Aktrisa Günel Məmmədova

Tanınmış aktrisa: "Müəllimimə qulaq asmadım, indi isə peşmanam"

402
"Ürəyimdə yaratmaq istədiyim rollar var, amma deməyəcəm. Çünki oynamayacağım obrazın adını çəkməyin mənası yoxdur".

Kamal Almuradlı, Sputnik Azərbaycan

BAKI, 26 iyun — Sputnik. O Azərbaycan teatrının son dövrlər yetişdirdiyi professional, özünü təsdiq etmiş aktrisalardan biridir. Hələ gənc ikən teatr və kino sahəsində özündən söz etdirməyi bacarmışdı. Azərbaycan Dövlət Gənc Tamaşaçılar Teatrında müxtəlif mürəkkəb və psixoloji baxımdan olduqca zəhmət tələb edən rollar yaradan aktrisa mənə görə "Məhv olmuş gündəliklər" tamaşasındakı Anjel obrazı ilə ürəkləri fəth etməyi bacarıb.

Həmsöhbətimiz cazibədar və bir o qədər də istedadlı aktrisa Günel Məmmədovadır.

© Sputnik / Murad Orujov
Aktrisa Günel Məmmədova

- Karantin dövrünüz necə keçir?

- Çox darıxdırıcı. Həyatım həddən aktiv olduğuna görə karantində darıxıram. Amma yaradıcılıqdan kənar qalmıram. Qiraətlə məşğulam, bir neçə şeirlər söyləyib yazdırmışam, həm də kiçik vidieolar çəkmişəm, həm yumoristik, həm də düşündürücü. Bir neçəsini də çəkəcəyik. Çalışıram boş qalmayım.

- Yaradıcı adamlar boş qalanda özlərini daha pis hiss edirlər.

Həddindən artıq, həm də mənim kimi aktiv həyatı olan bir adam. İlk dövrdə lap çətin idi. Fitnes ilə məşğul oludum, yaradıcılığıma davam edirdim. İndi-İndi bir az özümə gəlirəm, amma yenə əvvəlki kimi deyil. Teatrsız qalmaq çətindir. İnşallah tezliklə bu bəla bitər, yenidən əvvəlki həyatımıza qayıdarıq.

© Sputnik / Murad Orujov
Aktrisa Günel Məmmədova

- Bu mövsüm Günel Məmmədova potensialından yetəri qədər istifadə edə bildimi?

- Heç vaxt özümdən tam razı olmamışam, amma potensialımı deyə bilərəm ki realizə etdim. Cari teatr mövsümündən yeganə yadda qalan, Cəfər Cabbarlının "Eloğlu" tamaşası oldu ki, mənə uğur gətirdi. Vaqif müəllimin rejisorluğu ilə səhnələşdirildi, partnyorlarıma da öz təşəkkürümü bildirmək istəyirəm. Şövqü müəllim, Elnur Kərimov onlarla bir səhnədə olmaq həqiqətən insana bir qüvvət verir. Yadda qalan yalnız bu və yeni serialım oldu. Tamaşaçılar həmişə məni dram janrında görüblər. Düşündüm ki, bu dəfə fərqli olmaq lazımdır. Sağ olsun Cəfər Axunzadə ki, mənə inanıb ofis işində Günel obrazını həvalə etdi. O da yadda qaldı. Amma ümumilikdə böyük işlər görə bilərdik, karantin imkan vermədi. Kinoda iki filmim ərsəyə gəldi. "Əlvida Şmidt" və "Qış nağılı" filmləri. Onlar da yadda qaldı. Yeni layihələr də var idi. Fikirlər müxtəlifdir. Bəyənənlər də oldu, bəyənməyənlər də oldu. Mən razı qaldım, iş rejimindən, partnyorlardan. Proyekt maraqlı olarsa, ödənişsiz də çəkilərəm.

© Sputnik / Murad Orujov
Aktrisa Günel Məmmədova

- Azərbaycanlı aktyor və aktrisaların ən çox can atdığı Akademik teatrın səhnəsidir və mən tanıyandan siz Gənc Tamaşaçılar teatrındasınız, sıxılmırsınız?

