Gənc azərbaycanlı ifaçı Rəsul Əfəndiyev xalq artisti Aygün Kazımova ilə

Toy olmayacaq: Aygün Kazımova gənc həmkarına ərə gedəsi olmadı

1151
(Yenilənib 19:17 22.05.2019)
Gənc müğənni Rəsul Əfəndiyev xalq artisti ilə evlənmək məsələsinə aydınlıq gətirdi

Kəmalə Əliyeva, Sputnik Azərbaycan

BAKI, 22 may — Sputnik. Gənc azərbaycanlı ifaçı Rəsul Əfəndiyev onun xalq artisti Aygün Kazımova ilə evlənməyə hazırlaşdığı barədə xəbərlərə münasibətini bildirib.

Əfəndiyev Sputnik Azərbaycan-a müsahibəsində bildirib ki, həmkarı ilə duet oxuyandan sonra onların arasında sevgi münasibətlərinin olduğu barədə söhbətlərin yayılacağını gözləmirmiş. Qeyd edək ki, yerli KİV-lər Aygün Kazımovanın gənc həmkarı ilə nişanlandığı və sentyabrda onların toyunun olacağı barədə informasiya yayıblar.

"Bütün bunlar yalandır. Heç bir toy olmayacaq, biz sadəcə həmkarıq, başqa heç nə. Əgər mən kiminləsə duet oxuyuramsa, bu o demək deyil ki, onunla sevgiliyəm. Bizi Aygün Kazımova ilə yalnız yaradıcılıq bağlayır. Başa düşmürəm ki, niyə jurnalistlər belə yalan xəbərləri yayırlar" – deyə Əfəndiyev bildirib.

Müğənni yaxın vaxtlarda Kazımova ilə iki yeni duetini təqdim etmək fikrindədir. Onun sözlərinə görə, mahnılar artıq hazırdır. Buna qədər isə onlar "Dola mənə qolunu" duetini oxumuşdular.

Aygün Kazımova Azərbaycan pop müğənnilərindən biridir. Onun karyerası 1988-ci ildə keçirilən "Bakı payızı-88" musiqi festivalından başlayıb. 1989-cu ildə Yurmalada keçirilmiş beynəlxalq müsabiqədə, 1992-ci ildə "Asiya Dausı" festivalında, 1996-cı ildə İstanbulda keçirilmiş beynəlxalq yarışmada laureat olub. 2000-ci ildə "İlin müğənnisi", "İlin konserti: Aygün-Bir Gün", "İlin hiti: Gecələr" adlı üç nominasiya üzrə "Qrand" mükafatına layiq görülüb. Onun nəinki Azərbaycanda, bir sıra xarici ölkələrdə də çoxsaylı konsertləri olub.

1151
Azərbaycan Dövlət Akademik Milli Dram Teatrı, arxiv şəkli

Ən qədim teatrımız Silahlı Qüvvələrə Yardım Fonduna vəsait köçürüb

10
Teatr Ermənistanın hərbi təcavüzünün qarşısının alınması, mülki əhalinin təhlükəsizliyinin təmin edilməsi üçün şanlı Ordumuza dəstək olmaq məqsədilə Silahlı Qüvvələrə Yardım Fonduna 10 min manat vəsait köçürüb.

BAKI, 29 oktyabr — Sputnik. Qüdrətli Azərbaycan Ordusunun işğalçı Ermənistanın təxribatlarına cavab olaraq həyata keçirdiyi əks-hücum əməliyyatları bütün cəbhəboyu böyük uğurla davam edir. Əsgər və zabitlərimizin fədakarlığı, yenilməz döyüş əzmi və qazandığı qələbələri hər bir soydaşımızda böyük ruh yüksəkliyi yaradır. Azərbaycan Ordusunun maddi-texniki təchizatı dövlət tərəfindən yüksək səviyyədə təmin olunsa da, əksər vətəndaşlar, o cümlədən müəssisə və təşkilatlar Orduya hərtərəfli dəstəyi özlərinə mənəvi borc hesab edir, bu istiqamətdə əllərindən gələni əsirgəmirlər.

