Azərbaycanlı rəqqas Fərid Kazakov

Moskvalı rəqqas azərbaycanlı yetim uşaqları sehirli dünya ilə tanış edir

26
(Yenilənib 21:54 29.02.2020)
Kazakov təəssüf edir ki, xeyriyyə məqsədi daşıdığı üçün bir çox həmkarları və müğənnilər sonradan layihədə iştirakdan imtina ediblər.

BAKI, 29 fevral — Sputnik, Kəmalə Əliyeva. Azərbaycanlı rəqqas Fərid Kazakov yeni "Azərbaycan uşaqları" xeyriyyə layihəsini təqdim edib. Layihə kimsəsiz və əlil uşaqların yaradıcılıq tərbiyəsinə və inkişafına yönəlib.

Kazakov uşaqları rəqs dünyası ilə tanış etmək qərarına gəlib - bu, layihənin yaradılmasında əsas məqsəd olub.

Layihənin özəlliyi ondan ibarətdir ki, rəqqas gənc tamaşaçılara bütöv bir yaradıcılıq proqramı təqdim edir: uşaqlarla yaradıcılıq görüşləri zamanı onlara klassik, müasir rəqslərdən və gimnastika nömrələrindən ibarət çoxjanrlı konsert proqramı nümayiş olunur. Tamaşadan sonra rəqqas uşaqları maraqlandıran suallara cavab verir və avtoqraf sessiyası keçirir.

"Bakıya hazırkı səfərim zamanı Dərs Evi Təhsil Mərkəzi, Yaradan yaradıcılıq birliyi kimi bir neçə təşkilatda "Azərbaycan uşaqları" layihəsini həyata keçirdim. Sonuncu təşkilat xeyriyyəçilik edir: onun rəhbərləri hər həftəsonu uşaq evlərindən və sığınacaqlardan olan uşaqları toplayır. Kristal Zalda (Crystal Hall) əlilliyi olan insanlar üçün psixoloji təlimlər keçirir, onlarla məşğul olur və Azərbaycanın görkəmli şəxsləri ilə müxtəlif tədbirlər və yaradıcı görüşlər təşkil edir. Mən də Daun Sindromlu Uşaqların Reabilitasiya Mərkəzinə baş çəkdim", - deyə Kazakov bildirib.
  • Azərbaycanlı rəqqas Fərid Kazakov yeni "Azərbaycan uşaqları" xeyriyyə layihəsini təqdim edib
    © Courtesy of Farid Kazakov
  • Azərbaycanlı rəqqas Fərid Kazakov yeni "Azərbaycan uşaqları" xeyriyyə layihəsini təqdim edib
    © Courtesy of Farid Kazakov
  • Azərbaycanlı rəqqas Fərid Kazakov yeni "Azərbaycan uşaqları" xeyriyyə layihəsini təqdim edib
    © Courtesy of Farid Kazakov
1 / 3
© Courtesy of Farid Kazakov
Azərbaycanlı rəqqas Fərid Kazakov yeni "Azərbaycan uşaqları" xeyriyyə layihəsini təqdim edib

Rəqqasın sözlərinə görə, hər bir görüş, qəlbində çox isti hisslər buraxıb. Bu da ona yeni nailiyyətlər üçün güc verib. Kazakov deyir ki, heç vaxt uşaqlara sərf etdiyi vaxta və enerjiyə görə peşman olmayıb.

Xatırladaq ki, rəqqas əvvəllər "Özünü Yarat" xeyriyyə layihəsi həyata keçirib. Həmkarlarını, ifaçıları onunla birlikdə uşaq evlərinə, əlillər evlərinə getməyə dəvət edib. Kazakov təəssüf edir ki, xeyriyyə məqsədi daşıdığı üçün bir çox həmkarları və müğənnilər sonradan layihədə iştirakdan imtina ediblər.

"O zaman bu, mənim üçün böyük bir zərbə oldu, çünki bu insanların daha ali və mənəvi niyyətlərlə idarə olunduğuna inanırdım, amma səhv etmişdim. Ona görə də hər şeyi öz əlimə almağı qərara aldım, tələbələrimi bu layihəyə cəlb etdim və sükanı öz əlimə götürdüm. Bəli, asan deyildi. İndi də bəzən çətin olur, amma məni həmişə bu uşaqlara sənət, sevinc bəxş etmək üçün inanılmaz bir istək idarə edib və idarə edir. Allah mənə güc və sağlamlıq bəxş etdiyi müddətdə uşaqları layihələrimə dəvət edərək öz yaradıcılığımla sevindirəcəm", - deyə Kazakov əlavə edib.

May ayında rəqqas Azərbaycanda ilk xoreoqrafik monotamaşasını uşaqlara təqdim etmək niyyətindədir. O, həmçinin mart ayında Moskvada gimnastika və rəqs festivalı keçirməyə hazırlaşır.

Fərid Kazakov Bakı Xoreoqrafiya Akademiyasının məzunu, dəfələrlə beynəlxalq və Ümumrusiya müsabiqələrinin qalibi, "Rusiyada İtaliya gecələri" beynəlxalq festival-müsabiqənin baş mükafatçısı, dəfələrlə Azərbaycan, Rusiya və Gürcüstan çempionudur. O, həmçinin "Zabradance" gimnastika və rəqs məktəbinin baş məşqçisidir. Hazırda Moskvada yaşayır və çalışır.

