ADO teatrında Rinq tamaşasının premyerası keçirilib

Yaşamaq naminə döyüşmək: Azərbaycanlı aktyorlar "Rinq"də əsl döyüş təşkil ediblər

4895
(Yenilənib 19:24 07.09.2019)
ADO teatrının aktyorları zalın ortasında əsl rinq təşkil ediblər və problemlərlə vuruşublar

BAKI, 7 sentyabr — Sputnik. ADO teatrının aktyorları "Rinq" tamaşasının premyerası zamanı əsl döyüş səhnəsi qurublar. Onlar boks əlcəkləri geyinərək bir-biriləri ilə deyil, hər bir insanın həyatında mövcud olan problemlərlə döyüşüblər.

ADO həmişə qeyri-adi tamaşaları ilə fərqlənir. Bu dəfə isə fransız rejissor Elza Furtado müasir alman dramaturqu Falk Rixterin "Güvən" pyesinin motivləri əsasında tamaşa hazırlayıb. Əsər dilimizə dramaturq Mehman Musabəyli tərəfindən tərcümə edilib, tamaşanın rəssamı isə Leyla Quliyeva olub.

ADO teatrında Rinq tamaşasının premyerası keçirilib
© ADO teatrının mətbuat xidməti
Aktyorlar "rinqdə" döyüşərək problemləri həll etmək istəyiblər

ADO teatrının özünəməxsus binası olmadığından, aktyorlar tamaşanı kirayə etdikləri mənzildə hazırlayıblar. Bu dəfə tamaşaçılar "Rinq" tamaşasının göstərildiyi zala daxil olanda şoka düşüblər. Çünki zalın tən ortasında əsl rinq quraşdırılıb, onun ətrafına isə tamaşaçıların oturması üçün stullar düzülüb.

Aktyorlar Günel İmanova, Fərizə Babayeva, İskra Tarrant, Elmin Bədəlov və Sabir Vol Məmmədov gah tək-tək, gah da ikilikdə idman kostyumlarında, əllərində isə boks əlcəkləri rinqə çıxıblar.

Publika əvvəl əsl döyüşün nümayiş olunacağını, aktyorların bir-biri ilə bokslaşacaqlarını düşünməyə başlayıb. Amma heç də onların düşündüyü kimi olmayıb. Bütün tamaşa boyu teatral qəhrəmanlar yumruqlarını boşluğa atıblar və hər dəfə zərbə vuranda sanki onları narahat edən şeyləri məhv edirlərmiş kimi öz zərbələrindən məmnun qalıblar. Aktyorların monoloqlarından aydın olub ki, onların hər birinin arzuları puç olub, ümidləri üzülüb, onlar insanlara güvənlərini itiriblər və bundan sonra necə yaşayacaqlarını bilmirlər. Amma hər dəfə zərbə vuranda onlar sanki özlərini ağır bir yükündən azad ediblər.

ADO teatrında Rinq tamaşasının premyerası keçirilib
© ADO teatrının mətbuat xidməti
Tamaşa həyatın davamlı mübarizə olduğunu təsdiqləyib

Bu tamaşa bir daha həyatın davamlı mübarizə olduğunu və ən güclünün qalib gəldiyini bir daha təsdiqləyib.

Tamaşaçılar rinqdə baş verənləri maraqla izləyiblər, onları narahat edən şeylərdən bir zərbə ilə xilas olmağa və dinc şəraitdə yaşamaq imkanı əldə etməyə nail olan teatr qəhrəmanlarının yerində olmağı xəyal ediblər. Tamaşanın sonunda tamaşaçılar teatr kollektivini ayaq üstə alqışlayıblar, orijinallığına və peşəkarlığına görə təşəkkürlərini bildiriblər.

Teatrın qurucusu, baş rejissoru və aktyoru Elmin Bədəlov Sputnik Azərbaycan-ın tamaşa ilə bağlı suallarına cavab verərkən rejissor Elza Furtadoya təşəkkür edib. Furtado uzun illər Bakıda yaşayıb, lakin işi ilə əlaqədar olaraq, Fransaya qayıtmalı olub. Elza məzuniyyət vaxtı yenidən Azərbaycana qayıdıb və istirahət günlərini ADO teatrına xərcləməyə qərar verib.

