Elçin Babayev suvenir hazırlayarkən

Romantikadan pul qazanan bərbər: "Arağı boşaldıb, şüşənin içində görürəm" - FOTO

916
(Yenilənib 20:29 03.10.2019)
"Hər-hansı bir tullantını görəndə düşünürəm ki, bunu hansısa detal kimi istifadə edə bilərəmmi. Tullantılardan iş görəndə çox maraqlı alınır"

Rahim Zakiroğlu, Sputnik Azərbaycan

BAKI, 3 oktyabr — Sputnik. İnsan sevdiyi işin dalınca getdikdə, xoşladığı işi gördükdə dünyanı da gözəl görür. Astara şəhər sakini Elçin Babayevin sənəti bərbərlikdir. Amma o, bu işindən əlavə, gəmilər də düzəldir.

Sputnik Azərbaycan-ın müxbiri ilə söhbətində Elçin ilk suvenirini 2013-cü ildə hazırladığını bildirdi: "Bu işi boş vaxtlarımda görürəm. Hobbimdir, ondan həzz alıram. İlk dəfə özüm üçün kibrit çöplərindən balaca bir yelkənli gəmi düzəltmişdim. Onu sonra bir dostuma hədiyyə etdim. Sonra birini də düzəltdim, o isə satıldı. Gördüm ki, yaxşı pul qazanmaq olar, satmaq niyyəti ilə də düzəltməyə başladım.

Astarada suvenir düzəldən bərbər Elçin Babayev
© Sputnik / Rahim Muradov
Astarada suvenir düzəldən bərbər Elçin Babayev

Mənə bu sənəti heç kim öyrətməyib, elə bil, Allah mənə vergi verib. Uşaqlıqdan buna həvəsim var idi, xırda ölçülərdə düzəldirdim. Özümün çox xoşum gəldiyi üçün ən çox yelkənli gəmilər düzəldirəm. Həm də gəmilər istər qadın, istərsə də kişi müştərilərin marağına səbəb olur. Hamı ofisində və ya evində yelkənli gəmi suvenirinin olmasını istəyir. Qaldı ki digər suvenirlərə - ev maketləri, Astarada olan məscidlərin maketləri, divar saatları da düzəltmişəm".

Sənətkarın fikrincə, kənardan asan görünsə də, əslində, fiqurları düzəltmək yorucu və çətin işdir.

"Mənim dənizlərdən, okeandan çox xoşum gəlir. Onlardan bəhs edən filmləri sevirəm. Bu gəmiləri düzəldəndə də böyük həvəslə işləyirəm. Bu günə kimi 300-dən artıq müxtəlif ölçülərdə gəmi düzəltmişəm. Düzəltdiyim suvenirlərin içərisində elə ən çox satılanı da onlardır", - deyə Elçin bildirir.

Gəmiləri düzəltmək bərbərdən çox vaxt tələb edir: "Maketi bir-bir kibrit çöplərindən yığıram. Hamısını bir-bir kəsib düzürəm. Maketin yaradılmasına çox maddi vəsait lazım olmur, amma əziyyəti çox olur. Orta ölçülü yelkənli gəminin maketinin hazırlanmasına 20 gün və ya bir ay sərf edirəm. Bu müddətdən artıq vaxt aparırsa, işləyə bilmirəm. Çünki çox işləyəndə zehni cəhətdən yoruluram".

Elçin Babayevin gəmi suveniri
© Sputnik / Rahim Muradov
Elçin Babayevin gəmi suveniri

Elçin suvenirlərin əksəriyyətini kibrit və diş çöplərindən, dondurma çubuqlarından düzəltsə də, tullantı məhsullarından da istifadə edir. Kibrit çöplərini, rəng və lakı dükandan alır: "Məsələn, bu gəminin göyərtəsindəki bu taxta palma ağacının qopub düşən budağıdır. Onu elə formaya salmışam ki, baxan onun hansı ağacın budağı olduğunu bilməyəcək. Gəminin altındakı dayağı isə köhnə asılqandan söküb düzəltmişəm. Mən ümumiyyətlə hər-hansı bir tullantını görəndə düşünürəm ki, bunu hansısa detal kimi istifadə edə bilərəmmi. Tullantılardan iş görəndə çox maraqlı alınır. Təzə material ala bilərəm, lakin müştərilərimiz də görürlər ki, onların atdıqları tullantılardan mən maraqlı maketlər yaradıram".

"Hərdən sifariş olanda bəzi suvenirlər üçün fon da düzəldirəm. Balıqqulağından, kərpic və ya şüşə butulka qırıntılarından, kiçik muncuqlardan və balaca çay daşlarından insan rəsminin fonunu yaradıram. Bəzən sifariş olmayanda da belə kompozisiya düzəldib dükana yığıram, müştəri çıxır, satılır", - deyə bərbər əl işlərini göstərir.

E.Babayev sərgilərdə iştirak edib, xeyrindən də razıdır: "Mənim öz sərgim olmayıb, amma bəzi sərgilərdə əl işlərimi təqdim eləmişəm. Bakıda da əl işlərim nümayiş olunub. Sərgilərə getməkdə məqsədim odur ki, əl işlərim daha yaxşı tanınsın. Çünki mən hansısa suvenirimi bir kimsəyə satsam, həmin şəxs aparıb evində, ya da ofisində saxlayacaq, vəssalam. Uzağı, həmin adamın evinə qonaq gələnlər görəcəklər. Amma sərgidə əl işlərimə baxanlar çox olur və işlərim tanınır.

Elə də olub ki, düzəldib satdığım və ya sifarişlə hazırladığım gəmi suvenirlərinin arasında biri çox gözəl alınıb, amma mən onu istəmədən satmışam. Bəzi əl işlərim də olub ki, satandan sonra onun üçün çox darıxmışam. Hazırladığım bütün suvenirlər mənim üçün çox əzizdir. Hətta bu gün çəkdiyiniz fotoları nə vaxtsa yenidən internetdə görsəm, düşünəcəyəm ki, belə bir gözəl gəmi hazırlamışdım və darıxacağam.

Həmişə düşünürəm ki, əgər hazırladığım suvenir mənim xoşuma gəlməsə, müştərilərim də bəyənməyəcəklər. Maketləri də hansısa şəklə baxmaqla yox, sırf beynimdə o gəminin formasını və dizaynını canlandırmaqla hazırlayıram".

Elçin Babayevin gəmi suveniri
© Sputnik / Rahim Muradov
Elçin Babayevin gəmi suveniri

Maraqlıdır ki, görünüşcə daha mürəkkəb və gözəl olan şüşə butulkalardakı gəmiləri Elçinə sifariş etmirlər: "Onları sadəcə düzəldib dükanda satmaq üçün rəflərə qoyuram. Divar saatları da elə, amma divar saatlarını alan çox olur. Elə vaxt olur ki, marketə gedib maraqlı forması olan şüşə butulkalarda içkiləri alıram ki, içərisində gəmi maketini yığım. İşlərimin arasında elələri var ki, araq butulkalarıdır. Mən o arağı boşaldıb, şüşənin içərisində iş görürəm.

Çoxları şüşəni kəsib, əvvəlcədən yığdığım gəmini içərisinə qoyduğumu düşünürlər. Bunlar qırılmamış və ya kəsilməmiş bütöv şüşədir, bütün detallarını onun içərisində yığıram. Gəmiləri pinsetlə şüşə butulkaların içərisində yığıram. Yığanda da elə edirəm ki, yapışqan şüşənin kənarlarına yapışmasın. Butulkaların içərisində gəmi maketlərinin yığılması işi çox çətin olmasa da, zehni cəhətdən yorucu olur. Mən butulkanı əldə edən kimi düzəltmirəm. Bir həftə oturub bunun içərisində gəmini necə yığacağımı düşünürəm. Daha sonra bunun dizaynını fikirləşirəm, ardınca isə 1-2 saat ərzində gəmini butulka içərisində yığıram. Lakin butulka ilə işlədiyim vaxt kimsə yanımda olarsa və ya kimsə söhbət edib fikrimi dağıdarsa, mən həmin işi görə bilmirəm".

916
Teqlər:
hobbi, suvenir, sənət, bərbər
Mövzu:
Sözlə deyə bilmədiklərimizin izharı - sənət (28)
Əlaqədar
Stradivari bilsə, ikinci dəfə ölərdi - azərbaycanlı müəllimdən qeyri-adi təklif
Ayağımızın altında yatan sərvət - Biz ondan da xəbərsizik
Darısqal eyvandan dünyaya yayılan sənət: O əsərləri heç kim düzəldə bilmir - FOTOLAR
Musiqiyə bənzər sənət – Dəmirçi emalatxanasına səyahət
Televizora baxan adam, arxiv şəkli

Tərcüməçilər üçün şad xəbər - Pul olacaq

15
(Yenilənib 13:40 13.08.2020)
Yayımçıları yerli serial istehsalına təşviq etmək məqsədilə həftə ərzində həmin vaxt aralığında (07.00-22.00) yayımlanan hər 5 (beş) saat yerli serialdan əlavə 1 (bir) saat əcnəbi serial yayımlanması mümkün olacaq.

BAKI, 13 avqust — Sputnik. Milli Televiziya və Radio Şurasının (MTRŞ) növbəti iclası keçirilib. MTRŞ-dan Sputnik Azərbaycan-a verilən məlumata görə, iclasda Azərbaycan Respublikası ərazisində fəaliyyət göstərən bütün yerüstü yayımçıların televiziya proqramlarında əcnəbi teleserialların yayımının bərpa olunması məsələsi də müzakirə olunub.

Yerli serial bazarında rəqabət mühitinin formalaşdırılması və daha keyfiyyətli milli telefilmlərin və serialların istehsalının stimullaşdırılması məqsədilə 1 sentyabr 2020-ci il tarixdən etibarən təşkilati-hüquqi formasından asılı olmayaraq Azərbaycan Respublikası ərazisində yerüstü yayımla yayımlanan bütün televiziya proqramlarında əcnəbi teleserialların yayımının bəzi şərtlərlə bərpa olunması haqqında qərar qəbul olunub.

Qərara əsasən, əcnəbi seriallar yalnız 23.00–07.00 vaxt aralığında tam dublyaj olunmuş formada nümayiş oluna biləcək. Bundan əlavə, həftə ərzində hər bir yayımçı 07.00–22.00 arası vaxt aralığında 2 (iki) saat əcnəbi serial yayımlaya biləcək. Yayımçıları yerli serial istehsalına təşviq etmək məqsədilə həftə ərzində həmin vaxt aralığında (07.00-22.00) yayımlanan hər 5 (beş) saat yerli serialdan əlavə 1 (bir) saat əcnəbi serial yayımlanması mümkün olacaq.

15
Dueyn Conson, arxiv şəkli

Bu il ən çox qazanan aktyorlar kimlərdir?

1040
(Yenilənib 23:38 12.08.2020)
"Forbes" jurnalının versiyasına görə, Amerika aktyoru və prodüseri Dueyn Conson bu il də ən çox qazanan aktyorların reytinqinə başçılıq edib

BAKI, 13 avqust — Sputnik. "Forbes" jurnalının versiyasına görə, Amerika aktyoru və prodüseri Dueyn Conson bu il də ən çox qazanan aktyorların reytinqinə başçılıq edib. 12 ay ərzində Conson 87.5 milyon dollar qazanıb.

O, təkcə bu il "Netflix"də nümayiş olunacaq "Red Notice" serialından 23.5 milyon dollar əldə edib. Siyahıda ikinci yerdə kanadalı aktyor Rayan Reynolds dayanır. O, 71.5 milyon dollar qazanıb. Üçlüyü amerikalı Mark Uolberq tamamlayır.

"Forbes"un reytinqində daha sonra Ben Afflek (55 milyon dollar), Vin Dizel (54 milyon dollar), Bollivud ulduzu Akşay Kumar (48.5 milyon dollar) və Brodvey müzikllarının yaradıcısı Lin-Manuel Miranda (45.5 milyon dollar) dayanır. Siyahının onluğunu Uill Smit (44.5 milyon dollar), Adam Sendler (41 milyon dollar) və Ceki Çan (40 milyon dollar) tamamlayırlar.

Qeyd edək ki, sözügedən jurnal iki həftədə bir nəşr olunan bir biznes jurnalıdır.

Jurnal 1917-ci ildə Şotlandiyadan ABŞ-a köç edən Berti Çarlz Forbs tərəfindən hazırlanıb. Onun ölümündən sonra oğlu Bryus şirkətin başçısı olub. Jurnalın bugünkü redaktoru isə Vilyam Baldvindir. Dünyanın 70 ölkəsinə yayılan jurnal 26 dildə nəşr olunur.

1040
Əlaqədar
Hollivud ulduzu Kemeron Diaz kinodan niyə getdiyini açıqlayıb
"Apple" və Di Kaprio: Hollivudda birgə filmlər çəkiləcək
“Karib dənizinin quldurları”nda qəribə dəyişiklik olacaq
Azərbaycanlı rejissorun filmi növbəti uğurunu Hollivudda qazandı - VİDEO
Edvgerial.az saytının istifadəçisi, arxiv şəkli

Altı milyon manata yaxın ƏDV geri qaytarılıb

0
(Yenilənib 15:47 13.08.2020)
Pərakəndə ticarət və ya iaşə obyektlərindən alınmış mallara görə ödənilən ƏDV-nin bir hissəsi istehlakçılara geri qaytarılıb.

