Azərbaycanlı aktrisa Aysel Yusubova

Azərbaycanlı aktrisa Hollivuddan dəvət alıb: "Oskar"ın sahibi ilə birgə çəkiləcək

777
(Yenilənib 20:34 28.11.2019)
Zaqatala Xalq Teatrının aktrisası Aysel Yusibova Amerika kino şirkətlərindən və azərbaycanlı rejissorlardan gələn təklifləri dəyərləndirir

BAKI, 28 noyabr — Sputnik. Realist Azərbaycan trillerində çəkilən Aysel Yusibova gözlənilmədən Hollivud filmində oynamaq barədə təklif alıb. Ona ümumdünya şöhrətli isveçli aktrisa, "Oskar" mükafatının sahibi Alisiya Vikanderin bacısı roluna çəkilmək təklif edilib.

Bu barədə Sputnik Azərbaycan-a Zaqatala Xalq Teatrının aktrisası Aysel Yusibova özü məlumat verib.

Yusibovanın istedadını azərbaycanlı rejissor və ssenarist Rəvan Cabbarov onu "Aporia: Kiyamet deneyi" filminə çəkməklə üzə çıxarıb.

Film triller janrında çəkilib və bu janrda Azərbaycanın ən realist filmi sayılır. Onun müxtəlif ölkələrdə təqdimatı keçirilib. Bakı tamaşaçılarına isə film bu günlərdə təqdim olunub və böyük uğur qazanıb.

Yusibova filmdə baş rolu oynayıb və onun oyunu dərhal xarici rejissorların diqqətini cəlb edib. Aktrisa üçünsə bütün bunlar, özünün dediyi kimi, gözlənilməz olub.

"Əməkdaşlıq təkliflərinin bu qədər çox olacağını gözləmirdim. Mənə deyiləndə ki, Amerikanın BDAmerika kino şirkəti məni Hollivud filminə çəkməyi təklif edib, bu, mənim üçün sürpriz oldu. Hər bir aktyorun belə bir arzusu var. Hətta nə deyəcəyimi bilmirəm. Hazırda mən təklifləri dəyərləndirirəm. Hələlik dəqiq cavab verməmişəm. Heç ssenarini görməmişəm və bu filmin nə barədə olduğunu belə bilmirəm", - deyə Yusibova bildirib.

"Aporia: Kiyamet deneyi" filminin çəkiliş komandası

Təkcə o məlumdur ki, məşhur isveçli aktrisa Alisiya Vikanderlə zahiri oxşarlığı səbəbindən Yusibovanı filmdə onun əkiz bacısı roluna çəkmək istəyirlər. Aktrisa hələlik kino şirkətinə yekun cavabı verməyib, amma təklifi dəyərləndirmək niyyətindədir, çünki heç də hər aktrisanın üzünə şans belə gülümsəmir.

Xarici təkliflərlə yanaşı aktrisaya bir sıra Azərbaycan filmlərində də çəkilmək təklif edilib. Yusibova onlara da hələlik cavab verməyib.

© Instagram / aliciavikanderdaily / aysell.yusubovaa
İsveçli aktrisa Alisiya Vikander solda və azərbaycanlı aktrisa Aysel Yusibova sağda

Alisiya Vikander isveçli aktrisa, rəqqasə və prodüserdir. O, "Danimarkalı qız" bioqrafik dramındakı ikinci planda ən yaxşı qadın roluna (rəssam Gerda Vegener) görə "Oskar"a və ABŞ kino aktyorları Gildiyasının mükafatına layiq görülüb.

Vikander həmçinin "Gələcəyin xatirələri", "Lalə sevdası", "Anna Karenina", "Eyforiya", "Okeandakı işıq" və digər filmlərə çəkilib. Hazırda aktrisa "Tomb Raider: Lara Kroft" filminə çəkilir.

777
Ceyla Seyidova, arxiv şəkli

"Sarı gəlin"dən xəbər var

247
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

247
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Kinorejissor Elxan Cəfərov

Vətənpərvərlik mövzusunda seriallarımız niyə yoxdu kinorejissorun şərhi

29
(Yenilənib 08:19 19.10.2020)
Kinorejissor Elxan Cəfərov deyir ki, serialların bədii dəyərini saxlaması üçün onun maliyyə imkanları geniş olmaldır
Elxan Cəfərov: “Maddiyatın yüksəlməsi serialın da yüksəlməsinə imkan yaradır”

Azərbaycan televiziyalarında nümayiş etdirilən serialların əksəriyyəti məişət mövzuları əsasında çəkilir. Bəs ölkəmizdə vətənpərvərlik mövzusunda serialların çəkilməsinə nə mane olur?

Bununla bağlı Sputnik Azərbaycan-a danışan kinorejissor Elxan Cəfərov deyir ki, seriallar üçün qeyri-dövlət maliyyə mənbələri tapılmadıqca onlar yüksək səviyyəyə gəlib çatmayacaq:

“Seriallar hazırda inkişaf dövrünü yaşayır. Serialların bədii dəyərini saxlaması üçün onun maliyyə imkanları geniş olmaldır. Bu gün vətənpərlik mövzusunda da işlər görülür. Maddiyatın yüksəlməsi serialın da yüksəlməsinə imkan yaradır. Hazırda serialların özünü  təsdiqetmə dövrüdür. Bu mərhələ başa çatdıqdan sonra bu və ya digər mövzuları tələb etmək olar”.

Elxan Cəfərovun geniş şərhinə audiofaylda qulaq asa bilərsiniz

29
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0