Xalq artisti Aygün Bəylər

Aygün erməni həmkarıyla qucaqlaşıb oxudu, dedilər, Qarabağ "qayıtdı" - VİDEO

225
(Yenilənib 18:58 28.04.2020)
Azərbaycanın əməkdar artisti Aygün Bəylər erməni müğənni ilə qucaqlaşıb oxuduğu üçün sosial şəbəkə istifadəçilər tərəfindən “linç” edildi və onun telefonuna zəng çatmır

BAKI, 28 aprel – Sputnik, Kəmalə Əliyeva. Azərbaycanın əməkdar artisti Aygün Bəylər və erməni ifaçısı İlona Nersesovanın Rusiya paytaxtında keçirilən təntənəli mərasimlərdən birində çıxışı sosial şəbəkələrdə hiddətə səbəb olub.

Ehtimal ki, video Moskvada keçirilən xüsusi tədbirlərdən birində çəkilib. Bəylər “Tut ağacı” adlı məşhur hitini ifa edərkən erməni müğənni İlona Nersesova ona yaxınlaşıb və müğənnilər birlikdə bu mahnını Azərbaycan dilində oxumağa başlayıblar.

Mahnını ifa edərkən müğənnilər vaxt-vaxt bir-birilərini qucaqlayıblar. Sonra onlar birlikdə “Ad günün mübarək” mahnısını da ifa ediblər. Bu zaman Aygün Bəylər “Tariyel, ad günün mübarək” deyə oxuyub. Duetdən anlaşılır ki, azərbaycanlı və erməni müğənnini birlikdə Azərbaycan dilində oxumağa vadar edən şəxs Tariyel adlı imkanlı azərbaycanlıdır.

Sosial şəbəkə istifadəçiləri Azərbaycanın əməkdar artistini onun hərəkətlərinə görə tənqid ediblər. Lakin onların arasında musiqinin bütün sərhədləri və fikir ayrılıqlarını aşmaqda olduğunu qeyd edənlər də tapılıb. Erməni və azərbaycanlı YouTube istifadəçiləri arasında bu hadisəni iki xalqın əbədi dostluğu, mədəni yaxınlığı və sairlə izah edənlər də olub, hətta buna Qarabağ probleminin həllinin başlanğıcı kimi yanaşanlar da. Bəziləri isə iki xalqın düşmən olmadığını, sadəcə xalqların arasına nifaq salan şəxslərin olduğunu qeyd ediblər. Burada Aygün Bəylərə söyüş yağdıranlar, onu xəyanətdə günahlandıranlar da az olmayıb.

Sputnik Azərbaycan-ın müxbiri Aygün Bəylərlə əlaqə saxlamağa cəhd etsə də, ifaçının telefonunun daim şəbəkə xidməti xaricində olduğu müəyyən edilib.

Aygün Bəylər xalq mahnıları və muğamların gözəl ifaçısı, həmçinin öz orijinal obrazı ilə tanınır. O, tez-tez kişi geyimlərində səhnəyə çıxması, kişilərə məxsus saç düzümü və özünü əks cinsdən olanlara xas aparması ilə məşhurdur. Hazırda Aygün Bəylər estrada janrında da oxuyur.

225
Əlaqədar
"Bakı-Moskva təyyarəsi" bir gürcü ilə bir azərbaycanlını birləşdirdi
Azərbaycanın Xalq artisti xanımı ilə birlikdə avstriyalı fanatlarını əyləndirdi
Xalq artistləri sevgiyə icazə istədilər
Ağlagəlməz tandem: "Avroviziya" qalibi Aygün Bəylər ilə oxudu - VİDEO
Kamil, Tolik, Ruhi, Fatimə, Rəqsanədən kövrək addım: Heç nəyə məhəl qoymadan yardıma davam
Qoçəhmədli kəndində məscid

Ümid edirəm, beynəlxalq təşkilatlar bütün bu alçaldılmış yerləri görməyə gələcəklər - FOTO

8
(Yenilənib 18:20 30.11.2020)
Anar Kərimov: "Ümid edirəm ki, beynəlxalq təşkilatlar bütün bu alçaldılmış yerləri görməyə gələcəklər".

