Azərbaycanın Xalq artisti Brilliant Dadaşova

Brilliant Dadaşova pulun insan həyatındakı vacib rolundan bəhs edib

63
(Yenilənib 15:49 04.10.2019)
Məşhur Azərbaycan müğənnisi Brilliant Dadaşova yeni klipinin çəkilişini tamamilə türkiyəli peşəkarlara həvalə edib

BAKI, 4 oktyabr — Sputnik. Azərbaycanın Xalq artisti Brilliant Dadaşova yeni "Para para" mahnısının klipini ictimaiyyətə təqdim edib. Dadaşovanın Sputnik Azərbaycan-a verdiyi məlumata görə, mahnının sözlərini özü yazıb, musiqisini isə Fərid Kərimli.

Bu dəfə müğənni klipinin çəkilişlərini tamamilə türk peşəkarlara həvalə edib. Klipin rejissoru Erkan Nas, montajçısı isə Fırat Özbaylardır.

Sözügedən çarx Türkiyənin "YouTube"dakı nəhəng musiqi meydançası sayılan, 14 milyondan çox izləyicisi olan "Netd" kanalında yayımlanıb.

Brilliant Dadaşova musiqi karyerasına 1985-ci ildə, bəstəkar Eldar Mansurovun bəstələdiyi mahnı ilə başlayıb. 1985-ci ildə Brilliant Dadaşova Moskvada keçirilən Ümumdünya Gənclər Festivalında ilk dəfə böyük səhnəyə gəlib. 1986-cı ildə Brilliant Dadaşova və Akif İslamzadə "Hər şey gözəldir həyatda" adlı mahnını yazdırıblar və bu mahnı Azərbaycanda çox məşhurlaşıb. 1987-ci ildə o, sovet ifaçıları arasında keçirilən müsabiqədə birinci yerə layiq görülüb. 1989-cu ildə Brilliant Dadaşovanın çox məşhur "Bayatılar" adlı mahnısı işıq üzü görüb.

Daha sonra Brilliant Dadaşova Azərbaycanı İsveç, Avstriya, Almaniya, Böyük Britaniya, Amerika Birləşmiş Ştatları və digər dövlətlərdə uğurla təmsil etməyə başlayıb. 

Sovet İttifaqı dağıldıqdan sonra Rusiyada solo konsert ilə çıxış edən ilk Azərbaycan müğənnisi Brilliant Dadaşova olub. O, Rusiyanın ən iri iki şəhərində - Moskvada və Sankt-Peterburqda çıxış edib.

Brilliant Dadaşovanın 1994-cü ildə "Sevəcəyəm" adlı musiqi albomu çıxıb. Bu disk həm Azərbaycanda, həm də Türkiyədə uğur qazanıb. 1995-ci ildə "Züleyxa" mahnısına çəkilmiş videoklip Rusiya kanalında nümayiş etdirilib və kanalın qızıl onluğunda uzun müddət ön cərgələrdə qalıb. Həmin ildə müğənninin "Züleyxa", 1998-ci ildə isə "Dərdimdən öləcəksən" adlı diski çıxıb.

1997-ci ildə Brilliant Dadaşovaya Azərbaycanın Əməkdar, 2008-ci ildə isə isə Xalq artisti fəxri adı verilib.

63
Televizora baxan adam, arxiv şəkli

Tərcüməçilər üçün şad xəbər - Pul olacaq

14
(Yenilənib 13:40 13.08.2020)
Yayımçıları yerli serial istehsalına təşviq etmək məqsədilə həftə ərzində həmin vaxt aralığında (07.00-22.00) yayımlanan hər 5 (beş) saat yerli serialdan əlavə 1 (bir) saat əcnəbi serial yayımlanması mümkün olacaq.

BAKI, 13 avqust — Sputnik. Milli Televiziya və Radio Şurasının (MTRŞ) növbəti iclası keçirilib. MTRŞ-dan Sputnik Azərbaycan-a verilən məlumata görə, iclasda Azərbaycan Respublikası ərazisində fəaliyyət göstərən bütün yerüstü yayımçıların televiziya proqramlarında əcnəbi teleserialların yayımının bərpa olunması məsələsi də müzakirə olunub.

Yerli serial bazarında rəqabət mühitinin formalaşdırılması və daha keyfiyyətli milli telefilmlərin və serialların istehsalının stimullaşdırılması məqsədilə 1 sentyabr 2020-ci il tarixdən etibarən təşkilati-hüquqi formasından asılı olmayaraq Azərbaycan Respublikası ərazisində yerüstü yayımla yayımlanan bütün televiziya proqramlarında əcnəbi teleserialların yayımının bəzi şərtlərlə bərpa olunması haqqında qərar qəbul olunub.

