Turqut Əliyev, arxiv şəkli

Gözlənilməz şöhrət: Havayda karantini pozan azərbaycanlı necə məşhurlaşdı

42
(Yenilənib 01:11 20.05.2020)
Qrin-kart qazanaraq Amerikaya köçən bloger Turqut Əliyev orada videoçarxlar çəkməyə başladı. Amma heç vaxt fikirləşməzdi ki, onu videoları deyil, Havay adalarında aldığı cəza məşhurlaşdıracaq

BAKI, 20 may — Sputnik, Kəmalə Əliyeva. Azərbaycanlı bloger Turqut Əliyev gözlənilmədən nəinki Azərbaycanda, eləcə də hazırda yaşadığı ABŞ-da populyarlaşıb. Səbəb isə həm Amerika, həm də Azərbaycan mətbuatında onun Havay adalarında karantin qaydalarını pozduğuna görə həbs olunması xəbərlərinin yayılmasıdır. 

Sputnik Azərbaycan-a müsahibəsində T.Əliyev baş verən hadisə və ABŞ-a köçməyi haqda danışıb.

Turqut Əliyev 2017-ci ildə qrin-kart (ABŞ-da daimi yaşamağa icaz verən sənəd) qazanıb və Amerikaya köçməyə qərar verib. Birləşmiş Ştatlarda yaşamaq çoxdankı arzusu olduğundan o, hər şeyi sıfırdan başlamağı gözə alıb. O, artıq üç ildir ki, ABŞ-da yaşayır və bu qərarına görə heç də peşman deyil.

“Burada işə düzələ bildim, hazırda informasiya texnologiyaları sahəsində çalışıram. Hər şeydən razıyam – həm işimdən, həm həyatımdan. Blogerliyə isə hələ buraya köçməzdən əvvəl başlamışdım. Gələndən sonra anladım ki, Azərbaycanda indiyədək ABŞ haqda azərbaycanca videolar çəkən, ştatlar haqda, gəzməli-görməli yerlər haqda ətraflı məlumat verən, buraya necə köçmək, qrin-kartı necə almaq və s. digər məsələlər barədə danışan adam olmayıb. Ona görə də öz bloqumu yaradaraq videolar çəkməyə başladım”, - Əliyev qeyd edib.

Hər bir videodan əvvəl T.Əliyev əvvəlcədən məlumat topladığını, sonra isə bilgiləri videoçarxlarda paylaşdığını deyir. O, səfərlərini də lentə alır. Bu dəfə işlədiyi şirkət onu Havay adalarına göndərəndə T.Əliyeva kamerasını da özüylə götürməyi qərara alır.

“Bir çox KİV yazır ki, mən özüm Havay adalarına uçmuşam, amma əslində məni oraya işimə görə ezam eləmişdilər. Şirkət səfərimin xərcini ödəmişdi. Amerikada harayasa gedəndə səni karantində saxlamırlar, Havay adalarında isə belə deyilmiş. Orada gərək 14 günü özünütəcriddə qalasan. Mən isə belə etmədim. Boş vaxtım olan kimi adanı gəzib video çəkirdim. Məni həbs eləmədilər, amma Havay adalarında karantin qaydalarını pozduğum üçün beş min dollar məbləğində cərimə ödəməli oldum, bundan sonra da sakitcə Los-Ancelesə qayıtdım”, - Əliyev danışıb.

© Photo : Instagram / turgut.aliev
Azərbaycanlı bloger Turqut Əliyev Havay adalarında

Bloger heç təsəvvürünə də gətirmirmiş ki, karantini pozduğuna görə bu qədər məşhurlaşa bilər. Onun sözlərinə görə, onun haqda Amerikanın ən iri KİV-ləri yazıb, Azərbaycandan isə xeyli dost-tanışı zəng edib.

“Amerikada belə xəbərləri şişirtməyi sevirlər, amma heç gözləmirdim ki, haqqımda KİV-də yazılar çıxsın. Elə də şişirtmişdilər ki. Mənsə sadəcə cərimə ödədim, vəssalam”, - Əliyev etiraf edib.

Hazırda bloger Los-Ancelesdədir və qayıdan kimi işinin başına keçib. Onun sözlərinə görə, Amerikada karantin sərt deyil, sadəcə ticarət mərkəzləri, avtosalonlar və geyim mağazaları işləmir.

42
Əlaqədar
Azərbaycanlı blogerin oxuduğu mahnı iki günə Rusiyanın top-çartına düşüb - VİDEO
Dünyanın beş dəbli kişisindən biri azərbaycanlı oldu
Azərbaycanlı məşhuru Kiyevə buraxmadılar - maraqlı səbəb
Azərbaycanlı model "Victoria's Secret"in fotoqrafını görün nədə günahlandırır - VİDEO
Karantinin faydaları: Qırğızlar Azərbaycan dilini öyrənirlər
Sinan Akçil

Sinan Akçıldan daha bir dəstək - "Daim yaşa, Azərbaycan" adlı mahnı bəstələyib

28
Sinan Akçıl və Səidə Quliyevanın "Daim yaşa, Azərbaycan" klipi artıq "Youtube" şəbəkəsində ön sıralardadır.

BAKI, 24 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Müğənni-bəstəkar Sinan Akçıl Qarbağda baş verən hadisələrdən təsirlənərək "Daim yaşa, Azərbaycan" adlı mahnı bəstələyib. Məşhur həmin mahnını azərbaycanlı müğənni Səidə Quliyeva ilə birlikdə oxuyub. Sinan Akçıl və Səidə Quliyevanın "Daim yaşa, Azərbaycan" klipi artıq "Youtube"da ön sıralardadır.

Qeyd edək ki, Sinan Akçıl Qarabağla və Gəncədə baş vermiş terror hadisəsi ilə bağlı dəfələrlə paylaşımlar edib.

28
İbrahim Tatlısəs, arxiv şəkli

İbrahim Tatlısəsdən kövrək addım: "Ölənədək yanındayıq, AZƏRBAYCAN!"

24
(Yenilənib 16:50 23.10.2020)
Müğənni özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

BAKI, 23 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Посмотреть эту публикацию в Instagram

İki Millet TEK Devlet TÜRK Milleti Olarak Ölümüne Yanındayız AZERBAYCAN !

Публикация от İBRAHİM TATLISES (@ibrahimtatlises)

Bu dəfə türk musiqisinin imperatoru İbrahim Tatlısəs Azərbaycana dəstəyini nümayiş etdirib. Belə ki, Türkiyənin məşhur müğənnisi özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

24
Azərbaycan Respublikası Müdafiə Nazirliyinin binası

Ermənistan ordusunun hücum cəhdinin qarşısı alınıb

18
Bölmələrimizin sərt müqaviməti ilə rastlaşan düşmən geri çəkilməyə məcbur edilib. Düşmən qüvvələrindən əsir götürülənlər var.

BAKI, 24 oktyabr - Sputnik. Oktyabrın 24-də günorta saatlarında Ermənistan silahlı qüvvələrinin bölmələri Sünik-Zəngilan yolu istiqamətindən bölmələrimizə hücum etməyə cəhd edib.

Bu barədə Sputnik Azərbaycan-a Müdafiə Nazirliyinin Mətbuat Xidmətindən məlumat verilib.

Bölmələrimizin sərt müqaviməti ilə rastlaşan düşmən geri çəkilməyə məcbur edilib. Düşmən qüvvələrindən əsir götürülənlər var.

18
Mövzu:
Azərbaycan və Ermənistan arasında müharibə