Bollivud aktyoru Rişi Kapur, arxiv şəkli

Azərbaycanda çox məşhur olan hind aktyoru vəfat edib

160
(Yenilənib 11:38 30.04.2020)
Bollivud aktyoru Rişi Kapur uzun sürən xəstəlikdən sonra 68 yaşında Hindistanın Mumbay şəhərindəki  xəstəxanalardan birində vəfat edib.

BAKI, 30 aprel – Sputnik. Bollivud aktyoru Rişi Kapur uzun sürən xəstəlikdən sonra 68 yaşında Hindistanın Mumbay şəhərindəki  xəstəxanalardan birində vəfat edib.

Sputnik Azərbaycan xarici mediaya istinadla xəbər verir ki, aktyor xərcəng xəstəliyindən əziyyət çəkirdi. O, 2019-cu ilin sentyabrından ABŞ-da müalicə olunub. Lakin son aylarda səhhəti ağırlaşdığından, Mumbaya aparılıb və müalicəsi orada davam etdirilib.

Rişi Kapur əfsanəvi hind kino aktyoru və rejissor Rac Kapurun oğludur. 1952-ci ildə Bombeydə (Mumbay) anadan olub. Onu Kapur ailənin yaşlı nəslinin son ulduzu adlandırırdılar. Kapur ailəsinin bir çox nümayəndələri Bollivud filmlərinə çəkiliblər.

Ailədə Çintu adlandırılan Rişi Kapur ilk ciddi rolunu atasının çəkdiyi "Mənim adım Kloundur" (Mera Naam Joker, 1970) filmi olub. Gənc aktyora ilk böyük uğuru isə "Bobbi" (Bobby, 1973) filmində oynadığı rol gətirib. Bu filmi də atası çəkmişdi. Rişi o zaman Hindistanda ilin aktyoru kimi tanındı. Ənənəvi olaraq, Çintu hind kinosu üçün vacib olan romantik sevgili rolunu oynayırdı.

O, ən yaxşı kişi roluna görə, Filmfare Award mükafatını qazanmışdı.

Sovet tamaşaçısı Rişi Kapuru daha çox "Qisasçı" (Barood, 1976) "Amar, Əkbər, Entoni" (Amar, Akbar, Antoni, 1977), "Məhəbbət xəstəliyi" (Prem Rog, 1982), "Çandni” (Chandni, 1989), “Dəlisov məhəbbət” (Deewana, 1992), "Kor məhəbbət" (Fanaa, 2006) və s. filmlərlə tanıyır.

Bir çox filmlərə çəkilən Rişi Kapur azərbaycan tamaşılarına “Bobbi” filmindən yaxşı tanış idi.

Rişi Kapur və aktrisa Nitu Sinqx 13 aprel 1979-cu ildə nişanlanıblar, 1980-ci ildə isə ailə qurublar. Onların iki övladı var – aktyor Ranbir Kapur və modelyer Ridhima (Riddhima) Kapur Sahni.

160
Ancelina Coli, arxiv şəkli

Ancelina Coli fotoqrafın həyatından film çəkəcək

11
Filmdə fotoqraf Don Makklinin həyatından bəhs olunacaq. Ancelina Don Makklin kimi fotoqrafın həyatını lentə alacağı üçün xoşbəxt olduğunu bildirib.

 

BAKI, 23 noyabr — Sputnik. Hollivud ulduzu Ancelina Coli yeni layihəsi ilə gündəmə gəlib. Sputnik Azərbaycan xəbər verir ki, məşhur aktrisa rejissor fəaliyyətinə davam edəcək. Ancelina 4 il aradan sonra yenidən film çəkəcək. Aktrisanın budəfəki ekran işi "Unreasonable Behaviour" adlanır.

Filmdə fotoqraf Don Makklinin həyatından bəhs olunacaq. Ancelina Don Makklin kimi fotoqrafın həyatını lentə alacağı üçün xoşbəxt olduğunu bildirib.

Qeyd edək ki, Coli ilk dəfə rejissor kimi özünü 2011-ci ildə sınayıb. "Unreasonable Behaviour" isə aktrisanın beşinci ekran işi olacaq.

11
Teqlər:
rejissor, film, Ancelina Coli

Anar Kərimov: “Ermənistan məsuliyyət daşımalı bütün təzminatları ödəməlidir”

73
(Yenilənib 02:22 24.11.2020)
Mədəniyyət nazirinin birinci müavini, nazirin vəzifələrini müvəqqəti icra edən Anar Kərimov deyir ki, azad olunmuş torpaqlara qiymətləndirmə missiyası göndəriləcək, dəymiş ziyan hesablanacaq və bunun əsasında beynəlxalq təşkilatlara və məhkəmələrə müraciət olunacaq
Anar Kərimov: “Ermənistan məsuliyyət daşımalı və bütün təzminatları ödəməlidir”

“Aparılmış monitorinqlərin ilkin nəticələrinə əsasən işğaldan azad edilmiş rayonlarda 151 mədəniyyət müəssisəsi, o cümlədən 72 kitabxana, 62 mədəniyyət evi və klub, 8 muzey, 9 uşaq musiqi məktəbinin olduğu dəqiqləşdirilib”. Sputnik Azərbaycan xəbər verir ki, bu sözləri AZƏRTAC-a müsahibəsində mədəniyyət nazirinin birinci müavini, nazirin vəzifələrini müvəqqəti icra edən Anar Kərimov deyib.

“Bu müəssisələrin hamısı dağıdılmış vəziyyətdədir. Bu nəinki beynəlxalq hüquqa, həm də insani dəyərlərə, İslama zidd bir fəaliyyətdir. Biz beynəlxalq ekspertləri dəvət edəcəyik və saxtalaşdırılmış tarixi abidələrdə olan faktları qeydiyyatdan keçirəcəyik. Beynəlxalq mətbuatda ermənilər tərəfindən bir qarayaxma kampaniyası başlanıb. Təəssüflər olsun ki, bir çox təşkilatlar bu kampaniyanın tərkib hissəsinə çevriliblər. Biz mənşəyindən asılı olmayaraq bütün abidələrimizi, o cümlədən islam və xristian abidələrimizi qoruyub bərpa edəcəyimiz barədə bəyanatlar vermişik. Azad olunmuş torpaqlara qiymətləndirmə missiyası göndəriləcək, dəymiş ziyan hesablanacaq və bunun əsasında beynəlxalq təşkilatlara və məhkəmələrə müraciət olunacaq. Təbii ki, Ermənistan bununla bağlı məsuliyyət daşımalı və bütün təzminatları ödəməlidir” – deyə Anar Kərimov bildirib.

Anar Kərimovun fikirlərinə audiofaylda qulaq asa bilərsiniz

73
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

0
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

0