- Akademik Dram teatrında mənim çıxışlarım olur. Əslində kino aktrisası olmaq istəyirdim, məni bura müəllimim Rafiq Əliyev gətirib, sıxılmıram. Sevdiyim işlə məşğul oluram, kollektivdən də razıyam. Başqa teatrlarda da çxışlarım olur. Amma boynuma alıram ki, bir məsələ ilə bağlı Rafiq müəllim təklif edəndə qulaq asmadım və indi peşmanam. Gələcəkdə onu yerinə yetirəcəm. Teatra gəlməyimlə nələrisə qurban verdim. Ümumiyyətlə, sağlamlığımı qurban verdim teatrda. İnsallah öz arzularımı reallaşdıracağam. Zədə almadığım yer yoxdur. Yay , qış demədən çıxış edirdik, yalnız sağlamlığımı qurban vermişəm və peşman da deyiləm . Mən sənətimi sevirəm.

© Sputnik / Murad Orujov
Aktrisa Günel Məmmədova

- Sizi daha çox dramatik rolların ifaçısı kimi tanıyırlar, yaddaşlarda ağlayan aktrisa kimi qalmaq istəmirsiniz?

- Sözün açığı, yaddaşlarda elə qalmaq istəməzdim, amma təsadüfən mənə həmişə elə rollar həvalə edilib. Mənim teatrda ilk rolum komediya olsa da, seriallarda tamaşalarda həmişə dram oynamışam. Rejissorun baxış bucağı var, məni həmişə bu rolda görüblər. Çox istəyərdim komik rollara çəkilim. Görünməyən tərflərim var. Aktyor hər zaman hərtərəfli olmalıdır. Ürəyimdə yaratmaq istədiyim rollar var, amma deməyəcəm. Çünki oynamayacağım obrazın adını çəkməyin mənası yoxdur. Elə obrazlar olub ki, mənim ürəyimdə qalıb, versələr oynaya bilərəm. Cülyettanı mən bu dəqiqə gənclərə verərdim. Elə obrazlar var ki, görünüş imkan verməlidir.

- İndiki dövrdə teatrda problemi nədə görürsən - əsərdə, rejissorda, aktyorda?

- Əsər problemi deyəndə, gəncləri də dəyərləndirmək lazımdır. Rejissor problemində fikrimcə, onlar daha çox rahatlığa qaçırlar, mən narazı deyiləm problemlərdən. Mən əsər pis olsa da ona can gətirməyi özümə borc bilirəm. Əsər pis olanda rejissordan da çox şey asılıdır. Səhnələşdiriləndə tamamilə dəyişilə bilər. Əsər zəif ola bilər, rejissor istəsə hər şey edər. Amma rahatlaşma var bizdə. Mən işlədiyim rejissorlrdan razıyam. Aktyorları eşidirlər.

© Sputnik / Murad Orujov
Aktrisa Günel Məmmədova

- Rafiq müəllimin ölümü ilə Azərbaycan incəsənəti nə itirdi, kimi itirdi?

- Rafiq müəllim çox gözəl aktyor, rejissor olub. Əvvələr bilirsiniz ki, Gənc Tamaşaçılar teatrının rus bölməsi var idi. Neçə illər sonra rus bölməsini o açıb. Rus Dram teatrı üçün çox iş görüb. Mən çox şey itirdim onun ölümü ilə. Bilmirdim o xəstədi, onun ölüm xəbərini almaq mənim üçün şok oldu. Günel Məmmədova olaraq məni bu camiyədə tanıdan o olub. Dördüncü kursda əlimdən tutub Gənc Tamaşaçılar teatrına o gətirdi və həmişə də dəstək oldu. Mən çox pis oluram ki, o mənim bir çox tamaşalarımı görmədi. Heç vaxt tərifləməzdi məni. Deyərdi işinlə məşğul ol. Bir neçə müddət məlum səbəblərdən Gənc Tamaşaçılar teatrına gəlmədi, yanımda ola bilmədi. Onun bir arzusunu uşaqlıq etdim reallaşdırmadım, amma həmin istəyini çalışacağam həyata keçirim.

- Hansı planlarınız var.

- Sözün düzü nəyisə planlaşdırmaq mənə düşmür. Amma yarımçıq işlər var. Hansılar ki, davam etməli idi karantindən sonra onlara start veriləcək. Əsasən kino sahəsindədir. Teatrdan bu aralar uzağam.

