Azərbaycanlı müğənni Samirə Əfəndi, arxiv şəkli

Azərbaycanlı müğənni qazaxıstanlı həmkarı ilə duet oxudu

709
(Yenilənib 11:54 27.10.2019)
Samirə Əfəndi Madi Sızdıkovla birgə oxuduğu mahnını Qazaxıstanda təqdim etməyə hazırlaşır, amma duetin adını hələlik gizli saxlayır

BAKI, 27 oktyabr — Sputnik. Azərbaycanlı müğənni Samirə Əfəndi məşhur qazaxıstanlı həmkarı Madi Sızdıkovla duet ifa edib.

Sputnik Azərbaycan-ın məlumatına görə, bu barədə müğənni özünün "Instagram" sosial şəbəkəsində məlumat verib. Müğənni artıq duet kompozisiyasını yazdırıb və hazırda Qazaxıstanda çıxış üçün məşq edir. Əfəndi qazax həmkarı ilə yeni ortaq layihəsinin təfərrüatlarını açıqlamayıb.

Посмотреть эту публикацию в Instagram

Публикация от ⠀⠀⠀⠀⠀⠀⠀⠀⠀🦋ᔕᗩᗰIᖇᗩ ᗴᖴᗴᑎᗪI🐞 (@efendi_music)

Samirə Əfəndi uşaq yaşlarından oxuyur. Ona populyarlığı isə "Azərbaycanın səsi" musiqi layihəsi gətirib. Samirə tərkibinə məşhur caz musiqiçiləri olan Ruslan Hüseynov, Etibar Əsədli və Elvin Bəşirovun daxil olduğu "Baku Project" yaradıcılıq layihəsinin iştirakçısıdır. Onunla yanaşı, Əfəndi müxtəlif ölkələrdə konsert proqramları ilə çıxış edib. O, həmçinin Qazaxıstanda "Silk Way Star 2017" beynəlxalq musiqi layihəsinə də qatılıb.

Madi Sızdıkov Qazaxıstanın gənc nəsil ifaçıları arasında ən çox tələb olunan müğənnilərdən biridir. O, bütün konsertlərdə fəal iştirak edir və bu günlərdə "Voice of Nur-Sultan" beynəlxalq festivalına qatılıb.

709
Svetlana Svetliçnaya, arxiv şəkli

Sovet kinosunun seks-simvolu sayılan aktrisa xəstəxanaya yerləşdirilib

30
RSFSR əməkdar artisti insult keçirib. Kəskin baş ağrıları ilə təcili xəstəxanaya aparılan 80 yaşlı aktrisanın vəziyyətinin orta-ağır olduğu deyilir.

BAKI, 26 noyabr — Sputnik. Məşhur Sovet və Rusiya teatr və kino aktrisası Svetlana Svetliçnaya xəstəxanaya yerləşdirilib.

Sputnik Azərbaycan xəbər verir ki, RSFSR əməkdar artisti insult keçirib. Kəskin baş ağrıları ilə təcili xəstəxanaya aparılan 80 yaşlı aktrisanın vəziyyətinin orta-ağır olduğu deyilir.

​Qeyd edək ki, Svetlana Svetliçnaya 1940-cı il mayın 15-də hərbçi ailəsində doğulub. Atasının hərbi xidmətinə görə tez-tez yaşadıqları məkanı dəyişən ailədə Svetlanadan başqa iki övlad da böyüyüb.

Svetlana Svetliçnaya 1963-cü ildə Teatr İnstitutunu bitirib. Kinoda ilk işi 1960-cı ildə Mixail Kalikin "Beşik" filmində olub. Daha sonra "Laylay" bədii filmində rol alan aktrisaya şöhrət gətirən film isə "Brilyant əl" filmi olub. Həmin bədii filmdə ifa etdiyi Anna Sergeyevna obrazı ilə məşhurlaşan aktrisanı Sovet kinosunun seks-simvolu adlandırıblar.

1973-cü ildə "Baharın 17 anı" filmində Qabi obrazını ifa edib. Aktrisanın sənət yolunda bu obrazın da xüsusi yeri var.

1974-cü ildə RSFSR Əməkdar artisti adına layiq görülən aktrisaya nədənsə Rusiyanın Xalq artisti Fəxri adı təqdim edilməyib.

Svetlana Svetliçnaya 2015-ci ilin aprelində Qatçinada keçirilən "Ədəbiyyat və kino" XXI Rusiya kinofestivalında "Kinematoqrafa sədaqətə görə" mükafatına layiq görülüb.

30
Teqlər:
xəstəxana, insult, seks-simvol, SSRİ, aktrisa
Kamran İsmayılov

Tarixçi: "Azərbaycanlılar haqqında çox yanlış fikir formalaşdırılıb - Guya..."

77
(Yenilənib 00:31 26.11.2020)
"Bu gün bizim tam hüququmuz var ki, ermənilərin təzminat ödəməsi üçün onların qarşısında tələb qoyaq. Həmin abidələr bizim üçün həddən artıq dəyərlidir"

İradə Cəlilova, Sputnik Azərbaycan

BAKI, 26 noyabr — Sputnik. "Bu gün Azərbaycanın "ermənilərə aid" tarixi abidələrinin dağıdılmaması üçün UNESCO-ya və digər əhəmiyyətli qurumlara müraciət edən dairələrin çoxunun heç xəbəri yoxdur ki, Azərbaycan torpaqlarının 20 faizi 30 ildən çoxdur ki, erməni işğalı altında olub. Və onlar ağıllarına belə gətirmirlər ki, həmin ərazilərdə Azərbaycan xalqına məxsus İslam dini abidələri mövcud olub. Onlar üçün Qarabağ xristian məkanı kimi yadda qalıb".

