Vaxtanqov teatrının aparıcı aktrisası Olqa Lerman, arxiv şəkli

Təsadüf bakılı qıza Moskva teatrının aparıcı aktrisası olmaqda necə kömək edib

1438
(Yenilənib 19:14 05.09.2019)
Vaxtanqov teatrının aparıcı aktrisası Olqa Lerman vətəninə qastrola gəlib və özünün Moskvadakı uğurlu karyerasından danışıb.

BAKI, 5 sentyabr — Sputnik. Xoşbəxt təsadüf məşhur bakılı, Rus Dram Teatrında işləyən ailə cütlüyünün - quruluşçu rejissor Viktoriya Lerman və Azərbaycanın əməkdar artisti Fuad Osmanovun qızı Olga Lermanın Yevgeni Vaxtanqov adına Moskva Dövlət Akademik Teatrının aparıcı aktrisalarından biri olmasına kömək edib.

Gənc aktrisa Lerman Sputnik Azərbaycan-a müsahibəsində etiraf edib ki, o, teatr xadimlərinin ailəsində böyüyüb və səhnədə ilk addımlarını erkən yaşlarında atıb. O, aktyorluq sənətində ilk addımlarını da elə Azərbaycan Dövlət Akademik Rus Dram Teatrında və Heydər Əliyev Sarayında atıb. 16 yaşı olanda Bakı xoreoqrafiya məktəbindən Krasnodar xoreoqrafiya məktəbinə getməli olub. O vaxtdan Lerman Rusiyada yaşayır.

Посмотреть эту публикацию в Instagram

@dmitrybulin @alla_grim Большое , человеческое спасибо ❤️

Публикация от L.rm.n (@l.rm.n)

"Rusiyaya yeni gələndə ilk vaxtlar mənə çox çətin idi. Bakıda adamlar çox yumşaq xasiyyətli idi və ona görə də mənə əvvəlcə ruslarla münasibət qurmaq çox çətin gəlirdi. Sonra tədricən mühitə adaptasiya elədim. Yeni ölkə, yeni adamlar, yeni mentallıq həmişə yeni təcrübədir. Bütün bunlarla sən özün üçün maraqlı şeylər kəşf eləməyə başlayırsan" , - deyə Lerman etiraf edib.

O, çox şeyi atası Fuad Osmanovdan öyrənib. Aktrisanın dediyinə görə, indiyə qədər də rollarını atası kimi yenidən yazır, çünki uşaqlıqda həmişə ailəlikcən ona bu işdə kömək edirdilər.

Boris Şukin adına Teatr məktəbinin üçüncü kursunda təhsil alarkən, o, Moskva Akademik Satira Teatrından dəvət alır. Tam təsadüfən Rusiyanın əməkdar artisti Qalina Lvovna Konovalova baş rollardan birini Lermanın oynadığı tamaşada iştirak edir. Gənc həmkarının oyunu Konovalovanın o qədər xoşuna gəlir ki, qıza zəng edərək onu Vaxtanqov teatrının bədii rəhbəri ilə tanış edir. Lerman üçün bu teatrdan iş təklifi almaq və orada işləmək tamamilə gözlənilməz olur.

"Hər şeyin səbəbi təsadüflərdir. Mən ümumiyyətlə hesab edirəm ki, həyat təsadüflərdən ibarətdir, hətta bizim dünyaya gəlişimiz də təsadüfdür. Mən buna tamamilə əminəm. Bu, insanın enerjisi ilə də əlaqədardır. İnsan öz enerjisini toplayaraq bir işin arxasınca gedəndə, onun bu işi alınır. Mənə elə gəlir ki, uğurun hər hansı formulu yoxdur, hərənin öz yolu var", - Lerman deyib.

Посмотреть эту публикацию в Instagram

#гастроли#театрвахтангова#evgenyonegin#monmaître By @alinafrolina

Публикация от L.rm.n (@l.rm.n)

Vaxtanqov səhnəsində onun bir anda yerli və xarici ədəbiyyatın ən yaxşı qadın obrazlarını özündə cəmləşdirmək şansı olub. Baş rolu almaq, aktrisanın fikrincə, çətin deyil, lakin bir obrazı yaratmaq və onu illərlə oynamaq işin ən çətin tərəfidir.

"Mən baş rolları alan və öhdəsindən gəlməyən milyonlarla insanı göstərə bilərəm. Məndə də belə olub. Ən yaxşı rollarını 90 yaşında oynamağa başlayan aktrisalar tanıyıram. Kimsə 15 yaşında oynadığı rolla növbəti on il ərzində məşhur olur, lakin sonra insanlar onu unudurlar, çünki başqa heç nə etmir" - deyə Lerman bildirib.

