Əlində gitara olan kişi, arxiv şəkli

Azərbaycanda roka olan böyük marağı qaytarmağa cəhdlər edilir

767
Dekabrın 14-də Bakıdakı "Albion Pub" klubunda Azərbaycan rok musiqisinə marağı geri qaytarmaq üçün yenidən rok festivalı keçiriləcək.

BAKI, 7 noyabr — Sputnik. Uzun müddətdən sonra Bakıda Azərbaycan rok musiqisinə marağı geri qaytarmaq üçün yenidən rok festivalı keçiriləcək. Layihənin təşkilatçılarından biri Milan Məmmədovun Sputnik Azərbaycan-a verdiyi məlumata görə, festival dekabrın 14-də Bakıdakı "Albion Pub" klubunda keçiriləcək.

Məmmədov təəssüflə bildirib ki, Bakıda kifayət qədər tez-tez rok musiqiçilərinin iştirakı ilə konsertlər keçirilir, lakin onları heç kəs işıqlandırmır.

"Sonuncu dəfə Bakıda rok festivalı iki, ya da üç il əvvəl keçirilib. Onun təşkilatçıları tamam başqa uşaqlar idi. Bu dəfə biz yalnız Azərbaycanın rok ifaçılarından ibarət layihə həyata keçirmək istəyirik. Festivalda altı rok qrupu iştirak edəcək. Onlar təkcə Bakının deyil, həm də Sumqayıtın rok qruplarıdır. Onların hər biri özünün altı müəllif kompozisiyasını və yaxud da Azərbaycanın keçmişdə mövcud olmuş rok qruplarının repertuarından olan "Yuxu", "Sirr, "Cadugər" və digər mahnıları ifa edəcəklər", - deyə Məmmədov əlavə edib.

Təşkilatçının sözlərinə görə, təkcə Azərbaycanda deyil, bütün dünyada rok musiqisinə marağın aşağı düşdüyü müşahidə edilir. Hazırda pop və elektron musiqi daha populyardır.

"Çoxları indiyə qədər dünya şöhrətli rok musiqiçilərinə qulaq asırlar. Amma gənc qrupların şöhrətlənməsi çətin məsələdir", - təşkilatçı bildirib.

"SSRİ-nin dağılmasından sonra Azərbaycanda rok auditoriyası yavaş-yavaş olsa da, böyüməyə başladı, yerli publika "Unformal" kimi populyar qrupların yaradıcılığına maraq göstərdi. 90-cı illərdə Sumqayıtda "Yuxu", "Spark", "Mozalan" və "Sirr" kimi qruplar yaranmışdı. "Yuxu" qrupu hətta Türkiyəyə gedərək Barış Mançonun şousunda iştirak etmişdi. Sonralar isə Azərbaycanın bir çox rok qrupları dağıldı", - Məmmədov deyib.

Məmmədovun fikrincə, rok digər musiqi janrlarından fərqli olaraq, çox bahalı musiqidir. O, çox yaxşı aparatlar tələb edir və onlardan heç də hamı istifadə edə bilmir.

Azərbaycandakı rok qruplarının dağılma səbəblərini Məmmədov maddi problemlərlə əlaqələndirib. Qeyd edib ki, rok musiqiçiləri öz sənətlərindən pul qazana bilmirdilər və ona görə də peşələrini dəyişməli olurdular. Hazırda Azərbaycanda rok ifaçıları əsasən hər şeyi sırf həvəsə görə edirlər, onların heç bir gəlirləri yoxdur.

"Biz çox ümid edirik ki, Bakıda keçiriləcək rok festivalı Azərbaycanda roka olan böyük marağı geri qaytaracaq. Adətən rok konsertlərinə 100-150 adam gəlir, bu isə çox azdır. Əgər tamaşaçıların sayı çox olsa, biz festivalı illik edə, iştirakçıların tərkibini genişləndirə, hətta xaricdən rok qrupları dəvət edə bilərik", - Məmmədov deyib.

Hələlik isə Bakı rok festivalına tam qüvvə ilə hazırlıq gedir və yaxın zamanlarda orada iştirak edəcək Azərbaycan qruplarının adları açıqlanacaq.

767
Ceyla Seyidova, arxiv şəkli

"Sarı gəlin"dən xəbər var

119
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

119
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Kinorejissor Elxan Cəfərov

Vətənpərvərlik mövzusunda seriallarımız niyə yoxdu kinorejissorun şərhi

24
(Yenilənib 08:19 19.10.2020)
Kinorejissor Elxan Cəfərov deyir ki, serialların bədii dəyərini saxlaması üçün onun maliyyə imkanları geniş olmaldır
Elxan Cəfərov: “Maddiyatın yüksəlməsi serialın da yüksəlməsinə imkan yaradır”

Azərbaycan televiziyalarında nümayiş etdirilən serialların əksəriyyəti məişət mövzuları əsasında çəkilir. Bəs ölkəmizdə vətənpərvərlik mövzusunda serialların çəkilməsinə nə mane olur?

Bununla bağlı Sputnik Azərbaycan-a danışan kinorejissor Elxan Cəfərov deyir ki, seriallar üçün qeyri-dövlət maliyyə mənbələri tapılmadıqca onlar yüksək səviyyəyə gəlib çatmayacaq:

“Seriallar hazırda inkişaf dövrünü yaşayır. Serialların bədii dəyərini saxlaması üçün onun maliyyə imkanları geniş olmaldır. Bu gün vətənpərlik mövzusunda da işlər görülür. Maddiyatın yüksəlməsi serialın da yüksəlməsinə imkan yaradır. Hazırda serialların özünü  təsdiqetmə dövrüdür. Bu mərhələ başa çatdıqdan sonra bu və ya digər mövzuları tələb etmək olar”.

Elxan Cəfərovun geniş şərhinə audiofaylda qulaq asa bilərsiniz

24
Bakıda avtobus, arxiv şəkli

BNA Bakıda ekspres avtobuslarının gecikmə səbəbini açıqladı

0
Q.Qarayev-Koroğlu-28 May və Q.Qarayev-20 Yanvar dairəsi istiqamətində bütün müntəzəm və ekspres xətt avtobuslarının hərəkət intervalında gecikmələr yaranıb

BAKI, 20 oktyabr — Sputnik. Bakı Nəqliyyat Agentliyi paytaxtın Qara Qarayev prospektində yaranmış tıxac barədə məlumat yayıb.

BNA-dan Sputnik Azərbaycan-a verilən məlumata görə, səhər saat 9 radələrindən Qara Qarayev prospekti-Ziya Bünyadov prospekti istiqamətində nəqliyyat vasitələrinin hərəkətində tıxac müşahidə edilir: "Nəticədə Q.Qarayev-Koroğlu-28 May və Q.Qarayev-20 Yanvar dairəsi istiqamətində bütün müntəzəm və ekspres xətt avtobuslarının hərəkət intervalında gecikmələr yaranıb".

0
Teqlər:
avtobus, BNA, tıxac, Bakı