Pyer da Treqomayn

Fransalı musiqiçi Azərbaycanı dünyaya tanıdacaq

9769
(Yenilənib 18:35 19.03.2019)
Pyer de Treqomayn: "Dünya bilməlidir ki, sizin mədəniyyətiniz nə qədər zəngin, gözəl və unikaldır"

Kəmalə Əliyeva, Sputnik Azərbaycan

BAKI, 27 mart - Sputnik. Məşhur fransalı caz ifaçısı, beynəlxalq müsabiqələr laureatı Pyer da Treqomayn Azərbaycan xalqının qədim musiqi sənəti olan muğamı dərindən öyrənmək üçün çox səy göstərib. O, bunu Sputnik Azərbaycan-a müsahibəsində etiraf edib. 

Dərdlərini muğamla unudan gürcü
© Sputnik / Shahperi Abbasova

Treqomayn 18 ildir oxuyur. O, Mark Merfi və Tyeri Peal kimi məşhurlardan dərs alıb. 2008-ci ildə "My cold song" ("Mənim soyuq mahnım") albomu sayəsində Crest Jazz vokal müsabiqəsində birinci yeri tutub və bundan sonra şöhrət qazanıb. 

Yaradıcılığının son illərində Treqomayn dəyişikliklərə imza atıb - daha çox dünyanın müxtəlif xalqlarının mahnılarına üstünlük verməyə başlayıb. Onun diqqətini ən çox sufi musiqisi cəlb edib. 

Musiqiçinin dediyinə görə, muğamı ilk dəfə eşidəndə bu musiqini öyrənməyi qarşısına məqsəd qoyub. Treqomayn beləcə muğamı və Azərbaycan xalq mahnılarını öyrənməyə başlayıb. 

"Düşünürəm ki, hansısa mərhələdə mən buna nail olacağam. Mənim yaxşı müəllimim var - Qoçaq Əsgərov. O, mənimlə bu janrın sirrlərini bölüşür. Deyə bilmərəm ki, mən artıq peşəkaram, sizin sözünüzlə desəm, xanəndəyəm. Amma muğamı öyrənirəm və peşəkar səviyyədə muğam ifaçısı olmaq üçün mənə vaxt lazımdır. Hər dəfə sizin müğənniləri dinləyəndə, bu janra təkrar-təkrar vuruluram" - deyə Treqomayn bildirib. 

Onun sözlərinə görə, muğam dünyada ən unikal musiqi janrlarından biri kimi tanınıb. O, həmçinin qeyd edib ki, Azərbaycan muğamının bədii dəyəri, həm milli mədəniyyət, həm də bütün insanlığın mədəniyyəti üçün yüksək əhəmiyyəti 2003-cü ildə YUNESKO kimi nüfuzlu beynəlxalq qurum tərəfindən bəyan edilib. Bu qurum muğamı qeyri-maddi mədəni irs siyahısına daxil edib. 

Bu illər ərzində cazmen bir neçə muğamı, o cümlədən "Rast"ı, "Bayatı-Şiraz"ı, "Qarabağ şikəstəsi"ni və digərlərini öyrənməyə müvəffəq olub. O, "Sarı gəlin" mahnısını da öyrənib. Dediyinə görə, bu mahnı ona çox təsir edib. 

Treqomayn digər muğamları və xalq mahnılarını da ifa etmək istəyir. Bu işdə ona Qoçaq Əsgərov yardım edir: "Biz həm Azərbaycanda, həm də Parisdə dəfələrlə birgə konsert vermişik. Onunla muğam və cazın sintezini ifa etmişik. Tamaşaçılar valeh olublar. Qoçaqla əməkdaşlığı davam etdirməyi və birgə layihələrlə dünyanın digər ölkələrində də çıxış etməyi çox istəyirəm".

"Mən qarşıma məqsəd qoymuşam ki, bütün konsertlərimdə muğam oxuyum və Azərbaycan musiqisini bütün dünyada təbliğ edim. Dünya bilməlidir ki, sizin mədəniyyətiniz nə qədər zəngin, gözəl və unikaldır" - deyə Treqomayn bildirib.

2006-cı ildən indiyədək əməkdaşlıq etdiyi Azərbaycanın məşhur xanəndəsi, əməkdar artist Qoçaq Əsgərovla Pyer de Treqomaynın birgə "Mugham Souls" albomu Avropada 200 min nüsxə tirajla satılıb. Bu albomda muğam və cazın sintezindən ibarət kompozisiyalar yer alıb. Albomun yazılmasında məşhur azərbaycanlı musiqiçilər (Elnur Mikayılov - kamança, Kamran Kərimov - nağara və Vasif Hüseynzadə - piano) də iştirak ediblər. 