26
Əlaqədar
Rəqsimizi və sözlərimizi öyrənən əcnəbi fəxrimizi döymək istəyir
Ehtiras və gözəllik: Flamenco Fashion Show-da şəhvət saçan ispan rəqsi
Bakıda müxtəlif rəqs növləri üzrə çempionat keçiriləcək
Ulduz məhəbbət üçbucağı: İki məşhur bəstəkarın bir rəqs kraliçası uğrunda mübarizəsi
"Malena" Bakıda - sevgi tarixi ehtiraslı rəqslərdə
Kitab, arxiv şəkli

Rusiyanın görkəmli rejissorunun "Seçilmiş əsərləri" ilk dəfə Azərbaycan dilində

7
(Yenilənib 12:40 27.10.2020)
Azərbaycan dilində ilk dəfə işıq üzü görən kitaba müəllifin məqalələri, məktub və gündəlikləri, nitq və qeydləri daxil edilib

BAKI, 27 oktyabr — Sputnik. Dövlət Tərcümə Mərkəzi teatrşünaslıq, rejissor və aktyorluq sənətinin tədrisinə töhfə olaraq Rusiyanın görkəmli teatr rejissoru Vsevolod Meyerholdun "Seçilmiş əsərləri" kitabını nəşr edib.

Sputnik Azərbaycan xəbər verir ki, Azərbaycan dilində ilk dəfə işıq üzü görən kitaba müəllifin məqalələri, məktub və gündəlikləri, nitq və qeydləri daxil edilib.

"Teatrın tarixi və texnikası haqqında", "O.M.Meyerholda məktublardan", "Gündəlikdən (1907–1912-ci illər)", "Fırtına", "Maskarad", "Teatr qeydləri", "Alicənab dəyyus", "Ürpənən torpaq", "Meşə", "Bubus müəllim", "Mandat", "Müfəttiş" adlı fəsillərin toplandığı kitabda ecazkar teatr aləmi, onun görünməyən tərəfləri, pərdəarxası proseslər, rejissorluq sənətinin sirləri kimi sənət incəlikləri dərin təhlil və araşdırmalarla izah edilir.

Kitabın orijinaldan tərcümə müəllifi Zahid Sarıtorpaq, redaktoru Fərhad Abdullayevdir.

Kitab Azərbaycan Dövlət Tərcümə Mərkəzinin 2019-cu ildən əməkdaşlıq etdiyi Rusiya İnstitutunun qrant layihəsi çərçivəsində nəşr olunub.

Qeyd edək ki, Rusiyanın Penza şəhərində anadan olan Vsevolod Meyerhold teatr rejissoru, nəzəriyyəçisi, aktyor və pedaqoq kimi zəngin yaradıcılıq irsinə malikdir. 1907-ci ildən Oktyabr inqilabına qədər Aleksandrinski və Mariinski imperator teatrlarının baş rejissoru olub. İnqilabdan sonra Rusiyanın müxtəlif teatrlar ilə əməkdaşlıq edib. Sovet İttifaqının ilk avanqardçı teatr rejissorlarındandır. Səhnə sənətində qrotesk üslubunun, "Biomexanika" adıyla bütün dünyada tanınan aktyor sisteminin yaradıcısı, məşhur "Teatr Oktyabrı" proqramının müəllifidir. "Don Juan" (Molyer), "Müfəttiş" (N.Qoqol), "Hedda Qabler" (H.İbsen), "Mandat" (N.Erdman), "Elektra" (R.Ştraus) kimi qırxa yaxın əsərə səhnə quruluşu verib. Repressiya illərində azadlıqdan məhrum edilib və 1940-cı ildə həbsxanada güllələnib.

7

Azərbaycan kinosunun əfsanəsi: Cəbiş müəllim “Arşın mal alan” haqda

37
(Yenilənib 08:32 27.10.2020)
Sputnik Azərbaycan-ın layihəsinin növbəti buraxılışında Cəbiş müəllim bütün dünyada on illər boyu populyarlıq və tamaşaçı sevgisi qazanan Azərbaycan filmindən söhbət açır.

Dahi bəstəkar Üzeyir Hacıbəylinin eyniadlı operettası əsasında çəkilən “Arşın mal alan” filminin premyerası 1945-ci ilin oktyabr ayında baş tutub. Elə həmin il ekran əsəri Stalin mükafatına layiq görülüb.

“Arşin mal alan” musiqili filmini zaman keçdikcə XX əsrin əvvəlindəki Azərbaycan həyat tərzinin ensiklopediyası saymağa başladılar. Kollektiv bütün zamanların filmini yaradıb desək, yanılmarıq. Onu ərsəyə gətirənlər arasında rejissorlar Rza Təhmasib və Nikolay Leşşenkonun, bəstəkar Niyazinin adını çəkmək yetər. Hələ rolları paylaşan aktyorlar... Münəvvər Kələntərlinin (Cahan xala), Ələkbər Hüseynzadənin (Soltan bəy), Leyla Bədirbəylinin (Gülçöhrə), Rəşid Behbudovun (Əsgər), İsmayıl Əfəndiyevin (Süleyman), Lütfəli Abdullayevin (Vəli), Fatma Mehrəliyevanın (Telli), Rəhilə Mustafayevanın (Asya), Mirzəağa Əliyevin (Məşədi İbad) yaratdıqları obrazlar sanki beynimizə həkk olunub, doğmalarımıza çevrilib.

Romantik əhvalat üzərində qurulan, yumor və mahnıyla dolu film haqda daha ətraflı Cəbiş müəllimin dilindən eşidək.

37
(2:07 / 16.42Mb / просмотров видео: 1)

Bir ay cəbhədə: Bakılılar əsgərlərimizə arzulamaq istədilər video

0
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

0
Mövzu:
Azərbaycan və Ermənistan arasında müharibə