Abdulla Şaiq adına Azərbaycan Dövlət Kukla Teatrı nəzdində Oyun adlı teatr

Azərbaycan teatrında inanılmaz sosial layihə - Bu dəfə səhnəyə fərqli şəxslər çıxacaq

726
(Yenilənib 20:24 03.12.2019)
İşin çətin tərəfi odur ki, tamaşada rol alanlar arasında peşəkar aktyorlarla yanaşı qeyri peşəkar, həmçinin əlil şəxslər də var

Kamal Almuradlı, Sputnik Azərbaycan

BAKI, 3 dekabr — Sputnik. Bu il  Abdulla Şaiq adına Azərbaycan Dövlət Kukla Teatrı nəzdində "Oyun" adlı teatr yaradılıb.

Sputnik Azərbaycan xəbər verir ki, terapiya, bir növ müalicəvi dərs xarakterli məşqlərdə uşaqlara müvafiq sosial vərdiş və münasibətlər səhnə nümunələri, dramaturji materiallar vasitəsilə təlqin edilir. Aktyor, rejissor, vokalçı, xoreoqraflarla yanaşı, psixoloqlar da məşq-tədris prosesində pedaqoq kimi iştirak edirlər.

© Sputnik / Kamal Almuradlı
Abdulla Şaiq adına Azərbaycan Dövlət Kukla Teatrı nəzdində "Oyun" adlı teatr

Sözügedən studiyada Cəfər Cabbarlının 120 illik yubileyi münasibətilə hazırlanan "Solğun çiçəklər" tamaşasının hazırlıq prosesində iştirak etdik. Yeni səhnələşdirmə ilə "Solğun sevgilər" adı verilən birhissəli tamaşada hadisələr psixoloqun reabilitasiya seanslarında iştiraka gələn Bəhram adlı qəhrəmanın etirafları ilə başlanır. Özünün mənəvi şikəstliyi, psixoloji sarsıntıları sayəsində yaddaşı ilə də ciddi problemlər yaşayan Bəhram fiziki əlillərin arasında onlardan daha çətin durumda olduğunu, mənən şikəstə çevrildiyini etiraf edir.

Yeni formalı səhnədən irəli gələn məsələlərin əhatəli yozumu üçün tam yeni əsas və köməkçi obrazlar daxil edilib.

Quruluş müəllifi bütün mizanlarda sağlam aktyorlardan daha çox müxtəlif fiziki qüsuru olan yeniyetmə və gənclərin oyun imkanlarını verməyə çalışıb. Əsas ideyası insanın ali hissi sevgi olan tamaşanın aktyor heyətinin 80 faizi fiziki qüsurlu şəxslərdən ibarətdir.

Fiziki qüsurlu yeniyetmə və gənclərin rol aldığı tamaşanın əsas ideyasında da belə insanların dostluğa sədaqəti, insanlıq sevgisi dayanır.

Qızğın məşqdən vaxt tapan tamaşanın quruluşçu rejissoru Səidə Haqverdiyeva bir neçə sualımızı cavablandırdı:

© Sputnik / Kamal Almuradlı
Quruluşçu rejissoru Səidə Haqverdiyeva

- Nə üçün Cəfər Cabbarlıya müraciət etdiniz?

- Bu əsəri seçməyimdə bir neçə nüans rol oynadı. Bilirsiniz ki, bu il Cəfər Cabbarlının 120 illiyi qeyd olunur. Bununla bağlı Azərbaycan teatrları onun müxtəlif əsərlərini səhnələşdirir. "Solğun çiçəklər" əsərini 17 yaşımda ikən oxumuşdum. Bu yaxınlarda yenidən təkrarladım və bu əsərə müraciət etdik.

- Kukla Teatrının nəzdində fəaliyyət göstərən "Oyun" teatrı olaraq bu əsərin səhnə həllini tapmaq çətin olmadı ki?

- Mənim üçün elə də çətin olmadı. Çünki 7 ildir "Oyun" teatr studiyasının həm rəhbəriyəm, həm də bir neçə tamaşanın pyesini mən yazmışam. Məhz bu işin çətin tərəfi odur ki, tamaşada rol alanlar arasında peşəkar aktyorlarla yanaşı qeyri peşəkar, həmçinin fiziki qüsurlu şəxslər də var. Onlarla bu gün məşq edirsən, sabahısı gün gələndə eyni ilə dünənki gün kimi sıfırdan başlayırsan. Yəni bir gün öncəki məşqin unudulub.