9769
Teqlər:
mədəniyyət, ifa, muğam, musiqi, Fransa
Əlaqədar
Xalq artisti V Beynəlxalq Muğam festivalıdan gözləntilərini açıqladı
Azərbaycanda muğam ifaçısı faciəli şəkildə həyatını itirib
Azərbaycan caz musiqisinin və caz-muğam üslubunun banisi
DokuBaku beynəlxalq film festivalı, arxiv şəkli

"DokuBaku" artıq 4-cü dəfə start götürüb

3
(Yenilənib 18:57 01.12.2020)
"DokuBaku" Beynəlxalq Sənədli Film Festivalı 30 noyabr – 6 dekabr tarixlərində onlayn formada baş tutacaq. 1 həftə davam edəcək festivalda dafilms.com beynəlxalq onlayn festival platforması vasitəsilə 4 kateqoriyada 36 film nümayiş olunacaq.

BAKI, 1 dekabr — Sputnik. Azərbaycanın ilk müstəqil beynəlxalq sənədli film festivalı olan "DokuBaku" artıq 4-cü dəfə start götürür.

Sputnik Azərbaycan xəbər verir ki, Azərbaycan Kinematoqrafçılar İttifaqının rəsmi tərəfdaşı olduğu festivalın 2020-ci ildə keçirilmə tarixi 26 oktyabr – 1 noyabr üçün nəzərdə tutulsa da, dünyanı bürüyən pandemiya (COVİD 19) səbəbindən dəyişikliklər oldu. Beləki, "DokuBaku" Beynəlxalq Sənədli Film Festivalı 30 noyabr – 6 dekabr tarixlərində onlayn formada baş tutacaq. 1 həftə davam edəcək festivalda dafilms.com beynəlxalq onlayn festival platforması vasitəsilə 4 kateqoriyada 36 film nümayiş olunacaq.

Xatırladaq ki, festival filmləri izləmək istəyənlər platformada qeydiyyatdan keçərək günün istənilən saatı ödənişsiz izləmə imkanı qazanacaqlar.

Festivalın icraçı direktoru, sənədli film rejissoru Oktay Namazov bildirib ki, azərbaycanca və ingiliscə altyazı ilə onlayn nümayiş sənədli filmləri izləyici üçün daha əlçatan edir.

Yeri gəlmişkən, bu il festivala 53 ölkədən 250-dən çox film qəbul edilib. Seçim prosesində tammetrajlı, qısametrajlı, eyni zamanda yerli filmlər arasından ən layiqliləri seçilərək auditoriya üçün hazırlanıb. Bundan başqa, beynəlxalq və yerli mütəxəssislərdən ibarət jüri heyəti 4 kateqoriyada qalibləri seçəcək. Jüri heyətində "Ən yaxşı tammetrajlı sənədli film" kateqoriyası üçün Əli İsa Cabbarov, Laura Koppens, Səidə Baxşıyeva, "Ən yaxşı beynəlxalq qısa və yerli sənədli film" kateqoriyasında Durna Səfərova, Uolter Naqi, Yüksel Doğan, "X kateqoriyası"nda isə Elvin Cəbizadə, Aysu Akcan, Hüseyn Cəlilvənd qalib filmləri seçəcək. Festivalın açılışı Hilal Baydarovun "Xurmalar yetişəndə" filmi başlayacaq.

"DokuBaku" Beynəlxalq Sənədli Film Festivalının rəsmi proqramı ilə dokubaku.az saytında tanış ola bilərsiniz.

3
Teqlər:
film, festival
Qərənfil

Rusiyada Dövlət Təsviri İncəsənət Muzeyinin prezidenti vəfat edib

6
(Yenilənib 13:10 01.12.2020)
İrina Antonova RSFSR və Rusiyanın nüfuzlu sənət mükafatları ilə təltif edilib. Ömrünün böyük hissəsi A.S.Puşkin adına Dövlət Təsviri İncəsənət Muzeyinə bağlı olub

BAKI, 1 dekabr — Sputnik. Rusiyanın Əməkdar İncəsənət Xadimi, akademik, A.S.Puşkin adına Dövlət Təsviri İncəsənət Muzeyinin Prezidenti İrina Antonova vəfat edib.

Sputnik Azərbaycan xəbər verir ki, 100 yaşlı görkəmli sənətşünasın vəfat xəbərini, Muzeyin direktoru Marina Loşak yayıb.

İrina Antonova RSFSR və Rusiyanın nüfuzlu sənət mükafatları ilə təltif edilib. Ömrünün böyük hissəsi A.S.Puşkin adına Dövlət Təsviri İncəsənət Muzeyinə bağlı olub. 2013-cü ildə Rusiya Dövlət Muzeylərinin baş kuratoru vəzifəsinə təyin edilib. Elə həmin ildən Puşkin Muzeyinin direktoru vəzifəsindən azad edilib və onun üçün təsis edilən Puşkin adına Dövlət Təsviri İncəsənət Muzeyinin Prezidenti vəzifəsini icra etməyə başlayıb.

Mərhum akademik çox sayda orden, medal və mükafatlarla təltif olunub.

6
Teqlər:
Prezident, Rusiya, muzey, təsviri incəsənət, Vəfat

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0