Vladimir Pozner, arxiv şəkli

Pozner məşhur qalmaqalın mahiyyəti barədə: Eyvazovun milliyyətinin məsələyə dəxli yoxdur

917
(Yenilənib 09:38 11.02.2020)
Rusiyanın məşhur teleaparıcısı və jurnalisti Azərbaycanın xalq artisti ilə erməni opera müğənnisi arasında baş verən qalmaqala münasibət bildirib.

Kəmalə Əlizadə, Sputnik Azərbaycan

BAKI, 11 fevral — Sputnik. Rusiyalı teleaparıcı və jurnalist Vladimir Pozner Azərbaycanın xalq artisti Yusif Eyvazovla erməni opera müğənnisi Ruzan Mantaşyan ətrafında cərəyan edən qalmaqala öz münasibətini bildirib. Sputnik Azərbaycan-ın məlumatına görə, bu barədə teleaparıcının saytında məlumat verilib.

Xatırladaq ki, bu günlərdə bir sıra xarici KİV-lərdə belə bir məlumat yayılmışdı ki, guya Yusif Eyvazov fevralın 7-də Drezdendə "The Semper Opera Ball"ın səhnəsində erməni həmkarı Ruzan Mantaşyanla birgə çıxışdan imtina edib. Sonra azərbaycanlı ifaçı bildirdi ki, Mantaşyanın adı lap əvvəldən konsertdə çıxış edəcək şəxslərin siyahısında olmayıb, özünün solo çıxışı isə qabaqcadan planlaşdırılıb. Yusifovin dediyinə görə, həmkarlarının milli mənsubiyyəti heç vaxt onun üçün səhnədə rol oynamayıb.

Nəhayət, ermənilər hay-küy salaraq ona nail olublar ki, hər iki müğənni fevralın 7-də sözügedən konsertdə çıxış ediblər.

"Bəs incəsənətin milliyyəti varmı?" sualına cavabında Pozner deyib ki, "bəli, var, məsələn rus incəsənəti, fransız incəsənəti və s."

"Bütün bunlar ... bizim sosial şəbəkələrdə müşahidə olunanlar, bir-birinin tökülən qanını içməyə hazır olacaq qədər nifrət, ümumiyyətlə biabırçı bir şeydir. Bəli, iki ölkə arasında problem var, ciddi problem var. Mən hər kəsi qınamaqdan, bu məsələdə kiminsə tərəfini tutmaqdan tamamilə imtina edirəm. Mən həqiqətin tərəfini tuturam. Və həqiqət budur ki, bunların heç biri baş vermədi, amma kimlər üçünsə bu hekayəni tərpətmək çox rahat və çox sərfəlidir", - deyə Pozner müğənnilərlə bağlı qalmaqla münasibət bildirərkən deyib.

Aparıcını Yusif Eyvazovun artıq vəkil tutması və Mantaşyanla mahnı oxumaqdan imtina etdiyini söyləyənləri məhkəməyə vermək istəməsi faktı Pozneri xeyli sevindirib. Onun sözlərinə görə, vokalçı bir sıra erməni müğənniləri ilə çox məşhur və gözəl mahnılar oxuyub. Çünki Eyvazov sənət adamıdır və onun azərbaycanlı və yaxud başqası olmasının əhəmiyyəti yoxdur.

Vladimir Pozner rusiyalı və amerikalı telejurnalist, teleaparıcı, radioaparıcı, Rusiya Televiziya Akademiyasının ilk prezidenti və yazıçıdır. Birinci kanalda yayımlanan "Pozner" proqramının müəllifidir.

Karyerasına İtaliyanın teatr və konsert zallarında başlayan azərbaycanlı Yusif Eyvazov isə 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. Onun adı "Dünyanın ən yaxşı tenorları" kitabına daxil edilib. O, bir sıra beynəlxalq müsabiqələrin laureatı və qalibidir. Onun qazandığı mükafatlar arasında Gianandrea Gavazzeni (dünya şöhrətli italyan dirijoru, pianoçusu, bəstəkarı, musiqi tənqidçisi və yazıçısı — red.) fəxri medalı da var. Eyvazov Milanın "La Skala" operasının və Monte-Karlonun "Kral" operasının kollektivləri ilə birlikdə dünya səhnələrində çıxış edir. 2015-ci ildə Rusiyanın xalq artisti Anna Netrebko ilə ailə qurub.

