Tar ustası Qurban Verdiyev

Onlardan Şuşanın səsi gəlir: Vətən həsrətini alətlərdə yaşadan usta

1277
(Yenilənib 22:12 10.11.2019)
Bərdənin Mustafaağalı kəndində məskunlaşmış şuşalı ustanın hazırladığı tar illərin zəhməti ilə yaranır

Musa Muradlı, Sputnik Azərbaycan

BAKI, 10 noyabr — Sputnik. Qurban Verdiyev ömrünün ilk çağlarını Azərbaycanın dilbər guşəsi, musiqi mədəniyyətinin beşiyi olan Şuşada keçirib. Müharibə başlayınca isə o gözəl həyatdan ona ancaq nisgil, bir də doğma yurdundan qoparıb özüylə gətirdiyi Şuşa ruhu qalıb.

Şuşa işğal olunanda ata-anası, bacı-qardaşları ilə birgə Bərdə rayonunun Mustafaağalı kəndinə pənah gətiriblər. Qurban Şuşadan ayrılmağını özünə bağışlaya bilməyib. Doğma şəhərini qoruya bilməsə də, ona yas tutmağı özünə borc bilib. O gündən bu günə qədər üzünü də təraş etmir. Şuşaya qayıdan gün uzun, ağarmış saqqalıyla vidalaşmağı arzulayır.

Şuşalı gənc ona və ailəsinə qucaq açan Mustafaağalı kəndində qısa vaxtda hamının sevdiyi insana çevrilib. Əlinin zəhmətiylə dolanan Qurban elin kədərinə, sevincinə şərik olub. O elə indi də yorulmaq bilmədən işləyir. Taxta materiallarından qapı-pəncərə bağlayır, yeri gələndə qəssab baltasını götürüb xeyir-şər məclislərində ət doğrayır.

Usta Qurban Verdiyevin emalatxanası
© Sputnik / Musa Muradli
Usta Qurban Verdiyevin emalatxanası

Amma çox sevdiyi başqa bir məşğuliyyəti var Qurbanın - tar düzəltmək. Çünki bu sənəti elə Şuşada öyrənib: "1972-ci ildən musiqi alətləri, əsasən tar düzəltməklə məşğulam. O vaxtlar Şuşada Sadıqcan adına şərq musiqi alətləri fabrikində işə başladım. Bu sənətə də elə həmin dövrdə yiyələndim. Çalışdığım odur ki, xalqımızın bu sənətini gələcək nəsillərə çatdırım, məndən sonra bu işə kimsə sahib çıxsın. Bu, çox gözəl sənətdir. Xalqımızın kökündən gəlir. Nə qədər ki canımda can var, yaşatmağa çalışacam".

Qurban Verdiyev tarın sehrinə düşdüyünü deyir: "Məni bu sənətə gətirən tarın ecazkar səsi olub. O səs insanda qeyri-adi hiss, duyğu yaradır".

Usta Şuşadan ayrılandan sonra bir müddət tar düzəldə bilmədiyini deyir: "1992-ci ildə köçkünlük həyatı başlayanda bu kəndə - Mustafaağalıya gəldik. Bir müddət tar hazırlaya bilmədim. Müharibənin yaratdığı psixoloji travma, şübhəsiz ki, məni də sıxırdı. İşləyə bilmirdim. Ancaq kənd adamlarının bizə mehriban, qayğıkeş münasibəti köməyimiz oldu. Yenidən bu sənəti davam etdirmək barədə düşünməyə başladım.

Usta Qurban Verdiyev hazırladığı tarın səsi mötəbər təhsil ocaqlarından - Ağdam Musiqi Kollecindən, Milli Konservatoriyadan, Asəf Zeynallı adına Musiqi Kollecindən gəlir.
© Sputnik / Musa Muradli
Usta Qurban Verdiyev hazırladığı tarın səsi mötəbər təhsil ocaqlarından - Ağdam Musiqi Kollecindən, Milli Konservatoriyadan, Asəf Zeynallı adına Musiqi Kollecindən gəlir.

Tar hazırlamaq üçün alətlər axtarmağa başladım, çünki Şuşadan gələndə heç nə gətirə bilməmişdik. Şuşadan çıxmağı ağlımıza belə gətirə bilmirdik. Son ana qədər Şuşamızı qorumağa çalışsaq da, xəyanətin qarşısında bunu bacarmadıq. Lap axırda məcbur qalıb, ailə üzvlərimizi götürüb, çətinliklə şəhəri tərk elədik".

