Çəkiliş, arxiv şəkli

"Beş milyon alıblar, oynamaqlarına bax" - seriallardan əyri baxan azərbaycanlılar

1486
(Yenilənib 12:56 10.11.2019)
"Bu xalqa daha yaxşısını göstərmək lazımdır. Bu ona görə lazımdır ki, görsünlər və daha düzgün yaşamağa can atsınlar. Biz isə seriallarda mənfi xüsusiyyətləri göstərir və təkrarlayırıq" - Ruslan Sabirli

Kamal Almuradlı, Sputnik Azərbaycan

BAKI, 10 noyabr - Sputnik. "Özəl televiziya kanallarında yayımlanan seriallarda Azərbaycan ailəsi çox ciddi təhrif olunur". Bu fikirləri Azərbaycan Radiosunun yaranmasının 93 illiyinə həsr olunmuş tədbirdə Milli Teleziya və Radio Şurasının (MTRŞ) sədri Nuşirəvan Məhərrəmli deyib.

Azərbaycanlı aktyor Anar Xəlilov Mask-E-rad filminin çəkilişində
© Из личного архива Анара Халилова

Son illər ölkədə çəkilən teleseriallar həm sənət adamları, həm ekspertlər, həm də MTRŞ tərəfindən tənqid olunur. Hələ bir tərif deyən eşitməmişik. Ara-sıra bir-iki serial maraqlı alınsa da, ümumi mənzərə heç də ürəkaçan deyil. Məsələnin aktuallığını nəzərə alaraq Sputnik Azərbaycan aidiyyəti şəxslərə müraciət edib MTRŞ rəhbərinin fikrinə münasibətlərini öyrəndi.

Rasim Balayev, Xalq artisti: "Mən o seriallara baxmıram. Çünki orada sənət yox, "xaltura"dır. Heç bir serialı başdan-ayağa izləməmişəm. Serialı uzatmaq üçün mənasız və səviyyəsiz söhbətlərə yer verilir. Nuşirəvan Məhərrəmli düz deyir. Bu şəxslər bu cür seriallarla nə demək istəyirlər? Filmin mənası olmalıdır, ona baxan insan ibrət götürməlidir. Seriallarda normal ailə tərənnüm edilməlidir. Adət-ənənə, tərbiyə, qadın və kişinin münasibətləri öz yerində nümayiş olunmalıdır. Ola bilər, haradasa pozğunluq olur. Amma bu o demək deyil ki, Azərbaycan üçün tipikdir. Axı bunu hamıya aid etmək olmaz".

Qulu Məhərrəmli, Əməkdar jurnalist, professor: "Nuşirəvan Məhərrəmlinin dediyi fikirlə razıyam. Seriallarda təsvir olunan Azərbaycan ailələrinin hamısı qüsurludur. Hamısında əxlaq və mənəviyyat problemi var. Bunlar Azərbaycan ailəsi haqqında pis təəssürat yaradır. Amma MTRŞ də bu işdə müəyyən qədər məsuliyyət daşıyır. Çünki ölkə prezidentinin ayırdığı pullar MTRŞ vasitəsi ilə ödənilir. Bu isə o deməkdir ki, həmin serialların konsepsiyasını, ideyasını almadan, onu nəzərdən keçirmədən kim necə istəyir, çəkir.

Təbii ki, yaradıcı azadlığı olmalıdır. Amma ümumi ideya aydın və parlaq olmalıdır. Misal üçün, Türkiyədə nümayiş olunan "Möhtəşəm Yüzyıl" serialı bir imperiyanın gücünü göstərir. Bəs, bizim serialların ideyası nədir? Dəyərləri təbliğ edirmi? Həqiqətənmi nümunəvi ailə, qəhrəman, şəxsiyyət yoxdur?

Ona görə də hesab edirəm ki, yaradıcılıq müstəqilliyinə müdaxilə etmədən o serialları yüksək bədii səviyyə ilə təmin etmək olardı. Mənəviyyatı tapdalamaq xüsusilə özəl kanallara aiddir. Bunun qarşısını almaq üçün MTRŞ özü tövsiyələr verməlidir".

Zülfiyyə Qurbanova, aktrisa: "Səmimi desəm, vaxt azlığından mən nə yerli, nə də digər ölkənin istehsalı olan seriallara baxıram. Ona görə seriallarda nə baş verir, xəbərim yoxdur. İmkan düşdükcə öz çəkildiyim serialları izləyirəm. Ona görə öz çəkildiyim serialdan çıxış edərək deyərdim ki, çox da təhrif olunmur. Biz cəmiyyət olaraq istəyirik ki, ekranda Azərbaycan ailəsi ideal şəkildə təqdim olunsun. Təbii ki, belə ailələr də qələmə alınıb təqdim olunur tamaşaçıya. Məgər cəmiyyət ancaq ideal ailədən ibarətdir ki? Cəmiyyətdə seriallarda bəyənmədiyiniz problemli ailələrdən betər ailələr var".