402
Asan könüllüləri təşkilatının reallaşdırdığı “Əsgərə məktub” layihəsi

Azərbaycan Dövlət Akademik Musiqili Teatrı "Əsgərə məktub" layihəsinə qoşulub

3
(Yenilənib 19:28 27.10.2020)
Qurumun əməkdaşları Azərbaycan Silahlı Qüvvələrinin Qarabağın azadlığı uğrunda apardıqları mübarizədə Ordumuzun döyüş əzminin daha da artırılması məqsədilə təşkil olunan bu kampaniyada fəal iştirak edirlər.

BAKI, 27 oktyabr — Sputnik. Azərbaycan Dövlət Akademik Musiqili Teatrı "Əsgərə məktub" layihəsinə qoşulub. Sputnik Azərbaycan xəbər verir ki, teatrın rəhbər heyəti başda olmaqla, qurumun əməkdaşları Azərbaycan Silahlı Qüvvələrinin Qarabağın azadlığı uğrunda apardıqları mübarizədə ordumuzun döyüş əzminin daha da artırılması məqsədilə təşkil olunan bu kampaniyada fəal iştirak edirlər. Böyük ruh yüksəkliyi, həvəslə yazılan hər bir məktubda qüdrətli ordumuza və Ali Baş Komandana, bu günlər hər kəsin ailəsində ən əziz qonağı, ən əziz insanı olan əziz Prezidentimizə güvəndiklərini, həmişə onların yanında olduqlarını bildirirlər. Hər kəs öz hisslərini, sevgi və sayqılarını bir cür ifadə etməyə çalışıb. Hətta aktyorlardan bəziləri baməzə yumorlar, başlarına gələn maraqlı əhvalatları da məktublarda qeyd ediblər ki, əsgərlərimizin xoş ovqatını daha da artırsınlar.

Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev bununla bağlı açıqlamasında bildirib ki, "Teatrda "Əsgərə məktub" layihəsi böyük coşqu ilə qarşılanıb və uğurla davam etdirilir. Mən özüm də əsgərə məktub yazdım və ona inamımı, onunla şərəf və qürur duyduğunu bildirdim.

Qeyd edək ki, bundan öncə də teatr kollektivi Ordumuza dəstək məqsədilə Silahlı Qüvvələrə Yardım Fonduna 15 min manat məbləğində pul vəsaiti ianə edib və könüllü olaraq göstərdikləri bu yardımı yenə də davam etdirirlər. "Qarabağ Azərbaycandır! Yaşasın qüdrətli Ordumuz! Tanrı əsgərlərimizi və Ali Baş Komandanımızı qorusun! Musiqili Teatrın kollektivi Ali Baş Komandana inanır, əsgərlərimizlə qurur duyur və bilirlər ki, Qələbə günümüz uzaqda deyil!" - teatrın kollektivi bildirib.

3
Teqlər:
məktub, əsgər, Dövlət Musiqili Teatrı, Azərbaycan ordusu, dinc sakinlər, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Manas Ata və Dədə Qorqudun ruhu sizə kömək olsun - Qırğız ziyalılar İlham Əliyevə dua etdi
Bir ailədən üç əsgər ön cəbhədə: Tat icması qələbə xəbərini dörd gözlə gözləyir – video
Prezident Azərbaycan xalqını əmin etdi: "Haqq yolumuzdan dönməyəcəyik!"
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
İlham Əliyev Azərbaycanı dəstəkləyən ölkələrin başçılarına məktublar ünvanlayıb
Kitab, arxiv şəkli

Rusiyanın görkəmli rejissorunun "Seçilmiş əsərləri" ilk dəfə Azərbaycan dilində

10
(Yenilənib 12:40 27.10.2020)
Azərbaycan dilində ilk dəfə işıq üzü görən kitaba müəllifin məqalələri, məktub və gündəlikləri, nitq və qeydləri daxil edilib

BAKI, 27 oktyabr — Sputnik. Dövlət Tərcümə Mərkəzi teatrşünaslıq, rejissor və aktyorluq sənətinin tədrisinə töhfə olaraq Rusiyanın görkəmli teatr rejissoru Vsevolod Meyerholdun "Seçilmiş əsərləri" kitabını nəşr edib.

Sputnik Azərbaycan xəbər verir ki, Azərbaycan dilində ilk dəfə işıq üzü görən kitaba müəllifin məqalələri, məktub və gündəlikləri, nitq və qeydləri daxil edilib.

