Rusiyanın Xalq artisti Aleksey Quskov, arxiv şəkli

Aleksey Quskov: "Bakıda adamlar uğur arzulayır, sonra şəkil çəkdirməyi xahiş edirlər"

418
(Yenilənib 15:16 05.09.2019)
Rusiyanın Xalq artisti Beynəlxalq Teatr Festivalı çərçivəsində ilk dəfə Bakıya gəlib və şəhərimizin sakinlərinin nəzakətli davranışlarına heyran qalıb

BAKI, 5 sentyabr — Sputnik. Rusiyanın Xalq artisti Aleksey Quskovu Bakıda hər şeydən çox sakinlərin nəzakəti təəccübləndirib. Bakıya ilk dəfə səfər edən aktyor Sputnik Azərbaycan-a müsahibəsində deyib ki, bu şəhəri görmək şərəfinə nail olduğu üçün çox məmnundur.

"Mən SSRİ-də doğulmuşam və buna görə də Bakı mənim üçün beynəlmiləl yerdir. Mən buranın tarixini yaxşı bilirəm. Məhz Bakı neftinin sayəsində biz Böyük Vətən Müharibəsində qalib gəlmişik. Bakıda çoxlu istedadlı insanlar var. Əvvəllər sizin çox möhtəşəm KVN (ŞHK) komandanız var idi. Mənim bu şəhərdən olan çoxlu dostlarım var. Mənə xoşdur ki, burada mədəniyyət əvvəllər olduğu kimi qalıb. Adam səni küçədə saxlayır, əvvəlcə uğurlar arzulayır və sonra onunla şəkil çəkdirməyi xahiş edir", - deyə Quskov əlavə edib.

Aktyor Bakıya Yarat Müasir İncəsənət Məkanının təşkil etdiyi 3-cü M.A.P. Beynəlxalq Teatr Festivalı çərçivəsində gəlib. Onun iştirakı ilə Azərbaycan Dövlət Akademik Musiqili Teatrında "Yevgeni Onegin" tamaşası təqdim edilib.

Aleksey Quskov 1983-cü ildə Aleksandr Puşkin adına Moskva Dram Teatrının səhnəsində Viktor Merejkonun pyesi əsasında səhnəyə qoyulmuş "Mən qadınam" tamaşası ilə debüt edib. 1986-cı ildən 1988-ci ilə qədər Malaya Bronnaya Teatrında işləyib. 1988-1991-ci illərdə "Detektiv" eksperimental teatrında, 1991-1994-cü illərdə Nikolay Qoqol adına teatrda çalışıb. 1994-cü ildə Moskva Dram Teatrına qayıdıb. 2003-2006-cı illərdə A.P.Çexov adına Moskva bədii teatrında işləyib.

2013-ü ilin sentyabrında Quskov Yevgeni Vaxtanqov adına teatr truppasına qəbul edilib. Quskov "Zibilçi", "Canavarlardan kənarda", "Ragin", "Maral ovu", "Ata", "İşığı söndürən", "Konsert", "Gizlən!", "Tulalı Tokarev", "Mayda dörd gün", "Koma", "Diversant 2: Müharibənin sonu", "Ağ Qvardiya" və sair filmlərdə çəkilib.

418
Teqlər:
Bakı, Rusiya, teatr, aktyor
Ceyla Seyidova, arxiv şəkli

"Sarı gəlin"dən xəbər var

112
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

112
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Kinorejissor Elxan Cəfərov

Vətənpərvərlik mövzusunda seriallarımız niyə yoxdu kinorejissorun şərhi

22
(Yenilənib 08:19 19.10.2020)
Kinorejissor Elxan Cəfərov deyir ki, serialların bədii dəyərini saxlaması üçün onun maliyyə imkanları geniş olmaldır
Elxan Cəfərov: “Maddiyatın yüksəlməsi serialın da yüksəlməsinə imkan yaradır”

Azərbaycan televiziyalarında nümayiş etdirilən serialların əksəriyyəti məişət mövzuları əsasında çəkilir. Bəs ölkəmizdə vətənpərvərlik mövzusunda serialların çəkilməsinə nə mane olur?

Bununla bağlı Sputnik Azərbaycan-a danışan kinorejissor Elxan Cəfərov deyir ki, seriallar üçün qeyri-dövlət maliyyə mənbələri tapılmadıqca onlar yüksək səviyyəyə gəlib çatmayacaq:

“Seriallar hazırda inkişaf dövrünü yaşayır. Serialların bədii dəyərini saxlaması üçün onun maliyyə imkanları geniş olmaldır. Bu gün vətənpərlik mövzusunda da işlər görülür. Maddiyatın yüksəlməsi serialın da yüksəlməsinə imkan yaradır. Hazırda serialların özünü  təsdiqetmə dövrüdür. Bu mərhələ başa çatdıqdan sonra bu və ya digər mövzuları tələb etmək olar”.

