İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər

Prezidentin mədəniyyət xadimləri ilə görüşündən məxsusi gözləntilər

4033
(Yenilənib 15:11 10.03.2019)
Sənət həm sənətkara, həm dövlətə, həm də xalqa qazandırmalıdır

BAKI, 12 mart — Sputnik. Mart ayının 1-də Prezident İlham Əliyev bir sıra mədəniyyət və incəsənət xadimləri ilə görüş keçirib. Görüşdə xanəndələr, yazıçılar, rəssamlar, bəstəkarlar, rejissorlar, aktyorlar, aktrisalar və başqaları iştirak ediblər.

İlham Əliyev Azərbaycanın və SSRİ-nin Xalq rəssamı, Sosialist Əməyi Qəhrəmanı, Dövlət mükafatları laureatı Tahir Salahova 1-ci dərəcəli “Əmək” ordenini təqdim edib
© Official website of President of Azerbaijan Republic

Tədbir zamanı Anar, Firəngiz Əlizadə, Zeynəb Xanlarova, Hacı İsmayılov, Afaq Bəşirqızı, Şəfiqə Məmmədova, Mehriban Zəki, Tahir Salahov və digərləri çıxış ediblər. Tədbir Prezidentin açılış nitqi ilə başlayıb və yekun nitqi ilə başa çatıb.

Tədbirdə çıxış edənləri və onların səsləndirdikləri problemləri diqqətlə dinlədim. Əksəriyyət, sənət adamlarının maddi gəlirləri, ev problemləri, fəxri adlarla bağlı müxtəlif xahişlər etdi. Təkcə Xalq artisti Mehriban Zəki ümumi kino problemindən danışdı və kifayət qədər önəmli məsələlərə toxundu. Əslində, bu çıxışda Azərbaycanfilm Kinostudiyasının fəaliyyətsizliyi eyham olunurdu.

Xalq artisti Afaq Bəşirqızının çıxışı da teatr və gənc sənət adamları adına uğurlu çıxış idi. Ümumiyyətlə, Afaq xanımın bu çıxışında "Afaq Bəşirqızı tək deyil, biz özümüzdən sonra gələnləri fikiləşməliyik" deməsi gənc nəsildə Afaq xanıma xüsusi rəğbət hissi oyandırdı. Təəssüf ki, bu gün sənətkar kürsüsünə oturmuş əksər insanlar özündən sonrakı nəsli unudur və özlərini sonuncu hesab edirlər. Afaq Bəşirqızının nitqi və bu böyük addımı onların hamısına ibrət dərsi idi.

Çıxışları bir-bir təhlil etmək istəmirəm. Maraqlı olan ümumi nəticədir. Görüşdən sonra Musiqili Teatra və Rus Dram Teatrına "Akademik" statusu verildi. Bu, o deməkdir ki, hər iki teatrın kollektivinin maaşları artırıldı. Kino sektoruna 5 milyon manat, Mədəniyyət Nazirliyinə 1.8 milyon manat, Bakı şəhərində fəaliyyət göstərən hər bir teatra 200 min manat, bölgə teatrlarının hər birinə isə 100 min manat vəsait ayrıldı.

Bütün bunlar müsbət, xoş addımlardır. Amma biz ənənəvi problemlərimizdən xilas ola biləcəyikmi? Mədəniyyət Nazirliyinə ayrılan 1.8 milyon manat vəsaitin hara və necə xərclənməsinin hesabatı tələb olunacaqmı? Kinoya bundan əvvəl də pul ayrıldı, amma kino çəkilmədi. İndi ayrılan 5 milyon manat yüksək keyfiyyətli 5 film deməkdir. Bu, kinostudiyadan tələb olunmalı, hər bir qəpiyin hesabatı aparılmalıdır.

Ayrılan vəsaitlər nazirlik əməkdaşlarının, kinostudiya rəhbərliyinin, teatr direktorlarının var-dövlətlərinin artmasına deyil, mədəniyyətin inkişafına, sırvi mədəniyyət xadimlərinin maddi təminatını yüksəlməsinə təkan verməlidir. Təəssüf ki, indiyədək müşahidə etdiyimiz mənzərə bu mənada o qədər də ürəkaçan olmayıb.

