Televizor pultu, arxiv şəkli

Televiziyaların bəzəyi olan seriallar - Kim? Harada? Necə?

832
(Yenilənib 21:31 16.09.2019)
Yeni mövsümə start verən televiziyalarımız tamaşaçılara müxtəlif səpgili seriallar təqdim edəcək. İçlərində yenilərinin də olduğu serialların əksəriyyəti həftə içi bir dəfə nümayiş olunacaq.

Kamal Almuradlı, Sputnik Azərbaycan

BAKI, 16 sentyabr — Sputnik. Azərbaycan televiziyaları yeni mövsümün astanasındadır.

Sputnik Azərbaycan xəbər verir ki, tamaşaçılar bu il də TV-lər arasında reytinq mücadiləsində önəmli yer tutan serialların şahidi olacaqlar.

Yerli kananallarımızda hansı ekran işləri yayımlanacağı haqda məlumat əldə etmək üçün televiziyaların mətbuat xidmətləri ilə əlaqə saxladıq.

Hələ ötən ildən formatında xeyli dəyişiklik edən "İctimai" TV iki serialla tamaşaçı qarşısına çıxmağa hazırlaşır.

Bunlardan biri Roza Zərgərlinin də rol aldığı , komediya janrında olan "Bizim restoran" serialıdır. Sözügedən serialda müğənni baş rolun ifaçısıdır.

Digər ekran işi isə dram janrında olan "Kür nəğmə" serialdır. Baş rolları Ziya Ağa, Elşən Rüstəmov, Günay Əhməd, Vüsal Hacıqədir, Fərhad Səmimi və Aygün Fətullayeva canlandırır. Hər iki ekran işi həftədə bir dəfə yayımlanması nəzərdə tutulur.

ARB TV-də start götürəcək və əməkdar artist Kəmalə Müzəffər, aktyorlar Qorqud Cəfər və Günəş Mehdinin baş rolunda olacağı "Yad gəlin" serialı həftəiçi hər gün yayımlanacaq.

"Uçurum" serialı ikinci mövsümü ilə qaldığı yerdən elə ARB TV-də davam edəcək. Ekran işində Murad İsmayıl və Ülviyyə Xəlilbəyli rol alır.

Aktrisa Çimnaz Sultanovanın rol aldığı yeni serial isə "Məhəbbətə məğlub" adlanır. Aktrisanın saytımıza verdiyi məlumata görə o bu serialda biznesmen xanım rolunu canlandıracaq.

ATV-də tamaşaçıları bu il maraqlı seriallarla sevindirməyi nəzərdə tutub. Belə ki, "Qan qohumları" həftəiçi hər gün məhz bu kanalda yayımlanacaq. Serialda Zemfira Əbdülsəmədova və Türkay Cəfərli baş rolları ifa edir.

Elməddin Cəfərov isə bu ildən "Leyli və Məcnun" komediyası ilə ötən mövsüm vidalaşdığı "Bacanaqlar"ın yerini doldurmağı düşünür. Serial həftədə bir dəfə efirə gedəcək.

"Qız atası" bu mövsüm artıq dördüncü ildir ki, yayımlanacaq. Serialda Əməkdar artist Əkbər Əlizadə, aparıcılar Mətanət Əliverdiyeva, Nərgiz Əliyeva, Xəyalə Quliyeva və başqaları rol alır.

"Xəzər" TV-nin reytinqli "Ata ocağı" serialı isə komandasını Əməkdar artist Sənubər İsgəndərli, Vidadi Həsənov, aktyor Tural Əhmədlə gücləndirilib. Serialda Qurban İsmayılov, Həmidə Ömərova, Rasim Cəfər, Ayşad Məmmədov kimi sənətçilər yer alır.

"İmtahan"da bu mövsüm Sənan Əlləz, Uzel Kərimova, Fariz İlyasovla yanaşı, Corc Qafarov, Ləman Mərih kimi gənc aktyorları da görə biləcəyik.

Bundan başqa "Xəzər" TV-də "Subaylıq sultanlıqdır", "Xalxın evi", "5 saat əvvəl", "Ay yay yay" kimi komediya serialları da yayımlanacaq.

832
Sinan Akçil

Sinan Akçıldan daha bir dəstək - "Daim yaşa, Azərbaycan" adlı mahnı bəstələyib

70
Sinan Akçıl və Səidə Quliyevanın "Daim yaşa, Azərbaycan" klipi artıq "Youtube" şəbəkəsində ön sıralardadır.

BAKI, 24 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Müğənni-bəstəkar Sinan Akçıl Qarbağda baş verən hadisələrdən təsirlənərək "Daim yaşa, Azərbaycan" adlı mahnı bəstələyib. Məşhur həmin mahnını azərbaycanlı müğənni Səidə Quliyeva ilə birlikdə oxuyub. Sinan Akçıl və Səidə Quliyevanın "Daim yaşa, Azərbaycan" klipi artıq "Youtube"da ön sıralardadır.

Qeyd edək ki, Sinan Akçıl Qarabağla və Gəncədə baş vermiş terror hadisəsi ilə bağlı dəfələrlə paylaşımlar edib.

70
İbrahim Tatlısəs, arxiv şəkli

İbrahim Tatlısəsdən kövrək addım: "Ölənədək yanındayıq, AZƏRBAYCAN!"

26
(Yenilənib 16:50 23.10.2020)
Müğənni özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

BAKI, 23 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Посмотреть эту публикацию в Instagram

İki Millet TEK Devlet TÜRK Milleti Olarak Ölümüne Yanındayız AZERBAYCAN !

Публикация от İBRAHİM TATLISES (@ibrahimtatlises)

Bu dəfə türk musiqisinin imperatoru İbrahim Tatlısəs Azərbaycana dəstəyini nümayiş etdirib. Belə ki, Türkiyənin məşhur müğənnisi özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

26
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

0
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

0