Müğənni Nərmin Behbudova, arxiv şəkli

Azərbaycanlı müğənninin klipinə məhdudiyyət qoydular, səbəbi - fetiş

175
(Yenilənib 00:54 19.10.2019)
Pərəstişkarları klipini YouTube-da izləyə bilsinlər deyə azərbaycanlı müğənni onu yenidən montaj etməli olub

Kəmalə Əliyeva, Sputnik Azərbaycan

BAKI, 19 oktyabr — Sputnik. Daha çox Narmeen kimi tanınan müğənni Nərmin Behbudova YouTube videohostinqinin seksual fetiş elementlərinin olması səbəbindən klipinə yaş məhdudiyyəti qoyduğu ilk azərbaycanlı müğənni oldu.

Sputnik Azərbaycan-a Behbudovanın özünün verdiyi məlumata görə, o, "Sirr" mahnısının klipinə məhdudiyyət qoyulduğunu öyrənəndə çox təəccüblənib.

Müğənni saytın əməkdaşları ilə əlaqə quraraq on gün müddətində onlarla yazışıb. YouTube-un son qərarı isə klipdə "açıq-aşkar seksual fetiş" olması səbəbindən videoya məhdudiyyət qoyulması olub. Klipin orijinal versiyasını YouTube-un yalnız 18 yaşı tamam olmuş qeydiyyatdan keçmiş istifadəçiləri izləyə bilərlər.

"Onlardan xahiş etdim ki, klipi bir neçə dəfə izləyib onu başqa çarxlarla müqayisə etsinlər. Amma cavabları qəti oldu. Həmin an nə edəcəyimizi bilmirdik. Amma klipi yenidən montaj eləmək ağlımıza gəldi. Yeni kadrlar çəkərək əsas səhnələrdən birini dəyişdik. Klip yenidən YouTube-a yüklənib. Deyə bilərəm ki, klipinə yaş məhdudiyyəti qoyulan ilk azərbaycanlı müğənniyəm", - Nərmin deyib.

Aleksey Krupinin rejissoru olduğu klipindən danışarkən müğənni qeyd edib ki, bir-birini sevən iki gəncin daxili aləmini göstərməyə çalışıb. Onun sözlərinə görə, bu hekayə cütlüyü həyat yolunda hansı çətinliklərin və seçimlərin gözlədiyini göstərir. Müğənni etiraf edir ki, klipinə birmənalı reaksiyanın olmayacağını gözləsə də, hər şey ürəyincədir.

N.Behbudova uşaq yaşlarından aktrisa olmaq istəyib. O, musiqi məktəbini, sonra isə Üzeyir Hacıbəyli adına  Bakı Musiqi Akademiyasını bitirib.

"Kaver-benddə işləyərkən anlayırdım ki, pul qazanmaqdan daha böyük bir şeyə ehtiyac var. Bunun üçün uzun hazırlıq keçdim: arıqladım, idmanla məşğul oldum, burnumda əməliyyat etdirdim, əlbəttə ki, paralel olaraq öz solo layihəm üçün mahnı axtarır, yazırdım. Birinci mahnı - "Ne tvoya" ("Sənin olmayan") - yazılanda dostlarımla fikirləşdik ki, Nara White təxəllüsünü saxlayaqmı. Sonra qərara aldıq ki, bu, Azərbaycanda yerinə düşməyəcək. Beləliklə, Narmeen layihəsi yarandı", - müğənni deyib.

Hazırda Nərmin layihələrini öz gücünə gerçəkləşdirir və inanır ki, gələcəkdə arzusuna çatacaq.

Nərmin Behbudova "Səs Azərbaycan" musiqili layihəsində iştirakından sonra məşhurlaşıb. Layihədən sonra isə solo-karyeraya başlayıb.

175
Teqlər:
"YouTube", məhdudiyyət, klip, mahnı, azərbaycanlı, müğənni
Əlaqədar
Amerikada, Avropada bizi dinləyənlər deyirlər: "Azərbaycanın suyu, havası nədir belə?"
Azərbaycanlı istedada Kreml sarayında diplom verilib
Azərbaycanlı müğənni ilə "Dom 2" iştirakçısını nə bağlayır?
Azərbaycanlı müğənni nirvana mərhələsinə çatıb - Video
Məşhur müğənni kitab buraxdı, 110 min dollara satdı
Qoruyucu maskada olan müsəlman kişi cümə namazının başlamasını gözləyir, arxiv şəkli

Kərimov: "Bu, islam dünyası üçün bir təhqirdir"

21
(Yenilənib 18:59 28.10.2020)
Anar Kərimov hesab edir ki, Zəngilandakı məscidin tövlə kimi istifadə edilməsi beynəlxalq təşkilatlar tərəfindən lazımınca pislənəcək.