Bu barədə Sputnik Azərbaycan-a tarixçi Kamran İsmayılov danışıb.

Onun sözlərinə görə, qərb tarixçilərinin şüurunda hər zaman bir yanlış fikir formalaşıb ki, bəşər tarixi, sivilizasiyalar yalnız xristianlıqla əlaqəlidir: "Onların fikrincə, İslam dininə mənsub olan xalqların dünya mədəniyyətinə heç bir töhfəsi olmayıb. Burada ermənilərin də böyük "rol"u olub. Onların uzun illər apardığı yanlış təbliğat nəticəsində belə bir təsəvvür formalaşıb ki, guya ermənilər mədəni, sivilizasiyalı xalqdır. Ətrafdakılar isə heç bir dəyərlərə malik olmayan barbarlardır. O cümlədən, azərbaycanlılar haqqında da belə fikir formalaşdırıblar", - deyən tarixçi vurğulayıb ki, dünya tarixşünaslığında da yanlış bir təsəvvür formalaşıb ki, ermənilər bu coğrafiyada ən mədəni xalqdır və onlar nə deyirlərsə, haqlıdırlar.

© Sputnik / Irade JELIL
Tarixçi Kamran İsmayılov

Çünki Qərb tarixşünaslığı uzun müddət regionda yaşayan xalqların tarixindən xəbərsiz olub. Onlara fikir verməyib və öyrənməyə çalışmayıb.

K.İsmayılov qeyd edib ki, Azərbaycan tarixinin Albaniya dövrünü Azərbaycan tarixşünaslığı 30 ildir ki, öyrənməyə başlayıb. Bundan əvvəl isə regionun tarixi Ermənistanın tarixi kimi götürülürdü:

"Siz yanlışlığa fikir verin. Necə yanlış təsəvvürlər olub. Biz də müəyyən qədər məsuliyyətimizi dərk etməliyik. Biz VIII əsrdən bu günə qədər Azərbaycan tarixini öyrənən zaman daha çox İslam amilinə fikir verirdik. Xristian dövrünə aid abidələri bizim millətimizə, xalqımıza yad elementlər kimi öyrənirdik. İndi biz həmin tarixə yenidən baxırıq ki, onlar bizim tariximizin ayrılmaz tərkib hissəsidir.

Bunlar xristian dövrü və dininə aid abidələr olsa belə, onlar Azərbaycan tarixinin tarixi-mədəni abidələridir. Və biz onları könüllü şəkildə ermənilərə güzəştə gedə bilmərik. Bu istiqamətdə son illərdə kifayət qədər işlər görülüb".

Onun sözlərinə görə, ermənilər tərəfindən işğal olunmuş ərazilərimizdə 2000-ə qədər tarixi abidə olub. Və onlardan bir çoxu Dünya Mədəni İrsinin nümunəsidir. Bura Şuşada olan məbədlər, məscidlər, Ağdam məscidi, pirlər və s. daxildir:

"Bütün bunlar bəşəriyyətin mədəni irsinə daxil olan abidələrdir. Ermənilər bu abidələrin hamısını dağıdıblar. Və bu gün bizim tam hüququmuz var ki, ermənilərin təzminat ödəməsi üçün onların qarşısında tələb qoyaq. Həmin abidələr bizim üçün həddən artıq dəyərlidir və həmin abidələrə qiymət qoymaq düzgün deyil. Ancaq ermənilər öz törətdiklərinə görə məsuliyyət daşımalıdırlar. Onlar torpaqlarımızda daşı daş üstündə qoymayıblar. Bu səbəbdən də təzminatı müəyyənləşdirmək üçün dövlət tərəfindən komissiya yaradılıb. Hökmən onlardan hesab soruşacağıq".

77
Teqlər:
Qafqaz Albaniyası, xristian, islam, tarixi abidələr, abidə, dini, tarix, Azərbaycan

İşinizi ehtiyatlı tutun, sabah hava korlanacaq

0
(Yenilənib 13:38 26.11.2020)
Tibbi-meteoroloji proqnoza gəldikdə isə, noyabrın 27-də Abşeron yarımadasında tutqun və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər

BAKI, 26 noyabr — Sputnik. Sabah Bakıda və Abşeron yarımadasında arabir yağış yağacağı, bəzi yerlərdə intensiv olacağı, gündüz əsasən yağmursuz keçəcəyi gözlənilir. Mülayim şimal küləyi əsəcək, arabir güclənəcək.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, havanın temperaturu Bakıda və Abşeron yarımadasında gecə 5-7, gündüz 7-9 dərəcə isti olacaq. Atmosfer təzyiqi normadan yüksək 767 mm civə sütunundan 776 mm civə sütununa yüksələcək, nisbi rütubət 75-85 faiz təşkil edəcək.

Noyabrın 27-də Azərbaycanın rayonlarında arabir yağış, dağlıq ərazilərdə qar yağacağı, gündüz əsasən yağmursuz keçəcəyi gözlənilir. Gecə və səhər bəzi yerlərdə duman olacaq, qərb küləyi əsəcək, ayrı-ayrı yerlərdə arabir güclənəcək.

Havanın temperaturu gecə 2-6, gündüz 8-12 dərəcə isti, dağlarda gecə 3-8 dərəcə şaxta, gündüz 0-5 dərəcə isti olacaq.

Tibbi-meteoroloji proqnoza gəldikdə isə, noyabrın 27-də Abşeron yarımadasında tutqun və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

0
Teqlər:
rayonlar, Abşeron, Bakı, külək, yağış, hava proqnozu