* AZƏRBAYCAN *
Televizor qarşısında əyləşən adam

Xalq hələ "İtkin gəlin"i axtarır, ey tamahının qulları

6616
(Yenilənib 13:15 16.03.2019)
Bu cür sənətdənkənar işləri hansı üzlə kütləyə təqdim etmək olar?

BAKI, 19 mart — Sputnik. Bu gün dünyanın bütün ölkələrində film sektoru var. Biz uşaqlıqdan Sovet dövründə çəkilən Azərbaycan filmlərini izləyərək böyümüşük. "Bir qalanın sirri", "Sehirli xalat", "Qərib cinlər diyarında" kimi filmlər bizim təfəkkürümüzü formalaşdırıb, xəyal gücümüzü artırıb.

Texnikanın hələ bu günkü səviyyəsinə çatmadığı bir dönəmdə, iyirminci əsrin ortalarında Əlisəttar Atakişiyev kimi əvəzsiz rejissor böyük peşəkarlıqla bu filmləri çəkib və Azərbaycan kinosuna böyük incilər bəxş edib.

Sonralar başladıq Hollivud filmlərini izləməyə. O filmlərdə daha böyük keyfiyyət, texnika, aktyor oyunu, rejissor işi, uğurlu ssenari gördük. Bütün bunlar Azərbaycanın ən adi vətəndaşında da film haqqında biliklər yaratdı. Tamaşaçılarımızın tənqidetmə bacarığı oldu. Zarafat deyil, qanında sənət axan bir millətik biz. Ucqar rayonlarımızda adi bir evdar qadın belə şeir yazır, mahnı oxuyur. Sənətlə yoğrulub xəmirimiz.

Bu gün telekanallarda yayımlanan seriallar var. Ard-arda kinolar da çəkilir. Doğrudur, bu çəkilən kinoların və serialların içində yaxşıları da var. Amma o qədər azdır ki, mən ümumi danışmağa məcburam.

Rasim Ocaqov, Əlisəttar Atakişiyev, Həsən Seyidbəyli kimi rejissorlar, Ramiz Rövşən, İsa Muğanna kimi ssenari müəllifləri, Həsən Məmmədov, Həsənağa Turabov, Səyavuş Aslan, Lütfəli Abdullayev, Amaliya Pənahova, Nəsibə Zeynalova, Leyla Bədirbəyli kimi aktyor və aktrisalar görüb bu xalq. Bunu niyə dedim bilirsiz? İndi biləcəksiz...

Bu gün çəkilən kinoların və serialların yaradıcı heyətləri Azərbaycan kinolarına, seriallarına baxılmır deyə şikayətlənirlər. Türkiyə, Rusiya, Avropa, Amerika istehsalı olan kinolara və seriallara marağın çoxluğu onları qıcıqlandırır. Yaxşı, bəs sizin yaratdığınız bu sənətdənkənar nümunələrə necə baxsın bu millət? Axı mən dedim, o boyda insanların yaratdığı böyük sənət nümunələrini görən bir millət sizin bayağı, şit, eybəcər məhsulunuzdan necə həzz alsın?

İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər
© Official website of President of Azerbaijan Republic

Dövlət kinoların və serialların çəkilməsi üçün pul ayırır. Bu pul telekanalların və kinostudiyanın əlində olan materialların, yəni ssenarilərin çəkilməsi üçün lazımi şəkildə paylanmalıdır. Amma nədənsə kinonun və serialın büdcəsinə sənəddə göstərilən məbləğdən qat-qat aşağı bir məbləğ gəlib çıxır. Maraqlıdır ki, rejissorlar da bu ədalətsizliklə barışıb susurlar. Onlar etiraz etmir və öz haqlarını tələb etmirlər. Görəsən niyə?

Çünki filmin ya da serialın büdcəsinə gəlib çatan o kiçik məbləğin bir qismi də rejissorun cibinə gedir. Rejissor rollara aktyor və aktrisalar təyin etmək üçün kimə mürciət etməlidir? Əlbəttə ki, İncəsənət Universitetinin tələbələrinə, ali təhsilli, təcrübəli aktyor və aktrisalara, Əməkdar və Xalq artistlərinə.

Amma ayrılan kiçik məvacibin müqabilində hansı peşəkar, təcrübəli aktyor və aktrisa gəlib o kinoya, seriala çəkilər? Özünə, peşəsinə hörmət edən, işini sevən heç bir aktyor, aktrisa bunu qəbul etməz. Onda rejissor nə etməlidir? Öz qohum-əqrabalarına, dost-tanışlarına müraciət edir. Cüzi bir məbləğin müqabilində heç bir istedadı, biliyi, təcrübəsi olmayan insanlar məhz şöhrət naminə teksti götürüb keçir kamera önünə. Ordan-burdan tanışlıqla ucuzvari texnika da tapırlar. Vəssalam, serial ya da kino hazırdır.

Bu cür sənətdənkənar bir işi hansı üzlə kütləyə təqdim etmək olar? Lap siz üz tapıb təqdim etdiniz, millət bunu qəbul edəcəkmi? Bunları da qoyduq bir kənara, bəs sizi efirdən izləyən peşəkar insanların qınağından qorxmursunuz?

Niyə də qorxasınız ki? Onların qınağı sizin üçün nəyi dəyişir? Vəsaiti mənimsəmisiniz. Kamera önünə keçən sənətdən xəbərsiz dost-tanışlarınız da "ulduzluq" eşqinə düşüb öz eqolarını yemləyirlər. Burda hər baxımdan siz qazanan tərəfsiz. Amma Azərbaycan xalqı, Azərbaycan İncəsənəti, bu İncəsənətin istedadlı şəxsiyyətləri itirən tərəfdir. Sizin nə vecinizədir?!

Heç olmasa tamaşaçı tələb etməyin. Tamahınıza qul olub bu cür iş əxlaqına sığmayan bir vicdansızlıq edirsiz, çəkin, yayımlayın, sonra da oturun dost-tanışınızla bir yerdə baxın öz çəkdiyinizə. Anlayışlı, bilikli, ziyalı insanlar sizdən nə zövq alacaq axı?

Hələ 90-cı illərin əvvəllərində Lütfi Məmmədbəyov Əlibala Hacızadənin eyni adlı romanı əsasında "İtkin gəlin" serialını çəkmişdi. Cəmi on iki seriadan ibarət bu serial adi bir əl kamerası ilə çəkilmişdi. Üzərində demək olar ki, heç bir texniki iş aparılmamışdı. Lakin filmdə elə bir təbiilik var ki, bu serial hələ yaddaşlardadır. Elə Əfsanə adının həmin vaxtlarda dəbə düşməsi də məhz bu serialın qəhrəmanı olan Əfsanənin adı ilə bağlı idi. Görün bu cür zəif texnika ilə çəkilən serial özünü xalqa necə sevdirmişdi!?

Dövlət lazım olan vəsaiti ayırır. Kürsüdə oturub özünü dünyaya hakim zənn edən kəslər bu vəsaiti mənimsəyir və nəticədə xalq öz sənətindən mərhum olur! Məcbur olur ki, xarici kinolara, seriallara baxsın. Bəs nə etməlidir? Məncə sizi izləyən kiçik bir kütlə belə varsa, o da sizin üçün çoxdur, həddindən artıq çoxdur. İzlənmə sayınız sıfır səviyyəsində olmalıdır ki, bəlkə onda etdiyiniz yanlışları anlayasız...

6616
Teqlər:
rejissor, aktrisa, aktyor, efir, sənət, xalq, serial, film
Əlaqədar
Türk seriallarına qoyulan qadağanın arxasından görün kim çıxdı?
Populyar serialın rejissoru: "Tamaşaçıların gözləmədiyi bir final olacaq"
Populyar serialın aparıcı aktrisası filmdən qovuldu
Şəhriyar Məmmədyarov, arxiv şəkli

Şəhriyar Məmmədyarov Harri Qasparova qarşı oynayacaq

431
(Yenilənib 17:44 24.06.2021)
İyulun əvvəlində Zaqrebdə keçiriləcək üçüncü "Grand Chess Tour" iştirakçılarının siyahısı elan olunub. Siyahıya görə, Şəhriyar Məmmədyarov Teymur Rəcəbovdan sonra Harri Qasparovla qarşılaşacaq ikinci Azərbaycan şahmatçısı olacaq.

BAKI, 24 iyun — Sputnik. Sputnik Azərbaycan xəbər verir ki, azərbaycanlı qrossmeyster Şəhriyar Məmmədyarov bir turnir çərçivəsində 13-cü dünya çempionu Harri Qasparovla qarşılaşacaq.

Belə ki, "Grand Chess Tour" seriyasının təşkilatçıları iyulun 5-dən 12-nə kimi Zaqrebdə (Xorvatiya) keçiriləcək üçüncü turnirin iştirakçılarının siyahısını açıqlayıb. Turnir iştirakçıları arasında həm Şəhriyar Məmmədyarov, həm də digər yarış iştirakçıları ilə eyni şərtlər altında oynayacaq keçmiş dünya çempionu Harri Qasparovun adı var.

Qeyd edək ki, bu, Məmmədyarovun Azərbaycan şahmat məktəbinin yetirməsi olan Harri Qasparovla şahmat lövhəsi qarşısında ilk qarşılaşması olacaq. İndiyə kimi Azərbaycanlı şahmatçılardan yalnız Teymur Rəcəbov 13-cü dünya çempionu ilə oynayıb və müsbət xal toplayıb. Rəcəbov Qasparov üzərində yeganə və əfsanəvi qələbəsini 2003-cü ildə Linaresdə (İspaniya) keçirilən superturnir çərçivəsində qazanıb. Həmin vaxt şahmatçımızın cəmi 15 yaşı var idi.

Xorvatiyada keçiriləcək turnirə qayıtsaq, qeyd etmək lazımdır ki, bu şahmat yarışında Maksim Vaşe-Laqrav (Fransa), Yan Nepomnyaşi, Aleksandr Qrişuk (hər ikisi Rusiyanı təmsil edir), Aniş Qiri, Yorden Van Forest (hər ikisi Hollandiyanı təmsil edir), Vişvanatan Anand (Hindistan), İvan Sariç (Xorvatiya), Anton Korobov (Ukrayna) və Yan Kşiştof Duda (Polşa) iştirak edir.

Xatırladaq ki, Məmmədyarov "Grand Chess Tour" seriyasından ilk turnirin – Buxarestdə keçirilən "Supеrbet Chess Classic"-in qalibi olub. Turnir çərçivəsində şahmatçımız Konstantin Lupulesku (Rumınya), Levon Aronyan (Ermənistan) və Fabiano Karuanaya (ABŞ) qalib gəlib.

431
Yusif Eyvazov və Anna Netrebko, arxiv şəkli

Yusif Eyvazov Anna Netrebkodan niyə övladının olmadığını açıqladı

2198
Rusiyada yaşayan məşhur azərbaycanlı opera müğənnisi karyeraya necə başlamasından, həyat yoldaşı ilə tanışlığından və niyə ondan uşaq sahibi ola bilməməsindən danışıb.

BAKI, 23 iyun — Sputnik. Xalq artisti Yusif Eyvazov müğənni Valeriyanın "Aramızda qalsın" adlı layihəsinə qonaq olub. Azərbaycanlı solist proqramda həyat yoldaşı, Rusiyanın Xalq artisti Anna Netrebkodan niyə övlad sahibi ola bilmədiyinə aydınlıq gətirib.

Peşə seçimi

Uşaq vaxtı mahnı oxumurdum. Oxumaq istədiyimi anlayanda isə təxminən 17-18 yaşım vardı. Bizim ailədə texnoloq və həkimlər üstünlük təşkil edir. Amma mənim bu peşələrə marağım yox idi. Atam onun yolu ilə getməyimi istəyirdi. Hazırlaşıb universitetə daxil oldum. Ali məktəbdə oxuduğum vaxt Şən və Hazırcavablar Komandası ("KVN") yaratmışdılar, mən də üzv oldum. Amma yaxşı "KVN"-çi ola bilmədim.

Çıxışlarımızdan birində mahnı oxumaq lazım idi. Həmin vaxt məni müşayiət edən pianoçu xanım səsimin olduğunu görüb məsləhət verdi ki, Üzeyir Hacıbəyov adına Bakı Musiqi Akademiyasına daxil olum. Ancaq valideynlər bu fikirdə idilər ki, mahnı oxumaqla ailə dolandırmaq olmaz, ona görə də məni bu fikirdən daşındırmağa çalışdılar. Buna baxmayaraq, konservatoriyaya daxil oldum və qərara gəldim ki, estrada müğənnisi olum. Heç indi də notları yaxşı bilmirəm.

Anatoli Qusev adlı bir pedaqoq var, İtaliyada təhsil almış ilk bakılıdır. İndiyə kimi onunla dostluq edirik. İldə bir dəfə Bakıya gəlirdi. Növbəti səfərlərin birində onun yanına getdim. O, mənə dedi: "Əgər oxumaq istəyirsənsə, İtaliyaya getməlisən".

Valideynlərimin məni xaricə göndərmək imkanı yox idi. Onlar mənim İtaliyaya getmək istəyimi sakit qarşıladılar, fikirləşdilər ki, bir müddət sonra bu həvəsim keçəcək. Amma keçmədi. Axırda atam məcbur olub məni İtaliyaya göndərmək üçün tələb olunan dörd min dolları düzəltdi. İki ay İtaliyada yaşayandan sonra bir qəpiyim də qalmamışdı. Evə qayıda bilməzdim. Onda 20 yaşım var idi. İndiki kimi yadımdadır, 1997-ci il idi, qərara gəldim ki, baristalıq edim. Sutkada cəmi dörd saat yatsam da, o dövr həyatımın ən gözəl vaxtları idi. Yaxşı qazanırdım. Bütün Avropanı gəzdim.

İlk çıxış

Bu, İtaliyada baş verdi. Əməlli-başlı biabırçılıq oldu. Üç saat oxudum, hər şey normal idi, ancaq yuxarı not götürmək istəyəndə alınmadı. Xəcalət içində səhnəni tərk etdim. Bu, mənim üçün böyük biabırçılıq idi. Ancaq xaraktercə tez ruhdan düşən insan deyiləm. Bütün dünya mənə deyirdi ki, səndən ifaçı olmaz.

Anna Netrebko ilə tanışlıq

Milanda tanış olduğumuz vaxt o mənə dedi ki, burada heç nə öyrənə bilməyib. Fikirləşdim ki, ya dəlidir, ya da dahi. Bir həftədən sonra onun çıxışını izləyəndə başa düşdüm ki, dahi vokalistdir. Bilirdim ki, premyeradan sonra ayrılacağıq. Agent də ona yaxınlaşmağı qadağan eləmişdi. O vaxt "WhatsApp" yox idi, biz əsasən, elektron poçt vasitəsilə ünsiyyət saxlayırdıq. Premyeradan sonra məni otağından qovdu, səhəri gün isə yazdı ki, artıq mənə olan həvəsi keçib. O, Vyanaya uçdu, amma biz yazışmağa davam elədik.

Sonra o yenidən çıxış etmək üçün Milana gəldi. Xahiş elədim ki, əlavə bir neçə gün də qalsın, razılaşdı. Ayrılıq anı çətin keçdi: başa düşürdüm ki, bəlkə də biz bir daha görüşməyəcəyik. O gedəndən sonra darıxmağa başladım. Onda mənim 35 yaşım var idi, həyatım barədə demək olar ki, fikirləşmirdim. Anna həyatıma yeni nəfəs gətirmişdi. 2014-cü ildə Vyanaya getdim və orada qaldım.

Netrebkonun həyat yoldaşı olmaq...

Anna güclü qadındır, amma mənə onunla yaşamaq asandır. O, kişinin yanında heç vaxt güclü tərəflərini göstərməz. Bu mənada eynilə azərbaycanlı xanımlara bənzəyir. O, heç vaxt kişini alçatmaz. Alçaldılmağa qətiyyən göz yummazdım. Mənim üçün qəbuledilməz iki şey var: xəyanət və hörmətsizlik. Biz ailə qurduğumuz vaxt hamı deyirdi: "Bu, Netrebkonun əridir". Bunu normal qarşılayırdım, bilirdim ki, bundan qaçmaq mümkün deyil, çünki o, ulduzdur. Başladım öz üzərimdə işləməyə. Anna mənim həyatımda ilhamverici qüvvədir. Biz bir-birimizdən çox şey öyrənmişik. İndi mənim yanımdakı qadın yeddi il bundan əvvəlki Anna deyil. Əgər mən ona 25-30 yaşında rast gəlsəydim, yəqin heç bir il də birlikdə yaşaya bilməzdik. Biz onunla övladı dünyaya gələndən sonra tanış olmuşduq. O, axtardığını məndə tapmışdı.

Niyə Netrebkodan övladı yoxdur

Şükür Allaha ki, Tyaqo eynən Annaya bənzəyir. O, xeyirxah və mehriban uşaqdır. İlk dəfə məktəbdə olanda mənə ata dedi. Çox təsirlənmişdim. Həmin an başa düşdüm ki, o mənim ögey deyil, elə doğma oğlumdur. Onun mənim qanımdan, canımdan olmadığını ağlıma belə gətirmirəm. O, həm də mənim ən yaxın dostumdur.

Tyaqo – bizim yeganə övladımızdır, başqa uşağımız olmadı. Anna ilə genetik cəhətdən uyuşmazlığımız var, yəni ayrı-ayrılıqda uşaq sahibi ola bilərik, amma birlikdə bu mümkün deyil. Hər şeyi sınaqdan keçirtsək də, alınmadı. Hətta mənə surroqat anadan övlad sahibi olmaq da təklif edildi. Amma başqa qadından olan övlad istəmirəm. Ona görə də qərar verdik ki, hər şey necə varsa, o cür də qalsın...

2198
“Mədəniyyət naminə sülh” qlobal kampaniyasının təqdimatı

"Mədəniyyət naminə sülh" qlobal kampaniyasının təqdimatı keçirilib