"Teatrın tarixi və texnikası haqqında", "O.M.Meyerholda məktublardan", "Gündəlikdən (1907–1912-ci illər)", "Fırtına", "Maskarad", "Teatr qeydləri", "Alicənab dəyyus", "Ürpənən torpaq", "Meşə", "Bubus müəllim", "Mandat", "Müfəttiş" adlı fəsillərin toplandığı kitabda ecazkar teatr aləmi, onun görünməyən tərəfləri, pərdəarxası proseslər, rejissorluq sənətinin sirləri kimi sənət incəlikləri dərin təhlil və araşdırmalarla izah edilir.

Kitabın orijinaldan tərcümə müəllifi Zahid Sarıtorpaq, redaktoru Fərhad Abdullayevdir.

Kitab Azərbaycan Dövlət Tərcümə Mərkəzinin 2019-cu ildən əməkdaşlıq etdiyi Rusiya İnstitutunun qrant layihəsi çərçivəsində nəşr olunub.

Qeyd edək ki, Rusiyanın Penza şəhərində anadan olan Vsevolod Meyerhold teatr rejissoru, nəzəriyyəçisi, aktyor və pedaqoq kimi zəngin yaradıcılıq irsinə malikdir. 1907-ci ildən Oktyabr inqilabına qədər Aleksandrinski və Mariinski imperator teatrlarının baş rejissoru olub. İnqilabdan sonra Rusiyanın müxtəlif teatrlar ilə əməkdaşlıq edib. Sovet İttifaqının ilk avanqardçı teatr rejissorlarındandır. Səhnə sənətində qrotesk üslubunun, "Biomexanika" adıyla bütün dünyada tanınan aktyor sisteminin yaradıcısı, məşhur "Teatr Oktyabrı" proqramının müəllifidir. "Don Juan" (Molyer), "Müfəttiş" (N.Qoqol), "Hedda Qabler" (H.İbsen), "Mandat" (N.Erdman), "Elektra" (R.Ştraus) kimi qırxa yaxın əsərə səhnə quruluşu verib. Repressiya illərində azadlıqdan məhrum edilib və 1940-cı ildə həbsxanada güllələnib.

10
Məmur portfeli, arxiv şəkli

Ölkəmizə iki bəla birdən gəlib: sahibkarlar çıxış yolu axtarırlar

0
(Yenilənib 21:43 27.10.2020)
"Erməni təcavüzündən, pandemiyadan zərərçəkmişlər, əsasən də cəhbəyanı bölgələrdə iş adamları, fermerlər üçün kredit amnistiyasına və kredit siyasətinə ehtiyac var"

Xalid Məmmədov, Sputnik Azərbaycan

BAKI, 27 oktyabr — Sputnik. Sentyabrın 27-dən etibarən Ermənistan silahlı qüvvələri tərəfindən Azərbaycana qarşı növbəti hərbi təxribat nəticəsində mülki əhaliyə, infrastruktur obyektlərinə, dövlət əmlakına, eləcə də sahibkarlıq subyektlərinə ziyan dəyib. Sputnik Azərbaycan xəbər verir ki, sahibkarlıq subyektlərinə dəymiş ziyanın müəyyən olunması istiqamətində tədbirlər görülür və müvafiq məlumatlar toplanır. Sahibkarlıq subyektlərindən dəymiş ziyan barədə İqtisadiyyat Nazirliyinin tabeliyində Kiçik və Orta Biznesin İnkişafı Agentliyinə (KOBİA) məlumat vermələri xahiş olunur.

Bəs dəymiş ziyan necə və hansı formada kompensasiya edilə bilər?

İqtisadçı, "Respublikaçı Alternativ" Partiyasının icra katibi Natiq Cəfərli Sputnik Azərbaycan-a dəymiş ziyanın kompensasiya edilməsi məsələlərindən danışıb.

İqtisadçı deyib ki, bizdə aqrar sahədə sığorta işi güclü inkişaf etməyib: "Risklər çox olduğu üçün sığorta şirkətləri aqrar sahəyə maraq göstərmirlər. Ona görə də istənilən halda dəymiş ziyanın ödənilməsi ilə bağlı xüsusi dövlət proqramına və yaxud da xüsusi dövlət yanaşmasına ehtiyac yaranacaq. Yəni sığorta şirkətlərinin bu işdə iştirakı mümkün deyilsə, istər-istəməz dövlətin buna müdaxiləsinə və müəyyən proqramların qəbuluna ehtiyac var".

