Rusiyada yaşayan və təhsil alan Fərid Kazakov

Azərbaycanlı rəqqas "Sənət ulduzu" layihəsinin Qran-Prisinə layiq görülüb

28
(Yenilənib 20:22 18.12.2019)
Rusiyada yaşayan və təhsil alan Fərid Kazakov Tatarıstanın paytaxtında keçirilən növbəti beynəlxalq müsabiqədə uğurla iştirak edib.

BAKI, 18 dekabr — Sputnik. Azərbaycandan olan rəqqas, beynəlxalq və Ümumrusiya müsabiqələrinin Qran-Prisinin qalibi və sahibi Fərid Kazakov Kazanda keçirilən "Art Star" (Sənət ulduzu) beynəlxalq müsabiqə-festivalının Qran-Prisini qazanıb.

Kazakovun Sputnik Azərbaycan-a bildirdiyinə görə, o, müsabiqədə Mervin Uorrenin "Mary and Steves Tango" tanqo musiqisini ifa edib.

Kazakov öz çıxışı ilə təkcə Qran-Prinin sahibi olmayıb, həm də münsiflər heyətinin üzvləri onu müsabiqənin qala-konsertinin iştirakçısı seçiblər. Rəqqas öz uğurunu müəllimi, Azərbaycanın Əməkdar artisti Rimma İsgəndərovaya borcludur.

"Mən Rimma İsgəndərovaya çox minnətdaram ki, hələ bir neçə əvvəl Bakı Xoreoqrafiya Akademiyasını bitirməmişdən qabaq o, mənə nömrə verdi və biz kostyum tikdik. Söhbət mənim Kazanda çıxış zamanı geyindiyim kostyumdan gedir. Mən çoxdan onunla yaxşı bir platformada debüt etmək istəyirdim və məhz bu yarışmada bunu etmək qərarına gəldim", - deyə Kazakov bildirib.

Hazırda rəqqas yeni layihə üzərində işləyir. Onu 2020-ci ildə təqdim etmək niyyətindədir. Bununla yanaşı, dekabrın 21-də Moskvada "Şelkunçik" tamaşasının premyerası olacaq. Kazakov orada ilk dəfə özünü quruluşçu-xoreoqraf kimi sınayacaq. Tamaşada "Olimp in Gracia" (Rəqs Olimpi) rəqs və gimnastika məktəbinin yetirmələri iştirak edəcək. Və 2020-ci ilin yanvar ayının əvvəlində rəqqas "Yarat" Azərbaycan Müasir İncəsənət Mərkəzində "Enuement" monotamaşasını təqdim edəcək. Bu tamaşanı onun üçün rusiyalı rejissor Luiza Air səhnəyə qoyub.

  • Fərid Kazakov
    © Courtesy of Farid Kazakov
  • Fərid Kazakov
    © Courtesy of Farid Kazakov
  • Fərid Kazakov
    © Courtesy of Farid Kazakov
1 / 3
© Courtesy of Farid Kazakov
Fərid Kazakov

Fərid Kazakov Bakı Xoreoqrafiya Akademiyasının məzunu, dəfələrlə beynəlxalq və Ümumrusiya müsabiqələrinin qalibi, "Rusiyada İtaliya gecələri" beynəlxalq festival-müsabiqənin baş mükafatçısı, dəfələrlə Azərbaycan, Rusiya və Gürcüstan çempionudur. O, həmçinin "Zabradance" gimnastika və rəqs məktəbinin baş məşqçisidir. Hazırda Moskvada yaşayır və çalışır.

28
Ermitaj muzeyinə mənzərə, arxiv şəkli

Dünyaca məşhur muzey saxtakarlıqda ittiham olunur

22
(Yenilənib 00:26 17.01.2021)
Kolleksiyaçı Rujnikov Ermitaj muzeyindəki bir çox eksponatın orijinal olmadığını bildirib. Üstəlik, onun fikrincə, ötən ilin noyabrından davam edən sərgidə də məşhur əsərlərin kobud, saxta versiyaları nümayiş olunur.

BAKI, 17 yanvar — Sputnik. Dünyanın ən məşhur və böyük muzeyi olan Ermitaj muzeyi "Faberge - İmperator Məhkəməsinin zərgərləri" sərgisində saxtakarlığa yol verməkdə günahlandırılır.

Sputnik Azərbaycan xarici mediaya istinadən xəbər verir ki, muzeyin direktoru Mixail Piotrovskiyə ünvanlanan saxtakarlıqla bağlı iddialar kolleksiyaçı Andrey Rujnikovun açıq məktubunda bildirilib. O qeyd edib ki, Ermitaj, Pavlovsk və Peterhof kolleksiyalarına aid olan həqiqi eksponatlarla yanaşı nümayiş etdirilən əsgərin siqaret yandırdığı heykəlcik Savitskinin Fersman Muzeyindəki heykəlinin kobud bənzəridir.

Bundan başqa, kolleksiyaçı muzeydəki bir çox eksponatın orijinal olmadığını bildirib. Onun sözlərinə görə, sadalanan əsərlər XX əsrə yox, XXI əsrə aiddir. O, eyni zamanda, ekspozisiyada iştirak edən saxtakarların siyahısını xeyli uzada biləcəyini qeyd edib.

İddialar əsasında hazırda Ermitajda araşdırmalara başlanılıb. Sərgi ötən il noyabrın 25-də başlayıb və bu il martın 14-dək davam edəcək.

22
Teqlər:
saxtakarlıq, Ermitaj, muzey
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

56
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

56
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0