917
Əlaqədar
Tanınmış opera müğənnisinə iftira atıblar: Hadisə heç də deyildiyi kimi olmayıb
Məşhur erməni azərbaycanlı tenorun müdafiəsinə qalxdı: "Ona böhtan atıblar"
Erməni müğənni istəyinə çatdı: Yusif Eyvazov onunla eyni səhnəni bölüşəcək
Asan könüllüləri təşkilatının reallaşdırdığı “Əsgərə məktub” layihəsi

Azərbaycan Dövlət Akademik Musiqili Teatrı "Əsgərə məktub" layihəsinə qoşulub

3
(Yenilənib 19:28 27.10.2020)
Qurumun əməkdaşları Azərbaycan Silahlı Qüvvələrinin Qarabağın azadlığı uğrunda apardıqları mübarizədə Ordumuzun döyüş əzminin daha da artırılması məqsədilə təşkil olunan bu kampaniyada fəal iştirak edirlər.

BAKI, 27 oktyabr — Sputnik. Azərbaycan Dövlət Akademik Musiqili Teatrı "Əsgərə məktub" layihəsinə qoşulub. Sputnik Azərbaycan xəbər verir ki, teatrın rəhbər heyəti başda olmaqla, qurumun əməkdaşları Azərbaycan Silahlı Qüvvələrinin Qarabağın azadlığı uğrunda apardıqları mübarizədə ordumuzun döyüş əzminin daha da artırılması məqsədilə təşkil olunan bu kampaniyada fəal iştirak edirlər. Böyük ruh yüksəkliyi, həvəslə yazılan hər bir məktubda qüdrətli ordumuza və Ali Baş Komandana, bu günlər hər kəsin ailəsində ən əziz qonağı, ən əziz insanı olan əziz Prezidentimizə güvəndiklərini, həmişə onların yanında olduqlarını bildirirlər. Hər kəs öz hisslərini, sevgi və sayqılarını bir cür ifadə etməyə çalışıb. Hətta aktyorlardan bəziləri baməzə yumorlar, başlarına gələn maraqlı əhvalatları da məktublarda qeyd ediblər ki, əsgərlərimizin xoş ovqatını daha da artırsınlar.

Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev bununla bağlı açıqlamasında bildirib ki, "Teatrda "Əsgərə məktub" layihəsi böyük coşqu ilə qarşılanıb və uğurla davam etdirilir. Mən özüm də əsgərə məktub yazdım və ona inamımı, onunla şərəf və qürur duyduğunu bildirdim.

Qeyd edək ki, bundan öncə də teatr kollektivi Ordumuza dəstək məqsədilə Silahlı Qüvvələrə Yardım Fonduna 15 min manat məbləğində pul vəsaiti ianə edib və könüllü olaraq göstərdikləri bu yardımı yenə də davam etdirirlər. "Qarabağ Azərbaycandır! Yaşasın qüdrətli Ordumuz! Tanrı əsgərlərimizi və Ali Baş Komandanımızı qorusun! Musiqili Teatrın kollektivi Ali Baş Komandana inanır, əsgərlərimizlə qurur duyur və bilirlər ki, Qələbə günümüz uzaqda deyil!" - teatrın kollektivi bildirib.

3
Teqlər:
məktub, əsgər, Dövlət Musiqili Teatrı, Azərbaycan ordusu, dinc sakinlər, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Manas Ata və Dədə Qorqudun ruhu sizə kömək olsun - Qırğız ziyalılar İlham Əliyevə dua etdi
Bir ailədən üç əsgər ön cəbhədə: Tat icması qələbə xəbərini dörd gözlə gözləyir – video
Prezident Azərbaycan xalqını əmin etdi: "Haqq yolumuzdan dönməyəcəyik!"
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
İlham Əliyev Azərbaycanı dəstəkləyən ölkələrin başçılarına məktublar ünvanlayıb
Kitab, arxiv şəkli

Rusiyanın görkəmli rejissorunun "Seçilmiş əsərləri" ilk dəfə Azərbaycan dilində

10
(Yenilənib 12:40 27.10.2020)
Azərbaycan dilində ilk dəfə işıq üzü görən kitaba müəllifin məqalələri, məktub və gündəlikləri, nitq və qeydləri daxil edilib

BAKI, 27 oktyabr — Sputnik. Dövlət Tərcümə Mərkəzi teatrşünaslıq, rejissor və aktyorluq sənətinin tədrisinə töhfə olaraq Rusiyanın görkəmli teatr rejissoru Vsevolod Meyerholdun "Seçilmiş əsərləri" kitabını nəşr edib.