O bildirib ki, ilkin olaraq müstəqil komissiya tərəfindən dəymiş ziyan hesablanmalıdır: "Bundan sonra dəymiş ziyanın aradan qaldırılması üçün kompensasiyaların ödənilməsi mümkündür. Fermerlərə kompensasiya nağd puldan əlavə, kənd təsərrüfatı texnikası, gübrə, toxum, yanacaq və digər şəkildə də verilə bilər. Amma hər bir halda dövlətin xüsusi proqramına, yanaşmasına ehtiyac var. Çünki kənd təsərrüfatı sahəsində hansısa vergi güzəştinin tətbiqi effektsiz olacaq. Kənd təsərrüfatında, demək olar ki, vergi öhdəliyi, vergi yükü yox dərəcəsindədir".

"Ona görə də onların gələcək fəaliyyətinə yönələn hansısa təşviqin, güzəştin olmasındansa, indi, bu gün güzəştlərin, təşviq və yaxud da dəstək proqramının olması daha yaxşı olardı. İlk növbədə Nazirlər Kabineti dəymiş ziyanın hesablanması ilə bağlı xüsusi komissiya yarada bilər. Dəymiş ziyanın kompensasiya edilməsi üçün dövlətin kifayət qədər imkanları var. Kompensasiya nağd pul və ya aqrar sahədə çalışanların maddi-texniki bazasının yaxşılaşdırılması formasında da ola bilər", - deyə o qeyd edib.

Ziyan çəkmiş sahibkarların kredit məsələsindən danışan ekspert bildirib ki, kreditlərlə bağlı geniş bir yanaşmaya ehtiyac yaranacaq: "Çünki əks-hücum əməliyyatları və münaqişə bölgəsindən əlavə, pandemiyadan da zərər çəkən sahələr var. Pandemiyadan zərərçəkən sahələrdə kreditlərin ödənilməsində problemlər yaşanır. Aqrar sahəyə isə xüsusi diqqət lazımdır. Çünki aqrar sahənin kreditləşməsi sənayenin və yaxud da kommersiya fəaliyyətinin kreditləşməsindən ciddi şəkildə fərqlənir. Kənd təsərrüfatında kreditləşmənin uzun müddətli və aşağı faizli olması vacibdir".

"Aqrar sektorda elə sahələr var ki, qoyulmuş sərmayələr bir neçə ildən sonra gəlirə çıxış imkanları yaradır. Və kreditlərin bu illər ərzində hesablanması əlavə yükdür və fermerlər, iş adamları bu yükün altına girmək istəmirlər. Ona görə də xüsusi bir kredit amnistiyası proqramının hazırlanmasına ehtiyac var. Erməni təcavüzündən, pandemiyadan zərərçəkmişlər, əsasən də cəhbəyanı bölgələrdə iş adamları, fermerlər üçün kredit amnistiyasına və kredit siyasətinə ehtiyac var. Bu kredit siyasəti də əsasən uzun müddətli və aşağı faizli kreditlərə hesablanmış siyasət olmalıdır", - deyə ekspert əlavə edib.

Pandemiyanın əlimizdən aldıqlarını Qarabağ geri verəcək>>

İqtisadiyyat Nazirliyinin mətbuat xidmətindən Sputnik Azərbaycan-a bildirilib ki, 2020-ci ilin sentyabrın 27-dən etibarən Ermənistan silahlı birləşmələri növbəti dəfə hərbi təxribatlara başlayaraq, beynəlxalq hüquq normalarını kobud şəkildə pozmaqla, Azərbaycan Respublikasının hərbi obyektləri və yaşayış məntəqələrini intensiv atəşə tutur. Ötən müddət ərzində cəbhəyanı bölgələrdə yerləşən mülki obyektlərlə yanaşı, çoxsaylı sahibkarlıq obyektləri də düşmən zərbələrinə məruz qalıb. Həmin ərazilərdə qeydiyyatda olan bir sıra vergi ödəyicilərinin təsərrüfat subyektlərinə, əmlaklarına külli miqdarda zərər dəyib, onların sahibkarlıq fəaliyyəti tamamilə dayanıb və ya əhəmiyyətli dərəcədə maliyyə itkiləri ilə üzləşiblər.

