Sevgi romanı bədii filminin çəkilişləri

Oksana Rəsulova bu "Sevgi romanı"nın baş qəhrəmanıdır

494
(Yenilənib 20:13 15.08.2019)
Məşhur rəqqasə və aktrisa rəhbərlik etdiyi prodakşnın istehsalı olan filmdə baş rolu oynayıb

BAKI, 15 avqust — Sputnik. Məşhur rəqqasə Oksana Rəsulovanın baş rolu oynadığı "Sevgi romanı" bədii filminin çəkilişləri başa çatıb.

Rəsulova özü Sputnik Azərbaycan-a bildirib ki, o, filmin təkcə aktrisası deyil, həm də prodüseridir. Filmin çəkilişləri Bakı və Nabranda aparılıb.

"Əla komanda sayəsində film yüksək səviyyədə çəkilib. Biz hamımız yaxşı işləmişik. Şadam ki, hər şey uğurla başa çatdı. Filmdə kaskadyor Etibar İsayevin sayəsində quraşdırılmış döyüş səhnələrindən istifadə edilib. Bu, öz keçidləri, təlatümləri, aldatma və ehtirası ilə maraqlı olacaq həyəcanverici bir sevgi hekayəsidir. Filmin prezentasiyasını bu ilin noyabrında etmək niyyətindəyik" - deyə Rəsulova bildirib.

  • Sevgi romanı bədii filminin çəkilişləri
    "Sevgi romanı" bədii filminin çəkilişləri
    © Oksana Rəsulova tərfindən təqdim olunub
  • Sevgi romanı bədii filminin çəkilişləri
    "Sevgi romanı" bədii filminin çəkilişləri
    © Oksana Rəsulova tərfindən təqdim olunub
  • Sevgi romanı bədii filminin çəkilişləri
    "Sevgi romanı" bədii filminin çəkilişləri
    © Oksana Rəsulova tərfindən təqdim olunub
1 / 3
© Oksana Rəsulova tərfindən təqdim olunub
"Sevgi romanı" bədii filminin çəkilişləri

Filmdə həmçinin Şəhriyar Əbilov, Azər Aydəmir, Zümrüd Bədəlova, Kazım Abdullayev, Vahid Əliyev, Abdulqəni Əliyev və başqaları çəkilib.

Filmin quruluşçu rejissoru Vüsal Hacıqadir, ideya müəllifi və icraçı prodüseri İsmayıl Bağırov, senari müəllifi Azər Aydəmir, quruluşçu-operatoru Şahmar Səfəroğlu, qrim ustası Nura Babayeva, döyüş səhnələrinin quruluşçusu Etibar İsayev, kostyumların rəssamı Rüfət Balakişiyev, quruluşçu-rəssam Qoşqar Cəlaldır. "Sevgi romanı" bədii filmi "OksiMedia production"ın rəhbərliyi altında çəkilib.

Qeyd edək ki, rəqqasə kimi tanınan Oksana Rəsulova 2012-ci ildən indiyə qədər "3 bacı", "Zaman adlı qatar", "Şər qarışanda", "Mələyin öpüşü", "Bayram axşamı" kimi filmlərə çəkilib.

Azərbaycanlı rəqqasə, Hindistanın "India's Best Cine Stars Ki Khoj" istedad şousunun qalibi olub.

494
Yada sal məni filminin çəkilişi, arxiv şəkli

Azərbaycanlı rejissorun filmi məşhur festivalın ilk turunu uğurla keçib

13
(Yenilənib 15:35 22.09.2020)
Filmdə Akademik Milli Dram Teatrının aktyoru Elşən Rüstəmov və Azərbaycan Dövlət Pantomima Teatrının aktrisası Nuridə Musabəyli rol alıb.

Şahpəri Abbasova, Sputnik Azərbaycan

BAKI, 22 sentyabr — Sputnik. Rejissor Masər Həsənovun "Yada sal məni" filmi İngiltərənin Veksxem (Wexham) şəhərində keçirilən, 3 turdan ibarət olan "First-Time Filmmaker Sessions" film festivalının ilk turunu uğurla keçib. Bu barədə Sputnik Azərbaycan-a məlumat verən rejissor bildirir ki, növbəti tur oktyabrın ilk yarısında məlum olacaq:

"Bu film operator Qalib Bağırovla mənim diplom işimiz idi. Film Natiq Rəsulzadənin "Lal" əsərinin motivləri əsasında çəkilib. Həyat yoldaşını itirən baş qəhrəmanımız (Elşən Rüstəmov) özünə qapanıb. Həyatı monoton keçir. Hər şey gecə bir xanımın gəlişi ilə dəyişir".

