Araz FM-in aparıcısı Aygün Akif

Aygün Akif: "Pultun üstündəki düymələri az qalırdı ki, çıxardım yeyim"

2990
(Yenilənib 18:13 28.08.2019)
"Ağa deyir sür dərəyə, biz də sürürük. Bu, mənim şəxsi radiom deyil. Ona görə də nə deyilir, onu da edirik"

Kamal Almuradlı, Sputnik Azərbaycan

BAKI, 28 avqust — Sputnik. Tanınmış radio aparıcısı Aygün Akif Sumqayıt şəhərində doğulub. İqtisad Universitetinin məzunudur. 14 ildir ki, radioda fəaliyyət göstərir. İlk iş yeri nə qədər qəribə səslənsə də, 2 saylı Vergilər Departamentində olub. Daha sonralar "Dünya" TV-nin aparıcısı olub, radioya maraq yarananda isə həmkarı Rəhman Rəsulun köməkliyi ilə "Antenn 101 FM"-də fəaliyyətə başlayıb. Son 6 ildir, "Araz" FM-in səhər aparıcısıdır.

- Televiziyada və "Antenn 101 FM"də xəbər aparıcısı olsanız da, indi fərqli profildəsiniz.

- Xəbəri çox sevirdim. Hələ uşaq vaxtlarımdan qəzetləri, jurnalları aparıcı kimi oxuyurdum. Səlis nitqim olduğuna görə məktəbdə də tədbirlərdə məni önə çəkirdilər. Əlaqəm olmasa da, xəbər aparıcılarımıza arada müdaxilə edirəm. İndi bir çoxları vurğulaya bilərlər ki, ən yaxşı radio və ən yaxşı səhər efirində çalışıram.

- Xəbərdən şou verilişlərə keçmisiniz. Bu cür dəyişkənlik sizdə necə alınır?

Araz FM-in aparıcısı Aygün Akif
© Sputnik / Murad Orujov
Araz FM-in aparıcısı Aygün Akif

- Məndə bu proses çox rahat olur. Hətta bizim efiri dinləyənlər bilirlər ki, biz müxtəlif ləhcələrdə danışırıq. Çox yaxşı da alınır.

- Sözün hər bir mənasında radionun görünməyən tərəfləri çoxdur.

- Əslində, bu işin elə marağı da bundadır. Dünya praktikasında da belədir. İnsanlara çox maraqlı gəlməlidir ki, bu insanın görünüşü necədir. Çox heyf ki, indi belə deyil. Sosial şəbəkələr bütün bu stereotipləri qırıb. Artıq hər kəs bizi tanıyır. Mən bunu dəstəkləmirəm. Əgər görünmək istəyirsənsə, bunun üçün televiziya var. Bununla yanaşı, bizim görünməyən aparıcılarımız var. Məsələn, 101 FM-də Yaqutu dinləyicilər görməyiblər.

- Sizcə, müasir dövrümüzdə bizim radiolarda nə çatmır?

- Çox şey. Dünya praktikasına baxanda biz çox səhv verilişlər aparırıq. Radioda o qədər xırdalıqlar var. Səhvlər cinqllarda, aparıcıların danışığında, mahnılarda, düzülüş qaydasındadır. Radio yarananda onun formatı öncədən hazır olmalıdır. Bəzən görürsən ki, xarici mahnılar verilir, sonra çevirirlər Azərbaycan mahnılarına. Ellə bir gedirik. Ağa deyir sür dərəyə, biz də sürürük. Bu, mənim şəxsi radiom deyil. Ona görə də nə deyilir, onu da edirik.

- Səhər efirindən sonra radiolarımızda sanki durğunluq yaranır.

- Çünki səhər efiri qızğın vaxtdır. Hamı maşında olur. Dinləyici kütləsi pik həddə çatır. Bir də axşam bu halla rastlaşırıq. Məhz buna görə də reklam verən tərəflər "prime-time" seçirlər.

- Amma mən çox yaxşı xatırlayıram, 10-15 il öncə gecə efirləri daha çox dinlənilirdi.

Araz FM-in aparıcısı Aygün Akif
© Sputnik / Murad Orujov
Araz FM-in aparıcısı Aygün Akif

- O vaxtlar gecə radioya qulaq asmaq dəb idi. Ola bilər, bunun səbəbi sosial şəbəkələrə olan maraqdır. İnsanlar indi gecələr "Instagram"da olurlar. Hətta radioda gedən xəbərləri də biz internetdən alırıq. Bir sözlə, internet bizdən bir baş üstündür.

