YUĞ Dövlət Teatrının binası. Arxiv şəkli

Yuğ Teatrına yubiley öncəsi şad xəbər - yeni bina veriləcək

94
(Yenilənib 22:56 05.09.2019)
Teatr növbəti il Londonda aprel-may aylarında keçiriləcək beynəlxalq festivala dəvət alıb

BAKI, 5 sentyabr — Sputnik. Azərbaycan Dövlət Yuğ Teatrı 31-ci teatr mövsümünə hazırlaşır. Açılış mərasiminə sayılı günlər qalıb. Sputnik Azərbaycan hansı yeniliklərin nəzərdə tutulduğu ilə bağlı teatrın direktoru İslam Həsənovla söhbətləşib.

İslam Həsənov ötən mövsümün onlar üçün çox uğurlu olduğunu bildirib: “Teatrımız Adana Beynəlxalq teatr festivalında və Kazan Beynəlxalq Novruz festivalında çıxış edib. Bundan başqa, geridə qoyduğumuz mövsümdə iki tamaşa hazırlamışıq. Dövlət sifarişi ilə bolqar rejissor Xristo Stoyçevin quruluşunda U.Şekspirin "III Riçard" əsəri səhnələşdirildi. Yeri gəlmişkən, yeni mövsümü məhz bu tamaşa ilə açacağıq. Eyni zamanda, sözügedən tamaşa növbəti il Londonda aprel-may aylarında keçiriləcək beynəlxalq festivala dəvət alıb. Bununla yanaşı, Tehranda keçiriləcək Beynəlxalq "Fəcr" festivalına da dəvət almışıq”.

Azərbaycan Dövlət Yuğ Teatrının direktoru İslam Həsənov, arxiv şəkli
© Sputnik / Almuradlı Kamal
Azərbaycan Dövlət Yuğ Teatrının direktoru İslam Həsənov, arxiv şəkli

Teatrın direktoru deyib ki, bu il onları böyük və məsuliyyətli işlər gözləyir. Belə ki, teatrın 30 illik yubileyi və teatrın yaradıcısı olan mərhum rejissor Vaqif İbrahimoğlunun 70 illiyinin keçirilməsi nəzərdə tutulur: “Artıq tarix də bəlli olub. Cari ilin dekabrın 3-də bu mötəbər tədbiri respublika səviyyəsində qeyd etməyi planlaşdırmışıq. Bu mövsümdə iki yeni tamaşa təqdim olunacaq. Artıq onların hazırlığına start verilib. Həmçinin İlqar Fəhminin əsəri əsasında Nəsimiyə həsr olunmuş maraqlı tamaşa hazırlayacağıq. Tamaşada dəvət olunmuş aktyorlar rol alacaqlar. Səhnə əsərinin quruluşçu rejissoru Mehriban Ələkbərzadədir. Tamaşa oktyabrın sonuna qədər təhvil veriləcək. Hər ay repertuarda olan tamaşalarımız oynanılacaq. Teatrsevərlər hər həftənin sonu "Yuğ" teatrına gəlib bizi izləyə bilərlər”.

"Bildiyiniz kimi, bizim teatr hələlik Abdulla Şaiq adına Kukla teatrında məskunlaşıb. Çox sevindiricidir ki, 2022-ci ildə teatrımıza yeni bina veriləcəyi ilə bağlı nazirlikdən bizə məlumat verildi. Təbii ki, 30 illik yubiley ərəfəsində teatrımız üçün bu böyük hədiyyədir. Buna görə ölkə Prezidentinə və Mədəniyyət nazirinə öz təşəkkürümü bildirirəm" - deyə bina məsələsinə aydınlıq gətirən İslam Həsənov qeyd edib.

