Əməkdar artist Vidadi Həsənov

Əməkdar artist ürəyindən əməliyyat olundu

164
(Yenilənib 14:45 03.07.2019)
Əməliyyat Bakıda fəaliyyət göstərən özəl klinikalardan birində baş tutub. Hal-hazırda palataya köçürülən aktyorun vəziyyəti stabildir

Kamal Almuradlı, Sputnik Azərbaycan

BAKI, 3 iyul — Sputnik. Ötən gün səhhətində ciddi problemlər yaşanan və təcili əməliyyat olunan aktyor Vidadi Həsənovun ürəyinə stend yerləşdirilib. Sputnik Azərbaycan xəbər verir ki, əməliyyat Bakıda fəaliyyət göstərən özəl klinikalardan birində baş tutub.

Hal-hazırda palataya köçürülən aktyorun vəziyyəti stabildir. Həkimlər bu gün səhər əməliyyat zamanı qoyulan tikişlərinin söküldüyünü bildiriblər.

Qeyd edək ki, 61 yaşlı Əməkdar artist Vidadi Həsənov Azərbaycanın görkəmli teatr və kino xadimidir. YUĞ Dövlət Teatrı yarandığı vaxtdan bu günədək orada çalışır, həmçinin Mədəniyyət və İncəsənət Universitetinin dosentidir. O, hamı tərəfindən sevilən "Bəyin oğurlanması", "Hökmdarın taleyi", "Fatehlərin divanı", "Qala" və s. filmlərdə müxtəlif səpgili yadda qalan obrazlar yaradıb.

2016-cı ildən "M. Teatr Production"ın bədii rəhbəridir.

164
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

53
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

53
Kinolent, arxiv şəkli

Məşhur film festivalının keçirilmə tarixi bəlli oldu

16
(Yenilənib 17:00 05.08.2020)
Sentyabrın 14-20 tarixlərində keçiriləcək festivalda Beynəlxalq Tammetrajlı və Beynəlxalq Tələbə Filmləri yarışlarının da keçiriləcəyi açıqlanıb.

BAKI, 5 avqust — Sputnik. Türkiyənin nüfuzlu festivallarından olan 27-ci Beynəlxalq Adana "Altun Koza" film festivalının keçirilmə tarixi bəlli oldu.

Sputnik Azərbaycan Türkiyə mediasına istinadən xəbər verir ki, Böyükşəhər Bələdiyyə Sədri Zeydan Karalar verdiyi yazılı açıqlamada bildirib ki, festival COVID-19 epidemiyasının şərtlərinə əməl edilərək həyata keçiriləcək.

Sentyabrın 14-20 tarixlərində keçiriləcək festivalda Beynəlxalq Tammetrajlı və Beynəlxalq Tələbə Filmləri yarışlarının da keçiriləcəyi açıqlanıb.

16