Azərbaycanlı model Ruslana Cavadova, arxiv şəkli

Azərbaycanlı qız HBO-nun rejissorlarından zəng gözləyir - VİDEO

142
(Yenilənib 01:07 19.02.2020)
Ruslana Cavadova aktyor təcrübəsinin olmamasına və ləhcəsinə rəğmən ABŞ-da məşhur olan seriala çəkilmək istəyir

BAKI, 19 fevral — Sputnik, Kəmalə Əliyeva. Azərbaycanlı model Ruslana Cavadova Amerikada yeniyetmələr arasında populyar olan "Eyforiya" serialının sınaq çəkilişlərinə qatılıb.

Sputnik Azərbaycan bildirir ki, model həmin serialda narkoman və striptizçi qadın rolunda çəkilmək istəyir.

Bu barədə o, Youtube səhifəsində yerləşdirdiyi videoda bildirib. Serialın sınaq çəkilişləri onlayn formatda elan edilib, buna görə də istəyən hər kəs orada iştirak edə bilib. Cavadovanın dostu ona bəxtini sınamağı təklif edib, o da kastinqə qatılıb.

"Ləhcəmə görə bilirdim ki, demək olar ki, heç bir şansım yoxdur, onlar amerikalı qızlar axtarırlar. Üstəlik, təcrübəm də yoxdur. Amma kastinqin şərtlərində yazılmışdı ki, təcrübə elə də önəmli deyil. Mən həyatım barədə sadə suallara cavab verdim. Hələlik mənə zəng vurmayıblar. Yəqin, striptizçi və narkoman roluna uyğun gəlməmişəm. Bəlkə, hələ zəng vurarlar. İkinci mövsümün çəkilişləri martda başlayır", - Cavadova deyib.

Model nə vaxtsa amerika seriallarına çəkiləcəyindən əmin deyil, çünki ingiliscə ləhcəsini ideal saymır. Ancaq inanır ki, gün gələcək və arzusu yerinə yetəcək. Cavadova aktyor məharəti kurslarına yazılmaq niyyətindədir.

"Eyforiya" serialı açıq-saçıq dramdır, onun baş qəhrəmanları həyatı narkotik, seks, travma, sosial media üzərindən dərk edirlər. Hadisələrin mərkəzində reabilitasiya mərkəzində müalicədən sonra evinə qayıdan 17 yaşlı Ru Bennett durur. Burada isə köhnə vərdişləri - narkotiklər və əyləncələr yenidən onu tapır. Şəhərdə Culs adlı qızın peyda olması Ru üçün ümid olur. Serialın ilk mövsümü xeyli reytinq topladığından rejissorlar Sem Levinson, Pippa Byanko, Avqustin Frizzel qərara gəliblər ki, onun ikinci hissəsini də çəksinlər.

Ruslana Bakıda doğulub. Hələ məktəbdə oxuyan vaxtından moda və gözəllik sahəsinə maraq göstərib. 2016-cı ildə "L'Officiel Awards" jurnalının Fransa, Ukrayna və Azərbaycanda keçirdiyi eyniadlı illik mükafatlandırma mərasimində iki nominasiya - "Ən yaxşı model" və "Ən yaxşı fashion-bloger" - üzrə qalib olub.

Cavadova eyni zamanda zinət əşyalarının dizayneridir. Əvvəlcə İstanbulda oxuyub, sonra təhsilini Los Ancelesdə davam etdirməyə qərar verib. Amerikada da blogerlik edir.

142
Əlaqədar
Amerikada bizimkilər: o da striptizi seçdi - VİDEO
Azərbaycanlı məşhuru Kiyevə buraxmadılar - maraqlı səbəb
Yuxarıdan getdi – Azərbaycanlı model "Oskar"lı aktyorla görüşməkdən imtina edib
Dünya şöhrətli brend azərbaycanlı qızı qarət elədi - VİDEO
Dünya şöhrətli azərbaycanlının öz "qara siyahı"sı var: Kim Kardaşyan...
Sənədin imzalanması

Mədəniyyət Nazirliyində islahatlar davam edir

18
Mədəniyyət nazirinin birinci müavini, Mədəniyyət nazirinin vəzifələrini müvəqqəti icra edən Anar Kərimov əmr imzalayıb. Əmrə əsasən yeni kadr təyinatları həyata keçirilib

BAKI, 28 oktyabr — Sputnik. Akif Marifli Mədəniyyət Nazirliyinin Kitab dövriyyəsi və nəşriyyatlarla iş şöbəsinin müdiri vəzifəsinə təyin edilib.

Sputnik Azərbaycan xəbər verir ki, bu barədə Mədəniyyət nazirinin birinci müavini, Mədəniyyət nazirinin vəzifələrini müvəqqəti icra edən Anar Kərimov əmr imzalayıb.