BAKI, 28 oktyabr — Sputnik. İşğal edilmiş ərazilərimizdəki tarixi abidələrin təyinatının dəyişdirilməsi haqqında faktlar var.

Sputnik Azərbaycan xəbər verir ki, bunu Azərbaycan Mədəniyyət nazirinin birinci müavini, Mədəniyyət nazirinin vəzifələrini icra edən Anar Kərimov deyib.

Onun sözlərinə görə, Zəngilandakı məscid tövlə kimi istifadə edilib:

"Zəngilandakı məscidlə bağlı ürəkağrıdıcı mənzərəni görmüsünüz. O, tövlə kimi istifadə edilib. Bu, beynəlxalq normaların pozulması ilə yanaşı, müsəlman, islam dünyası üçün bir təhqirdir. Bu, vandalizm aktıdır. Ümid edirik ki, beynəlxalq təşkilatlar tərəfindən bu fakt lazımınca pislənəcək və onlara dəyər veriləcək. Biz ümid edirik ki, beynəlxalq təşkilatlar Ermənistanı tarixi abidələri nişan alıb məhv etməsini dayandırmağa çağıracaq".

21
Sənədin imzalanması

Mədəniyyət Nazirliyində islahatlar davam edir

19
Mədəniyyət nazirinin birinci müavini, Mədəniyyət nazirinin vəzifələrini müvəqqəti icra edən Anar Kərimov əmr imzalayıb. Əmrə əsasən yeni kadr təyinatları həyata keçirilib

BAKI, 28 oktyabr — Sputnik. Akif Marifli Mədəniyyət Nazirliyinin Kitab dövriyyəsi və nəşriyyatlarla iş şöbəsinin müdiri vəzifəsinə təyin edilib.

Sputnik Azərbaycan xəbər verir ki, bu barədə Mədəniyyət nazirinin birinci müavini, Mədəniyyət nazirinin vəzifələrini müvəqqəti icra edən Anar Kərimov əmr imzalayıb.

Nazirliyin Kitab dövriyyəsi və nəşriyyatlarla iş şöbəsinin müdiri Aslan Cəfərov isə Xalq yaradıcılığı və mədəni marşrutların inkişafı şöbəsinin müdiri vəzifəsinə təyin edilib.

Anar Kərimovun müvafiq əmrlərinə əsasən Nazirliyin regional mədəniyyət idarələrində də yeni kadr təyinatları həyata keçirilib. Sumqayıt Regional Mədəniyyət İdarəsinin rəisi Mehman Şükürov və Biləsuvar Regional Mədəniyyət İdarəsinin rəisi Elçin Hüseynov tutduqları vəzifələrdən azad ediliblər.

Sumqayıt Regional Mədəniyyət İdarəsinin rəisi vəzifəsinə Rəşad Əliyev təyin edilib.

Biləsuvar Regional Mədəniyyət İdarəsinin rəisi vəzifəsi isə Nazirliyin Regional siyasət şöbəsinin əməkdaşı Əlisultan Sadıxova həvalə edilib.

19
Avropa İttifaqının bayrağı (Aİ), arxiv şəkli

Dağlıq Qarabağ münaqişəsinin sülh yolu ilə həllinə dair substantiv danışıqlara çağırdı

0
Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanon atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı bəyanat yayıb.

BAKI, 29 oktyabr - Sputnik. Avropa İttifaqı Rusiya, Fransa və ABŞ-ın vasitəçiliyi ilə atəşkəsə dair üç razılaşmadan sonra Dağlıq Qarabağ və ətrafında döyüşlərin hələ də davam etdiyini və daha çox mülki şəxslərin hədəf alınmasını qəbuledilməz hesab edir.

Sputnik Azərbaycan xəbər verir ki, bu barədə Avropa İttifaqının xarici siyasət və təhlükəsizlik üzrə ali nümayəndəsi Jozep Borrelin mətbuat katibi Peter Stanonun atəşkəsə dair üç razılaşmadan sonra Dağlıq Qarabağ və ətrafında gedən döyüşlərlə bağlı verdiyi bəyanatda bildirilib.

Bəyanatda, o da qeyd edilib ki, Avropa İttifaqı münaqişə tərəflərinə beynəlxalq humanitar hüquqa əsasən, mülki  şəxsləri qorumaq öhdəliklərini bir daha xatırladır.

"Avropa İttifaqı tərəfləri sonuncu dəfə 25 oktyabrda Vaşinqtonda razılaşdırıldığı kimi, gecikmədən Dağlıq Qarabağ münaqişəsinin sülh yolu ilə həllinə dair substantiv danışıqlara başlamağa çağırır", - deyə bəyanatda bildirilir.

0