Rəqs, arxiv şəkli

Məşhur opera pulsuz oldu

25
(Yenilənib 15:38 15.03.2020)
Əhalinin sıx toplaşdığı ictimai, iaşə, mədəni məkanların sırasında bir çox məşhur muzey, teatr və s. ziyarət yerləri də bağlanıb

BAKI, 15 mart — Sputnik. Çindən dünyaya sıçrayaraq on minlərlə insanı xəstələndirən koronavirus səbəbilə bir çox ölkələr karantin rejiminə keçib.

Sputnik Azərbaycan bildirir ki, əhalinin sıx toplaşdığı ictimai, iaşə, mədəni məkanların sırasında bir çox məşhur muzey, teatr və s. ziyarət yerləri də bağlanıb.

Koronavirus təhlükəsinə görə Vyana Dövlət Operası da aprelin 2-dək bütün tamaşaları ləğv edib. Ancaq Avropanın musiqi məbədlərindən sayılan opera özünün ən gözəl arxivlərini canlı yayım üçün açacaq.

Bazar günü, martın 15-dən etibarən Vyana Dövlət Operasının opera və balet tamaşaları pulsuz olaraq www.staatsoperlive.com platformasından gündəlik olaraq yayımlanacaq. Yayımlar saat yerli vaxtla 20:00-dan başlanacaq və 24 saat ərzində əlçatan olacaq.

25
Kann festivalında qırmızı xalça, arxiv şəkli

Kann festivalının keçirilmə vaxtı dəyişdirildi

15
Kann beynəlxalq kinofestivalı və ya Kann Film Festivalı dünyanın ən məşhur kinofestivallarından biridir. Fransanın cənubundakı Kann şəhərində təşkil edilir.

BAKI, 27 yanvar — Sputnik. Bu ilin may ayında keçirilməli olan Kann Film festivalı iyul ayında baş tutacaq. Bu barədə Sputnik Azərbaycan tədbirin təşkilatçılarına istinadən məlumat verir.

"Mayın 11-dən 22-dək keçirilməsi planlaşdırılan Kanna beynəlxalq kinofestivalı 6-17 iyul aralığında keçiriləcəkdir", - festivalın Twitter-dəki hesabında bildirilir.

Kann beynəlxalq kinofestivalı və ya Kann Film Festivalı (fr. le Festival international du film de Cannes və ya qısaca fr. le Festival de Cannes) — dünyanın ən məşhur kinofestivallarından biridir. Fransanın cənubunda olan Kann şəhərində təşkil edilir. Əsas mükafatı Qızıl Palma Budağıdır.

Kann kinofestivalı ilk dəfə 1946-cı ildə 20 sentyabrdan 5 oktyabra kimi keçirilmişdir. Lakin sonralar may ayında keçirilməyə başlayıb.

15
Qərənfil

Dünya şöhrətli dramaturq vəfat edib

28
(Yenilənib 14:43 27.01.2021)
Mərhum dramaturqun "Müharibə" əsəri 2013-cü ildə Azərbaycan Dövlət Gənc Tamaşaçılar Teatrının səhnəsində, rejissor Bəhram Osmanovun quruluşunda tamaşaya qoyulub və dram əsəri bugünədək Teatrın repertuarındadır.

BAKI, 27 yanvar — Sputnik. Dünya şöhrətli dramaturq Lars Nuren vəfat edib. Sputnik Azərbaycan xəbər verir ki, 77 yaşlı dramaturq ötən gün Stokholmda COVID-19 virusuna yoluxaraq dünyasını dəyişib.

Lars Nurenin dram əsərləri dünyanın bütün teatr səhnələrində tamaşaya qoyulub. O, həmçinin şair, ssenarist, teatr rejissoru kimi də məşhur olub.

Mərhum dramaturqun "Müharibə" əsəri 2013-cü ildə Azərbaycan Dövlət Gənc Tamaşaçılar Teatrının səhnəsində, rejissor Bəhram Osmanovun quruluşunda tamaşa qoyulub və dram əsəri bugünədək Teatrın repertuarındadır.

Lars Nurenin vəfatı dünya ədəbiyyatı və teatr sənəti üçün böyük itkidir.

28
Bıçaq

Məşhur model İstanbulda bıçaqlandı - VİDEO

0
Qeyd edək ki, Rusanova tanınmış "plus size" modellərdəndir. O, bir sıra məşhur brendlərlə, o cümlədən "Wildberries"-lə əməkdaşlıq edir. Rusanova həmçinin aktrisa olmağa hazırlaşır. O, teatr studiyasında işləyir və ifaçılıq sənətini öyrənir

BAKI, 27 yanvar — Sputnik. Türkiyənin İstanbul şəhərində bıçaqlı kişi üç rusiyalıya hücum edib.

Sputnik Azərbaycan Türkiyə mediasına istinadən xəbər verir ki, videoda bir kişinin qaçaraq səkidə hərəkət edən üç nəfərə hücum etdiyi görünür. Hücuma məruz qalanlardan ikisi qaçıb canını qurtarsa da, üçüncüsünə 7-8 bıçaq zərbəsi vurulub. Məlumata görə, yerli sakinlər təcili yardım gələnə qədər özləri yaralıya kömək ediblər.

Bildirilir ki, bıçaqlanan qadın Aleksandra Rusanova dərhal əməliyyat olunub və hazırda vəziyyəti sabit qiymətləndirilir.

Qeyd edək ki, Rusanova tanınmış "plus size" modellərdəndir. O, bir sıra məşhur brendlərlə, o cümlədən "Wildberries"-lə əməkdaşlıq edir. Rusanova həmçinin aktrisa olmağa hazırlaşır. O, teatr studiyasında işləyir və ifaçılıq sənətini öyrənir.

0