Sputnik Azərbaycan xəbər verir ki, Azərbaycan dilində ilk dəfə işıq üzü görən kitaba müəllifin məqalələri, məktub və gündəlikləri, nitq və qeydləri daxil edilib.

"Teatrın tarixi və texnikası haqqında", "O.M.Meyerholda məktublardan", "Gündəlikdən (1907–1912-ci illər)", "Fırtına", "Maskarad", "Teatr qeydləri", "Alicənab dəyyus", "Ürpənən torpaq", "Meşə", "Bubus müəllim", "Mandat", "Müfəttiş" adlı fəsillərin toplandığı kitabda ecazkar teatr aləmi, onun görünməyən tərəfləri, pərdəarxası proseslər, rejissorluq sənətinin sirləri kimi sənət incəlikləri dərin təhlil və araşdırmalarla izah edilir.

Kitabın orijinaldan tərcümə müəllifi Zahid Sarıtorpaq, redaktoru Fərhad Abdullayevdir.

Kitab Azərbaycan Dövlət Tərcümə Mərkəzinin 2019-cu ildən əməkdaşlıq etdiyi Rusiya İnstitutunun qrant layihəsi çərçivəsində nəşr olunub.

Qeyd edək ki, Rusiyanın Penza şəhərində anadan olan Vsevolod Meyerhold teatr rejissoru, nəzəriyyəçisi, aktyor və pedaqoq kimi zəngin yaradıcılıq irsinə malikdir. 1907-ci ildən Oktyabr inqilabına qədər Aleksandrinski və Mariinski imperator teatrlarının baş rejissoru olub. İnqilabdan sonra Rusiyanın müxtəlif teatrlar ilə əməkdaşlıq edib. Sovet İttifaqının ilk avanqardçı teatr rejissorlarındandır. Səhnə sənətində qrotesk üslubunun, "Biomexanika" adıyla bütün dünyada tanınan aktyor sisteminin yaradıcısı, məşhur "Teatr Oktyabrı" proqramının müəllifidir. "Don Juan" (Molyer), "Müfəttiş" (N.Qoqol), "Hedda Qabler" (H.İbsen), "Mandat" (N.Erdman), "Elektra" (R.Ştraus) kimi qırxa yaxın əsərə səhnə quruluşu verib. Repressiya illərində azadlıqdan məhrum edilib və 1940-cı ildə həbsxanada güllələnib.

10
Tibbi sığorta

Əmək Məcəlləsinə tibbi sığorta ilə bağlı yeni maddə əlavə edilir

0
(Yenilənib 20:33 27.10.2020)
Əmək Məcəlləsinə yeni maddə əlavə edilir. Yeni maddəyə əsasən, əmək müqaviləsində işçinin icbari tibbi sığortalanması barədə müvafiq məlumatlar mütləq göstərilməlidir

Xalid Məmmədov, Sputnik Azərbaycan

BAKI, 27 oktyabr — Sputnik. Milli Məclisin bu gün keçirilən plenar iclasında Əmək Məcəlləsinə dəyişiklik müzakirə edilib.

Sputnik Azərbaycan-ın məlumatına görə, Əmək Məcəlləsinə yeni maddənin - "Maddə 307-1. İşçilərin icbari tibbi sığortası" əlavə edilməsi təklif olunur.

Yeni maddəyə əsasən, işəgötürən "Tibbi sığorta haqqında" Azərbaycan Respublikasının Qanunu ilə müəyyən olunmuş qaydada hər bir işçinin icbari tibbi sığortalanmasını təmin etməlidir. Əmək müqaviləsində işçinin icbari tibbi sığortalanması barədə müvafiq məlumatlar mütləq göstərilməlidir.

Qanun layihəsi müzakirələrdən sonra səsə qoyularaq birinci oxunuşda qəbul edilib.

0
Əlaqədar
Gözünüz arxada qalmasın: Hərbiyə çağırılanların əməkhaqqı qanunauyğun şəkildə ödəniləcək
Tikinti meydançaları ölüm bazasına çevrilib, işçinin həyatı heç kəsi maraqlandırmır
Uşaq evindən ailələrə - yüksək müavinətlərin sirri açıqlandı
Nazirlik kimlərin cərimələri ödəməkdən azad ediləcəyini açıqladı