Посмотреть эту публикацию в Instagram

#театрвахтангова #сезонзакрыт Увидимся в новом сезоне @vakhtangov_theatre Thanks . See you in new theatrical season🎶🎭

Публикация от L.rm.n (@l.rm.n)

İndi o, nəinki teatr səhnəsində oynayır, həm də bir çox rus filmlərində rola çəkilir. Lermanın sözlərinə görə, ona çoxlu təkliflər gəlir. Səhnədə də, çəkiliş meydançasında da rollarını oynamaq aktrisanın xoşuna gəlir, çünki kino onun teatr karyerasının maraqlı davamıdır. Lerman ən çox o obrazları yaratmağı sevir ki, tamaşaçılar teatrdan çıxandan sonra onu tanımasınlar.

Aktrisa böyük səhnəyə çıxmaq arzusunda olan gənc həmkarlarına xəyal qurmağı davam etdirməyi və arzularının arxasınca getməyi, habelə öz üzərilərində çox çalışmağı tövsiyə edir.

Olqa Lerman Bakıya Yarat Müasir İncəsənət Məkanının təşkil etdiyi 3-cü M.A.P. Beynəlxalq Teatr Festivalı çərçivəsində gəlib. Onun iştirakı ilə Azərbaycan Dövlət Akademik Musiqili Teatrında "Yevgeni Onegin" tamaşası səhnəyə qoyulub.

1438
Şeron Stoun

Modellik edən yaşlı aktrisa hər kəsi mat qoydu

23
(Yenilənib 23:04 30.11.2020)
"Instagram" hesabında möhtəşəm vücudunu nümayiş etdirən model bu barədə özü də qeyd edib: "62 yaşımda model kimi fəaliyyət göstərdiyim üçün həm təəcüblənirəm, həm də minnətdaram"

BAKI, 30 noyabr — Sputnik. 62 yaşlı Hollivud ulduzu Şeron Stoun hələ də model kimi fəaliyyət göstərir.

"Instagram" hesabında möhtəşəm vücudunu nümayiş etdirən model bu barədə özü də qeyd edib:

"62 yaşımda model kimi fəaliyyət göstərdiyim üçün həm təəcüblənirəm, həm də minnətdaram".

View this post on Instagram

A post shared by Sharon Stone (@sharonstone)

Məlumat üçün bildirək ki, soyunmağı xüsusilə sevən xanım uşaqlıqdan qeyri-adi olub. O, 5 yaşında artıq 2-ci sinifdə, 15 yaşında isə universitetdə təhsil alırdı. Elə o yaşlarından Şeron modellik təklifi alır. Bu sahədə o qədər uğur əldə etməyən Şeron aktrisa olmaq arzusu ilə ABŞ-a qayıdır və istəyinə nail olur. Bu minvalla Şeron bir çox məşhur aktyorlarla birgə saysız-hesabsız filmlərə çəkilir. "Qanundan yüksəkdə", "Motor" ləqəbli Cekson", "Qarışqa Zed" və s. filmlərdə rol alıb.

23
Pianino

"Notların möcüzəsi" adlı onlayn müsabiqə keçirilir

9
(Yenilənib 22:25 30.11.2020)
Müsabiqədə iştirak etmək istəyən şagirdlər Azərbaycan bəstəkarlarının klassik əsərlərinin bir parçasını ifa edərək müsabiqəyə qatıla bilərlər

BAKI, 30 noyabr — Sputnik. Regionlarda fəaliyyət göstərən uşaq incəsənət məktəbləri və musiqi məktəblərinin şagirdləri arasında "Notların möcüzəsi" adlı onlayn müsabiqə keçirilir.

Sputnik Azərbaycan xəbər verir ki, Uşaq və Yeniyetmələrə Dəstək İctimai Birliyi tərəfindən keçirilən müsabiqə Azərbaycan bəstəkarlarının və onların klassik əsərlərinin sosial şəbəkələrdə təbliğ edilməsinə, klassik əsərlərin uşaq və yeniyetmələr tərəfindən ifa edilərək mənimsənilməsinə, musiqi məktəblərinin fəaliyyətinin populyarlaşdırılmasına, o cümlədən musiqi təhsilinin təbliğ və valideynlər arasında təşviq edilməsinə, musiqi təhsili üzrə istedadlı və bacarıqlı uşaq və yeniyetmələrin üzə çıxarılmasına xidmət edir.

Müsabiqədə iştirak etmək istəyən şagirdlər Azərbaycan bəstəkarlarının klassik əsərlərinin bir parçasını ifa edərək müsabiqəyə qatıla bilərlər. İfalar dekabrın 8-dək videogörüntü şəklində təqdim edilməlidir. İştirakçı olmaq istəyən namizədlər müsabiqə şərtləri və qaydaları haqqında ətraflı məlumatı müsabiqənin sosial şəbəkədəki "Facebook" hesabından əldə edə bilərlər.

Qeyd edək ki, müsabiqə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Mədəniyyət Nazirliyi ilə birgə elan etdiyi qrant müsabiqəsinin qalibi olan "Notların möcüzəsi" estetik zövqün formalaşdırılması layihəsi çərçivəsində təşkil olunur. Layihənin məqsədi regionlarda musiqi mədəniyyətinin inkişafına töhfə verməkdən ibarətdir.

9
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

77
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

77
Teqlər:
Azərbaycan ordusu, Azərbaycan, Qarabağ, Laçın