Teatr pərdəsi

Azərbaycan teatrlarında ixtisaslı aktyor problemi: Onları kim necə hazırlasın

573
(Yenilənib 21:32 31.10.2019)
Universitetdə kukla, yaxud pantomim teatrı aktyorluğu kimi fakültələrin yaradılmasından söhbət gedə bilməz.

Kamal Almuradlı, Sputnik Azərbaycan

BAKI, 31 oktyabr — Sputnik. Azərbaycanda 1 Pantomima teatrı və 3 Kukla teatrı fəaliyyət göstərir. Bu teatrlara aktyor qəbulu digərlərindən fərqlidir. Belə ki, spesifik xüsusiyyətə malik olan bu sənət sahəsinə seçim zamanı aktyorun plastikasına, pantomim səhnə hərəkətinə, kuklalarla işləmə qabiliyyətinə xüsusi fikir verilir. Bəs görəsən Azərbaycan Dövlət Mədəniyyət və İncəsənət Universitetində bu yöndə aktyorlar üçün fakültə fəaliyyət göstərirmi? Ümumiyyətlə, sözügedən teatrların buna tələbatı varmı?

Azərbaycan Dövlət Pantomima Teatrının yaradıcısı və baş rejissoru, Xalq artisti Bəxtiyar Xanızadənin sözlərinə görə, səhnə hərəkəti kafedrasında pantomima mütləq fənn kimi 1-ci kursdan 3-cü kursa qədər tədris olunmalıdır.

"1970-ci illərdə mən İncəsənət Universitetində təhsil aldığım zaman rejissorluq fakültəsi cəmi 3 rejissor hazırlayırdı. 4 ilə 12 rejissor yetişdirilirdi. Həmin dövr üçün Azərbaycan teatrlarını say hesabına görə təmin edirdi. Başqa sözlə, insanlar buranı bitirirsə sonra işlə də təmin olunmalıdır. Bildiyimiz kimi ölkədə Pantomima teatrı bir dənədir. Onun üçün fakültə açıb ilə 5 aktyor hazırlamağına dəyməz. Amma fənn olarsa, aktyorların içindən seçmək olar. Mən artıq bir neçə ildir ki, həmin universitetdə dərs demirəm. Deyəsən pantomima fənni tədris olunur. O ki, qaldı Kukla teatrı üçün aktyor yetişdirən fakültəyə, məncə bunu etməyinə dəyər".

Abdulla Şaiq adına Azərbaycan Dövlət Kukla Teatrının mətbuat katibi Həmidə Rüstəmova isə deyib ki, bu yöndə müəyyən çətinliklər olur və bu da ümumən təhsildən qaynaqlanır. "Bizdə əsasən ADMİU-nun aktyorluq və musiqili teatr bölmələrini bitirən məzunlar işə götürülür. Dram artistlərindən fərqli olaraq, bizdə aktyorun səs-vokal imkanları və plastikası ümdə məsələdir. Xüsusən son illər musiqili teatr üzrə məzunlar işə cəlb olunublar. Onlar aktyor ştatına götürüldükdən sonra da bəzən aylarla onlara kuklanın mənimsənilməsi öyrədilir. Bu mərhələli şəkildə predmetlərdən kuklalara keçidlə olur. Kuklalarla iş və səsin tənzimlənməsi öyrədilir. Yeni aktyorların rollara keçirilməsi də mərhələli olur. Özünü doğruldanlara canlı planda da rol verilir. Daha çox şirma arxasında bir və bir neçə obrazın bir tamaşada idarəsinə diqqət yetirilir. Çünki bəzən 1 kuklanı 2-3 aktyor da idarə edir".

