Bəstəkar Sərdar Fərəcov, arxiv şəkli

Xalq artisti Cavidin dramını yeni formatda təqdim edəcək

24
(Yenilənib 19:49 18.09.2019)
"Üzeyir Hacıbəylinin yaradıcılığı ilə bağlı yeni kitab nəşr edəcəyik. Artıq nəşriyyata da təqdim olunub".

Kamal Almuradlı, Sputnik Azərbaycan

BAKI, 18 sentyabr — Sputnik. Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidenti sərəncam imzalayıb. Sərəncama əsasən, Üzeyir Hacıbəylinin ev muzeyinin direktoru, bəstəkar Sərdar Fərəcov Xalq artisti adına layiq görülüb.

Bəstəkar Sputnik Azərbaycan-a fəxri ad alması ilə bağlı öz fikirlərini bölüşüb: "Əlbəttə, fəxri adın mənası da, məzmunu da böyükdür. Sənət adamları göstərdikləri əməyin qarşılığında dövlət başçısı tərəfindən təltif olunanda sevinclərinin həddi-hüdudu olmur. 

Azərbaycanın Birinci vitse-prezidenti Mehriban Əliyeva
© Official website of President of Azerbaijan Republic
Mənə də bu ad qismət olduğu üçün ölkə rəhbərinə minnətdaram. Mənim kiçik əməyimi yüksək qiymətləndirib. Təbii ki, fəxri ad həm də məsuliyyətdir. Gələcək fəaliyyətimizdə də göstərilən etimadı doğrultmalıyıq".

Milli Musiqi günü ilə bağlı danışarkən S.Fərəcov musiqi bayramının ayın sonundaək davam edəcəyini bildirib: "Hələ 1995-ci ildə mərhum prezident Heydər Əliyev dahi bəstəkarın anadan olmasının 110 illik yubileyi ərəfəsində 18 sentyabrın Milli Musiqi Günü kimi qeyd olunması haqda fərman vermişdi. Həmin tarixdən etibarən Üzeyir bəyin doğum günü ölkə miqyasında hər il keçirilir. Teatr, konsert salonlarında, ali məktəblərdə hər yerdə dahi bəstəkarın musiqisi səslənir. Artıq 11 ildir ki, Üzeyir bəyin adını daşıyan beynəlxalq musiqi festivalı da bu sıradadır. Festival çərçivəsində dünyanın, demək olar, hər bir yerindən mahir ifaçılar, yüksək səviyyəli kollektivlər ölkəmizə üz tuturlar. Ona görə də bizim üçün bu günün əhəmiyyəti çox böyükdür. İldən-ilə bu musiqi bayramı daha da möhtəşəm olur, əhatə dairəsi genişlənir. Bu gün bir neçə yerdə Musiqi günü qeyd olunub. Fəxri xiyabanda, Bakı Musiqi Akademiyasında, Dövlət Filarmoniyasında və o cümlədən Üzeyir bəyin ev muzeyində də gözəl tədbir keçirilir. Tədbirlər öz yerində, musiqi festivalı isə ayın sonuna qədər davam edəcək".

Damla: “Üzeyir Hacıbəylinin kim olduğunu bilmirlər, amma mənim mahnılarıma qulaq asırlar”>>

"Hal-hazırda böyük Hüseyn Cavidin "Ana" dramı əsasında opera üzərində işləyirəm. Düşünürəm ki, qısa zamanda bu işi yekunlaşdıracam. Hər bir bəstəkar arzulayar ki, onun əsərləri dünyanın çox ölkəsində səslənsin. Amma ən gözəl ifa, təbii ki, öz ölkəmizdədir. Bizim Opera teatrı bu əsəri öz repertuarına götürərsə, mənim üçün böyük xoşbəxtlik olar. Eyni zamanda Üzeyir Hacıbəylinin yaradıcılığı ilə bağlı yeni kitab nəşr edəcəyik. Artıq nəşriyyata da təqdim olunub", - deyə S. Fərəcov bildirib.

24
Televizora baxan adam, arxiv şəkli

Tərcüməçilər üçün şad xəbər - Pul olacaq

15
(Yenilənib 13:40 13.08.2020)
Yayımçıları yerli serial istehsalına təşviq etmək məqsədilə həftə ərzində həmin vaxt aralığında (07.00-22.00) yayımlanan hər 5 (beş) saat yerli serialdan əlavə 1 (bir) saat əcnəbi serial yayımlanması mümkün olacaq.

BAKI, 13 avqust — Sputnik. Milli Televiziya və Radio Şurasının (MTRŞ) növbəti iclası keçirilib. MTRŞ-dan Sputnik Azərbaycan-a verilən məlumata görə, iclasda Azərbaycan Respublikası ərazisində fəaliyyət göstərən bütün yerüstü yayımçıların televiziya proqramlarında əcnəbi teleserialların yayımının bərpa olunması məsələsi də müzakirə olunub.