Sputnik Azərbaycan xəbər verir ki, Azərbaycan Dövlət Akademik Milli Dram Teatrı Ermənistanın hərbi təcavüzünün qarşısının alınması, mülki əhalinin təhlükəsizliyinin təmin edilməsi üçün şanlı Ordumuzun həyata keçirdiyi zəruri əks-həmlə tədbirlərinə dəstək olmaq məqsədilə Silahlı Qüvvələrə Yardım Fonduna 10 min manat vəsait köçürüb.

10
Mövzu:
Azərbaycan və Ermənistan arasında müharibə
Bərdədə vəziyyət

Dünyaca məşhur azərbaycanlılar Bərdədə baş verən terrora səssiz qalmayıblar

27
(Yenilənib 16:11 29.10.2020)
Məşhurlar oktabrın 27-də və 28-də Bərdə rayonunun raket atəşinə məruz qalması və dinc sakinlərin həlak olması barədə "Instagram" səhifələrində paylaşım ediblər

Şahpəri Abbasova, Sputnik Azərbaycan

BAKI, 29 oktyabr — Sputnik. Xalq artisti Emin Ağalarov oktabrın 27-də və 28-də Azərbaycanın Bərdə rayonunun raket atəşinə məruz qalması və nəticədə dinc sakinlərin həlak olması barədə özünün "Instagram" səhifəsində #PrayforBarda həştəqi ilə paylaşım edib.

Bundan başqa, 2008-ci ildə Avroviziya mahnı müsabiqəsində Azərbaycanı təmsil edən Elnur Hüseynov da Bərdədə baş verən terrorla bağlı "Instagram" səhifəsində paylaşım edib.

Qeyd edək ki, 2020-ci il oktyabrın 27-də və 28-də Ermənistan silahlı qüvvələri tərəfindən Bərdə şəhərinin dinc sakinlərinin sıx hərəkətdə olduğu və ticarət obyektlərinin yerləşdiyi əraziyə beynəlxalq hüquqla qadağan olunmuş kaset bombalarından istifadə edilməklə zərbələr endirilib.

Nəticədə 25 nəfər həlak olub, 80-dən çox şəxs isə yaralanıb, şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib.

27
Mövzu:
Azərbaycan və Ermənistan arasında müharibə
Əlaqədar
Möhkəm ol, Bərdə! Raket bombardmanından sonra şəhərdəki vəziyyət – video
Prezidentin köməkçisi: "Paşinyan, böyük səhv etdin"
Ermənistan terroru nəticəsində Bərdədə öldürülən şəxslərin adları açıqlanıb
Mərmi sanki yağış kimi yağdı… - Bərdə faciəsi xəsarət alanın dilindən - VİDEO
Ombudsman Bərdədə faktaraşdırıcı missiya həyata keçirir
Ceyhun Bayramov və Mövlud Çavuşoğlu, arxiv şəkli

Həm bayramlaşdılar, həm Ermənistana qarşı zəruri addımları müzakirə etdilər

0
Nazirlər Ermənistan tərəfindən mülki şəxslərin xaincəsinə hədəfə alınması və dinc insanlara qarşı növbəti müharibə cinayətlərinin törədilməsinin qəbuledilməz olduğunu bildiriblər.

BAKI, 29 oktyabr - Sputnik. Bu ilin 29 oktyabr tarixində Azərbaycan Respublikası Xarici İşlər naziri Ceyhun Bayramov ilə Türkiyə Respublikasının Xarici İşlər naziri Mövlud Çavuşoğlu arasında telefon danışığı baş tutub.

XİN-in Mətbuat Xidməti idarəsindən Sputnik Azərbaycan-a verilən məlumata görə, nazir Ceyhun Bayramov həmkarına Türkiyə Cümhuriyyətinin qurulmasının 97-ci ildönümü münasibətilə səmimi təbriklərini çatdırıb və qardaş Türkiyəyə davamlı sülh, əminamanlıq və firəvanlıq arzulayıb.

Nazirlər bölgədəki son vəziyyət ətrafında fikir mübadiləsi aparıblar.

Ermənistan tərəfindən mülki şəxslərin xaincəsinə hədəfə alınması və dinc insanlara qarşı növbəti müharibə cinayətlərinin törədilməsinin qəbuledilməz olduğu və bu cinayətlərə görə cavabdeh olan şəxslərin ədalət məhkəməsi qarşısında cavab verməsinin zəruriliyi Nazirlər tərəfindən vurğulanıb.

0