- İstirahətdən yenicə dönmüsünüz. Bu dəfə, deyəsən, ölkə xaricini seçmişdiniz.

- İlk dəfə idi ki, iki gün yol gedirdim. Bu dəfə göylə yox, yerlə getməyə üstünlük verdim. Yerlə getmək göylə getməkdən daha yaxşıdır. Göylə gedəndə bilirəm ki, nə vaxtsa düşəcəyəm yerə. Türkiyənin Rize şəhərində oldum. Çox gözəl idi. Ölmədən öncə oranı mütləq görmək lazımdır. Möhtəşəm bir yerdir.

- Sizin radiodan əlavə serial həyatınız da var.

- Heç vaxt, heç vaxt demə. Mən həmişə öz-özümə deyirdim ki, bəlkə, bir filmə çəkilərəm, amma seriala - əsla! Həyat elə bir bucağa saldı məni, səmimi deyim, pula ehtiyacımız oldu. Bu təklif gələndə etiraz etdim. Amma bizim "Xalxın evi" serialının rejissoru Ramil Hacıyevi çox sevirəm. Çox tərbiyəli bir şəxsdir. Onu qıra bilmədim. Serial mənim həyatımda dönüş oldu, həmçinin maddi durumuma müsbət təsir etdi. Biz iki illik müqavilə bağlamışdıq. Reytinq olduğuna görə 3-cü il üçün də razılaşma əldə etdik.

- Bu il sizin üçün heç də yaxşı başlamadı. Eviniz qarət olundu.

Araz FM-in aparıcısı Aygün Akif
© Sputnik / Murad Orujov
Araz FM-in aparıcısı Aygün Akif

- Ümumiyyətlə, elə şeyi sınamıram. Bu, hər kəsin başına gələ bilərdi. Evdə də deyirəm ki, ilk evi oğurlanan biz olsaydıq, dizimizə döyərdik.

- Oğrular tapıldılarmı?

- Cinayət elə də qaldı. Oğurlanmış nəyimiz var idisə, geri qaytarılmadı. Düzdür, cinayətkarlar tutuldular. Amma mən o şəxslərin törətdiklərinə inanmıram. Çünki mənim verdiyim suallara düzgün cavab vermədilər.

- Aygün xanım, yeni layihələr varmı?

- Heç kim təsəvvür edə bilməz ki, mən radionu necə sevirəm. Məzuniyyətdən qayıdan kimi mikrofonumu öpürdüm, pultun üstündəki düymələri az qalırdı ki, çıxardım yeyim. Sentyabr ayı üçün yeni mövsümə hazırlaşırıq. Serial da öz yerində. Qulağıma bir səs dəyib. Ola bilsin, yeni bir filmə dəvət etsinlər.

- Şəxsi həyatda yenilik yoxdur?

- Hələ ki evdə qalmışam. Yiyə duran yoxdur.

2990
Teqlər:
müsahibə, serial, aparıcı, radio
Əlaqədar
Vidadi Həsənov: "Tbilisidə teatrların sayı Azərbaycan teatrlarının sayından xeyli çoxdur"
Rəfiqə Əziz: "Mənim alt paltarında meydana qaçmaq fikrim yoxdur"
Tanınmış klipmeyker: "Azərbaycan müğənniləri təfəkkür etibarı ilə kasaddırlar"
Gözü özgə "qazan"da qalan rejissor: "Afaq Bəşirqızını dəyişəcəm"
Sentyabrda nəyə baxaq? - Yeni teatr mövsümünə "ekskursiya"
Gəncədə vəziyyət

Məşhur türk müğənni konsertindən gələn gəliri gəncəlilərə bağışlayacaq

113
(Yenilənib 23:15 21.10.2020)
Ayhan Ulu (Pau) “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib

BAKI, 21 oktyabr — Sputnik. Ötən həftə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsinin qurbanları  dünyanın bir çox ölkələrində anılıb. Bundan başqa, Türkiyənin məşhur sənət adamları da buna səssiz qalmayıblar. Sputnik Azərbaycan xəbər verir ki, sözügedən ölkənin ulduzu Ayhan Ulu (Pau)  da “Twitter” hesabında Gəncəylə bağlı paylaşımları ilə diqqət çəkib. O, erməniləri müdafiə edən eks-model Tuğba Özayla da dava edib.

