AZAL-ın təyyarəsi, arxiv şəkli

Azərbaycanlı aktrisanın göydə çantasını yardılar

95
(Yenilənib 19:21 05.07.2019)
Polislər oğruların şəbəkə şəklində fəaliyyət göstərdikləri qənaətindədirlər

BAKI, 5 iyul — Sputnik. "Azərbaycan Hava Yolları" QSC-nin (AZAL) Bakı-İstanbul reysində oğurluq hadisəsi baş verib. Sputnik Azərbaycan "Report"a istinadən xəbər verir ki, Türkiyədə fəaliyyət göstərən aktrisa, Əməkdar İncəsənət Xadimi Məlahət Abbasovanın çantasından 1000 ABŞ dolları oğurlanıb.

Əlləri qandallanmış şəxs, arxiv şəkli
© Sputnik / Vitaliy Belousov

M.Abbasova açıqlamasında bildirib ki, təyyarəyə minməzdən əvvəl pul çantasında olub: "Mən Bakıda təyyarəyə mindim, sonra çantamı başımın üzərindəki dolaba qoydum. Uçuş müddətində yatmışam və heç nədən xəbərim olmayıb. İstanbulda təyyarədən endikdən sonra pulumun oğurlandığını bildim".

Aktrisa faktla bağlı İstanbul Hava Limanındakı təhlükəsizlik orqanlarının əməkdaşlarını məlumatlandırıb: "Onlar son bir ay ərzində AZAL-ın həyata keçirdiyi aviareyslərdə oğurluq hadisəsi ilə bağlı bir neçə müraciətin daxil olduğunu bildirdilər. Eyni zamanda, sonuncu dəfə on gün əvvəl bir xanımın çantasından xəstəxanaya ödəmək üçün gətirdiyi 18000 ABŞ dollarının oğurlandığını söylədilər. Həmin qadın hava limanını ağlayaraq tərk edib".

"Polislər təyyarələrin içində kameralar olmadığı üçün oğurluq hadisəsini törədənlərin tapılmasının qeyri-mümkün olduğunu deyərək, yalnız şübhələndiyim biri varsa, məsələnin hüquqi müstəvidə araşdırılması üçün kömək edə biləcəklərini vurğuladılar. Onlar oğruların şəbəkə şəklində fəaliyyət göstərdikləri qənaətindədir", - o qeyd edib.

"Azərbaycan Hava Yolları" QSC-nin (AZAL) mətbuat katibi Paşa Kəsəmənski "Report"un sorğusuna cavab olaraq bildirib ki, oğurluq hadisəsi ilə əlaqədar araşdırma aparılır: "Məsələ ilə bağlı həmin aviareysin baş bələdçisi dindirilməlidir. Bundan sonra hadisə ilə əlaqədar ətraflı məlumat veriləcək".

O, təyyarənin salonunda kameraların olmadığını da vurğulayıb.

95
Antalya, arxiv şəkli

Ulduzlarımız karantində Bakıdan Türkiyəyə qaçırlar

1683
(Yenilənib 15:54 09.07.2020)
Müğənnilər Tunar Rəhmanoğlu, Səbinə Selcan və prodüser Tarix Əliyev yay mövsümünün qonşu ölkədə keçirilməsi fürsətini fövtə vermədilər

BAKI, 9 iyul  - Sputnik, Kəmalə Əliyeva. Sən demə, Azərbaycanın Xalq artisti Miri Yusif karantin rejimində  Bakıdan qaçıb xüsusi reyslə Türkiyəyə istirahətə yollanaraq sosial şəbəkə istifadəçiləri tərəfindən sərt tənqidlərə məruz qalan tək məşhur deyilmiş.

Sputnik Azərbaycan-ın araşdırmasına görə, Miri Yusifin ardınca Bakı-İstanbul-Bakı xüsusi reysindən istifadə edərək, qonşu ölkəyə daha bir neçə azərbaycanlı ulduz uçub.

Azərbaycanda iyulun sonuna kimi sərt karantin rejimi hökm sürəcək. Bu müddətdə çimərliklər və istirahət zonaları qapalı olacaq. Yerli məşhurlar bu vəziyyəti fürsətə çevirərək yayın qalan hissəsini səmərəli keçirmək üçün Türkiyəyə qaçıblar.

