Aktyor Bəhram Bağırzadə Sputnik Azərbaycanın redaksiyasında

Bəhram Bağırzadə ağır vəziyyətdə reanimasiyaya yerləşdirildi

1805
(Yenilənib 17:22 14.06.2020)
Bəhram Bağırzadənin vəziyyətinin kəskin pisləşməsi səbəbindən daha əvvəl koronavirus xəstəliyindən müalicə olunduğu xəstəxanadan 13 iyun 2020-ci il tarixində Mərkəzi Gömrük Hospitalının reanimasiya şöbəsinə köçürülüb

BAKI, 14 iyun — Sputnik. Azərbaycanın Əməkdar artisti Bəhram Bağırzadə yaxın iki ay ərzində əhatə dairəsi xaricində olacaq.

Bu barədə Sputnik Azərbaycan-a o özü məlumat verib.

Aktyor özünün qeybə çəkilməsi üçün dəqiq səbəbi açıqlamayıb, amma xatırladaq ki, bir müddət öncə Bəhram Bağırzadənin koronavirusa yoluxması barədə məlumat yayılsa da, o bunu inkar etmişdi. 

“Mənim əziz dostlarım! Sizi çox sevirəm, hörmət edirəm və uzun illərdir çalışıram ki, hər səhər kefinizi açım, hər gecə də xeyir-dualarla sağollaşıram. Anlayışınıza ümid edirəm, çünki üzrlü səbəblərə görə yaxın iki ay müddətində sizin zəng və mesajlarınıza cavab verə bilməyəcəm. Allah qoysa, komfort zonasına qayıdanda özüm sizinlə əlaqə saxlayacam. Hər birinizə dərin hörmət və anlayış göstərəcəyiniz ümidilə sizin Bəhram”, - deyə aktyor dostlarına müraciət edib.

“Parni iz Baku” teatrının rəhbəri Tahir İmanov isə haqqin.az-a bildirib ki, Bəhram Bağırzadə ağır vəziyyətdə xüsusiləşdirilmiş xəstəxanalardan birinin reanimasiya şöbəsinə aparılıb.

Onun sözlərinə görə, aktyora koronavirus diaqnozu qoyulub: “Bəhram Bağırzadənin müalicəsini Prezident İlham Əliyev və Birinci vitse-prezident Mehriban Əliyeva nəzarətə götürüblər. Biz onlara təşəkkür edirik. Həkimlər Bəhram Bağırzadənin xilası üçün əllərindən gələni edirlər. Ümid edirik ki, həkimlərin səyi ilə həyatı qurtulacaq”.

Mərkəzi Gömrük Xəstəxanası REAL TV-nin sorğusuna cavab olaraq bildirib ki, Bəhram Bağırzadənin vəziyyətinin kəskin pisləşməsi səbəbindən daha əvvəl koronavirus xəstəliyindən müalicə olunduğu xəstəxanadan 13 iyun 2020-ci il tarixində Mərkəzi Gömrük Hospitalının reanimasiya şöbəsinə köçürülüb.

Xəstənin yeni çəkilən kompüter tomoqrafiyasında əvvəlkilərlə müqayisədə çox ciddi mənfi gedişatın olduğu aşkarlanıb. 90%-dən çox ağciyər toxumasının zədələndiyi məlum olub. Dünya təcrübəsində ağciyər toxumasının 75%-i üzərində olan zədələnmələrində COVID-19 xəstələrinin yaşamaq şansının çox az olduğu bidirilir.

Süni tənəffüs aparatında intensiv müalicəyə baxmayaraq saturasiyanın artırılmasına nail olunmayıb. Saturasiya günboyu aparılan müalicələr ilə yenə 50% ətrafında olduğuna görə saat 23:00 radələrində konsilium keçirilib və xəstənin EKMO cihazına qoşulmasına qərar verilib. Qeyd edək ki, EKMO - ekstrakorporal membran oksigenlənmə cihazı olub, ağciyər və ürək yerinə 2-3 həftə funksiya göstərərək, mövcud olan problemin həlli üçün həkimlərə vaxt qazandıran bir müalicə üsuludur.