Bundan başqa, İzmirin məşhur ifaçılarından olan Pau bir neçə konsertinin gəlirini Gəncə qətliamından zərər görən şəxslərə bağışlayacağını bildirib: "Gələn həftə konsertlərimdən götürəcəyim gəliri Gəncə xalqına bağışlayacağam. Həmişə yanınızdayam. Azərbaycana hər zaman dəstək verəcəyəm".

Qeyd edək ki, Türkiyənin dünya şöhrətli müğənnisi, meqastar Tarkan da Gəncədə baş verən terrora səssiz qalmayıb. O,  “Instagram” hesabında ermənilərin Gəncəyə xain hücumunu pisləyən paylaşım edib.

“Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

113
Teqlər:
dəstək, konsert, müğənni, məşhurlar, Türkiyə, ölənlər və yaralılar, erməni təxribatı, raket zərbələri, Gəncə
Mövzu:
Azərbaycan və Ermənistan arasında müharibə
Əlaqədar
Erməni terrorunun qurbanları dünyanın dörd bir yanında anıldı
Qəlbimiz Azərbaycanla döyünür - Türkiyə müxalifətinin lideri
Gəncə istiqamətində Ermənistanın PUA-sı məhv edildi
Bir gecədə üç nəvəsini itirən Sənayət nənə: “Ləman bu il tələbə olacaqdı” – video
Türk ulduzları Gəncə terroruna səssiz qalmayıblar
Televizora baxan adam, arxiv şəkli

Məşhur serialdan Azərbaycana dəstək

101
(Yenilənib 19:16 21.10.2020)
"Canımız, qanımız, Azərbaycanımız, qardaşlarımız bir mübarizə içindədirlər. 30 illik zülmə bəsdir deyirlər"

BAKI, 21 oktyabr — Sputnik. Azərbaycanlıların da sevə-sevə izlədiyi Türkiyənin məşhur "Kalk Gidelim" serialında Azərbaycan haqda bəhs edilib.

Sputnik Azərbaycan xəbər verir ki, TRT-də yayımlanan ekran işində Azərbaycanın işğalçı Ermənistanla savaşından söz açılıb.

Serialın 125 bölümündə Seyfeddin Dal obrazını canlandıran aktyor Ufuk Özkan bu sözləri deyib:

"Cümhuriyyət rahat qurulmadı. Türk 1920-də də vətənini müdafiə etdi, indi də edir. Canımız, qanımız, Azərbaycanımız, qardaşlarımız bir mübarizə içindədirlər. 30 illik zülmə bəsdir deyirlər. Davalarında haqlıdırlar. Bunu bütün dünya belə bilsin".

Daha sonra isə ekran işində Xalq artisti Azərinin "Çırpınırdı Qara dəniz" mahnısı səsləndirilib.

101
Teqlər:
serial, dəstək, Azərbaycan, Türkiyә, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Məşhur türk sənətkarının ifasında "Qarabağ türküsü" səsləndirildi
Ərdoğan yenə Azərbaycana dəstək verdi: Bizə uzadılan hər bir əli kəsirik və kəsəcəyik!
Türk ulduzları Gəncə terroruna səssiz qalmayıblar
"Qərarlarınızı heçə sayan Ermənistanı mühakimə etməyəcəksinizsə, nəyi edəcəksiniz?!"
Nyu-Yorkdakı Azərbaycan Ordusuna dəstək aksiyasından görüntülər
Biotech LTD's peyvəndi

Peyvənd meymunlar: "rus yalanı" haqqında ingilis böhtanı

0
Böyük Britaniya mediası Rusiyanın insanlığa qarşı daha bir informasiya təxribatını üzə çıxarıb. Böyük Britaniya mediası Rusiyanın insanlığa qarşı daha bir informasiya təxribatını üzə çıxarıb.

BAKI, 22 oktyabr — Sputnik. Böyük Britaniya mediası Rusiyanın insanlığa qarşı daha bir informasiya təxribatını üzə çıxarıb. Bir neçə gündür ki, bu məsələ ingilis mediasının gündəmindən düşmür. Halbuki Böyük Britaniyanın müzakirə olunmalı problemləri bəs deyəcək qədərdir: ölkədə pandemiya ilə bağlı vəziyyət gərgindir, ayrı-ayrı regionlarda hökumətin yeni karantin rejimi qaydalarına etiraz edilir, Brexitlə bağlı Avropa Şurası ilə aparılan danışıqlar dalana dirənib və Şotlandiyanın Birləşmiş Krallığın tərkibindən çıxması məsələsinə dəstək artıb ki, bu da ölkənin parçalanması ilə nəticələnə bilər. İngilis qəzetləri isə bütün bunlardan yazmaq əvəzinə, "Dəli ruslar bəyan eləyirlər ki, peyvənd bizi şimpanzeyə çevirəcək" deyə haray-həşir salıblar.