Bütün bu halların baş verməməsi üçün ölkədə yeni sənət sistemi yaradılmalıdır. Yaradıcı peşələrin üstünə kiçik məmur idarəetməsi qoymaqla heç bir inkişafa vara bilməyəcəyik. Bu ölkədə bir aktyor truppa müdirinə tabedir, direktora tabedir, nazir müavinlərinə tabedir, nazirə tabedir və s.

Bu qədər tabeçilik altında heç bir yaradıcılıqdan söhbət gedə bilməz. Teatrlarda direktor dövlətə kassa hesabatı verən və teatrın texniki problemləri ilə maraqlanan adi bir fiqur olmalıdır. Bütün öhdəliklər, bütün səlahiyyət və məsuliyyətlər rejissorlara, aktyor və aktrisalara verilməlidir. Bu sistem illərdir ki, Avropada, Amerikada tətbiq olunur və onların mədəni inkişafı göz qabağındadır.

Bu, sadə, maraqlı və uğurlu sistemdir. Bu sistemlə sənət adamları heç bir məmur tabeçiliyində qalmır, səhərdən axşama qədər teatrda boş vaxt keçirmir. Məşqdən-məşqə teatra gəlir, digər saatlarda universitetlərdə, yaxud teatr və kino kurslarında dərs deyir, filmə, seriala çəkilir və s. Belə olan halda yaradıcılığı da məhsuldar olur, maddi gəlirləri də onu qane edir. İndiki halda isə teatr direktorlarının teatrda qurduğu sərt idarəetmə, səlahiyyətlərindən sui-istifadə ilə bu aktyorlar ayda iki tamaşa oynayıb teatr maaşı ilə dolanmaqla məhv olub gedirlər.

Oxşar sistem ədəbiyyat, rəssamlıq, musiqi, kino və digər sahələrə də tətbiq edilməlidir. Yalnız bu halda mədəniyyətə ayrılan vəsait o mədəniyyətin dəyərini bilən, o sənətin özünü bilən usta adamların əlinə düşər və sənət adına qəpiyinə qədər xərclənər. Bəhrəsini də həm dövlət, həm xalq, həm də sənətkar görəcək.

Diqqətimi çəkən digər bir məqam da o oldu ki, görüşdə iştirak edən adamların əksəriyyəti yaşlı sənətkarlar idi. Bunu, haradasa anlamaq olar. İllərdir bu sənətə can qoyan o adamlar qala-qala birdən-birə gənc nəsillə maraqlanmaq doğru da olmazdı. Amma mən çox istərdim ki, növbəti görüş gənc mədəniyyət adamları ilə keçirilsin və artıq ümumi sistemdə müasir dünyaya uyğun köklü dəyişiklik üçün onların fikirləri öyrənilsin.

Bu ənənəvi titul, status, fəxri ad, ev, maaş söhbətləri tarixin qaranlıqlarına gömülməlidir. Sənət həm sənətkara, həm dövlətə, həm də xalqa qazandırmalıdır. İncəsənət kifayət qədər nəhəng və yüksək gəlirli biznesdir. Lakin bunu sənətin bütün dərinliklərini bilən, müasir dünyadan anlayışı olan, zamanla ayaqlaşmağı bacaran, yeni fikirlərə açıq əsl sənət adamları etməlidir. Nazirdən, nazir müavinindən, direktordan sənət qədri bilən olmaz!

Orxan Bahadırsoy

4033
Teqlər:
kino, teatr, aktyor, xalq, dövlət, incəsənət xadimləri, mədəniyyət, görüş, nazir, prezident
Əlaqədar
Azərbaycan prezidenti mədəniyyət xadimlərinə fəxri adlar verib
Prezident məşhur mədəniyyət xadimini təltif edib
Prezidentin mesajından doğan ümid və ya mədəniyyət sahəsində vacib islahatlar
Azərbaycan Prezidenti: “Göstərdik ki, İslam mədəniyyət dinidir"
Könül Kərimova

Azərbaycanlı müğənni Rusiyada biznes qurdu - VİDEO

7
(Yenilənib 12:58 21.04.2021)
Orada toylara gedən K.Kərimova özünə kiçik iş də qurub. Belə ki, Kərimova xına evi açıb. O, təkcə toy və xına aparıcılığı ilə yox, məclislərin dekorasiyası ilə də məşğul olacaq.