Ulduzlar istirahət zamanı çəkilmiş şəkillərini həvəslə "Instagram"-da paylaşaraq sərt karantinin qaydalarına uymaq məcburiyyətində qalan imkansız təbəqənin həsəd və hiddətinə səbəb olurlar.

Belə ki, Türkiyədə məşhur olan müğənni Günelin ifaçı qardaşı Tunar Rəhmanoğlu öz doğum gününü ailəsi ilə birlikdə qardaş ölkədə qeyd etmək qərarına gəlib.

Onun ardınca məşhur qalmaqallı prodüser Tarix (Tolik) Əliyev Bakıdan köçüb. Dediyinə görə, yarım ilə yaxındır ki, koronavirusa görə heç yerə gedə bilməyib.

"Hava limanında həmişə sıxlıq olur, bu dəfə isə hər yer boş idi. Bütün bunlar koronavirusa görədir. Ümid edək ki, tezliklə hər şey dəyişəcək", - Əliyev qeyd edib.

Müğənni Səbinə Selcan da Türkiyəyə istirahətə yola düşüb. O, artıq evdə otura bilməyəcəyini etiraf edib, buna görə vəziyyəti dəyişdirməyə qərar verib.

View this post on Instagram

A post shared by SabinaSelcan (@sabinaselcan) on

"Əgər harasa uçmaq imkanı varsa, bundan istifadə etmək lazımdır. Allaha şükür ki, İstanbula uçuşlar açıldı. Oradan Türkiyənin digər şəhərlərinə də gedəcəyəm", - deyə müğənni bildirib.

İyun ayından başlayaraq qarşılıqlı razılıq əsasında "Azərbaycan Hava Yolları" və "Türkiyə Hava Yolları" şirkətləri həftədə dörd dəfə müntəzəm olaraq Bakı-İstanbul-Bakı xüsusi reyslərini təşkil edirlər.

Nazirlər Kabinetinin qərarı ilə 20 iyul saat 06:00-dək Bakı, Sumqayıt, Lənkəran, Mingəçevir, Yevlax, Cəlilabad, Gəncə, Masallı, Abşeron, Goranboy, Göygöl, Bərdə, Xaçmaz, Samux, Siyəzən və Şəki rayonlarında ciddi karantin rejimi fəaliyyət göstərəcək. Qeyd olunan şəhər və rayonlarda bütün iş, xidmət və ticarət sahələrində fəaliyyət, həmçinin ictimai nəqliyyat və avtomobillərin hərəkəti dayandırılıb. Göstərilən şəhər və rayonlarda fəaliyyətinin davam etdirilməsinə icazə verilən sahələrdə çalışan şəxslərin və nəqliyyatın hərəkətinə icaze.e-gov.az.portalında müvafiq icazə alındıqdan sonra yol verilir.

1683
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Azərbaycanlı müğənni ukraynalı opera müğənnisinə klip çəkib
Santa-Barbarada olmuşam! Tanınmış azərbaycanlı müğənnidən fərqli paylaşım
Məşhur bakılı: "Koronavirus mənə də çatıb" - VİDEO
Hamının kefi qalxacaq! Dilarə Kazımova yay hitini təqdim edib
Nadir səs tembrinə sahib olan azərbaycanlı müğənni imicini kökündən dəyişib
Müğənni Bəxtiyar Əliyev, arxiv şəkli

Müğənni Bəxtiyarın keçmiş həyat yoldaşı onun koronavirusa yoluxduğuna inanmır

1093
(Yenilənib 15:45 09.07.2020)
Azərbaycan əsilli məşhur rusiyalı müğənni Bahh Tee-nin keçmiş həyat yoldaşı Fərqanə Həsənova deyib ki, sabiq ərinin koronavirusa yoluxduğuna inanmır

 

BAKI, 9 iyul – Sputnik, Kəmalə Əliyeva. Azərbaycan əsilli məşhur rusiyalı müğənni Bahh Tee-nin (Bəxtiyar Əliyev) keçmiş həyat yoldaşı Fərqanə Həsənova sabiq ərinin koronavirusa yoluxduğuna inanmır. Bahh Tee isə bir həftəyə koronavirusdan sağaldığını iddia edib.

Sputnik Azərbaycan-ın məlumatına görə, bu günlərdə müğənni sosial şəbəkə hesabından izləyicilərinə COVID-19 virusuna yoluxduğunu və evdə müalicə aldığını bildirib.

