ATV-nin aparıcısı Lalə Azərtaş

ATV-nin aparıcısının canlı yayımda gözlənilməz qonağı - kuryoz hadisə

206
(Yenilənib 19:07 19.11.2019)
Lalə Azərtaş işinə peşəkar yanaşaraq efir zamanı öz soyuqqanlığını itirməyib. Kənarlaşmaq bilməyən həşərat isə efirə süjet gedənədək ondan əl çəkməyib

BAKI, 19 noyabr — Sputnik. ATV-nin aparıcısı Lalə Azərtaş canlı yayımda çətin vəziyyətə düşüb.

Sputnik Azərbaycan xəbər verir ki, aparıcı xəbərləri təqdim edərkən kuryoz hadisə ilə rastlaşıb. Belə ki, başına milçək qonan xəbər aparıcısı efirə gedəcək süjeti müdaxilə etmədən sonadək təqdim etmək məcburiyyətində qalıb. Kənarlaşmaq bilməyən həşərat isə efirə süjet gedənədək ondan əl çəkməyib.

Qeyd edək ki, canlı yayımlar zamanı bu cür hadisələr tez-tez baş verir. Lalə Azərtaş işinə peşəkar yanaşaraq efir zamanı öz soyuqqanlığını itirməyib.

Xatırladaq ki, Lalə Azərtaş 2001-ci ildən ATV-də işə başlayıb. 2003-cü ildə isə AzTV-də fəaliyyət göstərib. Ailə həyatı ilə bağlı bir müddət işə fasilə verdikdən sonra yenidən ATV-də efirə qayıdıb. 2015-ci ildə Prezident İlham Əliyevin imzaladığı fəxri diplomla təltif olunub. Bir çox mükafatlara layiq görülüb. "Türkiyə-Azərbaycan Kardeşlik" mükafatlarına, "Azerbaycanın en iyi haber spikeri" adına layiq görülüb.

206
Teqlər:
teleaparıcı, veriliş, televiziya
Əlaqədar
Aygün Kazımova məşhur cütlüyün evini əlindən aldı
Teleaparıcı İranı bombardmandan xilas elədi
Putinin əsas rəqibi toya korsetdə gəldi, aləm bir-birinə dəydi – VİDEO
Türkləri müzakirə edən aparıcı canlı yayımda şok yaşadı - VİDEO
Rusiya gözəli qardaşının ad gününü Bakıda qeyd edib və qonaqpərvərliyimizə heyran qalıb
Aktyor Şon Konneri Ceyms Bond rolunda, arxiv şəkli

Tarixdəki ən yaxşı Ceyms Bondun adı açıqlandı

21
(Yenilənib 13:34 11.08.2020)
Bondiana filmlərinin ən yaxşı agent 007-sinin seçilməsi üçün sorğu keçirilib. Şon Konneri bütün rəqiblərini geridə qoyub.

BAKI, 11 avqust — Sputnik. Həftəlik RadioTimes-in öz oxucuları arasında keçirdiyi səsvermə zamanı "Agent 007" filminin pərəstişkarları britaniyalı aktyor Şon Konnerini tarixin ən yaxşı Ceyms Bondu seçiblər.

Nəşrin məlumatına görə, sorğuda 14 mindən çox fanat öz fikirini bildirib. Birinci raundda Konneri 56 faiz səs yığaraq, 43 faiz səs toplayan fəaliyyətdə olan agent 007-ni, ingilis aktyoru Daniel Kreyqi geridə qoyub.

İkinci raundda ingilis Pirs Brosnan qalib gəlib. O, avstraliyalı aktyor Corc Lezenbini geridə qoyaraq səslərin 76 faizini qazanıb. Lezenbi isə cəmi 24 faiz səs toplayıb.

Üçüncü raund ən gözlənilməz olub, çünki oxucuların 41 faizinin səsini toplayan Rocer Mur, 49 faiz səs yığan varisi Timoti Daltona uduzub.

Beləliklə, finalda Şon Konneri Dalton və Brosnanla qarşılaşaraq 44 faiz səslə qalib gəlib. İkinci yeri 32 faizlə Dalton qazanıb. Brosnan isə 23 faizlə səslə "bürünc"ü əldə edib.

Şon Konneri kinoda ilk agent 007 olub. O, Bondiananın beş filmində çəkilib: "Doktor Nou" (1962-ci il), "Rusiyadan məhəbbətlə" (1963-cü il), "Qoldfinger" (1964-cü il), "Kürəvi ildırım" (1965-ci il) və "Yalnız iki dəfə yaşayırsan" (1967-ci il).

21
Qadın güzgüyə baxır, arxiv şəkli

Estetik əməliyyat etdirən ulduz büsbütün dəyişdi

58
(Yenilənib 23:15 10.08.2020)
Müğənninin bu dəyişimi sosial şəbəkələrdə geniş müzakirə obyektinə çevrilib. Onun bu addımı pərəstişkarlarını məyus edib.

BAKI, 10 avqust — Sputnik. "Adam Gibi Adam", "Katmer Katmer" ve "İhanetin Bekçisi" və s. mahnıları ilə tanınan türkiyəli müğənni Lara keçirdiyi estetik əməliyyatlar nəticəsində tanınmaz hala gəlib.

2000-ci illərdə Türkiyədə məşhurlaşan 41 yaşlı müğənninin xeyli sayda əməliyyat etdirdiyi bildirilir.

Посмотреть эту публикацию в Instagram

Публикация от LARA (@lara.official)

İzləyicilərinin belə tanımaqda çətinlik çəkdiyi Laranın hətta göz rəngini belə əməliyyatla dəyişdirdiyi iddia edilib.

Посмотреть эту публикацию в Instagram

Публикация от LARA (@lara.official)

Müğənninin bu dəyişimi sosial şəbəkələrdə geniş müzakirə obyektinə çevrilib. Onun bu addımı pərəstişkarlarını məyus edib.

58
Əlaqədar
Azərbaycanlı müğənni həyatdan tez getmiş reperlərə yeni trek həsr edib
Ulduzlarımız karantində Bakıdan Türkiyəyə qaçırlar
Canet Cekson azərbaycanlı müğənniyə təşəkkür edib: Mahnımı gözəl oxuyursan
Bakı "YouTube"dan Azərbaycan xalq mahnısını mənimsəmiş kanalların bağlanmasını tələb edir
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0