Azərbaycan teatrının “ƏSA”sı, arxiv şəkli

"ƏSA Teatrı" fəaliyyətini dayandırmaq məcburiyyətindədir

95
(Yenilənib 22:10 18.03.2019)
Teatr bir sıra problemlərin  həlli üçün aidiyyəti qurumlara müraciət etsə də, heç bir dəstək ala bilmir

BAKI, 18 mart — Sputnik. Azərbaycanın ilk və tək inklüziv teatrı olan "ƏSA Teatrı" bu ilin sentyabrında 3 yaşını qeyd etməyə bilər. Bu barədə Sputnik Azərbaycan-a teatrın baş meneceri Nicat Qulam məlumat verib. Onun sözlərinə görə, teatr özünün ən çətin dövrünü yaşayır: "Fəaliyyətimizə kiçik səhnələrdə başlasaq da, qısa müddətdə ən böyük teatr səhnələrində tamaşalarımızı nümayiş etdirərək, böyük auditoriyalara təqdim etmişik. Lakin 2019-cu ildən tamaşaçıların haqlı iradları ilə üzləşirik. Onlar deyir ki, "ƏSA Teatrı" niyə tamaşa nümayiş etdirmir? Bildirmək istəyirəm ki, 2018-ci ilin 3 dekabr tarixində Dövlət Musiqili Teatrının səhnəsində təqdim etdiyimiz "Göy quş" tamaşasının nümayişindən ötən bu müddət ərzində dəfələrlə cəhd etsək də, tamaşalarımızı nümayiş etdirə bilməmişik."

Teatrın baş meneceri hazırda üzləşdikləri problemlərdən bəhs edərək, təəssüflə vurğulayıb ki, fəaliyyətlərini davam etdirmək üçün maliyyə qaynaqları tapmaqda çətinlik çəkirlər: "ƏSA Teatrı müxtəlif dövlət və özəl qurumların dəstəyi ilə layihələr icra edib – tamaşalar hazırlayıb. Bir neçə aylıq çəkən layihələrin icrası yekunlaşdıqdan sonra teatrda yenidən maliyyə problemləri özünü biruzə verdi. Teatrın saxlanılması üçün icarə məkanın, məşqlərin keçirilməsi üçün səhnənin olmaması problemə səbəb olur. Bundan başqa əlilliyi olan aktyorların məşqlərə gəlib, getmələri üçün nəqliyyat problemi və sair bu kimi ciddi həllini gözləyən vacib sosial problemlər fəaliyyətimizə mənfi təsirini göstərir. Bunun üçün müxtəlif dövlət və özəl qurumlara dəstək üçün müraciət etsək də, effektiv nəticəolmayıb. Buna görə də ƏSA Teatrı öz fəaliyyətini dayandırmaq məcburiyyəti qarşısındadır".

Qeyd edək ki, 11 aprel tarixində ƏSA Teatrı Con Steynbekin "Adamlar və siçanlar 3 – Fermadan qaçış" tamaşasını nümayişi planlaşdırılır. Lakin tamaşanın harada nümayiş ediləcəyi hələ də sual altındadır.

N.Qulami mövcud problemlərin həllini tapmayacağı halda məhz bu tamaşa ilə teatrın fəaliyyətini dayandıra biləcəyini vurğulayıb.

95
Azərbaycanın Birinci vitse-prezident Mehriban Əliyeva, arxiv şəkli

Mehriban Əliyeva Şuşada “Xarıbülbül” festivalının başlaması barədə paylaşım edib - VİDEO

216
(Yenilənib 11:55 12.05.2021)
Birinci vitse-prezident: Böyük qürurla sizə bildirirəm ki, bu gün əlamətdar gündür. Azərbaycanın mədəniyyət paytaxtı elan olunmuş bizim qədim doğma Şuşa şəhərimizdə “Xarıbülbül” musiqi festivalı dirçəlir.

BAKI, 12 aprel - Sputnik. Birinci vitse-prezident Mehriban Əliyeva Şuşada“Xarıbülbül” musiqi festivalının başlaması ilə bağlı paylaşım edib.

Sputnik Azərbaycan xəbər verir ki, M. Əliyevanın rəsmi “Instagram” hesabından etdiyi paylaşımda deyilir:

"Əziz bacılar və qardaşlar!

Böyük qürurla sizə bildirirəm ki, bu gün əlamətdar gündür. Azərbaycanın mədəniyyət paytaxtı elan olunmuş bizim qədim doğma Şuşa şəhərimizdə “Xarıbülbül” musiqi festivalı dirçəlir. Neçə illik həsrətdən sonra əfsanəvi Cıdır düzündə yenidən Azərbaycan muğamı səslənəcək. Böyük məmnuniyyətlə Qarabağa səfərimizin görüntülərini sizinlə paylaşıram.

Dərin hörmət və sevgilərlə,

Sizin MEHRİBAN"

Xatırladaq ki, bu gün Azərbaycanın mədəniyyət paytaxtı Şuşada «Xarıbülbül» müsiqi festivalı başlayır. Şuşa şəhəri Ermənistanın işğalından azad olunandan sonra ilk dəfə keçiriləcək festival mayın 12-i və 13-də Heydər Əliyev Fondunun təşkilatçılığı ilə baş tutacaq.