Qərara əsasən, əcnəbi seriallar yalnız 23.00–07.00 vaxt aralığında tam dublyaj olunmuş formada nümayiş oluna biləcək. Bundan əlavə, həftə ərzində hər bir yayımçı 07.00–22.00 arası vaxt aralığında 2 (iki) saat əcnəbi serial yayımlaya biləcək. Yayımçıları yerli serial istehsalına təşviq etmək məqsədilə həftə ərzində həmin vaxt aralığında (07.00-22.00) yayımlanan hər 5 (beş) saat yerli serialdan əlavə 1 (bir) saat əcnəbi serial yayımlanması mümkün olacaq.

14
Dueyn Conson, arxiv şəkli

Bu il ən çox qazanan aktyorlar kimlərdir?

1018
(Yenilənib 23:38 12.08.2020)
"Forbes" jurnalının versiyasına görə, Amerika aktyoru və prodüseri Dueyn Conson bu il də ən çox qazanan aktyorların reytinqinə başçılıq edib

BAKI, 13 avqust — Sputnik. "Forbes" jurnalının versiyasına görə, Amerika aktyoru və prodüseri Dueyn Conson bu il də ən çox qazanan aktyorların reytinqinə başçılıq edib. 12 ay ərzində Conson 87.5 milyon dollar qazanıb.

O, təkcə bu il "Netflix"də nümayiş olunacaq "Red Notice" serialından 23.5 milyon dollar əldə edib. Siyahıda ikinci yerdə kanadalı aktyor Rayan Reynolds dayanır. O, 71.5 milyon dollar qazanıb. Üçlüyü amerikalı Mark Uolberq tamamlayır.

"Forbes"un reytinqində daha sonra Ben Afflek (55 milyon dollar), Vin Dizel (54 milyon dollar), Bollivud ulduzu Akşay Kumar (48.5 milyon dollar) və Brodvey müzikllarının yaradıcısı Lin-Manuel Miranda (45.5 milyon dollar) dayanır. Siyahının onluğunu Uill Smit (44.5 milyon dollar), Adam Sendler (41 milyon dollar) və Ceki Çan (40 milyon dollar) tamamlayırlar.

Qeyd edək ki, sözügedən jurnal iki həftədə bir nəşr olunan bir biznes jurnalıdır.

Jurnal 1917-ci ildə Şotlandiyadan ABŞ-a köç edən Berti Çarlz Forbs tərəfindən hazırlanıb. Onun ölümündən sonra oğlu Bryus şirkətin başçısı olub. Jurnalın bugünkü redaktoru isə Vilyam Baldvindir. Dünyanın 70 ölkəsinə yayılan jurnal 26 dildə nəşr olunur.

1018
Əlaqədar
Hollivud ulduzu Kemeron Diaz kinodan niyə getdiyini açıqlayıb
"Apple" və Di Kaprio: Hollivudda birgə filmlər çəkiləcək
“Karib dənizinin quldurları”nda qəribə dəyişiklik olacaq
Azərbaycanlı rejissorun filmi növbəti uğurunu Hollivudda qazandı - VİDEO

Üç nəfər qəbul imtahanından xaric olundu

0
(Yenilənib 15:20 13.08.2020)
İmtahanlarda istifadə olunan qapalı və cavabları kodlaşdırıla bilən açıq tipli tapşırıqların düzgün cavabları isə (Azərbaycan və rus bölmələri) yaxın saatlarda DİM-in saytında yerləşdiriləcək.

BAKI, 13 avqust — Sputnik. Bugünkü qəbul imtahanında 3 nəfərdə mobil telefon aşkarlandığı üçün imtahandan xaric olunub.

Dövlət İmtahan Mərkəzindən verilən məlumata görə, imtahan prosesinin idarə olunması üçün operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahanın gedişi nəzarətdə olub.

Bütün binalarda imtahan təlimata uyğun şəkildə keçirilib, iştirakçılara öz bilik səviyyələrini nümayiş etdirmələri üçün zəruri şərait yaradılıb.

Avqustun 14-dən etibarən DİM-də imtahan protokollarının, cavab vərəqləri və kartlarının emalı aparılacaq.

İmtahanlarda istifadə olunan açıq tipli tapşırıqların yoxlanılması uzun müddət tələb etdiyindən nəticələrin yaxın 2 həftə ərzində elan olunması nəzərdə tutulur.

İmtahanlarda istifadə olunan qapalı və cavabları kodlaşdırıla bilən açıq tipli tapşırıqların düzgün cavabları isə (Azərbaycan və rus bölmələri) yaxın saatlarda DİM-in saytında yerləşdiriləcək.

0