Şuşalı tar ustası bu sənətlə çoxlu pul qazanmasa da, hərdən sifarişlər aldığını bildirir: "Musiqi məktəbinə gedən uşaqların valideynləri tar almağa gəlirlər. Biz də onlara istədikləri tarı - təlim üçün, ya da peşəkar musiqi alətini - hazırlayıb veririk. Zövq, texniki imkanlar - hamısı razılaşdırılır.

Uşaqlarla yanaşı, Musiqi Kollecində oxuyan tələbələr də tar almaq üçün müraciət edirlər. Mən də çalışıram ki, onların zövqünə uyğun musiqi aləti düzəldim. İşlədiyim 40 il müddətində hazırladığım tarı geri qaytaran, narazı qalan olmayıb".

Qurbanın bağladığı tarların səsi mötəbər təhsil ocaqlarından - Ağdam Musiqi Kollecindən, Milli Konservatoriyadan, Asəf Zeynallı adına Musiqi Kollecindən - gəlir. Ağcabədi, Goranboy, Yevlax da daxil olmaqla kənar rayonlardan da gəlib, usta Qurbanın hazırladığı tarı alırlar.

"Tar əsasən tut ağacından hazırlanır. Yuxarı qol, kəllə hissəsi qoz ağacından, aşıqları adətən armuddan olur. Tarın hissələrinin müxtəlif ağaclardan hazırlanmasının da öz sirri var. Armud, adətən, tarı kökdə daha yaxşı saxlayır. Kökləyəndə uzun müddət dəyişmədən çalmaq olur. Tar hazırlamaq üçün ərik ağacından da istifadə etmək olar", - deyə Q.Verdiyev sənətinin sirləri ilə bölüşür.

Qurban Verdiyevin tara olan məhəbbəti övladlarına da keçib.
© Sputnik / Musa Muradli
Qurban Verdiyevin tara olan məhəbbəti övladlarına da keçib.

O deyir ki, tarın hazırlanmağı üçün xeyli zaman lazımdır: "Çanaq hissəsini, qolunu, aşığını ayrı-ayrılıqda hazırlayıb illərlə qurumağını gözləyirik. Bütün bunların tam quruması üçün ən azı 3 il keçməlidir ki, tam keyfiyyətli musiqi aləti hazırlamaq mümkün olsun. Tədricən, mərhələ-mərhələ hazırladığımız hissələrdən tarı komplektləşdirib, hazırlayırıq. Əgər bütün hissələri əlimizin altında hazır olarsa, tarın yığılması 3 ay çəkə bilər".

Usta Qurban sənətinin sirlərini övladlarının mənimsəyəcəyi günü səbirsizliklə gözləyir. Müharibə üzündən gec evlənib. Uzun illər Şuşaya qayıdıb orada ailə qurmağı arzulayıb. Nəhayət, 50 yaşı haqladığında taleyi ilə barışıb, evlənib. İndi İlqar və Vüqar adında iki oğlu var, biri 9-cu, digəri 7-ci sinifdə oxuyur. Hələlik tar düzəldə bilməsələr də, tar ifaçılığını mənimsəməyə başlayıblar. Bərdə şəhər 1 saylı uşaq Musiqi məktəbində musiqi təhsili alırlar.

Arzulayaq ki, ustamızın düzəltdiyi tarlar yenidən Şuşada dilə gələcək. O gözəl günlər yenidən yaşanacaq. Qarabağda ölüm saçan silahların deyil, musiqinin səsi aləmə yayılacaq. 

1277
Teqlər:
Şuşa, Bərdə, usta, musiqi aləti
Mövzu:
Sözlə deyə bilmədiklərimizin izharı - sənət (30)
Əlaqədar
Rövşən Cabbar: "Natiqə dedim ki, bunu şou alətinə çevirənlərə təpinməyə haqqın çatır"
"Sabah da deyəcəklər ki, bu da bizimdir" - Qarmon ustası sirləri açır
Stradivari bilsə, ikinci dəfə ölərdi - azərbaycanlı müəllimdən qeyri-adi təklif
Azərbaycanda unikal sərgi - Xan əminin qavalı, Aftandilin qarmonu, Aşıq Ədalətin sazı
"Orkestr adam" – Mingəçevir sakini unikal musiqi aləti yaradıb
Gəncədə vəziyyət

Məşhur türk müğənni konsertindən gələn gəliri gəncəlilərə bağışlayacaq

115
(Yenilənib 23:15 21.10.2020)
Ayhan Ulu (Pau) “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib

BAKI, 21 oktyabr — Sputnik. Ötən həftə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsinin qurbanları  dünyanın bir çox ölkələrində anılıb. Bundan başqa, Türkiyənin məşhur sənət adamları da buna səssiz qalmayıblar. Sputnik Azərbaycan xəbər verir ki, sözügedən ölkənin ulduzu Ayhan Ulu (Pau)  da “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib.