Ötən gecə saat 02 radələrində Mərkəzi Gömrük Hospitalının reanimatoloqları və cərrahları tərəfindən xəstənin EKMO cihazına qoşulması əməliyyatından sonra onun  vəziyyəti nisbətən stabilləşib və saturasiya 95 faizə qədər yüksəlib. Lakin xəstənin vəziyyəti kritik ağır olaraq qalır.

Əməkdar artist Bəhram Bağırzadənin müalicəsi  birbaşa Azərbaycanın Birinci vitse-prezident Mehriban xanım Əliyevanın nəzarətindədir. 

1805
Azərbaycanın Əməkdar artisti bəstəkar-müğənni Elza Seyidcahan

Elza Seyidcahan "Taclı eybəcər"lə gündəmi alt-üst etdi

23
(Yenilənib 19:37 23.09.2020)
Ekstravaqant geyimləri və şeirləri ilə məşhur olan Əməkdar artist Elza Seyidcahan bu dəfə də gündəmi alt-üst edib.

Şahpəri Abbasova, Sputnik Azərbaycan

BAKI, 23 sentyabr — Sputnik. Ekstravaqant geyimləri və zaman-zaman geniş müzakirələrə səbəb olan şeirləri ilə məşhur olan Əməkdar artist Elza Seyidcahan bu dəfə də gündəmi alt-üst edib.

Sputnik Azərbaycan-ın məlumatına görə, bəstəkar-müğənni bu dəfə dünyanı cənginə alan koronavirusa şeir yazıb. Müğənni şeiri ATV kanalında yayımlanan "Bağ mövsümü" verilişində səsləndirib.

Müğənni bildirib ki, sözügedən şeiri sərt karantin rejiminin tətbiq olunduğu vaxtlarda yazıb. Barəsində danışılan şeir "Taclı eybəcər" adlanır. Şeir sosial şəbəkə izləyiciləri tərəfindən sərt qarşılanıb. Onlar Əməkdar artisti buna görə qınayıblar.

https://www.youtube.com/watch?time_continue=43&v=LsPXCk7v3JY&feature=emb_logo

23
Əlaqədar
Seyidcahanın anası dələduzun hədəfinə tuş gəlib
Günel Atkinson Nəsibova

Azərbaycana səyahət etmək istəyən əcnəbilər “Ağsaqqal”ı görsünlər VİDEO FOTO

1570
(Yenilənib 10:00 23.09.2020)
Fransada yaşayan Günel Atkinson Nəsibova qeyri-adi masaüstü oyun hazırlayıb. O, Azərbaycan xalqının mədəniyyətini, tarixini və ənənələrini populyarlaşdırmağa imkan verir.

Kəmalə Əliyeva, Sputnik Azərbaycan

BAKI, 23 sentyabr — Sputnik. Fransada yaşayan azərbaycanlı Günel Atkinson Nəsibova qeyri-adi masaüstü oyun yaradıb. “Ağsaqqal” adlanan oyun sosial şəbəkələrdə müzakirə mövzusu olub. Oyunun məqsədi Azərbaycanın dəyərləri, ənənələri, tarixi, mədəniyyəti və incəsənəti barədə biliklərin ötürülərək artırılmasına xidmət etməkdir. Öz ixtirası barədə Nəsibova Sputnik Azərbaycan-a müsahibəsində geniş məlumat verib.

- Günel, Bakıdan Fransaya köçməyiniz necə alındı?

- Bakıda riyaziyyat müəllimlərinin ailəsində doğulub-böyümüşəm. Uşaq vaxtı dama oynamağı sevirdim, hətta 13 yaşım olanda Azərbaycan çempionu adı da qazandım. 15 yaşımda daha bir sürpriz gözləyirdi məni - Freedom Support Act (FSA) proqramının qaliblərindən biri oldum. Bu proqram hər il 50 nəfər yuxarı sinif şagirdinin 1 il müddətində ABŞ-da dəyişmə proqramı vasitəsilə təhsil almasına sponsorluq edirdi.

