Azərbaycanın xalq artisti, tenor Yusif Eyvazov, arxiv şəkli

Tanınmış opera müğənnisinə iftira atıblar: Hadisə heç deyildiyi kimi olmayıb

1229
(Yenilənib 20:22 14.01.2020)
Azərbaycanın xalq artisti, tenor Yusif Eyvazov və The Semper Opera Ball-ın bədii rəhbəri Hans-Yoahim Frey Ruzan Mantaşyanla bağlı yayılan şayiəyə aydınlıq gətiriblər

Kəmalə Əliyeva, Sputnik Azərbaycan

BAKI, 14 yanvar — Sputnik. Azərbaycanın xalq artisti, tenor Yusif Eyvazovun fevralın 7-də Drezdendə "The Semper Opera Ball"ın səhnəsinə erməni həmkarl Ruzan Mantaşyanla birlikdə çıxmaqdan imtina etməsi barədə şayiələr ona qarşı təxribatdan başqa bir şey deyilmiş.

Bu barədə Sputnik Azərbaycan-a vokalçının özü məlumat verib. O bildirib ki, onun haqqında yayılan bütün məlumatlar şər və iftiradır. Çünki o, heç vaxt öz həmkarlarını millətinə görə bölmür.

"Mən azərbaycanlıyam və mənim Azərbaycanla Ermənistan arasındakı vəziyyətlə bağlı tamamilə aydın təsəvvürlərim, şəxsi mövqeyim var. Amma mənim siyasi baxışlarım heç vaxt peşəmə və səhnədəki həmkarlarıma münasibətimə təsir etmir. Bunu mənim dəfələrlə Bolşoy Teatrın səhnəsinə Mariya Qulegina və Gevorq Akopyanla birlikdə çıxış etməyim faktı da təsdiqləyir. Daha təxribatları yaymayın", - deyə Eyvazov bildirib.

Vokalçı əlavə edib ki, o, lap əvvəldən konsertdə solo oxumalı idi və onun duet çıxışları planlaşdırılmayıb.

Bütün bunlarla yanaşı, müğənni Sputnik Azərbaycan-ın redaksiyasına The Semper Opera Ball-ın bədii rəhbəri Hans-Yoahim Freyin də bu barədə şərhini yollayıb. O da öz növbəsində azərbaycanlı vokalçının ünvanına səslənən ittihamları iftira adlandırıb. Məlum olub ki, The Semper Opera Ball-ın rəhbərliyi erməni vokalçı Ruzan Mantaşyanla ümumiyyətlə müqavilə bağlamayıblar və fevralın 7-də onun Eyvazovla eyni səhnəyə çıxması ilə bağlı heç bir plan olmayıb.

"Yusif Eyvazov heç vaxt öz həmkarları ilə əməkdaşlıq münasibətlərini onların soy-kökünə əsaslanaraq qurmayıb. The Semper Opera Ball-ın cazibədarlığı onunla bağlıdır ki, uzun illər ərzində onun proqramında müxtəlif ölkələrdən, o cümlədən də Ermənistandan geniş spektrdə artistlər iştirak edir. Bizim bal öz kosmopolitizmi ilə məşhurdur. Digər qəbildən olan bütün bəyanatlar həqiqəti əks etdirmir. Yusif Eyvazov böyük hörmətə layiqdir, xüsusilə də həm kosmopolit artist, həm də namuslu insan olaraq", - deyə Frey əlavə edib.

Karyerasına İtaliyanın teatr və konsert zallarında başlayan Yusif Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. Onun adı "Dünyanın ən yaxşı tenorları" kitabına daxil edilib. O, bir sıra beynəlxalq müsabiqələrin laureatı və qalibidir. Onun qazandığı mükafatlar arasında Gianandrea Gavazzeni (dünya şöhrətli italyan dirijoru, pianoçusu, bəstəkarı, musiqi tənqidçisi və yazıçısı — red.) fəxri medalı da var. Eyvazov Milanın "La Skala" operasının və Monte-Karlonun "Kral" operasının kollektivləri ilə birlikdə dünya səhnələrində çıxış edir. 2015-ci ildə Rusiyanın xalq artisti Anna Netrebko ilə ailə qurub.

1229
Corc Kluni, arxiv şəkli

Corc Kluni şeytandır?

16
(Yenilənib 10:51 25.11.2020)
"Qəzetlər yazırdı: Şeytan! Corc Kulini şeytandır!"- deyən aktyor bildirib ki, o, bundan sonra Bred Pittdən qisasını alıb.

BAKI, 25 noyabr — Sputnik. Amerikalı aktyor Corc Kluni GQ jurnalına müsahibəsi zamanı "Ouşenin 12 dostu" filminin çəkilişləri zamanı baş verən kuryoz hadisədən danışıb.

Sputnik Azərbaycan xarici mətbuata istinadla xəbər verir ki, filmin bəzi hissələri aktyorun bir neçə il yaşadığı İtaliyada, Komoda çəkilib. Onun sözlərinə görə, filmdə rol alan Bred Pitt şəhərə Kluni ilə "xüsusi" davranmağa çağıran vərəqələr yerləşdirərək, yerli sakinlərə mesaj verib.

"Xahiş edirəm, Corc Kluni ilə filmdəki Denni Ouşen kimi davranın və onun gözlərinə baxmayın", - divara yapışdırılmış məktublarda yazılıb.

Bu zaman həmin mesaja yerli KİV xüsusi reaksiya göstərib.

"Qəzetlər yazırdı: Şeytan! Corc Kluni şeytandır!"- deyən aktyor bildirib ki, o, bundan sonra Bred Pittdən qisasını alıb.

Xatırladaq ki, rejissor Stiven Soderberqin çəkdiyi "Ouşenin 12 dostu" filmi 2004-cü illərdə ekranlaşdırılıb.

Filmdə Corc Kluni və Bred Pittlə yanaşı, Mett Deymon, Ketrin Zeta-Cons, Culya Roberts, Vensan Kassel rol alıblar.

16
Teqlər:
çəkiliş, film, Bred Pitt, amerikalı aktyor Corc Kluni
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

30
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

30
Teqlər:
Azərbaycan mətbəxi, "Master Chef", tv, Azərbaycan, Türkiyə
Elmi mərkəzdə seysmoqraf, arxiv şəkli

Azərbaycanda zəlzələ olub - bu dəfə Kür qırağı silkələnib

0
Zəlzələ yerli vaxtla saat 12:16-da Cəlilabad stansiyasından 63 km şərqdə Neftçala rayonunda qeydə alınıb. Zəlzələnin maqnitudası 3,5, dərinliyi 40 km olub.

BAKI, 25 noyabr — Sputnik. Neftçala rayonunda zəlzələ olub.

Sputnik Azərbaycan-ın Respublika Seysmoloji Xidmət Mərkəzinə istinadən xəbərinə görə, zəlzələ yerli vaxtla saat 12:16-da Cəlilabad stansiyasından 63 km şərqdə Neftçala rayonunda qeydə alınıb. Zəlzələnin maqnitudası 3,5, dərinliyi 40 km olub.

Zəlzələ hiss olunmayıb.

0