Gənc aktyor: "Biletin qiymətini 2 manat edəndə dedilər varlanmaq istəyirsiz?">>

Ruslan Sabirli, aktyor: "Sözün açığı, Nuşirəvan Məhərrəmlinin bu fikrinə rast gəlməmişəm. Düşünürəm ki, yerində deyilmiş iraddır. Son zamanlar bütün müsahibələrimdə də bildirirəm ki, seriallarımız çox bərbaddır və səviyyəsi aşağı düşüb. İncəsənət adamları özlərində məsuliyyət hiss eləməlidirlər. Bu xalqa daha yaxşısını göstərmək lazımdır. Bu ona görə lazımdır ki, görsünlər və daha düzgün yaşamağa can atsınlar. Biz isə seriallarda mənfi xüsusiyyətləri göstərir və təkrarlayırıq. İnsanlar da bunu normal qəbul edir və belə yaşamağı düzgün hesab edirlər.

Azərbaycanda ən böyük problem yaxşı senaristin olmamasıdır. Senarist dostlarım məndən inciməsinlər, amma bu, həqiqətdir. İndiki serial müəlliflərinin dünya görüşləri çox aşağıdır. Onların gördüyü cadu, tində durub qıza söz atmaq kimi mövzulardır. Bu problem məni ciddi narahat edir. Çəkiliş üçün uyğun olmayan məkanlar seçirlər. 10 milyonluq xalqa nəyi göstərirsən, bununla nə demək istəyirsən? Xatırlayırsınızsa, Prezident xarici serialları televiziyalardan yığışdırdı ki, bizə uyğun deyil. Dövlət büdcəsindən maliyyə ayırdı ki, milli seriallar inkişaf etsin. Amma bu gün bizim seriallar Meksika seriallarından daha betərdir. Özüm çəkildiyimə görə demirəm, rol aldığım "Sənə inanıram" serialından sonra normal yalnız "Vicdan haqqı"dır. Bir serial var idi, ailə üzvləri bir-birinə qışqırırdılar. Əsəbi nümayiş etdirmək üçün yalnız qışqırmaq lazımdır ki? Bu obrazların xarakteri yoxdur? Nə qədər qəddarcasına səslənsə də, məncə, senzuraya ehtiyac var. Bu serial sahəsinin bir yiyəsi olmalıdır. Çıxıb deməlidir ki, bəsdir, bitirin bunu".

Xatırladaq ki, Azərbaycan Respublikasında milli televiziya filmlərinin istehsalına maliyyə yardımının göstərilməsi haqqında ölkə Prezidentinin sərəncamına əsasən, 9 sentyabr 2011-ci il və 4 aprel 2013-cü ildə müvafiq olaraq 5 milyon və 6 milyon manat pul ayrılıb.

1486
Teqlər:
aktrisa, Azərbaycan, televiziya, aktyor, ssenarist, ssenari, serial
Əlaqədar
"Filmlərdə teatrdan qazandığımızı xərcləyirik" - Məmməd Səfa
Azərbaycan serialları niyə “Çernobıl” ola bilmir - Orxan Bahardırsoy danışır
"Çukur"la "SÖZ"ün lənkəranlı "qonağı": "Qrip olduğum üçün məni "öldürdülər" - VİDEO - FOTO
Çimnaz Sultanova: "Zövqümü korlamamaq üçün seriallara baxmıram"
ABŞ-da işləyən azərbaycanlı bloger öz serialı üçün rus qızlar axtarır
Sami Yusuf, arxiv çəkli

Azərbaycan əsilli müğənnidən növbəti dəstək

27
(Yenilənib 22:40 27.10.2020)
Müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib

BAKI, 27 oktyabr — Sputnik. Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar Azərbaycan Ordusuna növbəti dəfə dəstəyini ifadə edib. Sputnik Azərbaycan xəbər verir ki, müğənni özünün "Instagram" səhifəsində video paylaşaraq "Azərbaycan I love you. Yaşasın Azərbaycan!" deyib.

Qeyd edək ki, Azərbaycan əsilli dünyaca məşhur müğənni və bəstəkar Sami Yusuf cəbhə xəttində həyata keçirilən əks-hücumlarla əlaqədar dəfələrlə Azərbaycan Ordusuna dəstəyini ifadə edib: "Davamlı uğurlarınız, firavanlığınız və torpağınızın və suverenliyinizin qorunması üçün dua edirəm".