Demək olar ki, bütün qəzetlərdə Böyük Britaniyanın Baş naziri Boris Consonun gülməli kollajları yer alıb. Altından da bu sözlər yazılıb: "Mən öz "yeni" peyvəndimi sevirəm".

Naməlum mənbəyə istinadən bütün KİV-lər bəyan ediblər ki, bu kollaj Rusiya dövlətinin və ya Rusiyanın rəsmi şəxslərinin sifarişi ilə hazırlanıb və yayılıb. Məqsəd də Böyük Britaniyada koronavirus əleyhinə hazırlanmış və hələ tətbiqinə başlanılmamış peyvəndi gözdən salmaq, onun insanı meymuna çevirdiyi haqda dezinformasiya yaymaqdır.

Bu iddiaların ilkin mənbəyi "The Times" qəzetidir. Qəzet bir neçə sensasiyalı materialı xüsusi araşdırmasının nəticəsi adı altında tirajlayıb. Guya həmin fotoları qəzetin redaksiyasına kampaniyaya (dezinformasiya kapmaniyası – red.) cəlb olunmuş şəxs səhiyyə sisteminə dəyə biləcək zərərin qarşısını almaq məqsədilə təqdim edib.

Yaxşı, bəs bu işin rus dövləti ilə nə əlaqəsi var? Bu suala "The Times" özünə xas şəkildə cavab verir: "Təbliğat cəhdinin birbaşa Kreml tərəfindən hazırlandığı dəqiq deyil, ancaq bu işin təşkilində və yayılmasında bəzi Rusiya rəsmilərinin iştirak etdiyinə dair dəlillər var". Bununla belə, qəzet həmin dəlilləri açıqlamaq yerinə sayta daxil olaraq bu mövzuda hazırlanmış 40 dəqiqəlik audio materiala qulaq asmağı təklif edir. Guya həmin materialda hər şey izah və sübut olunub.

Koronavirusа qarşı peyvənd, arxiv şəkli
© Handout / Russian Direct Investment Fund / AFP

Belə görünür ki, digər KİV-lər (istər ingilis, istərsə də amerikan qəzetləri) də məsələni araşdırmaq üçün özlərinə əziyyət verməyib və "The Times" qəzetinin Rusiyanın rəsmi şəxslərinin əli il hazırlandığı iddia olunan internet-materialları ilə bağlı "dəlil"lərinə etibar ediblər. Beləliklə, bütün qəzetlər "rus dezinformasiya kampaniyası" haqqında xəbəri az qala "Gerasimovun hərbi doktrinası" kimi yaymağa başlayıb. Müqayisə yersiz deyil, axı Qərb mediası yeri gəldi, gəlmədi, Rusiya Silahlı Qüvvələri Baş Qərargah rəisi Valeri Gerasimovun strategiyasından dəm vurmağı xoşlayır.

"The Times"ın sözügedən audio materialında isə əvvəldən axıra kimi yalnız vədlər səslənir:

"Biz sizə bu işin içində Rusiya dövlətinin olduğunu sübut edəcəyik!". Söhbət gəlib təşkilatçılara çatanda isə yalnız Rusiya İnvestisiya Fondunun baş direktoru Kirill Dmitriyevin soyadı hallanır. Qəzetin müxbirləri "kremlşünas"larla birlikdə Dmitriyevin şəxsiyyətini, onun rəhbərlik etdiyi fondu və hətta təşkil olunan kampaniyadan Valdimir Putinin xəbərdar olub-olmadığını müzakirə etməyə başlayırlar: "Əldə etdiyimiz dəlillərdə Kirill Dmitriyevdən bəhs edilmir. Onun dezinformasiya kampaniyasında iştirak etdiyi barədə heç bir işarə yoxdur".

Vəssalam! "The Times"ın oxuculara vəd etdiyi "dəlil" bundan ibarətdir. Əlbəttə, Rusiyada baş verən cinayət hadisələri ilə bağlı kitabların müəllifi, ekspert Mark Qaleottinin sözgüdən kampaniyanın arxasında Kremlin "hersoq və baronlarının" dayandığı barədə səsləndirdiyi cəfəng fikirləri nəzərə almasaq...

