Jara-2019 festivalı, arxiv şəkli

Emin "Jara-2020" festivalının taleyindən danışıb

24
(Yenilənib 20:08 15.04.2020)
Tanınmış ifaçı Emin Ağalarov Bakıda keçiriləcək ən çox gözlənilən festivalla bağlı planlarından danışıb

BAKI, 15 aprel — Sputnik, Kəmalə Əliyeva. Azərbaycanın Xalq artisti Emin Ağalarov Azərbaycan-Rusiya sərhədinin iyul ayına qədər açılmayacağı təqdirdə "Jara-2020" Bakı Beynəlxalq Musiqi Festivalını onlayn formatda keçirmək niyyətindədir.

Sputnik Azərbaycan-ın məlumatına görə, müğənni bu barədə Rusiyanın Birinci kanalında yayımlanan populyar “Veçerniy Urqant” verilişinin efirində danışıb.

 

Koronavirus pandemiyası üzündən ölkələr arasında sərhədlər bağlıdır, buna görə də Ağalarov 300 artisti Bakıya festivala gətirib-gətirməyəcəyini hələ bilmir. 

"Bütün komandamız festivala hazırlaşır. Bu il bizim çoxlu planlarımız var. Pandemiya yoxa çıxmasa, mən Bakıda onlayn formatda, tamaşaçıların iştirakı olmadan konsertlər keçirməli olacağam. Əgər biz Bakıya gedə bilməsək, onda Moskvada konsert meydançalarının birində beş günlük festivalın konsertlərini onlayn keçirəcəyik", - Ağalarov deyib.

Xatırladaq ki, festival iyulun 29-dan avqustun 2-dək "Sea Breeze" turizm kompleksində keçirilməlidir. Layihənin açılış günü, iyulun 29-da qala-konsertin keçirilməsi nəzərdə tutulub. İyulun 30-da "Sıfırınci illərin ulduzları” çıxış edəcəklər. İyulun 31-də 90-cı illərin hitləri səsləndiriləcək, avqustun 1-də isə beynəlxalq gün qeyd olunacaq. Avqustun 2-də Z nəslinin müğənnilərinin çıxışı planlaşdırılıb.

"Jara" Festivalı 2017-ci ildən keçirilir. Layihənin təşkilatçıları tanınmış müğənni və bəstəkar Emin Ağalarov, Rusiyanın Əməkdar artisti Qriqori Leps, "Rus Radiosu"nun və "Qızıl qrammofon" mükafatının təsisçisi Sergey Kojevnikovdur. Festivalda Azərbaycan, Rusiya, Ukrayna, İtaliya, ABŞ və digər ölkələrdən məşhur estrada ulduzları iştirak edirlər.

24
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı
İmamyar Həsənov, arxiv şəkli

Laçının azad olması şərəfinə birlikdə musiqili layihə hazırladılar - VİDEO

19
(Yenilənib 21:34 05.12.2020)
Kamançaçı İmamyar Həsənovla İsrailin Anna RF musiqi qrupu Laçın rayonunun işğaldan azad edilməsinə birgə layihə həsr ediblər

BAKI, 5 dekabr - Sputnik, Kəmalə Əliyeva. Amerikada yaşayan azərbaycanlı musiqiçi İmamyar Həsənov sosial şəbəkə istifadəçilərini İsrailin Anna RF musiqi qrupu ilə birlikdə ifa etdiyi "Laçın" mahnısı ilə şövqə gətirib.

Həsənov bu mahnını kamançada dəfələrlə solo ifa edib, ancaq bu dəfə əcnəbi həmkarlarını da cəlb edib. Mahnı onların çox xoşuna gəldiyindən ifa zamanı heç bir problem yaranmayıb. Musiqiçi deyib ki, bu layihəni Laçın rayonunun çoxillik işğaldan azad olunmasına həsr edib. 

 

İmamyar Həsənov Üzeyir Hacıbəyli adına Bakı Musiqi Akademiyasını bitirib. 2000-ci ildə ABŞ-a köçüb. Hazırda San-Fransiskoda yaşayır. 

2012-ci ildən San-Fransiskoda Beynəlxalq musiqi festivalının musiqi direktorudur. Həsənov həmçinin oradakı beş orta məktəbdə Azərbaycan muqisini tədris edir. O, Türkiyə, Yunanıstan, İran və İsraildə çıxış edib.

19
Teqlər:
video, İmamyar Həsənov, ifa, kaman, musiqi, İsrail, Azərbaycan, Laçın
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq