Orxan Fikrətoğlu

Orxan Fikrətoğlu şou proqram aparacaq

65
(Yenilənib 14:44 11.09.2019)
Sözügedən layihə Türkiyədə "Bak hele bak", Rusiyada isə "Слава богу, ты пришел" adı ilə məşhur olub

BAKI, 11 sentyabr — Sputnik. İctimai Televiziyanın efirində yeni layihəyə start verilir. Sputnik Azərbaycan xəbər verir ki, yeni efirə çıxacaq lisenziyalı improvizasiya şousu "Haradasan bu vaxtacan" adlanır. Televiziyanın mətbuat xidmətindən verilən məlumata görə, veriliş dünyanın məşhur "Thank God You're Here" layihəsinin adaptasiya olunmuş versiyasıdır və Azərbaycanda ilk dəfə İTV-nin efirində yayımlanacaq.

Şou Haradasan bu vaxtacan
© İctimai Televiziyanın mətbuat xidməti
Şou "Haradasan bu vaxtacan"

Müxtəlif səhnələrlə zəngin verilişdə ölkənin tanınmış simaları iştirak edirlər. Belə ki, hər buraxılışda üç məşhur qonaq olur. Qonaq özünün də xəbəri olmadan hansısa hadisənin mərkəzinə düşür və ona verilən rolda vəziyyətdən çıxmağa çalışır. Bu həm də onun indiyə qədər məlum olmayan istedadlarının ölçüsünü göstərməsinə şərait yaradır.

Qeyd edək ki, bir çox populyar layihələrin müəllifi olaraq tanınan "Fremantle" şirkətinə məxsus sözügedən layihə Türkiyədə "Bak hele bak", Rusiyada isə "Слава богу, ты пришел" adı ilə məşhur olub.

Həftədə bir dəfə axşam saatlarında yayımlanacaq verilişin aparıcıları Orxan Fikrətoğlu və Turanə Hüseynlidir.

65
Teqlər:
şou proqram, şou, veriliş, televiziya
Əlaqədar
Tanınmış aparıcımız indi də boksa keçdi
Azərbaycanın gözəl aparıcısı illər sonra yenidən efirdə
Tanınmış müğənni yerlilərindən incidi: “Bir daha Qax barədə danışmayacağam”
"Mətbəx" serialının ulduzu Bakıda: Azərbaycan şirniyyatını bişirməyi öyrəndi
"Çevir bizim kanala" - Gör nə xariqələr var

Azərbaycanlı gimnast sevgilisinə dinamik təqdimat etdi - FOTO

19
(Yenilənib 01:31 11.05.2021)
Azərbaycanlı gimnast Samirə Mustafayeva sevgilisi, biznesmen David Tarieloviçlə Ninja seriyasının ən sürətli motosiklində şəkillər çəkdirib.

BAKI, 11 may - Sputnik, Kəmalə Əliyeva. Azərbaycanlı gimnast Samirə Mustafayeva sevgilisi, biznesmen David Tarieloviçlə fotolar çəkdirib. Fotosessiyada Ninja seriyasının ən sürətli modeil Ninja H2R motosiklindən istifadə olunub.

Sputnik Azərbaycan bildirir ki, Mustafayeva şəkilləri sosial şəbəkədəki səhifəsində paylaşıb.

Gimnast bir neçə ay əvvəl həyat yoldaşı - rusiyalı biznesmen Nikolay Kondratyukdan ayrılıb. O, sevgilisini izləyicilərindən uzun müddət gizlədib, çünki çoxları onun boşandığını heç bilmirdilər də. Bu fotosessiya ilə idmançı şəxsi həyatı ilə bağlı şayiələrə son qoymaq qərarına gəlib. 

Посмотреть эту публикацию в Instagram

Публикация от Samira Mustafaeva (@samira__mustafaeva)

Fotolar Moskvada çəkilib. Çəkilişdə istifadə olunan Ninja H2R modeli 354 km/saat sürət yığa bilir. 

Azərbaycanlı idmançı Samirə Mustafayeva komanda birinciliyində dəfələrlə dünya çempionatının mükafatçısı, Sankt-Peterburqun mütləq çempionu, Rusiya idman ustası, FIG versiyasına görə, dünya səviyyəli gimnastdır.

