Şah Mat Teatrının kollektivi

"ŞAH MAT" teatrında növbəti tamaşa - "Naməlum qadının məktubu"

38
(Yenilənib 22:21 10.09.2019)
Gənc sənətçilər Mir Qabil Əkbərov və Günel İmanovanın birgə səhnə fəaliyyəti nəticəsində hazırlanmış tamaşaya bilet 3 AZN-dir

BAKI, 10 sentyabr — Sputnik. Gənclər tərəfindən yaradılan "ŞAH MAT" teatrının səhnəsində dünya şöhrətli yazıçı Stefan Sveyqin "Yad qadının məktubu" adlı məşhur novellası əsasında hazırlanan "Naməlum qadının məktubu" tamaşası təqdim olunacaq. Sputnik Azərbaycan xəbər verir ki, istedadlı gənc aktrisa Günel İmanovanın rol aldığı səhnə əsərinin quruluşçu rejissoru Mir Qabil Əkbərovdur.

Teatrın Mətbuat xidmətindən bildirib ki,tamaşaçılara təqdim olunan tamaşa "Qara qutu" üslubunda və minimalizm yanaşması ilə hazırlanıb. Tamaşa sentyabrın 12-i saat 19.30-da İslam Səfərli 13 ünvanında yerləşən "ETUD Cafe & Bar"-da nümayiş olunacaq.

Qeyd edək ki, gənc sənətçilər Mir Qabil Əkbərov və Günel İmanovanın birgə səhnə fəaliyyəti nəticəsində hazırlanmış tamaşaya bilet 3 AZN-dir.

38
Şeron Stoun

Modellik edən yaşlı aktrisa hər kəsi mat qoydu

23
(Yenilənib 23:04 30.11.2020)
"Instagram" hesabında möhtəşəm vücudunu nümayiş etdirən model bu barədə özü də qeyd edib: "62 yaşımda model kimi fəaliyyət göstərdiyim üçün həm təəcüblənirəm, həm də minnətdaram"

BAKI, 30 noyabr — Sputnik. 62 yaşlı Hollivud ulduzu Şeron Stoun hələ də model kimi fəaliyyət göstərir.

"Instagram" hesabında möhtəşəm vücudunu nümayiş etdirən model bu barədə özü də qeyd edib:

"62 yaşımda model kimi fəaliyyət göstərdiyim üçün həm təəcüblənirəm, həm də minnətdaram".

View this post on Instagram

A post shared by Sharon Stone (@sharonstone)

Məlumat üçün bildirək ki, soyunmağı xüsusilə sevən xanım uşaqlıqdan qeyri-adi olub. O, 5 yaşında artıq 2-ci sinifdə, 15 yaşında isə universitetdə təhsil alırdı. Elə o yaşlarından Şeron modellik təklifi alır. Bu sahədə o qədər uğur əldə etməyən Şeron aktrisa olmaq arzusu ilə ABŞ-a qayıdır və istəyinə nail olur. Bu minvalla Şeron bir çox məşhur aktyorlarla birgə saysız-hesabsız filmlərə çəkilir. "Qanundan yüksəkdə", "Motor" ləqəbli Cekson", "Qarışqa Zed" və s. filmlərdə rol alıb.

23
Pianino

"Notların möcüzəsi" adlı onlayn müsabiqə keçirilir

9
(Yenilənib 22:25 30.11.2020)
Müsabiqədə iştirak etmək istəyən şagirdlər Azərbaycan bəstəkarlarının klassik əsərlərinin bir parçasını ifa edərək müsabiqəyə qatıla bilərlər

BAKI, 30 noyabr — Sputnik. Regionlarda fəaliyyət göstərən uşaq incəsənət məktəbləri və musiqi məktəblərinin şagirdləri arasında "Notların möcüzəsi" adlı onlayn müsabiqə keçirilir.

Sputnik Azərbaycan xəbər verir ki, Uşaq və Yeniyetmələrə Dəstək İctimai Birliyi tərəfindən keçirilən müsabiqə Azərbaycan bəstəkarlarının və onların klassik əsərlərinin sosial şəbəkələrdə təbliğ edilməsinə, klassik əsərlərin uşaq və yeniyetmələr tərəfindən ifa edilərək mənimsənilməsinə, musiqi məktəblərinin fəaliyyətinin populyarlaşdırılmasına, o cümlədən musiqi təhsilinin təbliğ və valideynlər arasında təşviq edilməsinə, musiqi təhsili üzrə istedadlı və bacarıqlı uşaq və yeniyetmələrin üzə çıxarılmasına xidmət edir.

Müsabiqədə iştirak etmək istəyən şagirdlər Azərbaycan bəstəkarlarının klassik əsərlərinin bir parçasını ifa edərək müsabiqəyə qatıla bilərlər. İfalar dekabrın 8-dək videogörüntü şəklində təqdim edilməlidir. İştirakçı olmaq istəyən namizədlər müsabiqə şərtləri və qaydaları haqqında ətraflı məlumatı müsabiqənin sosial şəbəkədəki "Facebook" hesabından əldə edə bilərlər.

Qeyd edək ki, müsabiqə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Mədəniyyət Nazirliyi ilə birgə elan etdiyi qrant müsabiqəsinin qalibi olan "Notların möcüzəsi" estetik zövqün formalaşdırılması layihəsi çərçivəsində təşkil olunur. Layihənin məqsədi regionlarda musiqi mədəniyyətinin inkişafına töhfə verməkdən ibarətdir.

9
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

81
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

81
Teqlər:
Azərbaycan ordusu, Azərbaycan, Qarabağ, Laçın