- Neçə müddətdir məşqlər gedir?

- Qısa müddətdir – cəmi 12 gün.

- Tamaşada neçə nəfər rol alıb?

- Əsərdə 5 nəfərdir. Amma biz bunu artırdıq. Pərinin, Saranın, Bəhramın dostları etdik. İstədim ki, fiziki qüsurlu şəxslər daha çox rol alsın.

- Obraz seçimini necə etdiniz?

- Deyim ki, bizim səhnəmizdə həm fiziki, həm də əqli qüsuru olan şəxslər var. Onlar arasında autizm sindromundan və daunizmdən əziyyət çəkən dostlarımız da tamaşada rol alıb. Seçim etmək üçün UAFA (Azərbaycana Birgə Yardım) təşkilatına üz tutduq. Eyni zamanda 5 nəfər əlilliyi olan şəxs var ki həmin təşkilata aidiyyatı yoxdur. Onları şəxsən tanıyıram və özüm seçmişəm. Ümumilikdə səhnədə 30 nəfərlik heyət olacaq. Tamaşanın dekabrın 6-da premyerası nəzərdə tutulub.

  • Abdulla Şaiq adına Azərbaycan Dövlət Kukla Teatrı nəzdində "Oyun" adlı teatr
    © Sputnik / Kamal Almuradlı
  • Abdulla Şaiq adına Azərbaycan Dövlət Kukla Teatrı nəzdində "Oyun" adlı teatr
    © Sputnik / Kamal Almuradlı
  • Abdulla Şaiq adına Azərbaycan Dövlət Kukla Teatrı nəzdində "Oyun" adlı teatr
    © Sputnik / Kamal Almuradlı
  • Abdulla Şaiq adına Azərbaycan Dövlət Kukla Teatrı nəzdində "Oyun" adlı teatr
    © Sputnik / Kamal Almuradlı
1 / 4
© Sputnik / Kamal Almuradlı
Abdulla Şaiq adına Azərbaycan Dövlət Kukla Teatrı nəzdində "Oyun" adlı teatr

Qeyd edək ki, "Solğun sevgilər" tamaşasında Xəqani Əliyev, Aysel Əlizadə, Ülviyyə Əliyeva, Elnarə Qədimova, Nazlı Əliyeva, Türkay Cəfərli, Cavid İbrahimov, Səma Məmmədova, Rəsul Məmmədli, Rəsul Zəkiyev, Taleh İsmayılov, Günay Əhməd, Zümrüd Qasımova, Rüxsarə Zeynalova rol alıb.

Kütləvi səhnələrdə isə Şamxal Xələfli, Rafael Mustafayev, Nəsib Şamxalov, Rüfət Şahpələngov iştirak edir.

726
Ceyla Seyidova, arxiv şəkli

"Sarı gəlin"dən xəbər var

247
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

247
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Kinorejissor Elxan Cəfərov

Vətənpərvərlik mövzusunda seriallarımız niyə yoxdu kinorejissorun şərhi

29
(Yenilənib 08:19 19.10.2020)
Kinorejissor Elxan Cəfərov deyir ki, serialların bədii dəyərini saxlaması üçün onun maliyyə imkanları geniş olmaldır
Elxan Cəfərov: “Maddiyatın yüksəlməsi serialın da yüksəlməsinə imkan yaradır”

Azərbaycan televiziyalarında nümayiş etdirilən serialların əksəriyyəti məişət mövzuları əsasında çəkilir. Bəs ölkəmizdə vətənpərvərlik mövzusunda serialların çəkilməsinə nə mane olur?

Bununla bağlı Sputnik Azərbaycan-a danışan kinorejissor Elxan Cəfərov deyir ki, seriallar üçün qeyri-dövlət maliyyə mənbələri tapılmadıqca onlar yüksək səviyyəyə gəlib çatmayacaq:

“Seriallar hazırda inkişaf dövrünü yaşayır. Serialların bədii dəyərini saxlaması üçün onun maliyyə imkanları geniş olmaldır. Bu gün vətənpərlik mövzusunda da işlər görülür. Maddiyatın yüksəlməsi serialın da yüksəlməsinə imkan yaradır. Hazırda serialların özünü  təsdiqetmə dövrüdür. Bu mərhələ başa çatdıqdan sonra bu və ya digər mövzuları tələb etmək olar”.

Elxan Cəfərovun geniş şərhinə audiofaylda qulaq asa bilərsiniz

29
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0