BAKI, 21 aprel — Sputnik. Əməkdar artist Könül Kərimova Rusiyada biznes qurub.

Sputnik Azərbaycan xəbər verir ki, müğənni Azərbaycanda toyların keçirilməsinə müvəqqəti qadağa qoyulduğu üçün uzun müddətdir Rusiyada yaşayır və çalışır.

Orada toylara gedən K.Kərimova özünə kiçik iş də qurub. Belə ki, Kərimova xına evi açıb. O, təkcə toy və xına aparıcılığı ilə yox, məclislərin dekorasiyası ilə də məşğul olacaq.

7
Oleksandr Yakimets

Müslümlə Rəşiddən ilhamlanan ukraynalı müğənni Bakını ziyarət etmək arzusundadır - VİDEO

1838
(Yenilənib 21:16 20.04.2021)
Ukraynalı müğənni Oleksandr Yakimets nəinki yaşlı nəsil Azərbaycan müğənnilərinin, həmçinin gənc müğənnilərimizin də mahnılarını ifa edir.

BAKI, 20 aprel — Sputnik, Kəmalə Əliyeva. Azərbaycanın əfsanəvi müğənniləri olan Rəşid Behbudov və Müslüm Maqomayev müxtəlif ölkələrdən olan ifaçılar üçün nümunə olaraq qalır. Onlardan biri də ukraynalı müğənni, bir çox beynəlxalq müsabiqələrin qalibi Oleksandr Yakimets nəinki korifey sənətkarların repertuarından mahnıları ifa edir, həmçinin görkəmli Azərbaycan vokalçılarının xatirəsinə həsr olunmuş tədbirlər də keçirir.

Əslən Ukraynanın Dnepropetrovsk vilayətindən olan Oleksandr Yakimets Qlinka adına Dnepr musiqi məktəbinin "Akademik ifaçılıq" fakültəsini bitirərək əvvəlcə kiçik mütəxəssis, daha sonra bakalavr və magistr diplomuna yiyələnib. Dnepr Estrada Teatrının bədii rəhbəri olan Yakimets həm də şəhər 1 saylı musiqi məktəbində gənc nəslin yetişdirilməsi ilə məşğuldur.

Öz doğma şəhərində tez-tez Müslüm Maqomayev və Rəşid Behbudovun xatirəsinə konsertlər təşkil edən müğənni nə vaxtsa Bakını ziyarət etmək arzusundadır.

"Öz peşəsinin vurğunu olan bir insan kimi mənim üçün yeni-yeni musiqi yaradıcılıqlarını, xüsusilə də vokal yaradıcılığını kəşf etmək maraqlıdır. Bununla əlaqədar olaraq mən bir çox azərbaycanlı ifaçıların – Müslüm Maqomayev, Bülbül, Sona Aslanova və Rəşid Behbudovun yaradıcılığı ilə maraqlanmışam. Onların hər biri böyük şəxsiyyətdir", - deyə Yakimets Sputnik Azərbaycan-a müsahibəsində bildirib.

Müğənninin sözlərinə görə, Azərbaycanın musiqi irsi çox zəngindir. İfaçı dahi Azərbaycan bəstəkarı Üzeyir Hacıbəyovun 1913-cü ildə qələmə aldığı "Arşın mal alan" operettasını çox sevir. Belə ki, hələ tələbəlik illərində Yakimets operettaya dəfələrlə tamaşa edib və təkcə musiqiyə, yumora deyil, həmçinin operettada baş rolu ifa edən Rəşid Behbudovun səsinə də valeh olub.