Nazirliyin Kitab dövriyyəsi və nəşriyyatlarla iş şöbəsinin müdiri Aslan Cəfərov isə Xalq yaradıcılığı və mədəni marşrutların inkişafı şöbəsinin müdiri vəzifəsinə təyin edilib.

Anar Kərimovun müvafiq əmrlərinə əsasən Nazirliyin regional mədəniyyət idarələrində də yeni kadr təyinatları həyata keçirilib. Sumqayıt Regional Mədəniyyət İdarəsinin rəisi Mehman Şükürov və Biləsuvar Regional Mədəniyyət İdarəsinin rəisi Elçin Hüseynov tutduqları vəzifələrdən azad ediliblər.

Sumqayıt Regional Mədəniyyət İdarəsinin rəisi vəzifəsinə Rəşad Əliyev təyin edilib.

Biləsuvar Regional Mədəniyyət İdarəsinin rəisi vəzifəsi isə Nazirliyin Regional siyasət şöbəsinin əməkdaşı Əlisultan Sadıxova həvalə edilib.

18
Sami Yusuf, arxiv çəkli

Azərbaycan əsilli müğənnidən növbəti dəstək

68
(Yenilənib 22:40 27.10.2020)
Müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib

BAKI, 27 oktyabr — Sputnik. Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar Azərbaycan Ordusuna növbəti dəfə dəstəyini ifadə edib. Sputnik Azərbaycan xəbər verir ki, müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib.

Qeyd edək ki, Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar dəfələrlə Azərbaycan Ordusuna dəstəyini ifadə edib: "Davamlı uğurlarınız, firavanlığınız və torpağınızın və suverenliyinizin qorunması üçün dua edirəm".

68
Mövzu:
Azərbaycan və Ermənistan arasında müharibə
Əlaqədar
Türkiyəli sənətçilər Qarabağda müharibəyə görə toylarını təxirə saldılar
Biz Qarabağda oyanmaq istəyirik - VİDEO
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
Rəzalət davam edir - Türk sənətkarları Qarabağda "öldürürlər"
İbrahim Tatlısəsdən kövrək addım: "Ölənədək yanındayıq, AZƏRBAYCAN!"
Türkiyə Xarici İşlər Nazirliyinin binası, arxiv şəkli

Türkiyə XİN-dən sərt bəyanat: "Ermənistan rəhbərliyi ağıl vicdanını itirib!"

0
(Yenilənib 18:16 28.10.2020)
"Bu son hücum, Ermənistanın törətdiyi və məsuliyyət daşıyacağı hərbi cinayətlər siyahısında xəcalət vəsiqəsi olaraq yerini alıb" - Türkiyə XİN

BAKI, 28 oktyabr - Sputnik. Türkiyə Xarici İşlər Nazirliyi (XİN) Ermənistan ordusunun Bərdə şəhərinə növbəti dəfə raket zərbələri endirməsi ilə bağlı bəyanat yayıb.

Sputnik Azərbaycan Türkiyə XİN-ə istinadən xəbər verir ki, bəyanatda Azərbaycanın münaqişə bölgəsindən kənarda yerləşən Bərdə şəhərinə dünənki hücumundan sonra Ermənistan ordusunun bu gün yenidən mülki əhalini raket atəşə tutması pislənilib:

"Bugünkü hücum nəticəsində 21 nəfər ölüb, 70-dən çox şəxs yaralanıb. Şəhid olan qardaşlarımıza Allahdan rəhmət, yaralılara şəfa diləyirik. Bütün Azərbaycan xalqının başı sağ olsun. Ermənistanın uşaq, yaşlı, qoca demədən mülki əhaliyə qarşı bu alçaq hücumlarını insanlıqdan kənar hesab edir və ən ağır şəkildə qınayırıq."

Bəyanatda o da bildirilib ki, Ermənistanın mülki insanları terror etmək və öldürmək üçün həyata keçirdiyi bu xain siyasət Xocalı soyqırımının davamıdır və onların xəstə düşüncəsinin təzahürüdür:

"İşğal olunmuş ərazilərdən çıxmamaq üçün bütün vasitələrdən istifadə edən Ermənistan rəhbərliyi ağıl və vicdanını itirmiş şəkildə hərəkət edir. Bu son hücum, Ermənistanın törətdiyi və məsuliyyət daşıyacağı hərbi cinayətlər siyahısında xəcalət vəsiqəsi olaraq yerini alıb".

Bəyanatda daha sonra qeyd olunub ki, beynəlxalq ictimaiyyətin, xüsusən də ATƏT-in Minsk Qrupunun həmsədrlərinin Ermənistana lazımi reaksiya verməsinin vaxtı çatıb.

0
Əlaqədar
Bərdədə həlak olanlardan biri FHN-in əməkdaşıdır
Bərdəyə raket atılması nəticəsində ölən və yaralananların sayı artdı
Bərdə şəhəri raket atəşinə tutulur, ölənlər var
Bərdə atəşə tutuldu, ölənlər var - YENİLƏNİB - FOTO