Festivalda Azərbaycanda yaşayan müxtəlif xalqların musiqi kollektivlərinin çıxışı, xalq və klassik musiqidən ibarət proqram təqdim ediləcək.

Tədbirə dəvətlilər arasında bir sıra ictimaiyyət və mədəniyyət xadimləri, Qarabağdan, o cümlədən Şuşadan olan tanınmış şəxslər var.

Həmçinin oxuyun: 

Bu gün Şuşada «Xarıbülbül» müsiqi festivalı başlayır

İlham ƏIiyev Şuşaya gedib

216

Bu gün Şuşada «Xarıbülbül» müsiqi festivalı başlayır

133
(Yenilənib 09:57 12.05.2021)
Festivalda Azərbaycanda yaşayan müxtəlif xalqların musiqi kollektivlərinin çıxışı, xalq və klassik musiqidən ibarət proqram təqdim ediləcək.

BAKI, 12 may - Sputnik. Bu gün Azərbaycanın mədəniyyət paytaxtı Şuşada «Xarıbülbül» müsiqi festivalı başlayır.

Sputnik Azərbaycan xəbər verir ki, Şuşa şəhəri Ermənistanın işğalından azad olunandan sonra ilk dəfə keçiriləcək festival mayın 12-i və 13-də Heydər Əliyev Fondunun təşkilatçılığı ilə baş tutacaq.

Festivalda Azərbaycanda yaşayan müxtəlif xalqların musiqi kollektivlərinin çıxışı, xalq və klassik musiqidən ibarət proqram təqdim ediləcək.

Tədbirə dəvətlilər arasında bir sıra ictimaiyyət və mədəniyyət xadimləri, Qarabağdan, o cümlədən Şuşadan olan tanınmış şəxslər var.

Festivala dəvət olunan bir sıra mədəniyyət xadimləri səhhəti ilə əlaqədar festivalda iştirak edə bilməyəcək.

Azərbaycan Prezidenti İlham Əliyevin Şuşa şəhərini ölkənin Mədəniyyət paytaxtı elan etməsi, Vaqif Poeziya günləri və "Xarı bülbül" festivalını bərpa etməsi ölkənin mədəni həyatında əlamətdar hadisələrdən biridir.

Dillərə dastan, əfsanə olan Xarı bülbül gülü Şuşanın rəmzi, təbiətin möcüzəsidir. Xarı bülbül sanki gülün üzərinə qonmuş bülbülü xatırladır. Bülbülün bağrının altındakı gül al-qırmızı rəngə boyanıb. Tarix boyu Qarabağa qonaq gələnlər hər zaman Xarı bülbülü seyrə çıxıb. Qarabağda bu gülün şöhrəti o qədər səs salıb ki, hətta onun şəninə konsertlər verilib, festivalar təşkil edilib. Həmin konsertləri ölkəmizin böyük sənətkarları öz ifaları ilə bəzəyiblər.  Çıxışlar arasında Azərbaycanın Xalq artisti Qədir Rüstəmovun ifa etdiyi, Azərbaycan musiqisinin "Qızıl Fond"una daxil olan “Sona bülbüllər” mahnısı xüsisi yer alıb.

Qeyd edək ki, "Xarı bülbül" Beynəlxalq Festivalı məşhur xanəndə Seyid Şuşinskinin 100 illik yubileyi ilə əlaqədar 1989-cu ildən keçirilməyə başlayıb. Festival hər il may ayında Yaponiya, ABŞ, Türkiyə, Almaniya, İsrail, İtaliya, İspaniya, Avstriya, Əfqanıstan, SSRİ ölkələrinin iştirakı ilə keçirilib və təkcə Azərbaycanda deyil, bütün dünyada ən vacib mədəniyyət tədbirlərindən biri hesab olunurdu.

133
Sinovac Biotech şirkətinin CoronaVac peyvəndi, arxiv şəkli

Türkiyədə "Sinovac" vaksininin istehsalına başlanacaq

0
(Yenilənib 13:27 12.05.2021)
Türkiyə hökuməti yaxın aylarda ölkə əhalisi sayının 3 misli qədər, yəni 240 milyon doza civarında vaksin tədarük etmək niyyətindədir.

BAKI, 12 may - Sputnik. Çinin “Sinovac Biotech” şirkətinin "CoronaVac" vaksininin Türkiyə daxil olmaqla beş ölkədə istehsalına icazə verilib.

Sputnik Türkiyə xəbər verir ki, bu barədə istehsalçı şirkət açıqlama yayıb.

Qeyd edək ki, Türkiyədə COVID-19 infeksiyasına qarşı kütləvi vaksinləşmə davam edir. Qrafik üzrə tətbiq olunan “Sinovac” vaksinin sayı 30 milyona yaxınlaşır.

Türkiyə hökuməti yaxın aylarda ölkə əhalisi sayının 3 misli qədər, yəni 240 milyon doza civarında vaksin tədarük etmək niyyətindədir. Bunun üçün fərqli şirkətlərə məxsus vaksinin əldə etmək, eləcə də yerli istehsala başlamaq istiqamətində mühüm addımlar atılır.

0
Teqlər:
Türkiyə, Çin, Koronavirus, COVID-19, epidemiya, vaksinasiya, vaksin, Sinovac/Biothec