının müdiri, institutdakı azərbaycanlı tələbələrdən ibarət kursun və studiyanın rəhbəri, rejissor, teleaparıcı və aktyor Mixail Borisov 71 yaşında vəfat edib.

AZƏRTAC xəbər verir ki, vəziyyəti qəflətən teatr səhnəsində pisləşən M.Borisov xəstəxanaya çatdırılsa da, onun həyatını xilas etmək mümkün olmayıb. Teatr xadiminə ağciyərlərin iltihabı diaqnozu qoyulub.

Mixail Borisov Yevgeni Vaxtanqov adına Rusiya Dövlət Akademik Teatrı yanında Boris Şukin adına Teatr İnstitutunda kafedra müdiri, institutda azərbaycanlı gənclərdən ibarət kursun rəhbəri idi. 2016-cı ildə Azərbaycan Mədəniyyət Nazirliyi ilə Boris Şukin adına Teatr İnstitutu arasında bağlanmış müqaviləyə əsasən 11 azərbaycanlı gənc Moskvada təhsil almağa başlamışdır. M.Borisov Azərbaycana gələrək istedadlı gənclərin seçilməsində şəxsən iştirak etmişdi. Rejissor AZƏRTAC-a müsahibəsində Azərbaycandan daha çox istedadlı gəncin Moskvada təhsil almasına çalışdığını, ölkəmizlə mədəni əlaqələirin genişlənməsinin əhəmiyyətini vurğulamışdı.

8
Bitlz qrupuna Rusiyada qoyulmuş abidə, arxiv şəkli

Əfsanəvi qrup haqqında film kitab hazırlanır

197
Əfsanəvi "The Beatles" rok musiqi qrupuna həsr olunmuş son 20 ilin ilk kitabı nəşrə hazırlanır, həmçinin sənədli film çəkilir.

BAKI, 20 sentyabr — Sputnik. Əfsanəvi "The Beatles" rok musiqi qrupuna həsr olunmuş son 20 ilin ilk kitabı nəşrə hazırlanır.

Sputnik Azərbaycan xarici mediaya istinadən xəbər verir ki, kitabın adı "Let it be" albomundakı son mahnının - "Get back"ın ("Geri dön") adı seçilib. Kitaba giriş sözünün müəllifi britaniyalı yazıçı Hənif Küreyşidir.

Həmçinin 2021-ci ilin avqust ayında məşhur dördlükdən bəhs edən, "Üzüklərin hökmdarı"nı da ərsəyə gətirmiş rejissor Piter Ceksonun çəkdiyi sənədli film ekranlara çıxacaq.

Həm kitaba, həm də filmə ilk dəfə açıqlanan arxiv materialları daxil ediləcək.

Qeyd edək ki, "The Beatles" bir çox satış rekordlarını qıraraq 50-dən artıq mahnısı ilə dünyanın müxtəlif ölkələrinin musiqi çatlarına liderlik etmiş qruplardandır. Amerika Səsyazmalar Sənayesi Assosiasiyasının məlumatına görə, Beatles ABŞ-da bütün dövrlərin səsyazmaları ən çox satılmış qrupudur. 1985-ci ilə qədər dünyada qrupun 1 milyarddan artıq diski satılıb. 2004-cü ildə tanınmış "Rolling Stone" jurnalının apardığı sorğular əsasında tərtib edilən "Bütün dövrlərin 100 ən yaxşı sənətçisi" siyahısında Beatles-i I yerə layiq görülüb.

197
Teqlər:
Rolling Stone, The Beatles qrupu, "The Beatles"
Əlaqədar
The Beatles-ın ilk müqavilə sənədi satışa çıxarılır
5G K9 robotu, arxiv şəkli

Robotlar insanlar üçün niyə qorxuludur - alimlərdən ilginc cavab

0
(Yenilənib 20:47 20.09.2020)
Alimlər qeyd ediblər ki, üzləri qavrama qabiliyyəti psixologiya üçün son dərəcə vacibdir. Autizmdə və bəzi xəstəliklərdə bu, yox olur və bu sahədə aparılan yeni araşdırmalar effektiv terapiyanın yolunu müəyyən edə bilər.

BAKI, 20 sentyabr — Sputnik. Emori Universitetinin psixoloqları insanların robotlardan qorxma səbəblərini müəyyən ediblər.

Sputnik Azərbaycan xarici mətbuata istinadla xəbər verir ki, hələ 1970-ci illərdən insanabənzər "canlı" modellərin müşahidəçilərdə xoş olmayan hisslər yaratdığı nəzərə çarpmışdı.

Bu hal "şər vadilər effekti" adlanırdı. Yeni araşdırmanın müəllifləri bunun səbəblərini müəyyən etməyə çalışıblar. Bunun üçün onlar insanların yad simaları necə qəbul etdiyini izləyiblər.

Könüllülərə insan şəkilləri, mexaniki robotlar və androidlər göstərilərək, onlardan "canlı" miqyasda qiymətləndirilməsi istənilib. Qiymətləndirmə bir neçə millisaniyə çəkib.

Nəticələr göstərdi ki, insanlar canlı bir üzü cansız bir üzdən 400 millisaniyədə fərqləndirə bilirlər. "İnsan şəklindəki" robotların isə üzünü beyin əvvəlcə canlı kimi qəbul edir, lakin sonra qarşısında süni bir cisim olduğunu anlayır.

Araşdırma müəlliflərinin fikrincə, dəhşət hissinin yaranması böyük ehtimalla qəbul edilən canlılığın azalması ilə bağlıdır.

Alimlər qeyd ediblər ki, üzləri qavrama qabiliyyəti psixologiya üçün son dərəcə vacibdir. Autizmdə və bəzi xəstəliklərdə bu, yox olur və bu sahədə aparılan yeni araşdırmalar effektiv terapiyanın yolunu müəyyən edə bilər.

0
Teqlər:
robot
Əlaqədar
Robotlar bu sahələrdə insanları sıxışdırıb çıxaracaqlar
Robotlar da yatmalıdır
İnsanlar kimə lazımdır? Rusiya gələcək robot ordusunun avanqardını yaradıb
Qazandığımızı tam itirə bilərik: təşəbbüsü robotlara verməklə...
“Ey, insan! Qorxursan?” – Robot öz məqaləsində sual edir