Emin Ağalarov

Emin Ağalarov gündəm xəbərə aydınlıq gətirdi: "İstintaq bitənədək zəmanət yoxdur"

8517
(Yenilənib 15:42 24.01.2019)
Xalq artistindən Sputnik Azərbaycan-a özəl açıqlama: "Mənin adım heç bir sanksiya siyahısında yoxdur və ora heç vaxt düşməmişəm"

Kəmalə Əliyeva, Sputnik Azərbaycan

BAKI, 24 yanvar — Sputnik. ABŞ hökuməti Azərbaycanın Xalq artisti Emin Ağalarovun öz ərazisində sərbəst hərəkətinə və istintaqın sonuna qədər orada qalmasına zəmanət verməyib. Müğənni Sputnik Azərbaycan-a eksklüziv açıqlamasında ABŞ-a konsert turunu təxirə salma səbəbinin bununla bağlı olduğunu etiraf edib.

"Mənin adım heç bir sanksiya siyahısında yoxdur və ora heç vaxt düşməmişəm. Amerikaya getməməyimin və səfərimi təxirə salmağımın yeganə səbəbi Amerika hökumətinin mənim sərbəst giriş-çıxışıma və istintaqın bitməsinə qədər onun ərazisində qalmağına heç bir zəmanət verməməsidir. Bu, ilyarım, yaxud da daha artıq çəkə bilərdi" - deyə müğənni etiraf edib.

Xalq artisti risk etmək istəməyib, çünki onun 2019-cu ildə həddindən çox öhdəlikləri var: 50 konsert, Bakı və Dubayda beynəlxalq "JARA" musiqi festivalı, "JARA" musiqi mükafatlarının verilməsi. Bütün bunlar, Ağalarovun sözlərinə görə, onun irihəcmli biznes planlarıdır. Ən əsası isə, onun dörd uşağı var və onların qayğısına qalmaq lazımdır.

ABŞ-a növbəti konsert turu barədə isə müğənni deyib ki, heç nə ondan asılı deyil: "Biz konsertləri hələlik sadəcə təxirə salmışıq və tezliklə yeni tarixi açıqlayacağıq. Üstəlik, konsert verəcəyimiz şəhərlərin sayını da artıracağıq ki, ABŞ-a daha zəngin səfər proqramı ilə qayıdaq".

Müğənninin musiqi turuna görə maddi itkiləri 500 min dollardır. Ağalarovun ilk konserti yanvarın 26-da Nyu Yorkda, sonrakı konsertləri isə Toronto, Mayami və Los-Ancelesdə keçirilməli idi.

Xatırladaq ki, bir müddət əvvəl yayılan məlumatlara görə, ABŞ-ın xüsusi prokuroru Robert Müller müğənnini sorğuya çəkmək istəyir. Onu 2016-cı ilin iyununda "Trump Tower"-də keçirilən görüşün detalları maraqlandırır. Emin Ağalarov Donald Trampın oğlu ilə ABŞ-ın "Kremlə yaxın" saydığı rusiyalı vəkil Nataliya Veselnitskaya arasında görüşün təşkilində iştirak edib. Görüş Trampın seçki kampaniyasının qızğın vaxtında keçirilib.

Emin Ağalarov "World Music Awards", "Azərbaycandan olan ən yaxşı ifaçı", "Qızıl qrammafon", "MUZ-TV Mükafatı" və bir çox digər beynəlxalq mükafatların laureatıdır. Müxtəlif ölkələrdə konsertlərlə çıxış edir. Müğənninin musiqi daxılında doqquz ingilisdilli albom, Warner Music və Sony ATV Music Publishing kimi aparıcı şirkətlərlə müqavilə də var. Ağalarov, həmçinin Qriqori Leps və Sergey Kojevnikovla birlikdə hər il Bakıda keçirilən "Jara" beynəlxalq musiqi festivalının təşkilatçısıdır.

2018-ci ilin son saatlarında "Crocus" imperiyasının varisi olan Emin Ağalarovun rusiyalı model Alyona Qavrilova ilə evlilikdən qızı dünyaya gəlib. Körpəni qədim yunan mifologiyasındakı hərb, zəfər, eləcə də müdriklik, bilik, incəsənət və sənətkarlıq ilahəsinin şərəfinə Afina adlandırıblar.

Müğənni 2015-ci ildə Azərbaycan Prezidenti İlham Əliyevin qızı Leyla Əliyeva ilə evliliyinə rəsmən son verib. Ağalarovla Əliyevanın Əli və Mikayıl adında əkiz oğlanları və övladlığa götürdükləri Əminə adlı qızları var.

8517
Teqlər:
sanksiya, konsert, təxir, səfər, Emin Ağalarov, xalq artisti, ABŞ
Əlaqədar
Emin məşhur fləşmobun qəhrəmanı oldu
Emin: “Hər bir azərbaycanlı dəstəyimə ümid edə bilər”
Sevgi etirafı və selfi: Emin Bakıda konsert verdi
Emin Ağalarov yeni dünyaya gələn övladına nadir ad verib
Corc Kluni, arxiv şəkli

Corc Kluni şeytandır?

18
(Yenilənib 10:51 25.11.2020)
"Qəzetlər yazırdı: Şeytan! Corc Kulini şeytandır!"- deyən aktyor bildirib ki, o, bundan sonra Bred Pittdən qisasını alıb.

BAKI, 25 noyabr — Sputnik. Amerikalı aktyor Corc Kluni GQ jurnalına müsahibəsi zamanı "Ouşenin 12 dostu" filminin çəkilişləri zamanı baş verən kuryoz hadisədən danışıb.

Sputnik Azərbaycan xarici mətbuata istinadla xəbər verir ki, filmin bəzi hissələri aktyorun bir neçə il yaşadığı İtaliyada, Komoda çəkilib. Onun sözlərinə görə, filmdə rol alan Bred Pitt şəhərə Kluni ilə "xüsusi" davranmağa çağıran vərəqələr yerləşdirərək, yerli sakinlərə mesaj verib.

"Xahiş edirəm, Corc Kluni ilə filmdəki Denni Ouşen kimi davranın və onun gözlərinə baxmayın", - divara yapışdırılmış məktublarda yazılıb.

Bu zaman həmin mesaja yerli KİV xüsusi reaksiya göstərib.

"Qəzetlər yazırdı: Şeytan! Corc Kluni şeytandır!"- deyən aktyor bildirib ki, o, bundan sonra Bred Pittdən qisasını alıb.

Xatırladaq ki, rejissor Stiven Soderberqin çəkdiyi "Ouşenin 12 dostu" filmi 2004-cü illərdə ekranlaşdırılıb.

Filmdə Corc Kluni və Bred Pittlə yanaşı, Mett Deymon, Ketrin Zeta-Cons, Culya Roberts, Vensan Kassel rol alıblar.

18
Teqlər:
çəkiliş, film, Bred Pitt, amerikalı aktyor Corc Kluni
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

36
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

36
Teqlər:
Azərbaycan mətbəxi, "Master Chef", tv, Azərbaycan, Türkiyə

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0