Bundan başqa, İzmirin məşhur ifaçılarından olan Pau bir neçə konsertinin gəlirini Gəncə qətliamından zərər görən şəxslərə bağışlayacağını bildirib: "Gələn həftə konsertlərimdən götürəcəyim gəliri Gəncə xalqına bağışlayacağam. Həmişə yanınızdayam. Azərbaycana hər zaman dəstək verəcəyəm".

Qeyd edək ki, Türkiyənin dünya şöhrətli müğənnisi, meqastar Tarkan da Gəncədə baş verən terrora səssiz qalmayıb. O,  “Instagram” hesabında ermənilərin Gəncəyə xain hücumunu pisləyən paylaşım edib.

“Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

115
Teqlər:
dəstək, konsert, müğənni, məşhurlar, Türkiyə, ölənlər və yaralılar, erməni təxribatı, raket zərbələri, Gəncə
Mövzu:
Azərbaycan və Ermənistan arasında müharibə
Əlaqədar
Erməni terrorunun qurbanları dünyanın dörd bir yanında anıldı
Qəlbimiz Azərbaycanla döyünür - Türkiyə müxalifətinin lideri
Gəncə istiqamətində Ermənistanın PUA-sı məhv edildi
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Türk ulduzları Gəncə terroruna səssiz qalmayıblar
Televizora baxan adam, arxiv şəkli

Məşhur serialdan Azərbaycana dəstək

108
(Yenilənib 19:16 21.10.2020)
"Canımız, qanımız, Azərbaycanımız, qardaşlarımız bir mübarizə içindədirlər. 30 illik zülmə bəsdir deyirlər"

BAKI, 21 oktyabr — Sputnik. Azərbaycanlıların da sevə-sevə izlədiyi Türkiyənin məşhur "Kalk Gidelim" serialında Azərbaycan haqda bəhs edilib.

Sputnik Azərbaycan xəbər verir ki, TRT-də yayımlanan ekran işində Azərbaycanın işğalçı Ermənistanla savaşından söz açılıb.

Serialın 125 bölümündə Seyfeddin Dal obrazını canlandıran aktyor Ufuk Özkan bu sözləri deyib:

"Cümhuriyyət rahat qurulmadı. Türk 1920-də də vətənini müdafiə etdi, indi də edir. Canımız, qanımız, Azərbaycanımız, qardaşlarımız bir mübarizə içindədirlər. 30 illik zülmə bəsdir deyirlər. Davalarında haqlıdırlar. Bunu bütün dünya belə bilsin".

Daha sonra isə ekran işində Xalq artisti Azərinin "Çırpınırdı Qara dəniz" mahnısı səsləndirilib.

108
Teqlər:
serial, dəstək, Azərbaycan, Türkiyә, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Məşhur türk sənətkarının ifasında "Qarabağ türküsü" səsləndirildi
Ərdoğan yenə Azərbaycana dəstək verdi: Bizə uzadılan hər bir əli kəsirik və kəsəcəyik!
Türk ulduzları Gəncə terroruna səssiz qalmayıblar
"Qərarlarınızı heçə sayan Ermənistanı mühakimə etməyəcəksinizsə, nəyi edəcəksiniz?!"
Nyu-Yorkdakı Azərbaycan Ordusuna dəstək aksiyasından görüntülər
Yəhudilər, arxiv şəkli

Azərbaycanın yəhudi icması dünya yəhudilərinə müraciət etdi: Azərbaycanın yanında dayanın!

0
(Yenilənib 23:09 22.10.2020)
Azərbaycanın işğal olunmuş torpaqlarının dərhal azad olunması üçün Etmənistana təsir etmək istiqamətində mümkün olan hər şeyi edin

BAKI, 22 oktyabr - Sputnik. Azərbaycandakı yəhudi cəmiyyətləri dünya yəhudilərinə və yəhudi təşkilatlarına müraciət ünvanlayıb.