ADO teatrında Rinq tamaşasının premyerası keçirilib
© ADO teatrının mətbuat xidməti
ADO teatrında "Rinq" tamaşasının premyerası keçirilib

"Buna qədər o, "Yağış" və "Toy" tamaşalarını səhnəyə qoyub, bu dəfə isə alman dramaturq Falk Rixterin "Güvən" əsərinə müraciət edib. Bu müəllif son zamanlar bütün dünyada çox məşhurdur. Onun tamamilə yeni stili var. Əvvəllər öz yaradıcılığında müəlliflər qeydlərdən, mənzərənin təsvirindən istifadə edirdilər, amma indi bunların heç biri yoxdur. Yazıçılar rejissorlara tam sərbəstlik verirlər və onu, sanki ikinci müəllif halına gətirirlər" - deyə Bədəlov bildirib.

Rejissor əsərin mənasını dəyişməmək şərtilə mətnə bəzi dəyişikliklər edir.

Bədəlov etiraf edib ki, o, ADO teatrındakı tamaşalarında cəmiyyətin problemlərini qabartmağa çalışır. Onun fikrincə, hazırda cəmiyyətdəki başlıca problemlərdən biri odur ki, insanlar tez-tez digərlərinin etimadından sui-istifadə edirlər və bu da nəticədə tam inamsızlıq yaradır.

  • ADO teatrında Rinq tamaşasının premyerası keçirilib
    ADO teatrında "Rinq" tamaşasının premyerası keçirilib
    © ADO teatrının mətbuat xidməti
  • ADO teatrında Rinq tamaşasının premyerası keçirilib
    ADO teatrında "Rinq" tamaşasının premyerası keçirilib
    © ADO teatrının mətbuat xidməti
  • ADO teatrında Rinq tamaşasının premyerası keçirilib
    ADO teatrında "Rinq" tamaşasının premyerası keçirilib
    © ADO teatrının mətbuat xidməti
  • ADO teatrında Rinq tamaşasının premyerası keçirilib
    ADO teatrında "Rinq" tamaşasının premyerası keçirilib
    © ADO teatrının mətbuat xidməti
  • ADO teatrında Rinq tamaşasının premyerası keçirilib
    ADO teatrında "Rinq" tamaşasının premyerası keçirilib
    © ADO teatrının mətbuat xidməti
  • ADO teatrında Rinq tamaşasının premyerası keçirilib
    ADO teatrında "Rinq" tamaşasının premyerası keçirilib
    © ADO teatrının mətbuat xidməti
1 / 6
© ADO teatrının mətbuat xidməti
ADO teatrında "Rinq" tamaşasının premyerası keçirilib

Baş rejissor əmindir ki, "Rinq" tamaşası bir sıra tamaşaçıların burada özünü görməsinə və özlərində nələrisə dəyişməsinə kömək edəcək. "İnanmadan, güvənmədən yaşamaq olmaz", - Bədəlov deyib.

ADO teatrı ölkədə müasir yaradıcılıq üçün unikal meydança, yeni yaradıcılıq və mədəni təcrübə üçün əvəzsiz məkandır. Teatr yeni forma təqdim edir, daim yeni format, yaradıcılıq eksperimentləri və innovasiyalar axtarışındadır, səhnə sənəti sahəsindəki mövcud təcrübələri və klassik tamaşa standartlarını aradan qaldırmağa çalışır. Teatr Gürcüstan, Türkiyə, İtaliya, Fransa, İran, Belarus və Ukraynada qastrol səfərlərində olub.

4895
Emil Qədirov, arxiv şəkli

Dünyanın hər yerində yaşayan azərbaycanlılar Moskvada keçiriləcək müsabiqəyə dəvət edilir

225
Gənc azərbaycanlı müğənnilər çəkilişlərinə sentyabrda Moskvada start veriləcək beynəlxalq layihənin iştirakçısı ola bilərlər. Münsiflərdən biri Emil Qədirovdur.

BAKI, 2 iyul — Sputnik, Kəmalə Əliyeva. Azərbaycan əsilli rusiyalı ifaçı Emil Qədirov münsiflər heyətinin üzvü olduğu “Vo ves qolos” (Bütün səsi ilə) Beynəlxalq musiqi layihəsində iştirak etmək üçün gənc istedadlı həmyerlilərinin axtarışına çıxıb. Bu barədə Sputnik Azərbaycan-a müğənninin özü məlumat verib.

Müsabiqənin təşkilatçıları qismində "Uşaqlar uşaqlara kömək edir" regional ictimai xeyriyyə fondu, Müstəqil Dövlətlər Birliyinin işləri üzrə Federal Agentliyi yanında “Otrajeniye” Mədəniyyətin İnkişafı Fondu və xaricdə yaşayan həmvətənlər çıxış edir. Müsabiqədə doqquz ölkədən - Azərbaycan, Rusiya, Qazaxıstan, Moldova, Ermənistan, Belarus, Tacikistan, Almaniya və İsraildən gənc ifaçılar iştirak edirlər.