BAKI, 13 avqust — Sputnik. İqtisadiyyat Nazirliyi yanında Dövlət Vergi Xidməti tərəfindən qlobal çağırışlara uyğun olaraq vergi inzibatçılığının rəqəmsallaşdırılması, xidmətlərin elektronlaşdırılması və yeni elektron məhsulların tətbiqi uğurla davam etdirilir. Naizlrikdən Sputnik Azərbaycan-a verilən məlumata görə, bu ilin may ayından etibarən pərakəndə ticarət və ya iaşə obyektlərindən alınmış mallara görə ödənilən ƏDV-nin bir hissəsinin geri qaytarılması prosesi həyata keçirilir. Bu sistem vasitəsilə, həmçinin, supermarket və digər pərakəndə ticarət obyektləri, restoran və kafelərdən alınmış mallara, göstərilmiş xidmətlərə görə də ödənilmiş ƏDV-nin bir hissəsi istehlakçılara qaytarılır.

Qeyd olunan prosesin effektivliyini təmin etmək məqsədilə istehlakçıların müraciətlərinin qeydiyyata alındığı informasiya sistemi olan xüsusi portal da (www.edvgerial.az) yaradılıb. Bu mexanizmin işə salındığı vaxtdan avqustun 10-na olan məlumata əsasən, kimi keçən müddət ərzində artıq portalda 466.948 nəfər qeydiyyatdan keçib. Qeydiyyata alınmış istifadəçilərdən 375.536-sı və ya 80 faizi əldə etdiyi kassa çekləri barədə məlumatları portaldakı elektron kabinet vasitəsilə sistemə daxil ediblər.

Hesabat dövrü ərzində vətəndaşlar tərəfindən 20,6 milyondan çox kassa çeki barədə məlumat www.edvgerial.az portalında qeydə alınıb. Həmin çeklər üzrə geri ödənilməsi tələb olunan ƏDV-nin məbləği 9,8 milyon manat təşkil edir. Artıq təsdiq olunmuş çeklər üzrə 5,9 milyon manat ƏDV məbləği geri ödənilib və istehlakçıların elektron kabinetindəki virtual "pul qabı"na yerləşdirilib, qalan məbləğ isə geri ödənilmə müddəti üzrə gözləmədədir.

Xatırladaq ki, qaydalara əsasən, ƏDV-nin müəyyən hissəsinin qaytarılması zamanı bir neçə məqama diqqət yetirilməlidir. İlk növbədə, istehlakçı, yəni alış-veriş edən və ya xidmətdən yararlanan tərəf fiziki şəxs olmalıdır. İkincisi, satıcı və ya xidmət göstərən tərəf mütləq ƏDV ödəyicisi olmalıdır. Eyni zamanda, alınan mal və ya xidmətlər də ƏDV-yə cəlb edilməlidir. Digər məqam isə satıcının yeni nəsil kassa aparatlarından istifadə etməsidir. ƏDV-nin bir hissəsinin qaytarılması yalnız bu tip kassa aparatlarının tətbiq olunduğu obyektlərdə mümkündür.

İstehlakçı alınmış malların dəyərini nağd və ya nağdsız qaydada ödəyə bilər. Nağd ödəmələr zamanı satıcı istehlakçıya onlayn nəzarət-kassa aparatının çekini təqdim edir. İstehlakçı nəzarət-kassa aparatının çekini aldığı tarixdən 90 gün ərzində www.edvgerial.az portalına müraciət etməli və çek barədə məlumatları, yəni NKA çekinin 12 simvollu fiskal İD-sini elektron kabineti vasitəsilə sistemə daxil etməlidir. Həmçinin, BirBank tətbiqinə malik olan və onu müvafiq qaydada yükləyən bütün istifadəçilər bu tətbiq vasitəsilə də çekin QR kodunu (çekdə yerləşdirilmiş sürətli məlumat kodu) oxudaraq ƏDV-ni daha rahatlıqla geri qaytara bilərlər.

İstehlakçının sistemə daxil etdiyi nəzarət-kassa aparatı çeki barədə məlumatların Dövlət Vergi Xidmətinin məlumat bazasındakı məlumatlarla uyğunluğu yoxlanılır. Nəzarət-kassa aparatı çekinin təsdiqlənməsi istehlakçının elektron kabinetində dərhal əks olunur. Çekin çap edildiyi tarixdən 30 gün sonra ƏDV məbləğinin nağdsız ödənişlər üzrə 15 faizi, nağd ödənişlər üzrə 10 faizi müvəkkil bank tərəfindən alıcının elektron kabineti açılarkən yaradılmış virtual "pul qabı"na yerləşdirilir. İstifadəçilər toplanmış vəsait ilə kommunal, mobil, internet, TV, cərimə və sığorta ödənişlərini həyata keçirə, həmçinin ölkədaxili bank kartlarına köçürmələr edə bilərlər. Hər bir istifadəçi, balansına uyğun olaraq, bir tranzaksiya çərçivəsində minimum 5, maksimum 500 manat məbləğində vəsaiti kart hesabına köçürə bilər. Layihənin maliyyə partnyoru “Kapital Bank”dır.

0