Yerli serial bazarında rəqabət mühitinin formalaşdırılması və daha keyfiyyətli milli telefilmlərin və serialların istehsalının stimullaşdırılması məqsədilə 1 sentyabr 2020-ci il tarixdən etibarən təşkilati-hüquqi formasından asılı olmayaraq Azərbaycan Respublikası ərazisində yerüstü yayımla yayımlanan bütün televiziya proqramlarında əcnəbi teleserialların yayımının bəzi şərtlərlə bərpa olunması haqqında qərar qəbul olunub.

Qərara əsasən, əcnəbi seriallar yalnız 23.00–07.00 vaxt aralığında tam dublyaj olunmuş formada nümayiş oluna biləcək. Bundan əlavə, həftə ərzində hər bir yayımçı 07.00–22.00 arası vaxt aralığında 2 (iki) saat əcnəbi serial yayımlaya biləcək. Yayımçıları yerli serial istehsalına təşviq etmək məqsədilə həftə ərzində həmin vaxt aralığında (07.00-22.00) yayımlanan hər 5 (beş) saat yerli serialdan əlavə 1 (bir) saat əcnəbi serial yayımlanması mümkün olacaq.

15
Dueyn Conson, arxiv şəkli

Bu il ən çox qazanan aktyorlar kimlərdir?

1044
(Yenilənib 23:38 12.08.2020)
"Forbes" jurnalının versiyasına görə, Amerika aktyoru və prodüseri Dueyn Conson bu il də ən çox qazanan aktyorların reytinqinə başçılıq edib

BAKI, 13 avqust — Sputnik. "Forbes" jurnalının versiyasına görə, Amerika aktyoru və prodüseri Dueyn Conson bu il də ən çox qazanan aktyorların reytinqinə başçılıq edib. 12 ay ərzində Conson 87.5 milyon dollar qazanıb.

O, təkcə bu il "Netflix"də nümayiş olunacaq "Red Notice" serialından 23.5 milyon dollar əldə edib. Siyahıda ikinci yerdə kanadalı aktyor Rayan Reynolds dayanır. O, 71.5 milyon dollar qazanıb. Üçlüyü amerikalı Mark Uolberq tamamlayır.

"Forbes"un reytinqində daha sonra Ben Afflek (55 milyon dollar), Vin Dizel (54 milyon dollar), Bollivud ulduzu Akşay Kumar (48.5 milyon dollar) və Brodvey müzikllarının yaradıcısı Lin-Manuel Miranda (45.5 milyon dollar) dayanır. Siyahının onluğunu Uill Smit (44.5 milyon dollar), Adam Sendler (41 milyon dollar) və Ceki Çan (40 milyon dollar) tamamlayırlar.

Qeyd edək ki, sözügedən jurnal iki həftədə bir nəşr olunan bir biznes jurnalıdır.

Jurnal 1917-ci ildə Şotlandiyadan ABŞ-a köç edən Berti Çarlz Forbs tərəfindən hazırlanıb. Onun ölümündən sonra oğlu Bryus şirkətin başçısı olub. Jurnalın bugünkü redaktoru isə Vilyam Baldvindir. Dünyanın 70 ölkəsinə yayılan jurnal 26 dildə nəşr olunur.

1044
Əlaqədar
Hollivud ulduzu Kemeron Diaz kinodan niyə getdiyini açıqlayıb
"Apple" və Di Kaprio: Hollivudda birgə filmlər çəkiləcək
“Karib dənizinin quldurları”nda qəribə dəyişiklik olacaq
Azərbaycanlı rejissorun filmi növbəti uğurunu Hollivudda qazandı - VİDEO
Edvgerial.az saytının istifadəçisi, arxiv şəkli

Altı milyon manata yaxın ƏDV geri qaytarılıb

0
(Yenilənib 15:47 13.08.2020)
Pərakəndə ticarət və ya iaşə obyektlərindən alınmış mallara görə ödənilən ƏDV-nin bir hissəsi istehlakçılara geri qaytarılıb.

