Tibbi maska taxmış qadın, arxiv şəkli

Bircə evdə otursunlar: yüzlərlə insan nazirliyin layihələrini izləyir

127
Mədəniyyət Nazirliyinin sosial şəbəkələrdəki səhifələrində reallaşan layihəyə qoşulan yaradıcı şəxslər #yaradıcılığıevdəöyrən həştəqi ilə video çağırışlarını, habelə müxtəlif sahələr üzrə maarifləndirici, təlim videolarını sosial şəbəkələrdə paylaşırlar

Kamal Almuradlı, Sputnik Azərbaycan

BAKI, 9 aprel — Sputnik. Bu günlər koronavirus təhlükəsinin ölkəmizdə daha geniş yayılmaması və əhalinin sağlamlığının qorunması məqsədilə hökumət tərəfindən tətbiq edilən sosial izolyasiya və karantin tədbirləri həyata keçirilməkdədir.

Bu tədbirlər çərçivəsində mədəniyyət müəssisələrinin də fəaliyyəti müvəqqəti olaraq dayandırılıb. Bununla belə müasir informasiya texnologiyaları sosial media, elektron poçt, videokonfrans və digər onlayn vasitələrlə mədəniyyət müəssisələrinin idarə olunması və fəaliyyətini davam etdirməyə, eləcə də mədəni təbliğatı kifayət qədər geniş miqyasda aparmağa imkan verir.

Sputnik Azərbaycan mövcud şəraitdə Mədəniyyət Nazirliyi tərəfindən mədəni irs və incəsənətin təbliği, insanların sosial izolyasiya tədbirlərinə uyğun olaraq evdə qalmasının və ictimai ünsiyyətin minimuma endirilməsinin təşviq edilməsi məqsədilə müxtəlif mədəni təşəbbüs və layihələri necə reallaşdırması, onların ictimaiyyətə təqdimatı və təbliğatını hansı metodlarla həyata keçirdiyini öyrənmək üçün nazirliyin İnformasiya və ictimaiyyətlə əlaqələr şöbəsi ilə əlaqə salxayıb. Oradan bizə bildirdilər ki, Mədəniyyət Nazirliyinin dəstəyi ilə “Kreativ Azərbaycan” portalının “Facebook” sosial şəbəkəsi vasitəsilə 21 martdan etibarən başlatdığı “Evdə qal – evdə yarat” təşəbbüsü uğurla davam edir. Ötən müddətdə, ölkəmizin regionları da daxil olmaqla, 1200-dən artıq istifadəçi yaratdıqları müxtəlif məhsullar, əl işləri, rəsm əsərləri, həmçinin ifaçılıq və bədii qiraət nümunələri ilə öz sosial şəbəkə səhifələrində paylaşımlar etməklə bu təşəbbüsə qoşulub. Bir çox sənət adamları, ictimai xadimlər, millət vəkilləri də bu layihədə iştirak edirlər. Portalın “İnstagram” səhifəsində də 1000-dən artıq istifadəçi tərəfindən müxtəlif paylaşımlarla təşəbbüs geniş marağa səbəb olub.

İnsanlara evdə boş̧ vaxtlarının səmərəli təşkili üçün Mədəniyyət Nazirliyi “Yaradıcılığı evdə öyrən - özünü kəşf et və bacarıqlarınla tanın” adlı yeni layihəyə də start verib. Nazirliyin “YouTube” kanalından, “Facebook”, “Instagram” səhifələrində reallaşan layihəyə qoşulan yaradıcı şəxslər #yaradıcılığıevdəöyrən həştəqi ilə video çağırışlarını, habelə müxtəlif sahələr üzrə maarifləndirici, təlim videolarını sosial şəbəkələrdə paylaşırlar. Layihə üzrə televiziya kanallarından birində gündəlik təlim xarakterli "Yaradıcılığı evdə öyrən" verilişinin təşkili nəzərdə tutulub və həmin veriliş eyni zamanda sosial şəbəkələrdə canlı olaraq nümayiş ediləcək.