İşğal altında olan rayonlarda və cəbhəyanı ərazilərdə qeydiyyatda olan mikro və kiçik sahibkarlıq subyektlərinə baş vermiş hadisələr nəticəsində dəymiş maddi zərərin təsirinin azaldılması, sahibkarlıq fəaliyyətinin davamlılığının təmin edilməsi məqsədilə həmin subyektlərə münasibətdə İqtisadiyyat Nazirliyi yanında Dövlət Vergi Xidməti tərəfindən 15.10.2020-ci il tarixində "İnzibati icraat haqqında" Qanunun müddəalarına uyğun olaraq, müvafiq qərar qəbul edilib. Belə ki, bu vergi ödəyiciləri üzrə maliyyə sanksiyalarının tətbiq edilməsini nəzərdə tutan qərarlar tam şəkildə, səyyar vergi yoxlamalarının nəticəsi üzrə qəbul olunmuş qərarların isə maliyyə sanksiyasının tətbiq edilməsi hissəsi ləğv edilib.

Qəbul edilmiş qərarla 2013 vergi ödəyicisinin 6 milyon 544,3 min manat məbləğində, o cümlədən tam və qismən işğal altında olan rayonlar üzrə 191 vergi ödəyicisinin 103 min manat, cəbhəyanı rayonlar üzrə isə 1.822 vergi ödəyicisinin 6 milyon 441,4 min manat məbləğində maliyyə sanksiyası ləğv olunub.

Bütün bunlar isə bir daha göstərir ki, Azərbaycan dövləti həmişə olduğu kimi, bu gün də sahibkarların yanındadır.

Qeyd edək ki, bundan başqa, KOBİA Ermənistanın hərbi təxribatından zərər çəkmiş sahibkarlarla görüşlərini davam etdirir.

Sahibkarların təsərrüfatlarına və biznes obyektlərinə dəymiş zərərlə yerində tanış olmaq, onların ehtiyaclarını öyrənmək, eləcə də zəruri və təxirəsalınmaz öhdəlikləri (kredit, vergi və s.) barədə məlumat əldə etmək üçün Dövlət Vergi Xidmətinin, KOBİA-nın məsul əməkdaşları Füzuli rayonunun Horadiz şəhərində və Beyləqan rayonunda olublar. Füzuli, Beyləqan və Ağcabədi rayonlarından olan sahibkarlarla görüşlər keçirilib. Bundan öncə isə Gəncə şəhərində və Bərdə rayonunda zərər çəkmiş sahibkarlarla görüş keçirilib, onların təsərrüfatına və sahibkarlıq obyektlərinə dəymiş ziyanla yerində tanış olunub. Dəymiş zərərin yerində öyrənilməsi məqsədilə KOBİA nümayəndələri digər şəhər və rayonlara da səfər edəcəklər.

Azərbaycan dövləti həmişə olduğu kimi, bu gün də sahibkarın yanındadır. Odur ki, KOBİA bir daha Ermənistanın hərbi təxribatından ziyan çəkmiş sahibkarlıq subyektlərindən bu barədə məlumat vermələrini xahiş edir. Bunun üçün sahibkarlıq subyektləri KOBİA-nın (012) 404 04 01 (daxili 187) və (055) 200 02 96 telefon nömrələri, info@smb.gov.az elektron poçt ünvanı və ya Agentliyin www.smb.gov.az saytının "Əlaqə" bölməsi vasitəsilə müraciət edə bilərlər.

0
Teqlər:
aqrar sahə, güzəşt, vergi, kredit, müharibə, pandemiya, biznes, sahibkarlıq fəaliyyəti
Əlaqədar
"İşğal olunmuş ərazilərdə ağır ekoloji cinayətlərə son qoyulmalıdır" - Nazir müavini
Uçot məlumatlarının dəyişdirilməsi ilə bağlı sahibkarlar üçün təlimlər keçirilib
Dövlət başçısı: "Korrupsiya hər yerdə var və biz bununla mübarizə aparırıq"
Professor: “Banklar bu əməliyyatlardan uzaq olsalar yaxşıdır”
Müharibəyə görə həyatını itirən hərbçi və mülki şəxslərin krediti silinəcək