Bakıya qayıdandan sonra Amerika Universitetinə qəbul olundum və dörd il sonra “İşgüzar idarəetmə” ixtisası üzrə bakalavr diplomu aldım. Maliyyə və mühasibat sahəsində müxtəlif beynəlxalq şirkətlərdə on il işlədikdən sonra qərara aldım ki, təhsilimi davam etdirim.

2010-cu ildə Böyük Brtaniyaya getdim. Əvvəl MBA proqramı üzrə oxuyurdum, sonra diplomlarımın sırasında CIMA diplomunu da qata bildim.  

2014-cü ildə həyat yoldaşımın işinə görə Bakıya qayıtdım və ailəm burada dörd möhtəşəm il keçirdi. Ancaq 2018-ci ildə ərimin müqaviləsi bitdiyindən yenidən Böyük Britaniyaya döndük.

© Photo : Gunel Atkinson Nasibova
Günel Atkinson Nəsibova

Təzə gəlmişdik ki, Parisə köçəcəyimiz barədə xəbər aldıq. Kefimiz pozula da bilməzdi – Paris nağıl kimi şəhərdir.

Burada artıq üçüncü ildir, yaşayırıq və hər gələn il hiss edirəm ki, Paris daha da doğmalaşır, onu daha çox sevirəm. Amma bunlara baxmayaraq, dünyanın heç bir şəhəri sevimli Bakımın yerini verə bilməz. Gözəl ailəm: həyat yoldaşım Klayv, iki gözəl övladım, oğlum Elvin və qızım Leyli var, buna görə taleyimə minnətdaram.

- Bəs  “Ağsaqqal” oyununu yaratmaq ideyası necə  yarandı? Adı da çox qəribədir.

- İdeyanı uşaqların sayəsində firikləşdim. Anlayırdım ki, Bakıda yaşamayaraq, öz Vətənin haqda yetəri həcmdə məlumat almayaraq, daimi olaraq həmvətənlərinlə ünsiyyət saxlamayaraq öz köklərindən daha da uzaq düşürsən. Bu, kefimi pozurdu. Elə vəziyyəti dəyişmək istəyi də masaüstü oyun yaratmaq ideyasını doğurdu.

Ailəmiz oyunları sevir. Ona görə əmin idim ki, bu formatda mütləq qoyduğum məqsədə çatacam.

- Niyə məhz “Ağsaqqal”?

- “Ağsaqqal” sözünü çox sevirəm. Onunla çox yaxşı assosiasiyalarım var. Ağsaqqal müdriklik və hörməti ehtiva edir, yəni bir sözdə bu qədər dərinlik var. Bu ad ağlıma gələndə dərhal anladım ki, başqa variant axtarmaq heç lazım da deyil.

- Bu, yaratdığınız ilk oyundur?

- Bəli, “Ağsaqqal” ilk oyunumdur. Planımda onu bir az da genişləndirmək var. Yəni davamı olaraq “Ağbirçək” də yarada bilərəm.

- Bu oyunun qaydaları nədir?

- “Ağsaqqal”ın məqsədi Azərbaycanın dəyərləri, ənənələri, tarixi, mədəniyyəti və incəsənəti barədə məlumatları ötürmək və çoxaltmaqdır. Oyunçular bizim ölkənin xəritəsini əks etdirən masaüstü lövhənin üzəriylə “səyahət” edərək ölkə haqda öyrənirlər. Qazanaraq “ağsaqqal” olmaq üçün oyunçu yolda Azərbaycan haqda suallar olan vərəqləri yığaraq səyahəti birinci tamamlamalıdır. Suallar da öz növbəsində bir neçə kateqoriyaya bölünür, həm öyrədici, həm də əyləncəlidir.

Oyun konsepsiyasına görə çətin deyil, amma məzmununa görə xüsusidir, gözəlliyi də elə bundadır.

© Photo : Gunel Atkinson Nasibova
Günel Atkinson Nəsibova

Oyunun çətinliyinə görə iki mərhələsi var, yəni onu Azərbaycanda yaşayanlar və xaricdə olanlar oynaya bilərlər. Hətta ən xırda detallar da Vətənimizə qarşı diqqət və məhəbbətlə düşünülüb. Məsələn, hərəkət etdirilən fişkalar da sevdiyimiz atributları – paxlava, çarıq, Qarabağ atı – ifadə edir.