Ümumiyyətlə, yaranmış şəraitdə mədəniyyət və incəsənətimizin bütün zənginliyinin televiziya və radio efirindən əhaliyə dolğun şəkildə çatdırılması xüsusi önəm kəsb edir. Bu istiqamətdə daha bir addım olaraq, Mədəniyyət Nazirliyinin təşəbbüsü ilə martın 27-dən etibarən ölkəmizin bütün televiziya kanallarına “Azərbaycanfilm” kinostudiyasının istehsalı olan bədii filmlərin sərbəst şəkildə, müvafiq normativ qaydalara uyğun ödəniş etmədən nümayiş etdirilməsinə şərait yaradılıb.

Mədəniyyət Nazirliyi və “Mədəniyyət” kanalı tərəfindən birgə həyata keçirilən “Bizi birləşdirən mədəniyyət” layihəsi aprelin 1-dən gündəlik təqdim olunur. Layihə televiziya ilə musiqi tədrisi dərsləri, Beynəlxalq Muğam Mərkəzindən məhdud heyətlə (aparıcı, xanəndə, bir neçə instrumental ifaçı) canlı konsert proqramları, incəsənətin ayrı-ayrı sahələri ilə bağlı təqdimatları əhatə edir. Aprelin ikinci həftəsindən etibarən layihə çərçivəsində görkəmli sənətkarlara həsr olunan “Əbədiyaşarlarımız” adlı yeni təqdimat reallaşır.

Teatrlar fəaliyyətlərini müvəqqəti dayandırsalar da, repertuarlarından seçmə tamaşaları öz saytları və sosial şəbəkə səhifələri vasitəsilə tamaşaçılara nümayiş etdirirlər.

Muzeyləri onlayn ziyarət etmək, sərgilər, maraqlı eksponatlar və ekskursiyalarla virtual şəkildə sərbəst tanış olmaq, onlayn mühazirələr dinləmək imkanı yaradılıb. İnsanlar evlərində oturub mədəniyyət qoruqlarını da internet üzərindən virtual ziyarət edə bilərlər.

Kitabxanalarda onlayn formada oxuculara kitabxana-informasiya xidməti davam etdirilir. Eyni zamanda onlayn xidmətlərin dairəsi genişləndirilir və bu barədə oxuculara məlumat verilir.

Təsviri sənətin təbliği ilə bağlı internet üzərindən layihələr həyata keçirilir. Azərbaycan Dövlət Rəsm Qalereyası tərəfindən #birəsər həştəqi ilə başladılan layihə qalereyanın kolleksiyasında yer alan rəssamlarımızın əsərləri ilə virtual tanış olmaq imkanı yaradır. Qalereya həmçinin rəssamları “Evdə qal – qalib gəl!" devizi ilə yeni virtual layihəyə qoşulmağa dəvət edib.

Mədəniyyət Nazirliyi Azərbaycan Yazıçılar Birliyi ilə birgə koronavirus pandemiyası ilə mübarizə mövzusunda hekayə müsabiqəsi elan edib. Mədəniyyət Nazirliyi, Azərbaycan Rəssamlar İttifaqı, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə elan edilən “Minnətdarıq” adlı respublika rəsm müsabiqəsi isə pandemiya zamanı səhiyyə işçilərinin, hüquq mühafizə orqanlarının əməkdaşlarının göstərdiyi fədakarlıq nümunələrinin təsviri sənət vasitəsi ilə tərənnüm etmək, milli həmrəylik duyğularını inkişaf etdirmək məqsədi daşıyır.

“Kreativ Azərbaycan" portalının Mədəniyyət Nazirliyinin dəstəyi və “Azəri Ekspress” şirkətinin tərəfdaşlığı ilə başlatdığı "Sənətə dəstək ol" adlı xeyriyyə aksiyası bu çətin günlərdə yaradıcı insanların fəaliyyətini təşviq etmək yolunda daha bir addımdır.

İstifadəçi kütləsinin daha çox aktiv olduğu “Facebook” sosial şəbəkəsində Nazirliyin regional mədəniyyət idarələri, teatr-tamaşa və konsert müəssisələri, Heydər Əliyev mərkəzləri və muzeyləri, kino müəssisələri, kitabxanaları, tarix-mədəniyyət abidələri və qalereyaları tərəfindən həyata keçirilən sosial layihələr, müsabiqələr, tədbirlər geniş şəkildə işıqlandırılır.