Elxan Cəfərovun geniş şərhinə audiofaylda qulaq asa bilərsiniz

22
Azərbaycan Respublikası Müdafiə Nazirliyinin binası

MN: Qubadlı-Zəngilan istiqamətində döyüşlər davam edir

64
(Yenilənib 08:04 20.10.2020)
Fizuli rayonu istiqamətində əks-hücuma keçən düşmən bölmələrindən birinin 30 nəfər şəxsi heyəti Azərbaycan Ordusunun atəşi nəticəsində darmadağın edilib.

BAKI, 20 oktyabr - Sputnik. Oktyabrın 19-u gün ərzində və 20-ə keçən gecə cəbhənin Ağdərə-Ağdam, Füzuli-Hadrut-Cəbrayıl və Qubadlı-Zəngilan istiqamətlərində müqavimət göstərməyə cəhd edən düşmənə qarşı döyüş əməliyyatları müxtəlif intensivliklə davam edib. Düşmən müdafiə mövqelərimizi atıcı silahlar, minaatanlar və toplardan atəşə tutub. Bu barədə Sputnik Azərbaycan Müdafiə Nazirliyinə istinadən məlumat verir.

Azərbaycan Ordusu tərəfindən həyata keçirilən fəaliyyətlər nəticəsində cəbhənin müxtəlif istiqamətlərində düşmənin canlı qüvvəsi, 2 ədəd T-72 tankı, 4 ədəd BM-21 “Qrad” YARS, 1 ədəd D-30 haubitsa topu və 5 ədəd avtomobil texnikası məhv edilib və sıradan çıxarılıb.

Qoşunlarımız bütün cəbhə boyu əməliyyat şəraitinə nəzarət edir.

Eyni zamanda məlum olub ki, Azərbaycan Ordusunun endirdiyi artilleriya zərbələri nəticəsində Ermənistan silahlı qüvvələrinin 1-ci motoatıcı alayının müdafiə sahəsində düşmən bölmələrinin şəxsi heyəti arasında çoxlu sayda ölən və yaralanan olub. Alayın 1-ci motoatıcı taborunun şəxsi heyəti və döyüş texnikası tamamilə sıradan çıxarılıb. Alay komandirinin müavini Hovik Melkumyan, digər vəzifəli şəxs Qor Mirzoyan, həmçinin alayın müdafiə zolağında mövqe tutan xüsusi təyinatlı bölmənin komandiri kapitan Vahab Asetryan da zərərsizləşdirilib.

Azərbaycan Ordusunun həyata keçirdiyi tədbirlər nəticəsində 2-ci motoatıcı alayın müdafiə sahəsində düşmənin bir bölməsi döyüş mövqelərini tərk edərək geri çəkilib.

5-ci motoatıcı alayın müdafiə sahəsində düşmən bölmələrinin şəxsi heyəti arasında çoxlu sayda ölən və yaralanan var. Yaralılar arasında bölük komandiri Norik Ağakelyanın da olduğu bildirilir.

Prezident İlham Əliyev, arxiv şəkli
© Official website of President of Azerbaijan Republic

18-ci motoatıcı diviziyasının müdafiə zolağında yerləşdirilən muzdlulardan ibarət “Legion” dəstəsi və ehtiyatdan çağırılmış hərbi vəzifəlilər döyüşlərdə iştirak etməkdən imtina edib. Məlum olub ki, ağır itkilərə məruz qalan bu dəstələr onlara tapşırılmış müdafiə sahələrində tab gətirməyərək kütləvi şəkildə fərarilik edir.

Bundan əlavə, 10-cu dağatıcı diviziyanın müdafiə zolağına gətirilmiş kəşfiyyat bölüyü də canlı qüvvə baxımından itkilərə məruz qalıb. Şəxsi heyətin üçdə ikisini itirən bölmə mövqeləri ataraq geri çəkilməyə məcbur edilib.

Fizuli rayonu istiqamətində əks-hücuma keçən düşmən bölmələrindən birinin 30 nəfər şəxsi heyəti Azərbaycan Ordusunun atəşi nəticəsində darmadağın edilib.

246-ci alayın müdafiə sahəsində alay komandiri polkovnik Tatul Ğazaryan, alay komandirinin müavini Armen Ohanyan və 3-cü taborun komandiri də xüsusi tədbirlər nəticəsində zərərsizləşdirlib.

64
Teqlər:
Müdafiə Nazirliyi, Zəngilan, Qubadlı, erməni təxribatı
Mövzu:
Azərbaycan və Ermənistan arasında müharibə