BAKI, 12 sentyabr — Sputnik. "Mars Media" kinoşirkəti Rusiyanın "Birinci kanal"ı üçün tarixi serial çəkir. Sputnik Azərbaycan xəbər verir ki, yeni ekran əsərinin adı "Russkiy rab" (Rus qul) adlanır.
Artıq filmin çəkilişlərinə start verilib. Hadisələr Boris Qodunov dövrünü əhatə edir. Filmin quruluşçu rejissoru "Kolovrat haqqında əfsanə" filmindən tanıdığımız İvan Şurxovetski, baş rolun ifaçısı İlya Malaxovdur. Müxtəlif ölkələrdən olan aktyorların təmsil olunduğu filmdə azərbaycanlı aktyorlar Kamran Ağabalayev və Azərbaycanın Xalq artisti Pərviz Məmmədrzayev də rol alıblar. P.Məmmədrzayev tarixi serialda qubernator rolunu ifa edəcək.
Посмотреть эту публикацию в Instagram
Qeyd edək ki, tarixi janrda olan serial 16-17-ci əsrləri əhatə edir. Ekran əsərinin yayımlanacağı vaxt dəqiq deyil.