Kadırov bu layihənin yarandığı ilk gündən münsiflər heyətinin tərkibinə daxildir. Müsabiqənin dördüncü mövsümü üçün kastinqlər artıq başlayıb. Buna görə də müğənni gənc həmkarlarının axtarışındadır.

"Bu layihədə 12 yaşdan 17 yaşadək olan həmvətənlərim iştirak edə bilərlər. Fərqi yoxdur, onlar Azərbaycanda, Rusiyada, yaxud başqa ölkədə yaşayırlar. İştirak etmək istəyənlər video yaza və özləri haqqında məlumatlarla birlikdə mənə məktub şəklində gadirov-music@mail.ru ünvanına göndərə bilərlər. Mən özüm onların arasından ən istedadlıları seçəcəyəm", - Kadırov qeyd edib.

Layihənin çəkilişləri 2020-ci ilin sentyabr ayına planlaşdırılır.

Xatırladaq ki, "Vo ves qolos" 2017-ci ildən Moskvada keçirilir. Müsabiqə səkkiz konsertdən ibarət olacaq. Layihə boyunca tamaşaçılar həm xalq musiqilərini, həm də öz qəyyumların öz yetirmələrinə səhnədə ifa üçün seçəcəyi estrada hitlərini eşidəcəklər.

225
Səbinə Zülalova, arxiv şəkli

Azərbaycanlı qız “COVID Ulduzu” oldu

20
(Yenilənib 00:20 02.07.2020)
Beynəlxalq təşkilat Səbinə Zülalovanın koronavirus pandemiyası zamanı insanları dəstəkləməyə yönəlmiş layihələrini yüksək qiymətləndirib. Qalibləri onlayn rejimdə təltif ediblər

BAKI, 2 iyul — Sputnik, Kəmalə Əliyeva. Mədəniyyət xadimi, dizayner, bir sıra biznes layihələrinin yaradıcısı Səbinə Zülalova beynəlxalq “100 COVID Ulduzu” mükafatına layiq görülüb.

Sputnik Azərbaycan-ın məlumatına görə, World Humanultural Drive (WHD) İngiltərə təşkilatı S.Zülalovanı “Texnologiya vı innovasiya” kateqoriyasında dəyərləndirib.

Mükafat 35 ölkədən olan 100 müxtəlif peşə sahibinə çətin dövrdə bəşəriyyətə koronavirus pandemiyası ilə mübarizə aparmaqda kömək etdiklərinə görə verilib.

Bu barədə Sputnik Azərbaycan-a Səbinə Zülalova özü danışıb.

Посмотреть эту публикацию в Instagram

Публикация от sabinazulalova.com (@sabina_zulalova_art)

World Humanultural Drive (WHD)  – Londonda yerləşən xeyriyyə təşkilatıdır. Onun əsasını Abdul Basit Sayed qoyub. Zülalova təşkilatın nümayəndələri ilə 2019-cu ildə Berlində, Azərbaycanı təmsil etdiyi beynəlxalq konqresdə tanış olub. Həmin vaxtdan da Zülalova təşkilatın nümayəndələri ilə sosial şəbəkə vasitəsilə əlaqə saxlayır.

Təşkilatın ilk layihəsi COVID-19-la mübarizəyə şeir həsr edən şairləri əhatə edirdi. Zülalova da daxil olmaqla hər bir iştirakçını yazdıqları şeirə görə diplomla təltif ediblər. O, həmçinin WHD-nin növbəti layihəsi "100 COVID Ulduzu"nda da iştirak edib. Bu layihə pandemiya dövründə insanları dəstəkləməkdə fəallıq göstərən müxtəlif sahənin mütəxəssislərini, eləcə də dünyada tanınmış şirkətləri əhatə edirdi. Layihədə 12 kateqaoriya vardı. Mükafat alanlar sırasında jurnalistlər, siyasətçilər, könüllülər, sahibkarlar, ictimai xadimlər və digər peşələrin sahibləri olub. Layihə çərçivəsində həmçinin təşkilatın banisinin yazdığı “100 COVID Ulduzu” və “Xoşbəxtliyin yaradılması” kitabları da dərc olunub.

Zülalovanın sözlərinə görə, layihənin əsas məqsədi insanlara COVID-19 zamanı kömək edən könüllülərə təşəkkür etmək idi.

“Bu layihədə Azərbaycanı tək mən təmsil edirdim. Hesab edirəm ki, bu bizim ölkəmiz üçün çox dəyərlidir. Anlayıram, bəlkə də mənim köməyimin miqyası Azərbaycan hüdudlarında elə də böyük deyildi, amma mən əlimdən gələni etdim. Təşkilat mənim bütün layihələrimi izləyirdi”, - Zülalova qeyd edib. 

