Soqdiana, arxiv şəkli

Soqdiana Bakıya səfəri haqqında danışdı: “Paxlavaya təslim oldum” - FOTO

39
(Yenilənib 14:31 07.02.2020)
Ötən yay Bakıya gələn Rusiya və Özbəkistan müğənnisi Soqdiana Azərbaycanın paytaxtına elə aşiq olub ki, bura yenidən gəlməyə qərar verib.

Kəmalə Əliyeva, Sputnik Azərbaycan

BAKI, 7 fevral — Sputnik. Özbəkistan və Rusiyanın məşhur müğənnisi Soqdiana bir neçə Azərbaycan telekanalının verilişlərində iştirak etmək üçün Bakıya gəlib.

Sputnik Azərbaycan-ın məlumatına görə, müğənni şəhəri gəzərkən çəkdiyi fotoları Instagram sosial şəbəkəsindəki səhifəsində paylaşıb. O, ilk dəfə Bakıya ötən yay "Jara" beynəlxalq musiqi festivalında iştirak etmək üçün gəlib. Soqdiananın sözlərinə görə, bura onun o qədər xoşuna gəlib ki, yenidən Bakıya qayıtmaq qərarı verib. Bu səbəbdən də Azərbaycan telekanallarının efirə çıxmaq təklifini məmnuniyyətlə qəbul edib.

"Bakıda çox gözəl və səmərəli gün keçirdim. Bunun üçün dostum Adil Qaracala təşəkkür edirəm", - Soqdiana Instaqramda yazıb.

Müğənni əlavə edib ki, Azərbaycanda hər şeydən çox paxlavanı sevir, onun qarşısında özünü saxlaya bilmir. Bundan başqa, Bakının ən kiçik xırdalıqları belə məharətlə düşünülmüş koloritli restoranlarına məftundur.

Soqdiana (Oksana Neçitaylo) - müğənni və bəstəkar, Çeçenistan və İnquşetiya respublikalarının xalq artistidir. Müğənni bir çox beynəlxalq və respublika səviyyəli müsabiqələrdə iştirak edib, bir sıra mükafatların laureatıdır. Soqdiananın "Mening Kunglim" (Mənim könlüm) adlı debüt albomu 2001-ci ildə işıq üzü görüb.

2006-cı ildə "Fabrika zvyozd" (Ulduz fabriki) istedad şousunun altıncı mövsümünün iştirakçısı olan Soqdiana elə həmin ilin sonunda "Zolotoy qrammafon" (Qızıl qrammafon) mükafatının laureatı olub. Hazırda o, solo karyerasını uğurla davam etdirir.

39
Sinan Akçil

Sinan Akçıldan daha bir dəstək - "Daim yaşa, Azərbaycan" adlı mahnı bəstələyib

31
Sinan Akçıl və Səidə Quliyevanın "Daim yaşa, Azərbaycan" klipi artıq "Youtube" şəbəkəsində ön sıralardadır.

BAKI, 24 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Müğənni-bəstəkar Sinan Akçıl Qarbağda baş verən hadisələrdən təsirlənərək "Daim yaşa, Azərbaycan" adlı mahnı bəstələyib. Məşhur həmin mahnını azərbaycanlı müğənni Səidə Quliyeva ilə birlikdə oxuyub. Sinan Akçıl və Səidə Quliyevanın "Daim yaşa, Azərbaycan" klipi artıq "Youtube"da ön sıralardadır.

Qeyd edək ki, Sinan Akçıl Qarabağla və Gəncədə baş vermiş terror hadisəsi ilə bağlı dəfələrlə paylaşımlar edib.

31
İbrahim Tatlısəs, arxiv şəkli

İbrahim Tatlısəsdən kövrək addım: "Ölənədək yanındayıq, AZƏRBAYCAN!"

24
(Yenilənib 16:50 23.10.2020)
Müğənni özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

BAKI, 23 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Посмотреть эту публикацию в Instagram

İki Millet TEK Devlet TÜRK Milleti Olarak Ölümüne Yanındayız AZERBAYCAN !

Публикация от İBRAHİM TATLISES (@ibrahimtatlises)

Bu dəfə türk musiqisinin imperatoru İbrahim Tatlısəs Azərbaycana dəstəyini nümayiş etdirib. Belə ki, Türkiyənin məşhur müğənnisi özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

24
Azərbaycan HHQ-nin təyyarəsi, arxiv şəkli

Ağdam istiqamətində Ermənistan SQ-nin hərbi texnikası infrastrukturu məhv edilib

33
(Yenilənib 19:29 24.10.2020)
Ermənistan silahlı qüvvələrinin 3 tankı, 2 sığınacağı və bölüyün 4 dayaq məntəqəsini dəqiq aviasiya zərbələri ilə məhv edilib.

BAKI, 24 oktyabr - Sputnik. Oktyabrın 24-də saat 13:00-dan 15:00-dək Azərbaycan Hərbi Hava Qüvvələrinin (HHQ) döyüş aviasiyası cəbhənin Ağdərə və Ağdam istiqamətlərində Ermənistan silahlı qüvvələrinin 3 tankı, 2 sığınacağı və bölüyün 4 dayaq məntəqəsini dəqiq aviasiya zərbələri ilə məhv edib. Sputnik Azərbaycan bu barədə Müdafiə Nazirliyinə istinadən xəbər verir.
Azərbaycan HHQ-si düşmənin hərbi infrastrukturuna hava zərbələri endirməyə davam edir.

33
Mövzu:
Azərbaycan və Ermənistan arasında müharibə