- “Ağsaqqal” nə qədər vaxtınızı aldı? Oyunu yaradarkən hansı çətinlikləriniz oldu?

- Rəqəmsal dizayn, test mərhələsi və ilkin protototipinin əldə edilməsi də daxil “Ağsaqqal”ın yaradılmasına bir il sərf etdim. Yeri gəlmişkən, nə qədər narahat olub kədərlənsəm də COVID-19 və onun səbəbindən karantin bir qədər mənə kömək oldu ki, sevimli məşğuliyyətimə daha çox vaxt ayırıım.  

Əlbəttə, çətinliksiz də olmur. Məsələn, əvvəl heç vaxt rəqəmsal dizaynla məşğul olmamışam, müxtəlif proqramlar yükləyib hər şeyi öyrənməyə məcbur oldum. Oyun çapa hazır olan kimi ilk növbədə Bakıdakı naşirlərimizə müraciət etdim, amma belə bir istehsalçı tapa bilmədim. Xarici şirkətlərə müraciət etməli oldum.

Gələcəkdə öz yerli resurslarımızdan, azərbaycanlı istehsalçıların xidmətlərindən istifadə etmək istərdim. İndi bu layihənin maliyyələşməsi ilə bağlı çətinlik var, amma düşünürəm ki, yaxın gələcəkdə məsələ həllini tapacaq.

- Fransada oyununuzu necə dəyərləndirdilər?

- Fransada bizim diasporun nümayəndələrinə “Ağsaqqal” barədə məlumat verdim və onlardan, eləcə də hörmətli səfirimiz Rəhman Mustafayevdən dəstək və xoş arzular aldım. Əlbəttə ki, bu məni çox sevindirdi və qürurlandım.

Oyunum barədə ilk bölüşdüyüm insanlardan biri də həmyerlimiz, gözəl rəssam Əsmər Nərimanbəyova oldu. Parisdə yaşayan Əsmər xanım bizim dahi rəssamımız Toğrul Nərimanbəyovla Azərbaycanın xalq heykəltaraşı Elmira Hüseynovanın qızıdır, gözəl qəlbli bir insandır. O, “Ağsaqqal” oyununun faydasını dərhal qiymətləndirdi və bu istiqamətdə işimi təriflədi.

“Ağsaqqal” hələ satışa çıxmayıb, amma ümid edirəm ki, yaxın gələcəkdə onu almaq istəyənləri sevindirə biləcəyəm.

© Photo : Gunel Atkinson Nasibova
Günel Atkinson Nəsibova

- Belə bir fikir var ki, demək olar ki, bütün kompüter oyunları ünsiyyəti öldürür, masaüstü oyunlarda isə hər şey tərsinədir – tanışlıq, canlı ünsiyyət, elə coşğu da boldur. Necə bilirsiniz, kompüter oyunları masaüstü oyunları tamamilə sıxışdırıb çıxara bilər?

- Bəli, tamamilə haqlısınız. Masaüstü oyunların gözəlliyi  elə ondadır ki, onlar dost-tanışları, doğmaları bir yerə toplayır, vaxtımızı birlikdə maraqlı keçirməyə imkan yaradır. Məhz bu fakta görə, hesab edirəm ki, kompüter oyunları heç vaxt masaüstü oyunları sıxışdıra bilməz. Ən azından hələ robotlar bəşəriyyəti zəbt eləməyincə (gülür).

- Sizin oyunu Azərbaycanda almaq mümkün olacaq?  

- Əlbəttə, mütləq. Arzum odur ki, “Ağsaqqal” hər bir azərbaycanlının evində olsun.

1570
Teqlər:
oyunçu, sual, ənənə, tarix, incəsənət, mədəniyyət, Azərbaycan, Böyük Britaniya, Fransa, azərbaycanlı, oyun

Bakı hər bir xırdalığı ilə: sakitlik bəxş edən minimalizm FOTOLAR

0
(Yenilənib 12:11 24.09.2020)
Minimalizm fotoqrafların sevimli janrlarından biridir. O, tamaşaçının diqqətini müəyyən detala, xırdalığa və ya obyektə cəmləşdirməyə imkan verir. Bakı küçələrindən minimalizm üslubunda çəkilmiş fotoşəkilləri sizə təqdim edirik.