Filmdə Akademik Milli Dram Teatrının aktyoru Elşən Rüstəmov və Azərbaycan Dövlət Pantomima Teatrının aktrisası Nuridə Musabəyli rol alıb.

13
Misirdə katakombalarada mumiyalar, arxiv şəkli

Misirdə yaşı 2500 il olan xəzinə tapılıb FOTO

10
(Yenilənib 00:10 22.09.2020)
Alimlərin bildirdiyinə görə, taxta sarkofaqlar basdırıldığı andan açılmayıb. Onların səthində zərif rəsmlər, həmçinin heroqlif yazıları yaxşı qalıb.

BAKI, 22 sentyabr — Sputnik. Misirin Turizm və Əntiq Əşyalar Nazirliyi bazar günü qədim Sakkara nekropolunda bir həftə əvvəl aşkar edilmiş 13 sarkofaqa əlavə olaraq daha 14-nün tapıldığını deyib.

Sputnik Azərbaycan nazirliyin "Facebook" səhifəsinə istinadən xəbər verir ki, artefaktların yaşının 2500 il olduğu bildirilir.

https://www.facebook.com/moantiquities/posts/3418995644812728

Sakkara nekropolu məşhur Giza piramidalarının 16 kilometr cənubunda yerləşir. Nekropol YUNESKO-nun Dünya İrs Siyahısına daxil edilmiş qədim Memfis şəhərinin bir hissəsidir. Yaxınlıqda Coserin nəhəng pilləli piramidası yerləşir.

Alimlərin bildirdiyinə görə, taxta sarkofaqlar basdırıldığı andan açılmayıb. Onların səthində zərif rəsmlər, həmçinin heroqlif yazıları yaxşı qalıb.

Nazirliyin səhifəsində bildirilir ki, işlər davam etdiriləcək və alimlər yaxın vaxtlarda yeni obyektlərin tapılacağına ümid edirlər.

Misir hökuməti hazırda koronavirus pandemiyasına görə məhdudiyyətlərdən əziyyət çəkmiş turizm sektorunu canlandırmaq üçün ölkə daxilində arxeoloji tapıntıları təşviq edir.

10
Əlaqədar
Misirdə qədim məmurun türbəsi tapılıb
Misirdə ehramın zirvəsinə çıxıb poz verən cütlüyü polis axtarır
Misirdə yeni tapılan dəfinə alimləri heyrətləndirdi - FOTO
Azərbaycan Respublikasının Dağlıq Qarabağ bölgəsinin azərbaycanlı icmasının rəhbəri Tural Gəncəliyev, arxiv şəkli

Terrorçular Tural Gəncəliyevi təhdid ediblər

0
""Nemesis" erməni daşnaklarının təşkil etdiyi və Fətəli Xan Xoyski, Beybud Xan Cavanşir kimi Azərbaycanın görkəmli ziyalılarının öldürüldüyü terror kampaniyasıdır.

 

BAKI, 22 sentyabr — Sputnik. Vətəndaşlar üçün müraciəti asanlaşdırmaq və anonim müraciət imkanları yaratmaq üçün istifadəyə verdiyimiz https://turalganjaliyev.com səhifəsi üzərindən erməni terrorçuları mənə təhdid göndəriblər.

Sputnik Azərbaycan xəbər verir ki, bunu Azərbaycan Respublikası Dağlıq Qarabağ Bölgəsinin azərbaycanlı icmasının rəhbəri Tural Gəncəliyev deyib.

""Nemesis" erməni daşnaklarının təşkil etdiyi və Fətəli Xan Xoyski, Beybud Xan Cavanşir kimi Azərbaycanın görkəmli ziyalılarının öldürüldüyü terror kampaniyasıdır. Yolumuz Qarabağadır və bizi heç bir qüvvə yolumuzdan çəkindirə bilməyəcək!", - deyə o bildirib.

0