27
Mövzu:
Azərbaycan və Ermənistan arasında müharibə
Əlaqədar
Türkiyəli sənətçilər Qarabağda müharibəyə görə toylarını təxirə saldılar
Biz Qarabağda oyanmaq istəyirik - VİDEO
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
Rəzalət davam edir - Türk sənətkarları Qarabağda "öldürürlər"
İbrahim Tatlısəsdən kövrək addım: "Ölənədək yanındayıq, AZƏRBAYCAN!"
Eldar Qasımov, arxiv şəkli

Biz Qarabağda oyanmaq istəyirik - VİDEO

25
(Yenilənib 22:02 27.10.2020)
"Mən Qarabağda oyanmaq istəyirəm" adlı mahnının bəstəkarı Vaqif Yaqubov, söz müəllifi Leyla Nəsibli, aranjmançısı isə Osman Həmidovdur

BAKI, 27 oktyabr — Sputnik. Eldar Qasımov Şuşaya həsr olunmuş mahnısını təqdim edib.

Sputnik Azərbaycan xəbər verir ki, Azərbaycana Avroviziya qalibiyyəti bəxş edən müğənni Eldar Qasımov Şuşaya həsr olunmuş yeni mahnısını təqdim edib. Rus dilində olan mahnı "Mən Qarabağda oyanmaq istəyirəm" adlanır və vətənpərvərlik mövzusundadır.

Mahnının bəstəkarı Vaqif Yaqubov, söz müəllifi Leyla Nəsibli, aranjmançısı isə Osman Həmidovdur. Mahnı qısa zamanda sosial şəbəkələrdə paylaşılıb.

 

25
Teqlər:
mahnı, Eldar Qasımov, Şuşa şəhəri, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Türkiyəli sənətçilər Qarabağda müharibəyə görə toylarını təxirə saldılar
Daha bir rəzalət - Sərdar Ortacı şəhid Azərbaycan əsgəri kimi təqdim etdilər
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
Rəzalət davam edir - Türk sənətkarları Qarabağda "öldürürlər"
İbrahim Tatlısəsdən kövrək addım: "Ölənədək yanındayıq, AZƏRBAYCAN!"
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva Ermənistanın müharibə cinayətlərinə üsyan etdi

35
(Yenilənib 23:55 27.10.2020)
"Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?"

BAKI, 27 oktyabr - Sputnik. "Bu gün Ermənistan silahlı qüvvələri döyüş əməliyyatları zonasından kənarda yerləşən Bərdə şəhərini raket atəşinə məruz qoyaraq humanitar atəşkəs rejiminin şərtlərini növbəti dəfə kobud şəkildə pozublar. “Smerç” qurğusundan buraxılmış kasetli raketlərlə atəş nəticəsində dörd mülki şəxs, o cümlədən yeddi yaşlı qız həlak olub. Dördü uşaq olmaqla on dörd nəfər ciddi xəsarət alıb".

Sputnik Azərbaycan bildirir ki, bu barədə Azərbaycanın Birinci vitse-prezidenti Mehriban Əliyeva sosial şəbəkədəki heabında yazıb.

Посмотреть эту публикацию в Instagram

Публикация от Mehriban Aliyeva (@firstvicepresidentazerbaijan)

"Silahlı münaqişələr zamanı mülki şəxslərin qətlə yetirilməsi 1949-cu il Cenevrə Konvensiyalarının və bütövlükdə beynəlxalq humanitar hüquq normalarının ən kobud şəkildə pozulması deməkdir.
Erməni təcavüzkarlarının əli ilə daha neçə günahsız insan həlak olmalıdır ki, dünya birliyi bu cinayətləri dinməzcə seyr etməyə son qoysun?
Həlak olanların doğmalarına və yaxınlarına dərin hüznlə başsağlığı verirəm, yaralananların tezliklə sağalmalarını arzulayıram.
Biz öz torpağımızı təcavüzkarlardan azad edəcəyik və bu cinayətlərə son qoyacağıq.
Uca Tanrı Vətənimizi qorusun!" - paylaşımda deyilir.

35
Teqlər:
Atəşkəsin pozulması, ölənlər və yaralılar, dinc sakinlər, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Bərdədə erməni təxribatından ölənlərdən biri 7 yaşlı uşaqdır - FOTO
XİN: Ermənistan münaqişənin siyasi həllində maraqlı deyil
Hikmət Hacıyev: "Bərdəyə "Smerç"dən kasetli bomba atılıb"
Ermənilərin Bərdəni atəşə tutması nəticəsində ölənlərin sayı artdı