Koronavirusа qarşı peyvənd, arxiv şəkli
© Hartmut Boesener / IDT Biologika / Handout via Reuters

Daha sonra guya Rusiyanın hansısa dövlət televiziyasında üzərində ingilis peyvəndinin sınaqdan keçirildiyi iki nəfərin öldüyü barədə hazırlanmış saxta xəbərdən bəhs olunur. Yeri gəlmişkən, həqiqətən də bu həftə Brazilyada İngiltərənin "AstraZeneca" şirkətinin peyvəndini sınaqdan keçirən könüllülərdən biri dünyasını dəyişib. Ancaq bu barədə xəbəri beynəlxalq agentliklər yayıb və bunu "rus dezinformasiyası"na aid etmək çətindir.

Beləliklə, ortada Rusiya dövlətinin və ya rəsmi, qeyri-rəsmi şəxslərin Conson və COVID-lə bağlı gülməli internet-materiallarının hazırlanıb yayılmasında iştirakı ilə bağlı bir dənə də olsun fakt yoxdur. Bu şəkillər isə internetdə tüğyan edir. Həmin şəkillərin ilkin mənbəyinin üzə çıxarılması cəhdləri uzaqbaşı elə "The Times"ın sözügedən sayındakı xəbərlərə aparıb çıxara bilər. Çünki bu kollajlar ilk dəfə məhz həmin qəzetdə nəşr olunub və tirajlanıb. Hərçənd, ingilislər iddia edirlər ki, sözügedən kollajlar ilk dəfə üç iri internet resursunda – ikisi Böyük Britaniya və biri Brüsselə aid olmaqla – yayımlanıb. Belə çıxır ki, sözügedən kollajları yayan media orqanı elə "The Times" özü olub. Hətta kiminsə ingilis peyvəndini "meymun" adlandıraraq nüfuzdan salmaq istədiyini fərz etsək belə, həmin şəxsin ən effektiv metodu tapdığını etiraf etməliyik. O, sadəcə, həmin materialı "rus dezinformasiyasının sübutu" kimi bu məşhur ingilis qəzetinin redaksiyasına göndərib. Sonra da şəkillər internetdə yayılıb. Əgər bu belə olsa belə, hər bir halda "The Times" dezinformasiyanın (özü də rusların buraxmadığı dezinformasiyanın) yayılmasında alətə çevrilib.

Beləliklə, bu işdə Rusiyanın əlinin olması ilə bağlı ortada heç bir dəlil-sübut yoxdur. Bununla belə, London artıq rəsmi şəkildə məsələyə qəzəbli münasibət bildirib. Böyük Britaniyanın Xarici İşlər naziri Dominik Raab Moskvanı Oksford peyvəndini nüfuzdan salmaqda günahlandırıb. Deməli, sanskiyalar çox da uzaqda deyil.

Yaxşı, bəs bütün bunlar Rusiyanın nəyinə lazımdır? "The Times" bu sualın cavabında yazır: "Bütün peyvəndlərə qlobal etimadı" sarsıtmaq üçün. Halbuki bu qətiyyən məntiqə uyğun gəlmir. Çünki hazırda Rusiya bütün dünyada koronavirusa qarşı peyvəndə sahib olan yeganə ölkə kimi vaksinlərə etimadın sarılmasını istəməz. Ancaq indi Qərbdə heç kimi məntiq maraqlandırmır.

Daha bir məntiqi sual ortaya çıxır: bütün bunlar Böyük Britaniya mediasının nəyinə lazımdır? Bu sualın cavabı məqalənin əvvəlində verilib: ən azı iki gün ictimaiyyətin diqqətini ölkənin real problemlərindən yayındırmaq və insanların başını rusların hiyləgərliyi ilə bağlı məqalələrlə qarışdırmaq. "Meymun peyvəndi" ilə bağlı söz-söhbət səngiyəndən sonra isə ortaya başqa bir sensasiya atmaq olar. Məsələn, yaza bilərlər ki, elə həmin hiyləgər ruslar "Olimpiada-2020"-nin işini pozmağa cəhd göstərib və ingilis kəşfiyyat agentlikləri bu "sui-qəsd"in qarşısını alıb. Vəssalam! Ən azı iki gün qəzetlərin səs-küy salmağa mövzusu olacaq. Əsas odur, heç kim şahid, dəlil-sübut tələb etməsin. Buna nə ehtiyac var axı...

0