Dizayner birdən-birə bir neçə layihə təqdim edib. Bunlardan biri – müxtəlif naxışlı maskaların hazırlanması idi. Zülalova həmçinin mədəni irs abidələrinin – Qara Qarayev muzeyi, Qız qalası və “Bəylər” məscidinin - 3D skanlaşdırılması üzrə startap təşkil edib. Onun spzlərinə görə, bu proses zamanı obyektin real ölçüləri rəqəmsallaşdırılır. 

O, bu işini davam etdirmək və Azərbaycanın daha bir neçə tanınmış məkanlarını 3D-də həkk etmək arzusundadır. Dizayner bu obyektlərə virtual turlar təşkil edərək fərqli ölkələrdə yaşayan insanlara onları onlayn rejimdə “gəzmək” imkanı yaradıb. Onun sözlərinə görə, ürəyi istəyən şəxslər nəinki şəkillərə baxa, eləcə də bu yerlərdə virtual səyahət edə bilərlər.

“Digər mükafatçıların işi ilə ancaq onlayn tanışam, ancaq hesab edirəm ki, onların hər biri vacib və maraqlıdır, çünki pandemiya dövründə insanlara yardım etmək məqsədilə yaradılıb”, - Zülalova qeyd edib.

"100 COVID Ulduzu" qaliblərinə sertifikat və medallar verilib. Mükafatlandırma mərasimi onlayn rejimdə və müxtəlif ölkələrdən olan tanınmış ictimai xadimlərin iştirakı ilə keçib.

WHD-nin banisi sentyabrın 2-də bu mükafatın bütün qaliblərini toplayaraq sertifikatları onlara şəxsən təqdim etməyi planlaşdırır. Zülalova ümid edir ki, həmin vaxt sərhədlər açıq olacaq və o, mükafatlandırma mərasiminə qatıla biləcək.

20
Teqlər:
pandemiya, mükafat, layihə, dizayner
Mövzu:
Dünyanı cənginə almış bəla
Əlaqədar
Azərbaycanlı model ABŞ-ın ən “ulduzlu” evinə köçməyə hazırlaşır
Böyük öndəri ağ-qara dünyadan rəngliyə çıxaran gənc
Azərbaycanlı kiberpank yaradıb və orada Bakının gələcəyini nümayiş etdirib
Zəmanənin ən populyar aksessuarı – Dəbli maskalar
Qarabağ xanının nəslindən olan rəssam qeyri-adi əsər yaradıb
ABŞ bayrağı, arxiv şəkli

ABŞ-da Rusiyaya qarşı yeni sanksiyalar tələb edirlər

0
İstər Moskvada, istərsə də Donald Tramp administrasiyasında Rusiyanın "Talibanla sözləşməsi" iddialarını rədd edirlər.

BAKI, 2 iyul — Sputnik. ABŞ Konqresinin Nümayəndələr Palatasının spikeri Nensi Pelosi "Talibanla sözləşdiyinə görə" Rusiyaya qarşı sanksiyalar tətbiq etməyə çağırıb.

Sputnik Azərbaycan xəbər verir ki, Pelosi bunu MSNBC telekanalına müsahibəsində deyib. 

"Biz Rusiyaya qarşı sanksiyalar tətbiq etməliyik, özü də indi", – spiker bildirib.

İstər Moskvada, istərsə də Donald Tramp administrasiyasında Rusiyanın "Talibanla sözləşməsi" iddialarını rədd edirlər.

Əsassız iddialar

"The New York Times" dərc etdiyi məqaləsində iddia edib ki, Rusiya hərbi kəşfiyyatı Əfqanıstanda ABŞ əsgərlərinə hücumlara görə Talibanla əlaqəli olan yaraqlıları mükafatlandırır və ABŞ prezidentinə bu barədə məlumat verilib. Lakin bu iddiaya heç bir dəlil verilməyib.

Rusiyanın ABŞ-dakı səfirliyi isə ölkə rəhbərliyindən bu cür xəbərlərə görə diplomatlara edilən təhdidlərə adekvat cavab verməyi tələb edib. Xarici İşlər Nazirliyi mətbuatda yayılan xəbərləri saxta, Tramp isə sifariş adlandırıb. Ağ Ev, Pentaqon və ABŞ kəşfiyyatı bu hesabatların təsdiqlənmədiyini və Trampa "təhdidlər" barədə məlumat verilmədiyini deyib.

Rusiya prezidentinin mətbuat katibi Dmitri Peskov Rusiyanın Talibanla "sözləşməsi" barədə iddianı şərh edərkən bunun yalan olduğunu deyib.

0