ADMİU-nun mətbuat katibi Elçin Cəfərov hazırda universitetdə aktyor sənəti ixtisası üzrə mütəxəssislər yetişdirildiyini bildirib. Onun sözlərinə görə, bu gün ölkənin müxtəlif teatlarında, o cümlədən Kukla və Pantomim teatrlarında çalışan aktyorların əksəriyyəti ADMİU-da təhsil alıb. Universitetdə kukla aktyoru, yaxud pantomim aktyoru kimi fakültənin yaradılmasından söhbət gedə bilməz. Sözügedən sahələr üzrə ixtisaslaşmanın yaradılmasına gəlincə, ehtiyac olarsa, gələcəkdə belə ixtisaslaşma üzrə tədrisin təşkil olunması istisna edilmir. "Hazırda Universitetimizdə plastik və pantomima (2 – 3-cü semestr) , səhnə hərəkəti (3-4-cü semestr), ritmika (1-ci semestr), qılınc təlimi (5-ci semsetr), səhnə döyüşü (6-cı semestr) fənnləri tədris olunur", - deyə Cəfərov bildirib.

O, həmçinin əlavə edib ki, hər hansı dövlət universitetində hansısa fakültənin, ixtisasın, yaxud ixtisaslaşmanın yaradılması yalnız universitetin səlahiyyətində olan məsələ deyil. Ali məktəblərdə ixtisasın, yaxud ixtisaslaşmanın yaradılması zamanı bir çox amillər, o cümlədən sosial sifariş faktoru mütləq nəzərə alınır.

573
Ceyla Seyidova, arxiv şəkli

"Sarı gəlin"dən xəbər var

120
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

120
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Kinorejissor Elxan Cəfərov

Vətənpərvərlik mövzusunda seriallarımız niyə yoxdu kinorejissorun şərhi

24
(Yenilənib 08:19 19.10.2020)
Kinorejissor Elxan Cəfərov deyir ki, serialların bədii dəyərini saxlaması üçün onun maliyyə imkanları geniş olmaldır
Elxan Cəfərov: “Maddiyatın yüksəlməsi serialın da yüksəlməsinə imkan yaradır”

Azərbaycan televiziyalarında nümayiş etdirilən serialların əksəriyyəti məişət mövzuları əsasında çəkilir. Bəs ölkəmizdə vətənpərvərlik mövzusunda serialların çəkilməsinə nə mane olur?

Bununla bağlı Sputnik Azərbaycan-a danışan kinorejissor Elxan Cəfərov deyir ki, seriallar üçün qeyri-dövlət maliyyə mənbələri tapılmadıqca onlar yüksək səviyyəyə gəlib çatmayacaq:

“Seriallar hazırda inkişaf dövrünü yaşayır. Serialların bədii dəyərini saxlaması üçün onun maliyyə imkanları geniş olmaldır. Bu gün vətənpərlik mövzusunda da işlər görülür. Maddiyatın yüksəlməsi serialın da yüksəlməsinə imkan yaradır. Hazırda serialların özünü  təsdiqetmə dövrüdür. Bu mərhələ başa çatdıqdan sonra bu və ya digər mövzuları tələb etmək olar”.

Elxan Cəfərovun geniş şərhinə audiofaylda qulaq asa bilərsiniz

24
Bakıda avtobus, arxiv şəkli

BNA Bakıda ekspres avtobuslarının gecikmə səbəbini açıqladı

0
Q.Qarayev-Koroğlu-28 May və Q.Qarayev-20 Yanvar dairəsi istiqamətində bütün müntəzəm və ekspres xətt avtobuslarının hərəkət intervalında gecikmələr yaranıb

BAKI, 20 oktyabr — Sputnik. Bakı Nəqliyyat Agentliyi paytaxtın Qara Qarayev prospektində yaranmış tıxac barədə məlumat yayıb.

BNA-dan Sputnik Azərbaycan-a verilən məlumata görə, səhər saat 9 radələrindən Qara Qarayev prospekti-Ziya Bünyadov prospekti istiqamətində nəqliyyat vasitələrinin hərəkətində tıxac müşahidə edilir: "Nəticədə Q.Qarayev-Koroğlu-28 May və Q.Qarayev-20 Yanvar dairəsi istiqamətində bütün müntəzəm və ekspres xətt avtobuslarının hərəkət intervalında gecikmələr yaranıb".

0
Teqlər:
avtobus, BNA, tıxac, Bakı