127
Əlaqədar
Karantindən "qoğal" kimi çıxmaq istəməyənlər üçün gözəl şans yarandı
Cansıxıcı sözünü unutdurmaq üçün "e"ləri bir yerə topladılar
Mədəni karantin: İndi pulun əhəmiyyəti qalmadı, əsas odur, vaxt getsin
Dəyişən dəyərlər, yeni reallıq və "internet insanı"
Əsl DOST: Karantin rejimində yaşlılara necə kömək edilir
Ceyla Seyidova, arxiv şəkli

"Sarı gəlin"dən xəbər var

194
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

194
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Kinorejissor Elxan Cəfərov

Vətənpərvərlik mövzusunda seriallarımız niyə yoxdu kinorejissorun şərhi

29
(Yenilənib 08:19 19.10.2020)
Kinorejissor Elxan Cəfərov deyir ki, serialların bədii dəyərini saxlaması üçün onun maliyyə imkanları geniş olmaldır
Elxan Cəfərov: “Maddiyatın yüksəlməsi serialın da yüksəlməsinə imkan yaradır”

Azərbaycan televiziyalarında nümayiş etdirilən serialların əksəriyyəti məişət mövzuları əsasında çəkilir. Bəs ölkəmizdə vətənpərvərlik mövzusunda serialların çəkilməsinə nə mane olur?

Bununla bağlı Sputnik Azərbaycan-a danışan kinorejissor Elxan Cəfərov deyir ki, seriallar üçün qeyri-dövlət maliyyə mənbələri tapılmadıqca onlar yüksək səviyyəyə gəlib çatmayacaq:

“Seriallar hazırda inkişaf dövrünü yaşayır. Serialların bədii dəyərini saxlaması üçün onun maliyyə imkanları geniş olmaldır. Bu gün vətənpərlik mövzusunda da işlər görülür. Maddiyatın yüksəlməsi serialın da yüksəlməsinə imkan yaradır. Hazırda serialların özünü  təsdiqetmə dövrüdür. Bu mərhələ başa çatdıqdan sonra bu və ya digər mövzuları tələb etmək olar”.

Elxan Cəfərovun geniş şərhinə audiofaylda qulaq asa bilərsiniz

29
Zəngilan rayonu

Zəngilan şəhəri 27 il sonra - quş uçuşundan

0
(Yenilənib 21:30 20.10.2020)
Azərkosmos" işğaldan azad edilən Zəngilan şəhərinin peyk görüntüsünü paylaşıb: Zəngilanın təbiəti, tarixi abidələri ermənilər tərəfindən məhv edilib.

BAKI, 20 oktyabr — Sputnik. "Azərkosmos" işğaldan azad edilən Zəngilan şəhərinin peyk görüntüsünü paylaşıb.

Sputnik Azərbaycan-ın məlumatına görə, görüntü peyk operatorunun Facebook səhifəsində dərc olunub. "Azərkosmos" bu barədə yazıb:

"Ali Baş Komandan İlham Əliyev bu gün yeni zəfər müjdəsi verdi. Zəngilan şəhəri 27 ildən sonra düşmənin işğalından azad olundu. Zəngilan şəhərinin "Azersky" peykindən bu gün çəkilmiş təsvirini sizinlə bölüşürük. Zəngilan rayonunda dünyanın nadir təbiət incilərindən olan çinar ağacları ilə zəngin Bəsitçay Dövlət təbiət qoruğu bu illər ərzində ermənilər tərəfindən vəhşicəsinə dağıdılıb və talan edilib. İşğalçıların ekologiyaya etdiyi dağıdıcı təsir nəticəsində bölgənin flora və faunasına ciddi ziyan dəyib".

"Azərkosmos" həmçinin qeyd edib ki, Zəngilan rayonunun ərazisində orta əsrlərə aid və öz memarlıq üslubuna görə seçilən səkkizguşəli Yəhya ibn Məhəmməd türbəsi də təəssüf ki, işğalçıların dağıtdığı tarixi mədəniyyət abidələrimiz sırasındadır. Bu gün ölkəmizin uğurlu siyasəti və qüdrətli ordusu illərdir səbirsizliklə gözlədiyimiz torpaqlarımızın azad olunması xəbərləri ilə xalqımızı sevindirir, tezliklə tam qələbə çalmağımıza inamımızı daha da artırır.

Biz zəfər çalacağıq! Biz qalib gələcəyik! Qarabağ Azərbaycandır!

0