"Bir tenor kimi mən Rəşid Behbudovun unikal, lirik səsinin gözəlliyini, yüngüllüyünü qiymətləndirməyə bilməzdim. Mən o zaman heç düşünməzdim ki, vaxt gələcək və 2016-cı ildə, elə bu məşhur müğənninin yüz illiyində onun və Müslüm Maqomayevin xatirəsinə Dnepr şəhərində konsert keçirəcəyəm. Həmin tədbir çox yüksək səviyyədə keçdi. Maqomayevi bütün dünya tanıyır. Rəşid Behbudov isə haqsızcasına yaddan çıxarılıb. Lakin "İlk sevgi mahnısı", "Sevgilim", "Dağ yolları ilə", "Qeyri-adi gözlər" kompozisiyalarını unutmaq mümkün deyil. Buna görə də ideya və imkan yaranan kimi biz Dnepr estrada teatrının kollektivi ilə birlikdə maksimum gücümüzü səfərbər edərək Dnepr şəhər sakinlərinə bu cür möhtəşəm musiqidən gözəl təəssürat əldə etmək imkanı yaratdıq", - deyə Yakimets bildirib.

Müğənni qeyd edib ki, öz konsertlərində nəinki "Sevgilim", "Qeyri-adi gözlər", "Bir qıza rast gəldim" kompozisiyalarını tez-tez ifa edir, həm də teatrda qoyulan musiqili səhnəciklərdə də onlardan istifadə edir.

Əfsanəvi Azərbaycan müğənnilərindən başqa, Yakimets cavan nəslin mümayəndələri, məsələn, Əzizə Mustafazadə, Emin Ağalarov, Samir Cavadzadə, Səbinə Babayevanın da yaradıcılığı ilə tanışdır.

"Mən zamanla ayaqlaşan insanam. Lakin mənə elə gəlir ki, əvvəlki estrada indikindən bir addım irəlidə olub. Mən nümunə gətirib müasir estrada müğənnilərini müqayisə etməyəcəyəm. Əlbəttə, yaxşı mahnılar var. Amma XX əsrin estradası əbədi yaşayacaq. Onda hər şey - poeziya, ahəngdarlıq, ruh, melodiya və digər başqa müsbət cəhətlər var. Hər bir mahnı öz-özlüyündə bir şedevrdir. Hər bir kompozisiya bir mini-tamaşadır və möhtəşəm özünüifadə tərzidir", - deyə Yakimets bildirib.

Müğənni hələ ki, Bakıda olmadığını bildirib. Onun sözlərinə görə, uzaq 2016-cı ildə öz həmkarı ilə birlikdə R.Behbudov və M.Maqomayevin xatirəsinə həsr olunmuş konserti "Bakı, şəhərim mənim" mahnısı ilə başlayıb və hesab edir ki, məhz bu kompozisiya Azərbaycan paytaxtını tam tərənnüm edir.

Oleksandr Bakını ziyarət etmək və buradakı dostları ilə görüşmək arzusundadır.

1838
Teqlər:
musiqi, Azərbaycan, video, səfər, Bakı, tenor, Müslüm Maqomayev, Rəşid Behbudov, Ukrayna, müğənni
Xəstəxana

Onkoloji xəstəlikdən əziyyət çəkən Xalq artisti əməliyyat olunub

0
"Bu gün əməliyyat olundu. Xəstəlik ona əziyyət versə də, bu haqda heç kimə bildirməyib. Şükür ki, vəziyyəti yaxşıdır"

BAKI, 21 aprel — Sputnik. Xərçəngdən əziyyət çəkən Xalq artisti Ağadadaş Ağayev bu gün Türkiyədə əməliyyat olunub.

Bu barədə Sputnik Azərbaycan-a məlumat verən müğənninin oğlu Səbuhi Ağayevin sözlərinə görə, müğənni bir müddətdir onkoloji xəstəliklə mübarizə aparır: "Atam iki aydır ki, Türkiyədədir. Bu gün əməliyyat olundu. Xəstəlik ona əziyyət versə də, bu haqda heç kimə bildirməyib. Şükür ki, vəziyyəti yaxşıdır".

0