Bakı küçələri memarlığı, küçə süjetlərini və ya minimalizmi çəkən fotoqraflar üçün əsl xəzinədir. Hər addımda maraqlı mənzərəyə, kompozisiyaya, tarixi və ya müasir tikiliyə rast gəlmək olar.

Minimalizm bir janr kimi təsviri sənətdə keçən əsrin ortalarında ortaya çıxıb, lakin fotoqraflar onu tez bir zamanda seviblər. Bu fotoşəkillərin əsas konsepsiyası belədir: əsas obyekt kadrın kiçik bir hissəsini tutur, ətrafı isə boşluq kimi buraxılır. Belə şəkillər bütün diqqəti əsas obyekt üzərində cəmləşdirməyə imkan verir. Psixoloqlar iddia edirlər ki, minimalizm üslubunda əsərlərə baxmaq sakitləşməyə imkan verir.

Tez-tez "az olsun, saz olsun" ifadəsini eşitmək mümkündür. Bəlkə də belədir. Amma hələ ki sizə Bakının küçələrində çəkilmiş fotoşəkillərə baxmağı təklif edirik.

0
  • © Sputnik / Murad Orujov

    Bakı teleqülləsinin fraqmenti.

  • © Sputnik / Murad Orujov

    Bakıda yaşayış binasına mənzərə.

  • © Sputnik / Murad Orujov

    Şəhər mənzərəsi.

  • © Sputnik / Murad Orujov

    Bakıda Flame Towers binalarının fonunda məscid minarələri.

  • © Sputnik / Murad Orujov

    Bakı bulvarında palmalar.

  • © Sputnik / Murad Orujov

    Bakının mərkəzində tarixi binanın fraqmenti.

  • © Sputnik / Murad Orujov

    Bakı teleqülləsinə mənzərə.

  • © Sputnik / Murad Orujov

    Bakıda Qız qalasının fraqmenti.

  • © Sputnik / Murad Orujov

    Bakı bulvarında yaxta.

  • © Sputnik / Murad Orujov

    Bakı şəhərinə Xəzər dənizindən mənzərə.

  • © Sputnik / Murad Orujov

    Bakının mərkəzində bina tikintisi.

  • © Sputnik / Murad Orujov

    Bakı bulvarında ağac.

  • © Sputnik / Murad Orujov

    Qadın övladı ilə Bakı bulvarında.

  • © Sputnik / Murad Orujov

    Dəniz Mall Ticarət Mərkəzinin binasında "Şeytan çarxı"nın əks olunması.

  • © Sputnik / Murad Orujov

    Dənizkənarı Milli Park.

  • © Sputnik / Murad Orujov

    Bakıda "Şeytan çarxı" attraksionunun fraqmenti.

  • © Sputnik / Murad Orujov

    Bakı küçələrinin birində işıqlandırma.

  • © Sputnik / Murad Orujov

    Bakı bulvarında Dəniz Mall Ticarət Mərkəzinin fraqmenti.

  • © Sputnik / Murad Orujov

    "Çayki" restoranının fraqmenti

  • © Sputnik / Murad Orujov

    Dənizkənarı Milli Park.

  • © Sputnik / Murad Orujov

    "Şəhidlər" məscidinə mənzərə.

  • © Sputnik / Murad Orujov

    Bakının mərkəzində Four Seasons hotelinə mənzərə.

  • © Sputnik / Murad Orujov

    "İçərişəhər" metrostansiyasının fraqmenti

  • © Sputnik / Murad Orujov

    Bakı meriyasında Azərbaycan bayrağı.

  • © Sputnik / Murad Orujov

    Şirvanşahlar saray kompleksində "Şah" məscidinin fraqmenti.

  • © Sputnik / Murad Orujov

    Zeytun ağacının budağı.

  • © Sputnik / Murad Orujov

    Bakıda qala divarının fraqmenti.

Teqlər:
minimalizm, Bakı, fotolent