Bahh Tee hazırda xəstəxanada olan atasını və dostunu da yoluxdurduğunu etiraf edib. O, həmçinin onunla ticarət mərkəzində və digər yerlərdə görüşən, selfilər çəkən pərəstişkarlarını, dostlarını da virusa yoluxduğu barədə xəbərdar edib.

Bir həftədən sonra Bahh Tee analiz verdiyini və nəticələrin neqativ çıxdığını, təhlükəli infeksiyadan tamamilə sağaldığını bəyan edib.

Bəxtiyar Əliyevin paylaşımının skrinşotu

Bahh Tee tez bir zamanda sağalmasını "Instagram" səhifəsinin izləyicilərinə sevinclə xəbər verib.

Bununla yanaşı, müğənninin keçmiş həyat yoldaşı sosial şəbəkə izləyicilərinə sabiq ərinin virusa yoluxduğuna inanmadığını bildirib.

"Suallarla üstümə hücum edirlər. Bu, mənim işim deyil. Mən bununla maraqlanmıram. Əgər doğrudursa, Allah qorusun. Mən ona yalnız cansağlığı arzu edə bilərəm. Amma mən onun yoluxduğuna inanmıram”, - deyə Həsənova bildirib.

Bəxtiyar Əliyev və Fərqanə Həsənova 2016-cı ildə evləniblər, 2019-cu ilin oktyabr ayında isə ayrılıblar. Boşanmanın səbəbi, Həsənovanın sözlərinə görə, populyar müğənninin ona xəyanət etməsi olub.

1093
Mövzu:
Dünyanı cənginə almış bəla
Əlaqədar
Hamının kefi qalxacaq! Dilarə Kazımova yay hitini təqdim edib
Azərbaycanlı müğənni ukraynalı opera müğənnisinə klip çəkib
Santa-Barbarada olmuşam! Tanınmış azərbaycanlı müğənnidən fərqli paylaşım
XİN-də həbs edilənlərdən biri məşhur müğənnimizin atası imiş - FOTO
Canet Cekson azərbaycanlı müğənniyə təşəkkür edib: Mahnımı gözəl oxuyursan
Azərbaycan-Rusiya sərhədi, arxiv şəkli

Gələn həftə üç ölkədən vətəndaşlarımız təxliyə olunacaqlar

0
(Yenilənib 19:00 10.07.2020)
"Vətəndaşların məsuliyyəti, dövlətlə birgə olması, göstərdikləri fəaliyyət nəticəsində mövcud vəziyyətin stabilləşməsinə nail olunub"

 

BAKI, 10 iyul — Sputnik. Rəqəmlərdə müəyyən stabilləşmə tendensiyası özünü göstərir, artıq yoluxanlarla sağalanlar arasında az fərq var. Lakin bu, bizi qane etmir və biz mübarizəni davam etdiririk.

Sputnik Azərbaycan xəbər verir ki, bunu Prezidentin köməkçisi, Prezident Administrasiyasının xarici siyasət məsələləri şöbəsinin müdiri Hikmət Hacıyev Operativ Qərargahın brifinqində deyib.

O vurğulayıb ki, vətəndaşların məsuliyyəti, dövlətlə birgə olması, göstərdikləri fəaliyyət nəticəsində mövcud vəziyyətin stabilləşməsinə nail olunub.

Hikmət Hacıyev, həmçinin qeyd edib ki, qarşıdan gələn həftə Rusiyadan 250 vətəndaşın ölkəmizə gətirilməsi nəzərdə tutulur: "Gələn həftə İran və Gürcüstandan da bir qrup Azərbaycan vətəndaşının vətənə gətirilməsi planlaşdırılır".

0
Mövzu:
Dünyanı cənginə almış bəla
Əlaqədar
Koronavirusa yoluxub sağalmış şəxslərlə bağlı vacib məqam
Azərbaycanda koronavirusla bağlı son durum: 526 yeni yoluxma və 8 ölüm
Avstraliya və Honkonqda koronavirus məhdudiyyətləri bərpa olunur
Çin yeni pnevmoniyaya dair xəbərdarlıq etdi: "COVID-19-dan da ölümcüldür"
Rusiyada koronavirusdan ölənlərin sayı 11 mini keçdi