Azərbaycan yığmasında çıxış edib, daha sonra Rusiya yığmasının tərkibinə qatılıb. Karyerasını 2013-cü ildə başa vurub və hazırda Moskvada yaşayır. 2019-cu ildə Mustafayeva rusiyalı biznesmen Nikolay Kondratyuka ərə gedib. Təxminən bir ildən sonra cütlük bilinməyən səbəblərdən ayrılıb.

19
Kirill Turiçenko, arxiv şəkli

Əcnəbi müğənni Bakı bulvarını görüb izləyicilərinə tövsiyə etdi - FOTO

631
(Yenilənib 19:20 10.05.2021)
"İtaliya, Fransa, Dubay, bir az da mənim doğma şəhərim Odessanı təsəvvürünüzdə canlandırın - elə bil ki, Bakı hamısının cəmidir!"

BAKI, 10 may - Sputnik. Rusiyanın populyar "Иванушки International" pop qrupunun solisti Kirill Turiçenko Bakıya valeh olub.

Sputnik Azərbaycan-ın məlumatına görə, "Maska" şousunda dostlaşdığı Azərbaycanın Xalq artisti Yusif Eyvazovun dəvətilə paytaxtımıza gələn Turiçenko burada yeni layihəsini gerçəkləşdirmək niyyətindədir. O, artıq bir neçə gündür ki, Bakıdadır və buranın gəzməli-görməli yerlərinə baş çəkib.

Посмотреть эту публикацию в Instagram

Публикация от Кирилл Туриченко (@kirillturichenko)

"Bakı inanılmaz gözəl şəhərdir. Çox qonaqpərvərdir. İtaliya, Fransa, Dubay, bir az da mənim doğma şəhərim Odessanı təsəvvürünüzdə canlandırın - elə bil ki, Bakı hamısının cəmidir! Biz Bakını eninə-uzununa dolaşdıq, göydələnləri və müasir binalarına, qədim, amma səliqəli tikililərini gördük. Əlbəttə ki, Xəzər dənizini də seyr elədik. Düzdür, o, əslində göl olsa da, dənizin ətri, miqyası və gözəlliyi heç kimi laqeyd qoymaz. Bir sözlə, Bakının və sakinlərinin möhtəşəmliyi barədə danışmaq üçün sözlər kifayət eləmir. Sadəcə, özünüz gəlin, ürəyinizlə hiss edin", - Turiçenko Instagram-dakı səhifəsində yazıb.

Kirill Turiçenko - ukraynalı musiqiçi, müğənni və aktyordur. O, 2013-cü ildən bəri "Иванушки International" qrupunun solistidir. Həmçinin o, qrupun tarixində ən gənc ifaçıdır.

Eləcə də oxuyun: 

Artıq çəkidən əziyyət çəkən müğənni arıqladı, tanınmaz hala düşdü - FOTO

* Nura afrikalı ifaçı ilə duet oxudu - VİDEO

* 20yearschallenge trendinə qoşulan məşhurlar - gəncliyin FOTO-ları

 

631
Teqlər:
Instagram, bulvar, Bakı, rusiyalı, müğənni
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Minnixanova zəng etdi: Türkiyə Tatarıstana hər cür dəstək verməyə hazırdır

0
Telefon danışığı zamanı Mövlud Çavuşoğlu Rüstəm Minnixanova Kazanda törədilən silahlı insidentlə əlaqədar Türkiyə Prezidenti Rəcəb Tayyib Ərdoğanın başsağlığını çatdırıb.

BAKI, 11 may - Sputnik. Türkiyənin xarici işlər naziri Mövlud Çavuşoğlu və Rusiya Federasiyasının Tatarıstan Respublikasının prezidenti Rüstəm Minnixanov arasında telefon danışığı olub.

Sputnik Azərbaycan xəbər verir ki, bu barədə Türkiyənin Xarici İşlər Nazirliyi açıqlama yayıb. Açıqlamada bildirilir ki, telefon danışığı zamanı Mövlud Çavuşoğlu Rüstəm Minnixanova Kazanda törədilən silahlı insidentlə əlaqədar Türkiyə Prezidenti Rəcəb Tayyib Ərdoğanın başsağlığını çatdırıb.

Nazir ehtiyac olduğu halda Türkiyənin Tatarıstana hər cür dəstək verməyə hazır olduğunu da vurğulayıb.

Qeyd edək ki, bu gün Rusiyanın Kazan şəhərində orta məktəbə silahlı hücum olub. Hücum nəticəsində çoxu azyaşlı olmaqla 9 nəfər həlak olub, onlarla insan yaralanıb.

0