BAKI, 30 noyabr — Sputnik. Mədəniyyət nazirinin birinci müavini, Mədəniyyət nazirinin vəzifələrini icra edən Anar Kərimov ermənilərin işğal illərində daha bir məscidimizə qarşı etdiyi vandalizmlə bağlı məlumat verib.

O, bu barədə "Twitter" hesabında paylaşım edib.

"Erməni işğalı nəticəsində Füzuli rayonunun Qoçəhmədli kəndindəki XVIII əsrə aid məscid məhv edilib və həmişəki kimi heyvanlar üçün istifadə edilib. Ümid edirəm ki, beynəlxalq təşkilatlar bütün bu alçaldılmış yerləri görməyə gələcəklər".

8
Teqlər:
erməni vandalizmi, məscid, Füzuli, Azərbaycan, Qarabağ
Mövzu:
Azərbaycan və Ermənistan arasında müharibə
Jurnalist, arxiv şəkli

Məşhur serialın çəkiliş meydançasında dəhşətli hadisə baş verib

27
(Yenilənib 17:10 30.11.2020)
Hadisə yerinə polislərin gəlməsindən sonra məlum olub ki, qadınlara hücum edən 2 kişi əvvəllər zorlama və narkotik satışından məhkum olunaraq, həbsxanada yatmış keçmiş dustaqlardır

BAKI, 30 noyabr — Sputnik. Türkiyənin Atv kanalında yayımlanan "Eşkiya Dünyaya Hükümdar Olmaz" serialının çəkiliş meydançasında dəhşətli hadisə baş verib.

Sputnik Azərbaycan xəbər verir ki, ötən gecə baş verən hadisədə serialın texniki heyətində çalışan 3 qadın hücuma məruz qalıb. Belə ki, EDHO-nun çəkilişləri aparılan məkanın üst mərtəbəsində kostyumların saxlanıldığı otaqda çalışan 3 qadına qəflətən otağa daxil olan 2 nəfər hücum edib. Qapını qıraraq otağa daxil olan 2 nəfər otaqda olan qadınları təhqir edərək, onlara fiziki güc göstərib. Səs-küyü eşidən yaradıcı heyətin üzvləri qadınların köməyinə gəliblər.

Hadisə yerinə polislərin gəlməsindən sonra məlum olub ki, qadınlara hücum edən 2 kişi əvvəllər zorlama və narkotik satışından məhkum olunaraq, həbsxanada yatmış keçmiş dustaqlardır. Polislər qadınların şikayətlərinə əsasən cinayətkarları yaxalayaraq, bölməyə aparıblar.

27
Teqlər:
keçmiş məhbus, qadınlar, hücum, Türkiyә, serial
Azərbaycan hərbçisi, arxiv şəkli

Daha bir müəllim şəhadəti ilə tarix yazdı

0
(Yenilənib 18:31 30.11.2020)
Təzəkənd kənd tam orta məktəbində iki ilə yaxındır gənclərin çağırışaqədərki hazırlıq fənnini tədris edən Əvdil Quliyev Şuşa uğrunda gedən döyüşlərdə şəhid olub.

BAKI, 30 noyabr — Sputnik. İkinci Qarabağ Müharibəsində qəhrəmanca iştirak edən daha bir müəllim şəhidlik zirvəsinə ucalıb. Sputnik Azərbaycan-ın məlumatına görə, bu barədə Təhsil Nazirliyinin rəsmi səhifəsində paylaşılıb.

Bildirilib ki, Beyləqan rayonu Ə.Məmmədov adına Təzəkənd kənd tam orta məktəbində iki ilə yaxındır gənclərin çağırışaqədərki hazırlıq fənnini tədris edən Əvdil Quliyev Şuşa uğrunda gedən döyüşlərdə şəhid olub.

Təhsil Nazirliyinin rəhbərliyi və kollektivi şəhidimizə Allahdan rəhmət diləyir, yaxınlarına dərin hüznlə başsağlığı verir. Allah rəhmət eləsin!

0
Teqlər:
Beyləqan, şəhid, müəllim, Şuşa, Qarabağ
Mövzu:
Azərbaycan və Ermənistan arasında müharibə