BAKI, 13 avqust — Sputnik. İqtisadiyyat Nazirliyi yanında Dövlət Vergi Xidməti tərəfindən qlobal çağırışlara uyğun olaraq vergi inzibatçılığının rəqəmsallaşdırılması, xidmətlərin elektronlaşdırılması və yeni elektron məhsulların tətbiqi uğurla davam etdirilir. Naizlrikdən Sputnik Azərbaycan-a verilən məlumata görə, bu ilin may ayından etibarən pərakəndə ticarət və ya iaşə obyektlərindən alınmış mallara görə ödənilən ƏDV-nin bir hissəsinin geri qaytarılması prosesi həyata keçirilir. Bu sistem vasitəsilə, həmçinin, supermarket və digər pərakəndə ticarət obyektləri, restoran və kafelərdən alınmış mallara, göstərilmiş xidmətlərə görə də ödənilmiş ƏDV-nin bir hissəsi istehlakçılara qaytarılır.

Qeyd olunan prosesin effektivliyini təmin etmək məqsədilə istehlakçıların müraciətlərinin qeydiyyata alındığı informasiya sistemi olan xüsusi portal da (www.edvgerial.az) yaradılıb. Bu mexanizmin işə salındığı vaxtdan avqustun 10-na olan məlumata əsasən, kimi keçən müddət ərzində artıq portalda 466.948 nəfər qeydiyyatdan keçib. Qeydiyyata alınmış istifadəçilərdən 375.536-sı və ya 80 faizi əldə etdiyi kassa çekləri barədə məlumatları portaldakı elektron kabinet vasitəsilə sistemə daxil ediblər.

Hesabat dövrü ərzində vətəndaşlar tərəfindən 20,6 milyondan çox kassa çeki barədə məlumat www.edvgerial.az portalında qeydə alınıb. Həmin çeklər üzrə geri ödənilməsi tələb olunan ƏDV-nin məbləği 9,8 milyon manat təşkil edir. Artıq təsdiq olunmuş çeklər üzrə 5,9 milyon manat ƏDV məbləği geri ödənilib və istehlakçıların elektron kabinetindəki virtual "pul qabı"na yerləşdirilib, qalan məbləğ isə geri ödənilmə müddəti üzrə gözləmədədir.

Xatırladaq ki, qaydalara əsasən, ƏDV-nin müəyyən hissəsinin qaytarılması zamanı bir neçə məqama diqqət yetirilməlidir. İlk növbədə, istehlakçı, yəni alış-veriş edən və ya xidmətdən yararlanan tərəf fiziki şəxs olmalıdır. İkincisi, satıcı və ya xidmət göstərən tərəf mütləq ƏDV ödəyicisi olmalıdır. Eyni zamanda, alınan mal və ya xidmətlər də ƏDV-yə cəlb edilməlidir. Digər məqam isə satıcının yeni nəsil kassa aparatlarından istifadə etməsidir. ƏDV-nin bir hissəsinin qaytarılması yalnız bu tip kassa aparatlarının tətbiq olunduğu obyektlərdə mümkündür.

İstehlakçı alınmış malların dəyərini nağd və ya nağdsız qaydada ödəyə bilər. Nağd ödəmələr zamanı satıcı istehlakçıya onlayn nəzarət-kassa aparatının çekini təqdim edir. İstehlakçı nəzarət-kassa aparatının çekini aldığı tarixdən 90 gün ərzində www.edvgerial.az portalına müraciət etməli və çek barədə məlumatları, yəni NKA çekinin 12 simvollu fiskal İD-sini elektron kabineti vasitəsilə sistemə daxil etməlidir. Həmçinin, BirBank tətbiqinə malik olan və onu müvafiq qaydada yükləyən bütün istifadəçilər bu tətbiq vasitəsilə də çekin QR kodunu (çekdə yerləşdirilmiş sürətli məlumat kodu) oxudaraq ƏDV-ni daha rahatlıqla geri qaytara bilərlər.

İstehlakçının sistemə daxil etdiyi nəzarət-kassa aparatı çeki barədə məlumatların Dövlət Vergi Xidmətinin məlumat bazasındakı məlumatlarla uyğunluğu yoxlanılır. Nəzarət-kassa aparatı çekinin təsdiqlənməsi istehlakçının elektron kabinetində dərhal əks olunur. Çekin çap edildiyi tarixdən 30 gün sonra ƏDV məbləğinin nağdsız ödənişlər üzrə 15 faizi, nağd ödənişlər üzrə 10 faizi müvəkkil bank tərəfindən alıcının elektron kabineti açılarkən yaradılmış virtual "pul qabı"na yerləşdirilir. İstifadəçilər toplanmış vəsait ilə kommunal, mobil, internet, TV, cərimə və sığorta ödənişlərini həyata keçirə, həmçinin ölkədaxili bank kartlarına köçürmələr edə bilərlər. Hər bir istifadəçi, balansına uyğun olaraq, bir tranzaksiya çərçivəsində minimum 5, maksimum 500 manat məbləğində vəsaiti kart hesabına köçürə bilər. Layihənin maliyyə partnyoru “Kapital Bank”dır.

0