94
Şeron Stoun

Modellik edən yaşlı aktrisa hər kəsi mat qoydu

23
(Yenilənib 23:04 30.11.2020)
"Instagram" hesabında möhtəşəm vücudunu nümayiş etdirən model bu barədə özü də qeyd edib: "62 yaşımda model kimi fəaliyyət göstərdiyim üçün həm təəcüblənirəm, həm də minnətdaram"

BAKI, 30 noyabr — Sputnik. 62 yaşlı Hollivud ulduzu Şeron Stoun hələ də model kimi fəaliyyət göstərir.

"Instagram" hesabında möhtəşəm vücudunu nümayiş etdirən model bu barədə özü də qeyd edib:

"62 yaşımda model kimi fəaliyyət göstərdiyim üçün həm təəcüblənirəm, həm də minnətdaram".

View this post on Instagram

A post shared by Sharon Stone (@sharonstone)

Məlumat üçün bildirək ki, soyunmağı xüsusilə sevən xanım uşaqlıqdan qeyri-adi olub. O, 5 yaşında artıq 2-ci sinifdə, 15 yaşında isə universitetdə təhsil alırdı. Elə o yaşlarından Şeron modellik təklifi alır. Bu sahədə o qədər uğur əldə etməyən Şeron aktrisa olmaq arzusu ilə ABŞ-a qayıdır və istəyinə nail olur. Bu minvalla Şeron bir çox məşhur aktyorlarla birgə saysız-hesabsız filmlərə çəkilir. "Qanundan yüksəkdə", "Motor" ləqəbli Cekson", "Qarışqa Zed" və s. filmlərdə rol alıb.

23
Pianino

"Notların möcüzəsi" adlı onlayn müsabiqə keçirilir

9
(Yenilənib 22:25 30.11.2020)
Müsabiqədə iştirak etmək istəyən şagirdlər Azərbaycan bəstəkarlarının klassik əsərlərinin bir parçasını ifa edərək müsabiqəyə qatıla bilərlər

BAKI, 30 noyabr — Sputnik. Regionlarda fəaliyyət göstərən uşaq incəsənət məktəbləri və musiqi məktəblərinin şagirdləri arasında "Notların möcüzəsi" adlı onlayn müsabiqə keçirilir.

Sputnik Azərbaycan xəbər verir ki, Uşaq və Yeniyetmələrə Dəstək İctimai Birliyi tərəfindən keçirilən müsabiqə Azərbaycan bəstəkarlarının və onların klassik əsərlərinin sosial şəbəkələrdə təbliğ edilməsinə, klassik əsərlərin uşaq və yeniyetmələr tərəfindən ifa edilərək mənimsənilməsinə, musiqi məktəblərinin fəaliyyətinin populyarlaşdırılmasına, o cümlədən musiqi təhsilinin təbliğ və valideynlər arasında təşviq edilməsinə, musiqi təhsili üzrə istedadlı və bacarıqlı uşaq və yeniyetmələrin üzə çıxarılmasına xidmət edir.

Müsabiqədə iştirak etmək istəyən şagirdlər Azərbaycan bəstəkarlarının klassik əsərlərinin bir parçasını ifa edərək müsabiqəyə qatıla bilərlər. İfalar dekabrın 8-dək videogörüntü şəklində təqdim edilməlidir. İştirakçı olmaq istəyən namizədlər müsabiqə şərtləri və qaydaları haqqında ətraflı məlumatı müsabiqənin sosial şəbəkədəki "Facebook" hesabından əldə edə bilərlər.

Qeyd edək ki, müsabiqə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Mədəniyyət Nazirliyi ilə birgə elan etdiyi qrant müsabiqəsinin qalibi olan "Notların möcüzəsi" estetik zövqün formalaşdırılması layihəsi çərçivəsində təşkil olunur. Layihənin məqsədi regionlarda musiqi mədəniyyətinin inkişafına töhfə verməkdən ibarətdir.

9
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

81
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

81
Teqlər:
Azərbaycan ordusu, Azərbaycan, Qarabağ, Laçın