Yəhudi icmasından Sputnik Azərbaycan-a daxil olan müraciətdə deyilir:

"Azərbaycan zəngin tarixə mədəniyyətə və multikultural dəyərlərə malik bir ölkədir. Bu ölkədə qanunlara riayyət edən hər kəs milliyyətindən, irqindən asılı olmayaraq sülh və təhlükəsizlikdə yaşayır. Biz, Azərbaycan yəhudiləri burada təxminən 2000 ildir ki, sülh və təhlükəsiz şəraitdə yaşayırıq. Tam əminliklə deyə bilərik ki, azərbaycanlılar çox sülhsevər, dinc, tolerant və muktikultural dəyərlərə çox sadiq insanlardır. Azərbaycanda sinaqoqlar, yəhudi məktəbləri və bağçaları fəaliyyət göstərir. Bizim ölkədə müxtəlif xalqların nümayəndələri dostluq və həmrəylik içərisində yaşayır. Azərbaycan dövləti etnik azlıqlar da daxil olmaqla öz vətəndaşlarına qarşı çox tolerant və qayğıkeşdir.

Lakin biz qeyd etməliyik ki, artıq 30 ilə yaxındır ki, Azərbaycanın torpaqlarını işğal altında saxlayan Ermənistan dəfələrlə Azərbaycanda yaşayan xalqların arasında düşmənçilik toxumu səpməyə cəhd edib, lakin bu əməlindən faydalana bilməyib. Müharibə zonasında verdiyimiz şəhidlərimizlə yanaşı  Ermənistan hökumətinin mülki əhaliyə qarşı törətdiyi cinayətlər və təxribatlar bizim birliyimizin bağlarını və aramızdakı qardaşlığı daha da gücləndirib. 

Biz çox təəssüflə qeyd edirik ki Ermənistan hökumətinin bizim mülki və hərbi infrastrukturlarımıza qarşı və həmçinin Azərbaycan vətəndaşlarına qarşı davamlı təxribatlar törətməkdən əl çəkmək niyyətində olmadığı aşkardır.  Sentyabrın 27-dən etibarən Ermənistan silahlı qüvvələri atəşkəs rejimini pozdu və təmas xəttində yerləşən azərbaycanlı mülki əhalinin yaşadığı əraziləri iriçaplı silahlardan və artilleriya qurğularından intensiv şəkildə atəşə tutdu. Buna cavab olaraq  Azərbaycan ordusunun bu günə qədər davam edən uğurlu əks hücumu nəticəsində Azərbaycan ordusu Ermənistanın işğalı altında olan ərazilərinin nəzərəçarpacaq bir qismini azad edib.

Hərbi uğursuzluqlarını həzm edə bilməyən Ermənistan silahlı qüvvələri münaqişə zonasından kilometrlərlə uzaq olan Azərbaycan şəhərlərinə raket zərbələri endirdi. Burada xüsusilə Gəncə şəhəri qeyd olunmalıdır, Gəncədə bu gün böyük Yəhudi icması yaşayır. İki dəfə raket hücumuna məruz qalan Gəncədə çox sayda mülki şəxslər həlak oldular.  Bütün bunlara rəğmən biz bəzi Yəhudi  təşkilatlarının bu gün də humanitar hüququ pozaraq regionda sülh və sabitliyi gözardı edən təcavüzkar ölkə Ermənistanla bağlı doğru məlumatlara sahib olmamaqla əlaqəli xəbərlərdən çox məyusuq və bu bizi çox narahat edir. Azərbaycanda yaşayan Yəhudi icmaları olaraq biz əziz soydaşlarımız sizə müraciət edirik.

Dünya ictimaiyyətini yanıltmağa yönəlmiş yanlış məlumatlandırma da daxil olmaqla təcavüzkar Ermənistanın təxribatlarına inanmayın, dost Azərbaycan xalqının və hökumətinin ədalətli mübarizəsində onların yanında dayanın və Azərbaycanın işğal olunmuş torpaqlarının dərhal azad olunması üçün Etmənistana təsir etmək istiqamətində mümkün olan hər şeyi edin".

Qeyd edək ki, müraciəti Azərbaycan Dağ Yəhudiləri İcmasının sədri Milix Yevdayev, Azərbaycan Aşkenazi Yəhudi İcmasının sədri Aleksandr Şarovski, Azərbaycanın Gürcü Yəhudi İcmasının sədr müavini Rabbi Zamir İsayev və Azərbaycanda Amerika Yəhudi Təşkilatının "Vaad L'hatzolas Nidchei Yisroel" direktoru Rabbi Şmuel Siman Tov imzalayıb.

0
Əlaqədar
Yəhudiləri niyə sevməliyik?
Yəhudilər Qarabağda Azərbaycanın qələbəsi üçün dua etdilər
Yəhudilər Azərbaycana təşəkkür etdilər
Azərbaycanlı çobanın eşqinə yəhudilər heyran oldular